المكان : لبنان
الزمان: اليوم وامس وغداً
ومن الساعة 6 مساءً حتى الساعة. 12 منتصف الليل
وكهرباء المولد خازوق محترم ( يعني فاتورة مولد وفاتورة الشركة )...!!!!
والمي... متل شخاخة الولد الصغير بس طبعاً ( مو صالحة للشرب) ، لان عم نشتري
مي من السوبر ماركت..!!! ( يعني فاتورة للدولة وفاتورة للغسيل وفاتورة السوبر
ماركت )..!!!!
وطبعاً ببلاش يعني كلون عبعضون شغلة 400 دولا شهريا بس بلا مكيفات ( واحد بس وصغير)
والموبايل لازم تجرب شي كم مرة ليظبط ...!!!!!!
بس مهرجان بعلبك شغال
ومهرجان بيبلوس شغال
وعرض فيلم تنورة ماكسي شغال
وغيره.. وغيره
يااخي....
لبنان... سياحة وغسيل اموال ودعارة..!!
لبنان... اوتستراد بيروت - طرابلس جيد الخدمات والطريق الموازي. بلا تعليق.!!
لبنان... بلا نقل داخلي ..وبلا عمال لبنانيون لانه عيب..!!
لبنان ... المرض للمواطن اللبناني الدرويش ( افلاس او موت )..!!
لبنان... الطفل المولود بيسبقه دينه بشي كم الف دولار..!!
لبنان...قسط الروضة في KG1 اكتر من كلفة تخرج جامعي سوري..!!
لبنان... البلد الوحيد الي الهوا فيه بمصاري..!!
لبنان... كل حارة من حارته لتيار او حزب..!!
لبنان ....مهرجانات والعاب نارية بس الكهربا مقطوعة..!!
لبنان.. كاس العرق مدفوع والمازة بالدين..!!
لبنان ... البحروصنيين وصحة وتنورين بس المي مقطوعة ياافندي
يعني... المواطن اللبناني بركض وبعوي وبهز بدنبه ليعيش..!!!!!!!
يعني وباختصار من برا هالله هالله.... ومن جوا يعلم الله....!!!!!
والكل عليه دين من الرئيس للزبال..!!!!
ولك ياحيف على بلدنا بس.... واكتر من هيك مارح احكي....!!!
( بس للقصة بقية )
قصدك معروف بس شورأيك تقارنلي عيشتنا بعيشة أوربا أو ماليزيا أو أندونيسيا أو البرازيل أو......وعفكرة معظمها كانت ورانا بمراحل قبل مايحكمنا ال.....
بس بدك مين يقدر النعم
أولا بسوريا الكهربا مقطوعة عنا بس بمهرجان الباسل شغالة وما بتنقطع، بتحكي وكأنو مافي قطع كهربا بسوريا منوب، الظاهر نسيتي انو لهلق ما عرفت الحكومة الرشيدة تحل قصة قطع الكهربا مع انو صرنا بالقرن الحادي والعشرين، وشو كمان من شان قطع الماي؟ تفضلي شوفي الماي مقطوعة من ايام وحتى موتورات المي مافينا نشغلها لانو مافي كهربا، وبعدين لبنان ما صار فيها هيك الا من ورانا مين اللي حكم لبنان 15 سنة بعد الحرب؟غير جماعتنا؟اللي عملوها ابشع من عنا؟تفضلي روحي تركيا وشوفيلنا شو رأيك؟هاي بلد مجاور ومحكوم من اسلاميين!