لك يا عمي حلو الاهتمام بالشكل و الترتيب و الأناقة و و النظافة نحن الشباب منحب هالشي بس صدقو أو لا تصدقو
يا صبايا نحن ما منحب الدهان ع الوش و الحواجب الوشم و و الألوان المجلغمة على خلقة البنت عم تطلعو متل المهرج .. و الله شي بقرف يعني... العمى بحط الواحد ايدو ع وش خطيبتو بتغطس بمواد كيماوية و يتختفي و يمكن دوب
لا البنات و لا يمكن حتى المصنعين بيعرفو من شو مصنوعة... لك عم يضحكو عليكن و الله...
البنت السورية ما في احلى منا !
بس لو تخفف من هالمكياجات العجيبة .. و اهم شي الحواجب .. لك بتشيلو الطبيعي و بتحطو وشم ... بيطلع منظرا للبنت متل الساحرة الشريرة البشعة المقرفة... هي غير كريمات الكذب بالبشرة و السلبة ع التجاعيد و السرطانات
يلي بتجي مغلفة بأجمل العلب و أغلى الأسعار.. مزبوط بينضرب الاقتصاد اذا بتبطلو تشترو هالمواد ...
بس منطور رومنسياً بالبلد صدقوني .. مو البنات بيهمن الحب اكتر من المادة؟
بكيبورد محمد الغارق في مكياجات خطيبتو
انا لاني ما بحط مكياج يالطريق ولاني بخاف من الله .. ما عم اعجب حدا لما يكون عنا شوفة ... تخيل يا رعاك الله هههههههههه شباب اخر زمن
انا معك بموضوع المكياج ولازم البنت تكون حذرة وحريصة باستخدامه..بس متل ما حكى "أسامة" لازم نحترم مشاعر الآخرين وما بصير هاد الكلام الجارح ..تعليق أسامة كتير حلو..شكرا الك..ولازم نتعلم الأخلاق واحترام الآخرين قبل ما ننتقد...
أنا معك بأنه المكياج أحيانا بيكون غير طبيعي و يشوه أكثر مما يجمّل، ولكن من يضعن المكياج فانهن يضعنه من أجل ارضاء ذاتهن أولا و ليس ارضاء للآخرين .. وهذه مناسبة لتبدأ مع من تحب و تنصحها إن كان الأمر يضايقك كثيرا .
البنات عنا كيف بتتمكيج ؟ بياض فاحش بالوجه، احمر فاقع عالشفايف، احمر وردي عالخدود، ازرق كاحت فوق العين، تادااا .. طلع معك مهرج .. وبتكمل كمان اذا كانت متحجبة وبتحط حجاب فيو دناديش ولا كشاكيش وعم يلمع، وملون وزهري واحمر واخضر، المشكلة بالزوق يا صديقي، زوق البنات عنا بالمكياج سيء، ما بعرفوا انه في مدارس خصوصي لتعليم المكياج والجمال.
كان ممكن توصل وجهة نظرك بطريقة فيها ذوق اكتر من هيك
بخصوص المكياج وآراءهم عجبتني والكاتب حكى شغلة مهمة وهي:بيشيلو الحواجب الطبيعية وبيحطوا وشم! لك حدا براسو عقل بيعمل هيك؟!متل يلي عم تقص شعر راسها عالصفر وتحط باروكة,وفي معلومة مؤكدة:كل ما بتشيل شعرة من حاجبا بتخرّب عصب حسي بدماغها!اما المكياج المكثف بالذات البودرة وحمرة الخدود بتصيب البشرة بالجفاف وبتخلف تجاعيد مبكرة,ويلي مضطرة تحط وبشرتها تعبانة تستعمل كريم مغزي للبشرة وبوصفة طبية,عنجد بقرف من المكياج وبالذات بالصالونات بيستعملوه لكل الوجوه!
للأخ الكاتب وبعض المعلقين: كم جرحتم من مشاعر بهذه التعليقات والعبارات الجارحة ؟ هل يقال للفتاة ( بتقرف ، بشعة .. ) صدقوا حين قالوا : الكلمة كالسهم .. ألا يمكن أن تناقشوا الموضوع بطريقة غير جارحة ؟ كثير من الفتيات لم يرزقهن الله جمالاً صارخاً فهل تقبل أي فتاة في العالم أن تقال عنها هذه الأوصاف أو تنزلها على نفسها ؟ كان عمي يردد على مسامعنا دائماً عبارة : الحياة ذوق ، وفعلاً الحمد لله على نعمة الذوق .. وخاصة في اختيار الكلمة ومراعاة المشاعر .. ودمتم ..
برأيي أجمل مكياج هو الذي لا تعرف أن الفتاة تضعه, والذي يخفي العيوب فقط, أما ألوان قوس قزح فهي بشعة
ياسيدي مازاد عن حده انقلب الى ضده،وشكراً للكاتب .وفي مثل ثاني :اجت لتكحلها عمتها.
فيه شباب بيحبو المكياج وفيه شباب بيكرهوه كتير وفي قسمين من البنات بنات حليوات بدون مكياج وشو ما حطو بيلبقلن وبنات شو ما عملو بيضلو بشعات والمكياج بيبشعن بزيادة لانو (لا يصلح العطار ما افسده الدهر)وبالنسبة للمكياج مخاطرو كتيرة واهمها الشيخوخة المبكرة للبشرة بعرف بنت عمرا هلق 27 ما بتستعمل المكياج نهائيا واسم الله عليا فلقة قمر وبشرتا متل الطفل بينما رفقاتا صارو محفرين عايفين التنكة من كتر المكياج ---- اذا كانت البنت حلوة فشوية مكياج خفيف بيرزو جمالا هي نصيحة
انا مستحيل اتزوج وحدة كاشفة عن وشها بقا كيف اذا بتحط مكياج لك بقرف منا
يعني احترنا فيكم والله اذا حطينا ماكياج بنكون حلوين بس ياريت نخففو و اذا ما حطينا ما حدا بيقيمنا من ارضنا!! لك والله هيداك اليوم بالشغل ما حطيت ماكياج فكروني مريضة و ما حدا قامني من ارضي مع اني و بكل بساطة رائعة الجمال والكل راكد وراي و كل للبنات بيقول نفس الحكي و حياتك ، الشباب ما بيعرفو شو بدهم .. يمكن منشان هيك البنات عم تتجه للشواذ الجنسي لانو ما بقى في رجال بهالدنيا
لك يا زميل والله والله والله أنكم نقاقين إذا حطينا بتقولوا{أيمي من وجهك فوراْ} وإذا ما حطينا{لك حطيلك شوية مكياج على وجهك}أصلاْ مو الحق عليكم والله البنات لازم تأطرب لشوف شوبدكم تعملوا بلانا
يا سيدي كلامك تمام بس المشكلة بدها شويةزوق بطريقة التعبير يعني يا زلمة زودتا بس أنا معك بالفكرة مية بالمية
معك حق....
عدم المؤاخذة انت ليش لحتى تحط ايدك على وجه خطيبتك؟؟ وبالنسبة للموضوع اللي طرحتو أنا معك وضد المكياج.
برايي البنت وقت بتعرف حالهاحلوة بتحط شي بسيط يزيدجمالهاويرضيهاقبل مايرضي الناس والي حولهاالمهم تكون واثقة من حالها انهاحلوة وليدي وكل مين من حولها اله رايه واهتمامه...المهم ترضي حالها اولا بعدين الناس..