مو معقول ما بصدق ، شو عم تحكي أنت ، لك سماع شو عم يحكي ( محاولة للحصول على الدعم من طرف ثالث )

هه منين جايب هالحكي ، مع احترامي ألك أنت عم تخبص

- عم خبص ، أنت اللي عم تخبص

- أنا (بقول الطرف الثالث اللي ما دخلو  )

لأ  مو أنت ،  أنت ما دخلك

 -  أنا ما دخلني ( يقول الطرف الثالث اللي عن جد ما دخلو)  أنا اللي دخلني ، أنا اللي دخلني و خرجني ، كيف بتقول مادخلني بالفعل أنك شخص غير محترم

 - أنا مو محترم ياعيب الشوم عليك ما توقعتك متلو

 - متلو يعني أنا ( الطرف الأول )  

- أي أنت ( يرد الطرف الثاني للمشكلة ) لا هالكلام ما بينسكت عنو ، ما بينسكت عنو منوب ( الطرف الثالث مؤيداً )

فجأة يدخل شخص رابع (و هو على الأرجح اللاعب الرابع في لعبة الشدة التي كانت على الأرحج  سبب الاجتماع )

شو شبكم معصبين صوتكم وصلان لأخر الدنيي ، نحنا (طرفي المشكلة ) ، لأ ما في شي مهم كنا عم نحكي بموضوع و احتد النقاش بيناتنا نحنا التنين ،

و حتى هو  فات معنا بالحوار مع أنو ما دخلو ( في إشارة إلى الطرف الثالث )،

 أي وشو الموضوع ، أي موضوع، اللي اختلفتو مشانو ، أه ( أطراف المشكلة)

 أي شو بدك بالموضوع ،  أي ، لا ،  نسينا شو راسنا كومبيوتر ،  وضحكوا كلن سوا بما فيهم الطرف الثالث .

 و انتهى اللقاء وعاد الجميع إلى منازلهم ، وظلت المشكلة و ظل  سببها  غامضاً ،  و الشيء الوحيد الذي تمكنا من معرفته هو أن ما ذكر ،  قد حدث في سوريا .

https://www.facebook.com/you.write.syrianews