معارض أو موالي بس لازم تعرف يا غالي انو سورية وكل محافظاتها خط احمر

معارض أو موالي بس يا غالي دم الشهداء ما لح يتبخر

معارض او موالي بس يا غالي الطائفية مالها خبز عنا وكلنا اخوة والله اكبر

معارض او موالي هلئ شغلك يا غالي وكرمال سورية تتعب وتسهر

بدنا نحاسب الدنيا وما لح ننسى العرعور

يلي خلو أيامنا سوده ومعمرة بالفتنة والكره والنفور 

حاجتنا نفرق بعض خلونا شوي نكبر

نعرف مين الغلطان ومين يلي فينا تكبر

بدنا نعدل الدستور وبالأحزاب نعمر

وبالاعلام الحر تزهر بلدي وتتغندر

بس خوفي يصغر هل الهم بالدم يلي عم يتفجر

الله يديمك يا شام وفيكي كلنا لح نكبر

ونرفع اسمك بالعالي وفينا سورية لح تعمر