انأ رح احكي يلي صااار معي شخصيا , انأ شب من سوريا اعمل في الخليج ولحسن حظي مديري من سوريا وإذا بدكن اكتر من نفس المدينة بس للأسف يلي صار ما بينوصف.
كل أساليب التطفيش وأساليب الكذب واللف والدوران عم يستعملها مو بس معي لا مع كل كادر العمل بس انا وصلت لمرحلة ما عاد فيني اتحمل اكتر من هيك , وحتى وصلت لمرحلة بصراحة فكر إني اضربوا أو اعملو شي كبير ويلي عم يصير مو بس معي لا مع كل الشباب السورين يلي عم يكون حظن بوجود مدراء سورين .
المشكلة بتتلخص بالاتي :
بيحاول استفزازي بكل الوسائل المتاحة معووالله والله والله ما عم اكذب بيفضل المغربية يلي بتشتغل معنا على السوري يلي عم يشتغل بكل قلب ورب بتصير مشكلة بيكون الحق معك مليون بالمية بيحط الحق عليك ومو بس هيك بيحاول يخترع القصص لحتى يطفشك لدرجة انو مستعد يتهمك بالسرقة لحتى يكرهك عيشتك>
الأمر طلع عن سيطرة أعصاب الإنسان تحملنا وتحملنا وقلنا معليش بكرا بتروق الدنيا وبيمشي الحاال بس عبث.
هلق انأ عم فكر كتير إني ارجع ع بلدي بس ما هون بيت القصيد إذا رجعت شو بدي اشتغل وحالي حال كتير من الشباب ما عاد فينا نرجع نشتغل ببلدنا لأنو قد ما اشتغلنا ما رح نطلع مصاري تكفي لأنو المعيشة ب سوريا صارت كتير غالية, يعني ما فينا نرجع لانو الرجعة مميتة بالنسبة لشب ومعليش على هالتعبير شو الحل يعني متل يلي بالع الموس عالحدين .
غير شغل هوون القانون يلي ملزومين فيه مكان عملنا ما بيسمحلنا نغير شغل قبل السنتين وإذا بدك تغير بدك تدفع مصاري كتير تكاليف نقل الاقامة .
وارجع ع بلدك إذا ما بتموت من الجوع بتشتهي الموت
وبدنا نرجع بس
عيني بكفي نحكي ع بعض نخن السوريين بدك تعبر قول أشباه سوريين أو أشباه رجال أو مو مربى ببيت أهلو لأنو نحن السوريين والحمدلله مو هيك راجع شوي معلوماتك عن تاريخ المواطن السوري ومافي داعي نحكي ع بعض ونبهدل حالنا وكأنو نحن السوريين أسوء ناس ونصير متل اللبنانية ع طول مبهدلين حالن عالشاشات - ورح قلك شو المشكلة بالضبط المشكلة انو أنت حضرتك متلك متل غيرك ديخل بلعبة القطة والفار وبس دخلت بهل لعبة انسى ..... وأنا بقلك رجاع اذا ما عندك عسكرية وأنت الكسبان أو بس تدفع البدل- تحياتي وبالتوفيق
شو القصة ليش طالعا ريحتنا السوريين هيك انا متل الاخ بس مديري مو سوري(لحسن الحظ) بس زملاؤه من المدراء التانيين سوريين يعني هو بيحترمني وبيعاملني برحابة صدر اكتر منهم مع إنو مافي تعامل مباشر بيني وبينهم لدرجة إني صرت خايف بيوم من الإيام يطقولي برغي عنده بدل مايكونودعم لألي يعني بس سوري يشوف سوري بالمغترب وخصوصي بالخليج فوراٌ منين اصلك شودينك شو طائفتك ولو من دون سؤال صريحبعدين غذا ماعجبو بيحلقلو
آه من الغربة ماحدا مرتاح اناكمان بدي فش خلقي انا بالسعودية وقرفت حياتي لافوتة ولاطلعة ولاجيران ولاشغل كل النهار بين اربع حيطان رح جن واحكي مع حالي صرلي سنتين ولاتاقلمت ولاتعودت فهموني كيف عم يتاقلموا النساء بالسعودية انا خريجةجامعيةوكنت مدرسة بالشام كتير فرق علي الجو زوجي شغلو منيح هون بس انا بفضل ارجع وهو لا مو عرفانة شواعمل لاتحمل العيشة هون ملل ووحدةقاااااااااااتلة واكتئاب وخنقة الله يكون بالعون ويفرجها علينا جميييييييع يااااااااارب مشتاقة للشام وحياتي بالشاااااااااااااام
يااخي هاي القصة قديمة ومعروفة عند الكل ... يعني ماانت اول واحد بيصير معو هيك .. الواحد بالخليج بيدعي الله مايجي المدير سوري لأن الجيل الي قبلنا يعني جماعة الستينات والسبعينات نفسياتهم تعبانة كتير وفي كم عقد مركبة ومعقدة بشكل مخيف .. السوري يااخي اذا مااذاك بالغربة فبكون ابن حلال .. واصبر على نصيبك وانشالله بتمضى وبتغير شغلك .. بس بتمنى من كل السوريين يتعاملو مع بعض بالغربة بشكل بتناسب مع حبن لسورية ومانحمل بعض مسؤولية المصايب الي مرت علينا بسورية قبل الغربة .. ارجو النشر
أخي الكريم كرامتك أهم من مال الدنيا . احجز على بلدك .وقبل ما تسافر بساعة استدرج مديرك الحقير واعملوا قتلة حشك ولبك وكم تشطيبة للذكرى وراكب طيارتك وبوعدك ما يفيق لحتى تكون صرت ببيتك .وانت شب شغيل ورح تلاقي شغل بالبلد أكيد .
كلامك صحيح للاسف نحنا السوريين بنكره بعض و الكذب عنا اساس الحياة و الغش و الخداع و انتي بتعرف ليش بيفضل المغاربة عليك ؟ لانه ممكن بيقدمولوا خدمات انت ما بتقدر بتقدمها و فهمك كفاية - بعدين يا حبيبي لا تخاف ترجع سوريا الناس بسوريا عايشة بطريقة افضل الكل مدبر راسوا رشاوي على محسوبيات على سرقات على نصب و احتيال و الكل بيرجع على بيتوا مبسوط و فرحان - لا تخاف انت رجال - ارجع او غير شغلك - مديرك متلك كان و صار بطريقة او اخرى
عزيزتي المتغربةحاولي تلاقي شغل بتجددي نفسيتك و الا القعدة صعبةكتير اما فكرة الرجعة شيليها من بالك و لا تجني عحالك شو رح ترجعوا تشتغلو اذا ما في راسمال منيح بتصرفو اللي جمعتوه و بترجعو لورا بعدين انت باي مدينة انا جيت عالرياض من شهرين و ملاقيتها حلوة كتير و فيها اماكن حلو اروحها يوم الجمعة اتسلى من ضغط الشغل (انا دكتورة )وقت كنت بسوريا المصايف و المطاعم قدام عيني بس بحسب مليون حساب قبل مل فكر روحلهاطولي بالك مستقبل ولادك اهم من مشاويرك