بعد طول غياب رجعت و مشيت بحارتنا القديمة
لساعتني حافظ كل دخاريشا
حتى الدكاكين متل ما هي بس غير وجوه
و دورت على شجرة كينا كنا نلعب تحتا و نحنا صغار

قالو البلدية قصتا لأنو جذورها خربت الطريق
حتى الشجر ما عاد حتى متحملو
مو يمكن كانت عم تمد جذرها لتسلم على الناس اللي بتحبهن
ووقفت مطرح ما كنا نلتقي و ضيفك علكة او قضامة بسكر

و تسأليني ليش مبارح ما وقفت تحت شباكي
كتير اشتقتلك بس بدي شوفك و شوف اللهفة بعيونك علي
و مشيت و رجعت وقفت قدام باب مسكر و مهجور
و شباك فوقو معشعش عليه العنكبوت

و برداية طالعة منو تحكي قصص و سنين
وولاد بالحارة عم يلعبو
و ريحة طبخ من بيت الجيران
و فية النارنج و الكباد

و ياسمين أبيض متل توب العرس
تاري الوطن مو بواب و حيطان
الوطن أنت و أنا و حكاية النسيان

https://www.facebook.com/you.write.syrianews