حصل على تأشيرة دخول (فيزا ) إلى قلب الولايات المتحدة الأمريكية بكل بساطة ويسر.لم أصدقه في البداية وقلت: " حلّ عني يا شيخ "
"والله العظيم حصلت عليها " أجابني بكل ثقة ودفع لي بجواز سفره الممهور بالفيزا ) الحلم( الرائعة الحضور والشكل.
صدمني هذا السوري المحظوظ بتأشيرة الدخول و بما سرد لي وعينيه فيهما كثير من الفرحة وقليل من الحزن قال:
" والله يا صاحبي - وأنت بتعرف كم مرة رفضوني أولاد الحرام من قبل – قلت بخلدي يمكن هلق تغيرت الظروف الدولية،خليني جرب وفعلا دخلت إلى السفارة الأمريكية ومن الباب – الله وكيلك – سألوني سؤالا واحداً بس ( أنت سوري ؟ ) طبعاً أجبت نعم .ويا صاحبي وإذا بالسفير يخرج شخصياً من مكتبه مبتسماً وكأنه كان ينتظرني منذ زمن وقال بعد الترحيب والتقبيل : الآن أي سوري هو مرحب به بين أهله وأحبابه الأمريكان لأننا عرفنا الآن وبعد الأحداث الأخيرة كم أنتم رائعون وكم نحن ظلمناكم في السابق. ويا أيها السوري الجميل أي أحد من معارفك يريد "فيزا" ليتصل فينا على الهاتف ، فقد أصبحت خدمة توصيل الفيز للسوريين فقط مجانية.
أقسم لك يا صاحبي ما صدقت،المهم أعطاني الجواز والفيزا وقال لي إذا بتحتاج أي شي هون أو غاد ( يعني بالولايات المتحدة ) بس علّملي ( يعني مسد كول ) تصور حتى لا يريدني أن أخسر الرصيد.
وما لا يمكن أن تصدقه – يا صاحبي – أنه على باب السفارة قابلني مندوب الاتحاد الأوربي وعرض علي تأشيرة ( الشنغن ) يعني أوربا كلها يا رجل.. شغلة لا يمكن تصديقها!!! ولأني أحمل "فيزا " أمريكية تعززت عليه بقولي ( خليني فكر ) .فوعدوني بأني إذا ما بدي سافر رح يعملوا استثمارات في سورية و يخلونا تماماً بمستوى المواطن السويسري .
جن جنوني لم أستطع أن أصدق،فهذا كرم كبير كبير علينا جداً وما تعودنا أن يعامل السوري بهذه المحبة والرأفة.وخاصة أني أعلم أن السوري إذا ما أراد الدخول للصومال يضرب له مية فيش ووو.أخذت رقم السفارة منه واتصلت وبالفعل أجابني الموظف قلت له أنا سوري وأريد تأشيرة وأعطيته البيانات كاملة و بعد نصف ساعة فقط ،رجل عربي خليجي يدق الباب قائلا: أنت فلان ؟ أخذ مني الجواز وألصق عليه الفيزا الأمريكية وأردف قائلاً مترجياً : " يا معود ما ( تبي) تروح الخليج انطرا أنتم السوريون الآن تقدرون تدشو (تدخلون ) بدون أي تأشيرة ولا تحتاجون كفيلا ولا رح حد يأكل حقوقكم ولا تمييز عنصري بالمعاملة يعني ماكو (ما في ) فرق بين مواطن ووافد سوري وووو"
قلت لصاحبي: شفت كيف السوري صارت كل الدنيا تهتم فيه وصار حبيب الكل، بتعرف جاي على بالي اتصل على السفارة التركية خليهم يجبولنا شاورما تركية. ولكني تفأجات بصاحبي الشيطان الذي سبقني للفكرة وبينما كنت أعطي بياناتي للأمركان كان قد اتصل عليهم و طلب الشاورما وإذا هي بالباب ساخنة وحارة.
طبعاً قد يقول أحدكم أني كاذب، حسناً لماذا لا تجربون أنتم .صدقوني نحن مشكلتنا الوحيدة في الدنيا هي حكم الرئيس بشار الأسد وبس.!!!أما الغرب كثير كثير بحبنا.
معلش انا رضيان بقيادة فخامة الرئيس بشار الأسد ولو قاطعونا كل الدول وما بدي لا أبراج امريكية ولا حب أمريكا حدا بيركض بدو حب الشيطان أمريكا واسرائيل ولما امريكا بتجي بتقلي تعا لعنا انا وقتها مابقى بدي روح لعندن وخليني بسورية أشرفلي
شكرا لكل من قرأ وكتب و تحمل عناء قراءة ما بين السطور. أرد الغرب و عملائهم تصوير أن كل المشاكل في سوريا و للسورين سببها حكم السيد الرئيس بشار الأسد وكأن أبواب الجنة ستفتح لنا بشرط أن نصدقهم. ولهم نقول في سورية رجال لن ولم تخن وطنها يوماً و خيانة بشار الأسد هي خيانة لسورية. عشتم وعاشت سورية العظيمة
اخ فيصل الحمد لله على سلامتك اولاً وقدوماً ميموناً لارض الوطن . اتمنى لك اقامة طيبة وعودة اطيب . يبدو انك تحلم كثيراً ليلاً وتطورت حالتك لتحلم باليقظة . انتبه لنفسك وصحتك فهما اثمن ماتملك بعد الوطن وترابه الطاهر المقدس هوائه ومائه وترابه. وعلى العموم مزحتك كثير لطيفة وان جد الجدانت بتعرف ان( نيغاراكو) ما بتعطيك فيزة لاألك ولا لصاحبك . مع اطيب تحياتي
سلامات أستاذ فيصل أضحكني الأسلوب جدا ووصلت الرسالة بين الحروف مبارح توضيت ونمت عم فكر بالمقالة وبالمنام خير اللهم اجعله خير .. ماضل مكان ادام باب بيتنا من كتر الطلبات لزيارة السفارات الأوروبية كدعاية لحتى نزورهم . وهادا منام مزعج جدا !!! بس فشروا كلهم والله ذرة تراب من أرض سوريا تعادل أوربا بكاملها .. والموضوع ليس موضوع الدكتور بشار الأسد فقط بل موضوع عنصرية تحابي الصهاينة وتكره العرب وشكرا
نعم هي مغرمة بالشعب العربي كله ودليل محبتها تتجلى ب تجويع العراقيين من ثم ذبحهم بحجة اليمقراطية المزعومة ومحبتها للفلسطينيين واضحة بتقديم المتفجرات القاتلة بالطبق الاسرائيلي المرصع بالالغام وفي لبنان يتضح حبها للعرب بالفتن والرعب اليومي ولن ننسى الصومال والسودان ومصرواليمن وافغانستان ودول الخليج الششششششقيقة كلهاودول اسيا المسلمة (يحكى ان جميع الحكام الامريكان بيعملوا دورة بالاسلمة قبل استلامهم السلطة بامريكاهههههه)لذلك ليس غريبا علينا محبتهم
الى س س التاس قاتلة حالها على اميركا وبدهم يعطوهم الفيزا مع ميس كولد منشان يتشفروا متل مابدهم الاميركان وبعدين منشان يقبضوا على كل كلمة بيقولها وفهمكم كفاية
من السخف ان تنشروا هيك مقال سيريانيوز وتاركين المقالات يلي عليها قيمة بجعبتكم المليئة والمكتوبة من قبل اشخاص لديهم من الوعي والثقافة والحس الوطني ....وعلى كل حال يلي مو عاجبو البلد هو حر وفينه يذهب لاي مكان بالعالم يغني على ليلاه بس ينادي باعلى صوته وحضرته بالبلد هيدا هو الخيانة للوطن
أعتقد ان الرسالة بين السطور قد فهمت يا سيدي و هم سيفعلون المستحيل كي يشوهوا من صورة بشار الاسد لكن لا أعتقدهم سينجحون مهما حاولوا
مين بعدين فيقك من الحلم؟ اذا كان كلامك صحيح فكتر خير الامريكان شو بدك احسن من هيك كرم ضيافة ويا ترى كان اخوك بالله اللي حصل عالفيزا مو ايد ولا مو عارض
للاسف انا كنت عم اقرا مشاركتك فكرت شي شغلة مهمة ..والله والله والله ل نوالي ونفدي الرئيس بشار الاسد وابيه القائد الخالدحتى الموت..الله سوريا الاسود وبسسسسسسسسسسس...
إي وبعدين ؟
بالعكس الاخ هون ما عم يضلل و مقصدو يوصل رسالة مبطنة انو الغرب بعمرهم ما حبونا و لا رح يحبونا و ما بيتمنولنا الخير ابدا . . بس يا أخي نحنا مشكلتنا مو مع شخص بعينو نحنا مشكلتنا بدنا ينفتح باب الحريات عنا و يخف الفساد و المحسوبيات و الاعتقالات التعسفية و بالنهاية كلنا سوريين و ما منتمنى غير الخير لهل بلد اكيد
ليش تحتار وليش تختار الموضوع كتير بسيط كرامتك وارضك وشرفك بكفة والفيزا بكفةواللله السوال مانو صعب والجواب عندك ياسوري...........؟
والله ما بنتخلى عن بشار ولو بيطوبولنا العالم كله وما بدنا نروح لعندهم ومالنا بحاجة معاملتهم المنيحة هنن يحلوا عنا واحنا بألف خير من الله
لا باين امركا كتير بتحب الشعب السوري هاي مؤامرة يا صديقي ضد الروح المقاومة للشعب السوري ومن ايمتا امريكا بتعبر مواطن او حاكم اسلامي الا لما يكون عندها مصلحة الله يجيرنا من المؤامرة ومن المضللين امثالك
لا تخاف كل يوم في طوابير من العالم عم تجرب تاخد هالفيزا الاميركية ولهلق ما بيعطوها الا للصادق بالمعلومات اللي عم يقدمها وبيأكد انو رح يروح ع هديك البلد لحتى يشتغل فيها بشرف،بس المشكلة بالرفض لانو بيكتشفو انو نص المعولمات اللي مقدمها كذب و بيعرفو انو رح يروح لهنيك يصير عالة عليهن فليش ليسمحولو؟هادا من حقهن انو يحمو بلدون ويطوروها متل ما نحن حقنا نحمي بلدنا ونطورها،بس فيك تشرحلي ليش العالم قاتلة حالها على فيزا لاميركا؟؟؟
كان مستوى تفكيرنا بالسنوات السابقة بهاذا النسق ايمتابدنا نبلش نفكر منيح هذا الفكر سبب تخلفنا قال المعلم انسوا انو في هيك دول وانتو لسى عم تندبوا حظكون لسى دول استعمارية فكروا كيف بدنا نطور البلد لسا نازلين حكي بلا طعمة هلأ انا وانتم شو استفدنا ولا شي ماضاف الكاتب شي جديد