في ذلك اليوم المشؤوم السادس من أيلول كنت جالسا بالقهوة العب التريكس مع رفقاتي ..رفاق السوء ...احتفالا مع نفسي بقضاء يوم أخر من رمضان
دون ارتكاب معصية تضاف لرصيدي من السيئات وتزيد من فرصي بلقاء أبو لهب
وأنا بين أصدقائي..رفاق السوء العب التريكس وأتناول المشروبات الكحولية..إذ يعلو صوت الموبايل
قلت : الووو فإذا بصوت الحجة تقول لي أن الوقت تأخر ويجب أن ارجع.
ولكن لم استطع الذهاب فقد وعدت أصدقائي بدق شدة نعوض خسارتنا السابقة
المهم ...بعد ما خلصت الموضوع توجهت للبيت حوالي الساعة الثالثة صباحا
و دقيت الباب وقلت :فتحيلي ماما!!!
وإذ بصوت الوالدة تقول لي : روح ولاك الله يغضب عليك أنت مو ابني روح رجاع للخمارة إلي جيت منها....
تمالكت أعصابي وقلت بصوت مليء بالغيظ ...عم قلك :فتحي يا حجة ...
وإذ بوالدتي تشتمني بألفاظ نابية وتقول لي: تبا لك روح ولااااك....
فما كان مني إلا أن كسرت مزلاج الباب ودخلت إلى المنزل عنوة وقلت لوالدتي :مو أنا إلي ما بينفتحلو الباب...
وأخرجت مسدسي وأفرغت طلقتين واحدة في صدغها والأخرى في مابين عيونها.
وهنا رأيت شبح أبي يأتي من غرفة النوم وبيديه شبشب منزلي ظنا منه إنني سأخاف من شبشبه.
وحين رأى جثة أمي ملطخة بالدماء سقط الشبشب من يده ورجع خائفا إلى غرفته.
وأنا هنا لحقته إلى غرفته وعالجته بطلقتين.
وهنا على صوت المؤذن بآذان الفجر
فما كان مني إلا أن توضأت وتسحرت لقمتين وصليت وبعد فراغي من الصلاة تفاجأت إنني خلال السكرة قد قتلت أمي وأبي فما كان مني إل سقطت بجانبهما وأجهشت بالبكاء وأخرجت مسدسي لأنهي حياتي
فما كان إلا أن سمعت صوت الشرطي يقول لي ...عبود توقف مو هيك بتنحل القصة
لقد سمعنا صوت الطلقات ولقد جئنا من اجل ألا تفاقم الأمور
هات أيدك حبيبي
وفي صباح اليوم التالي تفاجأت موبايلي يرن ويدندن...شخبط شخابيط لخبط لخابيط مسك الألوان ورسم عالحيط
وإذ بصديقتي أسماء ترن لي فتجاهلت اتصالها ونهضت لأغسل وجهي بالماء البارد
وإذ لمحت أمي تصلي من غرفتها ووالدي يتابع برنامج وثائقي على التلفزيون
وحينها حمدت الله إنني كنت احلم لا أكثر ولا اقل...........
ومسكت موبايلي وتحدثت مع أسماء فأصبحت تثرثر نصف ساعة وأنا أفكر بنعمة الأم والأب وكيف ستصبح الحياة صعبة بدونهما وبينما أسماء تبوح لي بمكنونات صدرها أغلقت الهاتف بوجهها وتوجهت لأمي وأصبحت اقبل يديها الطاهرتين وأنا أقول الحمد لله
صديقي عبود يسلم دياتك قصة بغاية الروعة انا بدي اقلك شغلة وحدة بس انا وسامح اخوات وبس وكل شي عم تفكر فيه مو صحيح نسيت كيف كنت تشتريلي منقوشة وتطعميني ياها بأيدك وكيف تلملم فرافيط الزعتر الي تنزل على كنزتي بتمك نسيت كل هدول بترجاك تعيد النظر بصداتنا لأنو انا محتاجة الك بهالفترة هي
اول مرة بقرأ هيك قصة اكشن يسلم دياتك يا ابن الكرام ياعبود بيك تبقا ادعمنا بجزء تاني
frozenash شكرا حبيب كلك زوق..سابين..الي انكسر صعب تصليحو وكبريها بتكبر صغريها بتصغر والباب الي بيجيك منو ريح سدو وستريح...زوركوف..صراحة انا تقصدت ماارد على باقي تعليقك مشان مااطور القصة صدقني سمسومة اختي الكبيرة الي بفتخر فيها وانا دائما بقلها انا اخوكي الصغير بس بسبب تعليقك الي ياريت مابعتو زعلت مني انا دائما بحكي معها وباخد رأيها بشغلات كتير هي فعلا اكبر مني بعشر شهور وهي اختي الكبيرة بكل معنى الكلمة...شكرا الك بعرف من حسن نية انت قلتها
إلى السيد المحترم زوركوف...أول شي أنا كنت من أشد المعجبين بتعليقاتك ونقدك الحر،وأتابع تعليقاتك دائماً،فحبيت هالمرة وضحكلك أنه ذكر اسمي بمساهمة السيد عبود ما كان ذكر لمحبوبة متل ما حضرتك فهمت،أنا كنت أعتبر عبود متل أخيرالصغير لأنه هو أصغر مني بسنة تقريباً،يعني أخي الصغير بكل معنى الكلمة،بس للأسف هوما اعتبرني أخته الكبيرة،ولا حط احترام لهالشي،صديقي وأخي الغالي هادي بأكدلك أنه أنا ما قرأت المساهمة وقت كان فيها اسمي وتأكد لو عرفت فيهااسمي ماكنت قبلت ينشرها قبل ما يحذف اسمي منها،بس وله في خلقه شؤون..
اي شو هالعبووووووووود هاد!!!!
صديقتي الي بحبها كتير الحمامة انا كانت قناعتي انو الحمام للشوي وبس ...بس بعد ماتعرفت عليكي وقرأت اشعارك وخواطرك صرت احب الحمام كتير وخليت بابا يوعدني انو اذا تخرجت يجبلي جوزين حمام مشان اصير حميماتي عالمي ونتلاقي شي نهار والله بحبك كتير ورأيك مهم عندي كتير وانت مافي منك ...انت احلى طيرة بالموقع وبتنحطي على الراس ولازم كلنا نخصص حيز لأبداعاتك وبس ...شكرا
صديقي هادي شو رأيك انو انا مابعتت المساهمة الا وكانت اسماء قارئتها بقا رجاءا حاج مزاودات ...مابعرف ليش حاسك غرت من كم المعجبات تبعاتي وانو من اول مساهمة صار عندي شعبية هيك بدي اتشكر مدام جهينة ومدام عبورة ومدام سابين والآنسة اسماء على وقفتون بجانبي ..وبرأيي تروح تدبرلك شي لقاء مع ابو فرزت مع انو مابحب الأضواء واللقائات ورح تتعذب لتحسن تقابلو
اول حرفين مشتركين بيناتنا ونحن التنين بنحب المخلل جد شكرا الك عبورة تفاجأت بتعليقك توقعت اخر اهتماماتك انا ومساهماتي عكل حال بدي ياكي تكوني عبير ميتشل لأنو البنت زعلانة وباعتة اوفلاينات غضب وتهديد بقطع العلاقات وتحويل القضية للأمانة العامة للسماسيم المتحدة بدمشق
دائما بنظرلكم انتو المتأمريكين بناس فايتين بالحيط بس جد حبيتك كتير وانت مزوقة وحبابة ومافي منك واسمك حلو كتير عربي قومي عراسي حارتك ياجوجو الله يطول بعمرك ويديمك ذخر للكتاب المبتدئين انت من الناس الي كنت رح ازعل لو ماشفت تعليقون بغض النظر اذا كان تعليكون ايجابي ولا سلبي متل بعض اصدقاء
ياابني رعبتني لحتى عرفت انه منام بس انا قلت عبود ما بيعملها وبعدين حدا بيصحله يحكي مع الأميرة أسماء وبيسكر عكل مساهمتك لطيفة بتمنالك التوفيق
مافهمت شو قصدك بكل هل قصة شو نسيت حكيك عبود أنو ما نكتب لمجرد الكتابة بعدين ما حبيت النهاية أبد لأن فيها تجريح لأختي وصديقتي الغالية ً وتقبل رأي متل ما أنا تقبلت تجريحك وشكرا
صديقي العزيز عبود خيال خصب جدا ويكترخير الله يلي طلع منام لأنو كان راح ثواب لعبك بالشدة والشرب يعني البرتية يلي غلبت حالك لتربحابتمنالك التوفيق والنجاح يالجامعة وبالحياة بشكل عام بالفعل صديقي عبود مع الايام عم تثبتلي انك شب مهضوم وذكي وحبوب ماشالله عليك وتحياتي الك
بضحك من كل قلبي على تعليقاتك وخصوصا تعليقك لزوركوف هلأ وتعليقاتك لاسماء بس والله ولو مزح مابيصير تقول ليالي حمراء بعدين بعرف انه اكبر زعل بحياتك قضية فلسطين اللي شاغلتك ليل نهار ومالك نفس تضحك وتتمسخر عكل حال مساهمتك مهضومة ومغزاها حلو فعلا الاهل ورضاهم اهم شي ..شكرا لك
عراسي زوركوف انت الوحيد الي بيحكي ضميرو بالمساهمات اما الباقي كلون مدسوسين ومأجورين وموعدين بليالي حمراء وكاس عرق وشوية مازا وام كلثوم تدندن الي شفتو قبل ماتشوفك عينيا عمري ضايع يحسبوه ازاي عليا..واذا قلت اني عبود السعيد فبكون عم اكزب على حالي فياضانات ببكاستان وانهيار المفاوضات بواشنطن وخسارة ريما فقيه وشغلات تانية بحياتي العاطفية الخاصة مجننتني خلتني اكون حزين...يسلمو حبيب انت مافي منك
مابعرف ليش مصرة انو كل الناس تعرف اني كنت بقصدك بتعليقاتي .... شكرا انت صديقتي الوفية الي بحبها كتير ولو اقتضى الأمر بحطها بعيوني وبعرف انت كمان بتحبيني اذا غيرتي رأيك بالمساهمة رجعي قولي رأيك مو مشكلة متعود عليكي كل يوم برأي ومزاج شكل
اتاريك كاتب مش بس معلق.واكشن ورعب وسايق فيا..وبالاخر طلع منام؟!انا هيك صايرة مناماتي مرعبة بشوف حالي اني هربت من البيت وتخليت عن كل مسؤولياتي وتمردت على عائلتي وذهبت مع من احب واخذني الى بيته ليعرفني على غرفته وإذ بعصفورة دخلت من نافذته ووقعت على سريره فصرخت مرتعبة فأحاطني بذراعيه وقال لي لا تخافي هلق بطيرا وانتهى المنام!
تاريك مبدع وماننا دريانين ، مساهمة لطيفة ، بس مافهمت ليش الحزين ، أنامعك إنو مافي شي بفرح وأيام بدنا نمضيا ، ومافي غير الضغط والإرهاق والخوف من المستقبل ، بس لازم ماتحزن علأقل مشان والديك يفرحو بك وبشبابك وإشراقك .. بالنسبة لموضوع المحبوبة الذي كثر الحديث عنه هناوهناك وبالأشعار ، أعجبني تناولك له بحكمة ووعي ، أكثر بنات هالجيل يلهثن وراء المال إلخ.. وشكرا
بدي اتشكر المسؤولين عن قسم المساهمات لأنو المساهمة انا مابعتتها هيك تعبانين عليها ومظبطينها عنجد يسلمو وشكرا لأختيار العنوان الحلو هاد انا نسيت احط اسم المساهمة وانتو اخترتو العنوان بس صديقتي اسماء قالتلي ارجع ابعتها بأسم جديد لأنو مافكرت انو تحطو اسم من عندكون بعتتها بعنوان السهرة المجنونة ...يسلمو مرة تانية
صديقي عبود فكرة المساهمة كتير حلوة وشيّقة،بس أنا بظن أنه في تناقد بحكيك يعني بمساهمتي حكيت أنه أناما بعطيك وجه وما بحكي معك وبطبش السماعة بوشك،وبمساهمة أخي هادي دوكارقلت أنه أنا من الرؤوس الكبار بسيريانيوز،وبمساهمة الصديقة الحمامة البيضاء قلت أنه أنا معلمتك وأميرتك وما بعرف شو،وهون عم تقول أنه بقيت ثرثر نص ساعة بعدين أنت طبشت السماعة بوجهي،فيا حرام بيظهر أنك عم تحلم أحلام اليقظة أنك تطبش السماعة بوجهي!!!على كل حال شكرا يللي تذكرتني بمساهمتك،وإلى المزيد مع دوام التقدم.
اول شي شكرا لسيريانيوز الي نشرت قصتي المتواضعة وتاني شي شكرا للي دعموني وخصيصا مدام جهينة ومدام عبير ...وبشكر الآنسة اسماء الي ماكنت بقصدها بقصتي وذكر اسمها كان بيصير على اي اسم اخر والي كانت مبسوطة اول مانزلت المساهمة بس صارت تلومني بعدين وطالعتني كزاب ...انا ماعم الومك بس حضرتك كان بدك كل الناس تعرف انو انا كنت بقصدك مع اني ماكنت بقصدك ووضع اي اسم متل عبير او خالدة بيصير يعني اصرارك بتعليقك الاول وتفهيمك للكل اني كنت بقصدك مابعرف شو غايتك منو عكل حال بتضلي اختي الي بحبها كتير وبهمني رأيها