يا ريت كل إنسان           يأمن لحالوا عمل

و تأمين صحي إلو          يحيي بنفسه الأمل

يا ريت علم ودرس          من غير استغلال

يا ريت بيت وسكن          يمنحني استقلال

يا ريت ملعب للولد          أخضر هواه نضيف

يا ريت رحلة بالشهر        عالبحر أو عالريف

يا ريت عيدي فرح          وتياب و غناني

من غير هم وقلق            من غير ما عاني

يا ريت شارع حارتي       واسع حلو مرتب

وأنت وأنا أحباب            وحوارنا مؤدب

يا ناس هم الكبر             عامل قلق فيني

وراتب تقاعد إلي            يا ريت يكفيني

وآخر حياتي كون           اطمأنت عا ولادي

وموت وضميري يكون      مرتاح يا سيادي