يا اخواني السوريين الطيبين اعذروني لا أجيد الكتابة بالفصحى ,

بدي قول لأهل بلدي قسما بالله العظيم يا أهل بلدي نحنا مجرمين حقيقيين بحق بلدنا , والله يا شباب بلدنا أحلى وأجمل بلد بالعالم وشعبنا أحسن من كل شعوب دول الخليج والمغرب العربي ومصر وأحسن من دول آسيا وحتى روسيا , وتركيا يللي نص شعبها جوعان وطفران وعندها ألف مشكلة داخلية

 وبتمنى تسافروا ودوروا هالدول يللي شفتها حتى تشوفوا بعيونكم مواطنين هالدول وتعرفوا قيمة بلدكون وأهلكون وشعبكون , أنا درت أكثر من نص العالم والله العظيم ما شفت أحلى من سورية وشعبها وخيراتها   صحيح أوروبا وأمريكا حضاريا أحسن منا بس يا شباب المواطن عندون بعيش لحالو متل الواوي شغل ونوم طول عمرو يعني لا في زيارات ولا محبة بين الجيران ولا بين الأسرة الوحدة ولا في سيارين جماعية ولا سهرات ولا عائلات متحابة وكل واحد بيشغلوا ما حد فاضي لحدا , لك دخيل ربها لبلدنا متنوعة مختلطة بثقافاتها لك جيرة وطيبة ومحبة وسهرات وزيارات وأطيب أكل وطبيعة ومناظر وبحر وجبال وأمان بالليل والنهار والله إذا طلبت جارك بنص الليل واحتجتوا بركض ركض ليساعدك لك هي بعمركون ما بتشوفوها لا بأوروبا ولا بكل دول العالم ونحنا للأسف راكضين لنخربها بأيدينا , ولك يا جماعة أي ديمقراطية قسما بالله العظيم ما في شي اسمو ديمقراطية بكل العالم وهي أمريكا من يوم ما خلقت فيها حزبين قائدين وخلي حدا من الأحزاب التانية يسترجي يرشح حالو , وهي صناديق الانتخاب كلها كذب بكذب ويللي بدون يا بينجح ويلي ما بدون يا مابيسترجي يفتح تمو وإذا عارض بيشلحوا من الطابق الخمسين وبقولوا انتحر لأنو كل حكامون ماسونيين

وبلادون كلها مافيات ولوبيات والإعلام مسيطر عليه بكل العالم اليهود وخلي واحد يسترجي يحكي عاليهود بأي جريده عندون , حتى انون سيطروا على الإعلام العربي وصار تحت إيدون وبيحكي يللي بدون يا وبجيشوا ضد أي دولة , أما بسوريا صحيح عنا شوية أخطاء بس يا شباب نحنا منحسن نصلحها لحالنا وبدون ما حدا يتدخل فينا , لك الحمد لله أنو عنا ما حدا عم بيحجز حريتنا منصللي منصوم منتاجر منفتح محلات منبيع منشتري منتجوز منطلق منسافر منرجع ما حدا الو علاقة معنا , أما إذا واحد علق بالأمن أو الشرطة فصدقوني بكل الدنيا بيتبهدل إذا عامل شي وإذا مو عامل شي ما حدا بيحكي معو , ويللي ما جرب لا يحكي ويقول عندون أحسن لأنو ما بيعرف شي , لهيك اصحوا يا أهل بلدي اصحوا يا شباب ولا تخلوا هالمعارضين بالخارج يضحكو عليكون هدول راكضين عالسلطة بدون يخربوها لبلدنا بس منشان يستلموا ولما بيستلموا ما رح يخلوا واحد منا يفتح تمو ورح يكونوا أسوأ بألف مرة من غيرون والمتل بئول ما بتعرف خيرو لتجرب غيرو , صدقوني أنا مالي علاقة لا بالسلطة ولا بكل هالأحزاب ولاني مستفيد شي بس يللي هدول يللي برا بدون يخربوها ويقعدوا على تلتها , متل ما عملت المعارضة العراقية وهلق المعارضة الليبية يعني نفس الفيلم بدون يعملوا فينا   

انتبهوا يا أهل بلدي ويلعن أبو الديمقراطية يلي بدها تخرب بلدنا وتخللينا ندبح بعضنا عالهوية وندمر كل سوريا وتخلي المواطن السوري ينزح من بلدو ويبوس إيد التركي والأردني واللبناني والخليجي والمصري والمغربي يللي كلون بيتمنوا يكونوا عايشين بسوريا عنا , لهيك بترجاكون يا شباب تهدو لأنو كل الناس بدها تشمت فينا والسوري متل ما بتعرفو عزيز ونفسو كبيرة هيك تربينا , لهيك ما لازم نخلي حدا يتحكم برقبتنا ويذلنا من الدول المجاورة ولا غيرها , قال أمة عربية واحدة ذات رسالة خالدة والله قسما بالله لا واحدة ولا خالده هي أمة متآمرة على بعضها متفرقة لألها لا هدف ولا رسالة ..

شوفوا الخليج والنسوان والمليارات يللي عم تنصرف هون وهون والمسلمين بالصومال عم يموتوا بالآلاف كل يوم وما حدا سائل عنون وبكرا إذا صار عنا شي بعيد الشر عن بلدنا ماحدا رح يسأل عنا بس بيسألوا عن بناتنا ونسواننا وبيعتدوا على أعراضنا لأنو هادا يللي آخد عقلون وبس , لهيك لا تفرطوا ببلدنا ولا بقوتنا ولا بجيشنا يللي حامينا من كل هالضباع يللي حوالينا , لك يا جماعة فكروا شوي يعني معقوله ناس قرباط عايشين بصحاري عم تشتري وتبيع فيهون أمريكا وتضحك عليهون بدون يعلمونا الحرية والديمقراطية , ونحنا بالشام أم الدنيا يللي علمناهون هنن وأسيادون الحضارة لك الشام علمت الدنيا كلها الحضارة والرقي والسلام والمحبة والله يلعن كل خاين لسوريا , ومنشان تعرفوا أنو سوريا أم الدنيا شوفوا شلون عم تخرب بالعالم كلو وفرنسا وأمريكا الله وكيلكون عالطريق رح يخربوا , لهيك اصحوا يا شباب وحافظوا على بلدنا الحلو وعلى أعراضنا وأهلنا وأمهاتنا وولادنا وعلى إسلامنا يللي هو أحسن إسلام بالدول العربية والعالم وأحسن مسحيين كمان بالعالم

 وسلامي لكل الطيبين والأوادم ولكل يللي بحب سوريا أحلى بلد بالدنيا .