بدي أنسى الناس كلها
ودوّر بحيطان الموت
على خيالي
دوّر بين قبور العتمة
ع قصور بيحملها العالي
وين العالي بين قبور
وقع العالي
وين خيالي بقلب العتمة
ضاع خيالي
راحو الناس بقلب ترابون
ومات الغالي
وضاع خيالي عند قصور هون
هني راحوا
وأنا عم اهرب من حالي
اطلعوا مني
لا تزوروني بقلب الذكرى
طلعوا مني
ما بدي يحبسني الماضي
و لا بدي يحرقني بكرى
اطلعوا مني
يا قلوب من الخشب القاسي يا مرايات
يا عروق الصوّان الأسود يا حكايات
يا قصص الحب العتيئة ونهايات
يا موجة بتشعل حريئة
وموجة بتغمر يلي مات
اطلعوا مني يا هالناس
اطلعوا مني
اللي ماتو
واللي بعدون بالحياة
اطلعوا مني
واللي زرعور
الحقد الغدر
الظلم القهر
اطلعوا مني
لا تزروني
لا بصوركم ولا بقصصكم
ولا بدفاتر زكريات
أنا مت وانتو متّو
وألف رحمة ع اللي مات
اطلعوا مني واتركوني
شجر واقف بالخريف
شجر يابس
راكع بسجدة رصيف
الله وحدو اللي عالم
واللي شايف
نبضة القلب اللي تعبت
و الحكي الواقف حزين
بين غمرات الشفايف
هالحكي صاير أنين
الله وحدو اللي عارف
اللي باقي موت بارد
اتركوني موت واحيا
بالحكي المثل السكين
اطعنوني
اطعنوني
باليسار وباليمين
وغرقوا هاالدنيا بعروقي
انتو الملاك
ووحدي إبليس اللعين
أنا الخطيئة
وانتو وحدكم مؤمنين
أنا العاصي
وانتو براءة صالحين
أنا يا أنبيا من الكافرين
بس اتركوني بدي أنسى
و لك آه يا مين يخليني أنسى
يا مين يخلي هالقلب
يمحي هاللين
ويرجع يقسى
كرهت حالي
كرهت حتى
إني دور على خيالي
ما بقى بالقلب نبضة
كلوا راح
خلي هالليل اللئيم
يسكّر جفون الصباح
كلوا راح
والشمع فتح عيونوا
على هبّات الرياح
كلوا راح
اطفي يا شمسي بنارك
واكوي جلدي والجراح
بهالدنيا الطيب بيموت
والظالم ح يعيش مرتاح
بدي أنسى الناس كلها
بدي أنسى المسرحية
مسرحية الدنيا كلها
مسرحية
والثعلب هو بطلها
والطيب هو الضحية
مسرحية
من الصبح حتى عشيّة
الناس بتصفق للظالم
و بتنسى تدفن هالضحية
بدي أنسى الناس كلها
و بدي أنسى المسرحية
أحييك أخي الشاعر عامر نصري خرمة على ما سطرت مشاعرك الجميلة . أنا أيضاً أكفر برسل الشيطان ... ذكرتني بالشاعر المصري الكبير محمد فؤاد نجم . أتمنى منك المثابرة , وفقك الله لما يحب و يرضى .
فلتحاسبوا اذا كتاب الشعر المحكي والامثلة كثيرة وأعتقد أن سيريانيوز تستطيع رفض ما أكتب بكل بساطة ولا تنتظر مني أو منكم توجيهات وانا مستعد وأقبل بحكم أهل الخبرة يامن تدعون أنكم منها اما بخصوص ال ق وئ فهذا محكي وليس فصحى وليس فيه قواعد وهذه للمعلومه فقط اشكر الجميع على كل حال ولن ادخل في كلمات الهرطقة والدونية التي تحدث عنها البعض هنا دمتم
يمكن إني اقبل إقرأ مقال مكتوب باللغة العامية أو حتى قصة بس قصيدة مستحيل ولا يمكن إني وافق على انو يحتوي أي مقال أو تعليق أو أي قصيدة على حرف ال(ئ) بدلا من حرف ال(ق) هذا عيب يا سيريا نيوز و طعن في اللغة العربية بموافقتكم على هذه المهزلة لا يجب قبول أي نص للنشر إذا لم يكن بالعربية الفصحى يرجى النشر
عفواً أيها المستشعر ,النص السابق ليس شعراً ولانثراًوليس له أي قيمة أدبية ,والشبه واضح مابين شِعرك وشَعرك ,هو مجرد هرطقة المقصود منها لفت الإنتباه للمستشعر, أشعر بدني من هل الشعر!!!
ومن قال اني بعيد عن الله استغفر الله ان اكون كذلك لقد لعنت ابليس بين كلماتي وكفرت به فهل قرأتي جيدا ما كتبت اتمنى ذلك سيدتي
حزينة سيد عامر... حزينة كتير. اذا الموضوع اله وقت يمكن صار لازم تلملم اشلاءك وتكفي. كرمال اللي راحوا على الاقل
قلو با أبي علمني أكل .... قلّو شو ما طلع على لسانك احكيه
لا أريد أن أتكلم باسم الأخ عامر ولكن أحب أن أصحح ماقد يفهمه البعض من قراءة العنوان وحده بأن الكاتب يصرح بكفره .... أيها الأخوة الكاتب يتمرد على أولئك الذين يتزيون بلباس الحملان والأنبياء وهم شياطين وذئاب فهو يكفر بهذا المنطق وهو يرضى أن يكون على نقيضهم ... بالنهاية أحب أن أنصح نفسي قبل الكاتب بالصبر والإيمان فوراء هذا العالم خالق يرى الظلم والمظلوم ووعد بمحكمة قاضيها هو وحده وعندها ستكتمل فصول المسرحية ويصل الحق إلى أصحابه .
عزيزي السيد احمد ربما كان العنوان قاسيا ولكن عندما تقرأ القصيدة تعرف عن من اتحدث هناك رسل للحقد والكراهية امامها الشيطان بين البشر وانت تعرف حق المعرفة انه حتما وبكل تأكيد لا اقصد الانبياء ماعاذ الله وهذا واضح جدا في القصيدة سيدي
شو مشان الرقابة بسيريانيوز بتنام و بتفيق على كيفها.؟
ليس غريباً العنوان لأن البعد عن الله يؤدي لأكثر من ذلك.. عد إلى الله واكتب عن ما ستلمس من تغيير
أكيد انت من الكافرين بالطاغوت (فمن يؤمن بالله ويكفر بالطاغوت فقد استمسك بالعروه الوثقى لاانفصام لها)
رويبضة......بربي مافهمت ولا كلمة.
أستغرب أن يمر هذا الكلام وينشر!!
اشو هاد
كتير حلو
لم نرى أحبار قلم هنا انما رأينا دماء لأوتار صوتية تمزقت من كثر الصراخ لأول مرة تسمعنا صوتك بوضوح من بين الحروف اشكرك جزيل الشكر شاعرنا الدائم اينماكنت واينما كنا