أول شيء أنا ماني صحفي و لا دارس صحافة و لكن بهوى الصحافة و الإعلام و هي أول مقال بكتبو ويمكن ينّشر وأنا ما عندي معلومات كافية بالقواعد العربية ليطلع مقالي ما في أية أغلاط لغوية..

وهيك بعد ما طولت عليكون أنا عايش برا سوريا من شي سنة و نص و عمري 22 طلعت و سافرت بكير تفاجئت كتير بالحياة شلون بتكون قاسية شلون لازم نركض ورا لقمة العيش شلون كل يوم ابل ما نام منحلم    و نفكر لتطمئن نفسنا ونعرف نّام.

 أنا كل يوم بفكر بوطني بأهلي بأصحابي مليون مرة وجد يلي بيبعد عنو وطنو أكيد أكيد لح يعرف قيمتوه لأنو انا بحب سوريا كلها لأنا وطني لأنها البيئة يلي تربيت فيا ولساتني متمسك فيا الوطن شي غالي علينا لازم نهتم فيه أكتر لازم نحمل رسالة وتكون رسالتنا نحمي الوطن يعني وبس نحميه من برا نحميه من جوا نحميه بيئته نحمي أطفاله لأنون هنن المستقبل نزرع فيون حب البناء التطور التفكير و ليس التقليد .

بلدنا حلوة ونحنا كلنا مسؤلين عن تطوير بلدنا مو واحد أو تنين بس نشوف مشلكة نفكر بحلها و نتصرف مو فقط ننقد , لازم نزرع الأحلام بولادنا و نساعدون لتحقيها أنا حلمي اطلع أعلامي بس تأخرت كتير لأدركت هلشي لو كان في مساعدة كنت عرفت شو بدي ساوي أو اطلع بالحياة بس أنا وعيت على الحياة و أنا برات وطني يلي بعتبر أغلى وطن بالدنيا كلها ..وبعد كل هاد لازم نبلش بنفسنا بولادنا ببيتنا بأهلنا وبعد الليل أكيد في نهار