مساهمات القراء
شعر
تقبريني ... بقلم : عامر نصري خرمةتفتحو ورودك ع شبابيك القلب
وتنفس ربيعك بتشريني
والارض اللي نشفت بعطش الدرب
شربت ربيعك من شرايني
ما بيخلصوا الايام بزمن الحب
والعمر باقي لما بتلمسيني
يا هالسما
يا انت
بطولك انا
ولا انت اللي بتغمريني
تعالي
نمشي سوا بأي مكان
لا يسرقنا حدا ولا يحبسنا الزمان
خلي ايديكي على اديني
تعالي
نحكي كل الحكي بكلمة
بحبك ونكفي هالحكي بضمة
كوني حبر لوراق العمر
اللي على صفحاته بتكتبيني
تعالي
نتنفس الاهات بتنهيدة غرام
ونضوي بقناديل العشق عتمة
نطير بالسما مع رف الحمام
ونكتب على غصان الشجر
اسمك واسمي
تعالي
قلبي مطرحك ودنيتك عيني
تعالي
نسرق من الوقت نظرة
نسرق اللمسة ونعيش بالغمرة
حضنك امان والامان بيكفيني
تعالي
لسه الحياة مشرعا بوابا
قصتنا حلوة ومكتوبة بكتابا
تعالي
قبل مالموت يا خدني
ولو موتي اخدني
بإيدينك تقبريني
2011-04-04
التعليقات
_
2011-04-04 14:01:38
_
صعب الحب يعيش من طرف واحد اكيد نهايته الموت
صعب الحب يعيش من طرف واحد اكيد نهايته الموت
سوريا
shaza
2011-04-04 12:59:37
-
أحببت جدا جدا جدا. دمت وكلاماتك الجميلة والرقيقة. شكرا
أحببت جدا جدا جدا. دمت وكلاماتك الجميلة والرقيقة. شكرا
سوريا
الحمامة البيضاء
2011-04-04 12:22:23
حلوة كثير
مثل العادة صديقي كلماتك رائعة ،دمت بتوفيق الله
مثل العادة صديقي كلماتك رائعة ،دمت بتوفيق الله
سوريا
أفتخر بأني من اصدقاء شاعر موهوب مثلا سبمت يداك أخي الكريم