مهــلاً ، إخوتي ، لسنا هنا لتعلم فن الطبخ ، ولستم مدعوون غداً لمائدة الغداء ... دعونا نســأل أنفسنا سؤالاً
هل تزوجت ليلى من قيس؟؟؟؟
وروميو تزوج من جولييت هل كنا لنسمع بقصص الحب تلك ؟؟؟
ماذا لو تزوج قيس ليلى كنا سمعنا خبيط الكنادر والزعق والويلات و الشْـــحار
ترفع درجة الحب بين الخطيبين ,,, إلى درجة الالتهاب وتبقى ملتهبة مع برودة الجو ،، لكن ذلك الحب و مع تغير المناخ يصبحُ رمــادا بعد الزواج ، فلماذا؟؟؟
تحفى قدما العريس وهو (يُمخرط ) بين بيت خطيبته و بين عمله، يدفعه الحب أحيانا لكي يقف في منتصف الشارع تحت شباكها
في ليالي البرد القارصة لكي يرى ( طلتها البهية ) من خلف الشباك!!! يطير فرحا عندما تشير له بالتحية وإن غمزت له بحور العين قد يصاب بنوبة قلبيه !!!!!
يحلم ليلا أن يراها في النهار .. ويحلم نهارا أن يمر طيفها في الليل .. يستيقظ صباحاً متعباً وقد تصبب منه العرق من ملاحقتها في الأحلام!!!
أينما يقع نظره يرى صورتها... يرى كل شيء من خلالها
عندما يلقاها ,,, يدورُ لسانه بالغزل والحب بسرعة عاليةٍ وكأنه آلةَ دوران للتخصيب النووي ,,,
يطلقُ صواريخ الغزل بكل اتجاه و بحرارة ملتهبة،،،تظل درجة حرارة الحب في ارتفاع حتى يدفع العريس آخر قرش في جيبه .. ثم يتزوجا
" عظم الله أجرهما "
فإذا بالحرارة تنقلب إلى برودة بعد شهر أو شهرين على الأكثر ،،، وتتحول قصائد الغزل إلى رثاء !!!! لماذا ؟
لان العروس كان في ذهنها أن تصطاد عريسا فحسب العــريس أراد أن يشبع رغبته فقط ويقلب أحلامه الرطبة إلى واقــع !!!
ببساطه تبادل مصالح !!! الحب إذا ما بني على المصلحة فانه يدخل من الباب ثم يطير فجأة من الشباك!
إذاً الموضوع ماذا يحدث بعد ثلاثة أشهر تأتي ليلى إلى فراش قيسها بعد أن استبدلت فستان النوم الهفهاف بآخر فيه الكثير من بقع زيت الطبخ تشع منه رائحة البهارات!!!!
ويأتي روميو إلى فراش جولييت و قد أصابه داءُ الخرس ليمسكَ الغطاء ويلتفَ إلى اليمين!!!!
المشكلة الكبرى إن سهرا في البيت!!!؟
فإنهما يجلسان لمشاهدة برامج التلفزيون وكل منهما يدير ظهره للآخر فلا حديث ولا كلمة ألهم إلا .... ماذا نطــبخُ غــداً
استغربت انو كل التعليقات سلبية ,أنا يلي بدي قولو انوالعلاقة بين الرجل والمرأة لح تضل اشكالية لحتى تنتهي الدنيا مع انو الواحد فيهن مابيقدر يكون بدون الطرف التاني ابداً , هلئ يلي بصير انو روتين الحياة بخلي طبيعة العلاقة تتغير هاد الشي مو معناه انو راح الحب والدليل انو اذا ببعدو عن بعض كم يوم لح يكتشفوا اديش هنن بحبوا بعض وأصلاً الحياة بدون الحب بكل أشكاله مالها معنى أبداً
انا شخصيا عملت كل ترانيم الحب التي ذكرها المؤلف لكن أختلف معه بأنني لم اتغير حتى بعد الزواج فما بني بشكل صحيح سوف يستمر الى الأبد مع العلم ان زوجتي لم تستبدل ثوب زفافها بأخر تهف منه رائحة الطبخ والبهارات لانها لا تطبخ لكن بنجيب الأكل مطبوخ جاهز وهيك بنكون حلينا المشكلة ببساطة ودمتم......
الشب بدو يتزوج ليشبع رغباته، البنت بدها تتزوج مشان تهرب من بيت أهلها وتخلص من الدراسة والعنوسة، الأب بجوز بنته مشان يقبضله قرشين من هالعريس، الأم بتجوز ابنها مشان تجاكر اخواتها أو بنات احماها ... والله لا يبليني بالزواج ..
كلامك مظبوط يعني مشاركة بتفقع ضحك عفكرة شو بدنا نطبخ بكرة؟؟؟
لو قيس تزوج ليلى وعنتر تزوج عبلة وروميو تزوج جولييت ماكان حدا سمع بقصص حبهم وكان التاريخ نسيهم, الحقيقة أنا يللي عم يصير بيخوف خاصة مع أزواج أخدوا بعض عن حب وتغلبوا على كتير عقبات وبعدين صارت حياتهم بمنتهى الفتور شي مابيخلي الواحد يطمئن أبدا.. لك حتى القصص تبع الأطفال اللي نهاياتها سعيدة هلأ عم يحكوها برؤية جديدة وبياض التلج تزوجت واحد من الأقزام السبعة وسندريلا تزوجت واحد من حرس الأمير والجميلة النائمة تركا الأمير وتزوج وحدة صاحية.. لك شو هالزمن اللي نحنا فيه؟؟ بقى شو قررتوا نطبخ؟
كل يوم هالنغمة مابيفكر غير ببطنو!مشتهية شي مرة ينام بلا اكل او ينسى يقلي شوبدنا نطبخ بكرا.وكمان مابدو غير بازاليا وفول وممون بالفريزر 50 كيلو للتنين وانا ما بيواتيني البقول بقلي بس انا بيواتيني يانور عيوني قومي انقعي 6 كاسات رز لبكرا بتلاقيهن جاهزين.وقبل الزواج كان يقلي ما بيهمني الاكل المهم انتي تبقي جنبي واشبع من عيونك,هلق بيفوت عالبيت بقلي وين الاكل؟ولي على عيونك!!
بس هل الأمل بيطلع من ملل روتين قاتل مميت مافي شي جديد بالمرة الحق مو بس على الزوج الزوجة الها الدور الأكبر بهل الملل خصوصي اذا كانت متلي والأصعب يكون مافي ولاد رح يخف الحديث بيناتهم كتير ومنشان مين بئ أطبخ ؟؟!1 اله بس ايـــــــه يروح ياكل ببيت اهله حلوة حلوة حلوة تسلم ايديك
والحل برأيك بهالمجتمع!!شو هو؟؟طويله القصه يمكن تكون اطول حتى من قصة قيس وليلى وروميو وجولييت سوا..
شي حلو واقعي تماما والله هم شو بدنا نطبخ بكرة منكد علينا اغلب الاحيان مع أن ممنختلف على شي بالمناسبة شو بدي أطبخ بكرى ؟؟
ليش معتبرين انو هاد الشي فظيع, هاد شي طبيعي بس مجرد روتين وملل مادخل الحب والمشاعر بالموضوع, يعني الحياة هيك والأشياء الدنيوية لايمكن الاستغناء عنها متل الطبخ وزيارة الاهل ورعاية الاولاد والشغل بس اذا بحبو بعضن فعلا فأكيد في لحظات بتمر بتعيشن بعالم تاني بعيد عن كل الدنيا, متل الام يلي بتخاف على ولادو وبتحين اكتر من كل الدنيا ومستعدة تبيع اعضائها كرمال يعيشو بنفس الوقت مو قاعدة عم تبوسن ليل نهار وممكن تضربن او تبهدلن او تقسى عليهن بس مادخل الحب والمشاعر, باختصار(هذه هي الحياة نسبة وتناسب).