المشكلة انه نحنا مناخود منهم النتيجة ...الشكل...او الثمرة من دون ما نسأل كيف وصلوا إلها أو كيف تغييروا و تطوروا لحتى صاروا هيك هنن كمان عندهم ماضي بيرجعوا اله بيتذكروا وبيبكوا عليه بس بيعرفوا تماما إنه مرح يغيير شيء بحاضرهم لأن المستقبل هوي الاساس و نحنا دايما عايشين للمستقبل  ......الفرق بيناتنا بضل إنه بالغرب لما تكسر الشكل بتلاقي فكر  و بتشوف أخلاق حلوة و إحترام أما عند العرب بس تكسر الشكل الله يستر شو بيطلع لأن الشكل بيبقى ملزق تلزيق عليهم ليخبوا شيء وراه و إلا لما كان في قيمة للمظاهر اللي عايشينها بحياتنا.....

هاد انتقاد إيه يمكن؟.... بس هوي أول شيء اننقاد  موجه للذات..... إنتقاد لقيمة الوقت اللي منضيعه بالصور و الذكريات، انتقاد لقيمة الإنسان اللي منشتري و منبيعه بلقمة عيشه، إنتقاد للعقول اللي منسرقها و منحرقها بإسم الدين اللي بكون أحيانا مجموعة من الأفكار الشفهية و الأفعال الغيبية، إنتقاد للكذب و المراوغة على الأشخاص اللي بيصدقوا معنا بإسم الشطارة و الحربقة، انتقاد للعيلة اللي بتتفكك عند أول مطب، إنتقاد للصحبة اللي بتتلاشى بعد أول فراق، و بالاخير منرفع شعارات بتقول : "نحن العرب علمنا العالم الحضارة" ...... بس كأنه حرف الضاد ما إجا بمحله .

https://www.facebook.com/you.write.syrianews