بيقولو يلي بدو يناقش جاهل بدو يتحمل اجوبتو ....هيك حبيت بلش كلامي لانو بهي الازمة او الحرب يلي عم تمر فيها سوريا ناقشت كتير عالم وحكيت مع كتير عالم عالم كانت  تاخد وتعطي وتحكي منطق وعالم من شدة غبائها وتمسكها بأعتقداتها الخاطئة كانت تعصب وتغضب وشوي تانية كانت توصل لدرجة تتحول المشكلة لشخصية ؟؟؟

هلق بدي افهم ليش هيك صرنا نحنى او نحنى من الاول هيك وما كنا عرفانين؟؟ اكتشفت انو وللاسف الشديد انو اكتر من نص الشعب السوري اذا حط شغلة بدماغو بينح عليها وما بيرضى يغيرها واذا الشخص يلي قدامو مو متلو فهو بيصير انسان ما بيفهم وبيوصل لدرجة انو بيحاربو ..

رح اعطي امثلة يعني في مرة من الايام كنت عم اتناقش انا وحدا معارض بس ياريتو معارض فهمان ...ليش قلت ياريتو معارض فهمان كنت عم قلو هلق التنين غلطانين المعارضة المسلحة يعيني الجيش الحر والجيش النظامي وانا كنت كتير هادية واصلاً انا والله ما كنت بدي افتح معو نقاش بس هو بلش المهم وقت قلتلو هالحكي صار وبطريقة جئرة ومفكر وفوراً فكر حالو قاعد ببرنامج الاتجاه المعاكس صار يقلي لاء الجيش الحر مو غلطان قام قلتلو وقت بيجي بني ادم وبيفجر وبيروح مدنين واطفال اكتر ما بيروح عسكرين وهنن بيكونو مقصودين بالاصل ما بيكون عم يرتكب حماقة وقت بيفكر الجيش الحر انو بهي المدرسة في شبيحة وبيفجرها قدمها وبتطلع مدرسة اطفال ما بيكون عم يرتكب حماقة وقت انت بتسمع بس للطرف التاني وبتقول عن قنوات النظام انو كذابة وبتنحاذ انحياذ كامل لهي القنوات حتى انك بتصير بتحكي متل ما هنن بيحكو بالظبط شو بيكون اسمها لازم الواحد يسمع كل الاطراف ليعرف يحكم عالصح وعالغلط

 قام عصب ونرفز وصار يحكي بصوت عالي ولئمنة لااء قنوات السورية كذابة ويعطيني دليل وليلين قام قلتلو اي وهدول القنوات كمان كتير بتكذب وبتبالغ وعطيتو اكتر من عشر دلائل قام هو ما عجبو الحكي وابداً طبعاً ما حسن يرد لانو كان حكي صحيح وقلتلو كمان عم ادافع وادافع شو بتسمي هالتفجيرات يلي عم تصير وعم تروح هالبشر ولو بتعرفو بشو ردني ؟؟؟!!!!!!!!

 قلي اي عادي هدول البشر يلي راحو راحو بالغلط !!!! وهنن عند ربن شهداء انا هون طق فيوز بعقلي بس سكتت وبلعتها بجنابي وقلتلو بكل هدوء لو كانو ولادك يلي راجعين من المدرسة وصار تفجير وراحو فيها شو بتقول قام قلي وبعد صفنة وتعصيب طبعاً بيكون خالص عمرنا !!!

بس طبعاً هالحكي حكاه منشان ما يطلع حكيو متناقد وهون ومتلو الله وكيلكن يا استذتي متااايل ومنشان تكمل معو يا حرام يومتها بثت قناة العربية انو في طيار سوري انشق وبلش يقصف عالمواقع الجيش انا هون صرت اضحك من قلبي لانو هو صدق وصار يضحك وانا هون صرت اضحك على غبائو وغباء يلي متلو وقلتلو يا اخي اذا كان هالحكي صحيح فتاكد انو عيارها لهي الطيارة شوي وبينزلوها هاد الحكي مو صحيح لانو هي القناة من اكذب ما خلق ربي وعطيتو شي الف مثال عن قناة العربية لحالها اديش حطيت اخبار وطلعت كلها كذب بكذب قام هون رجع ادايق مني وعصب لانو ما عندو حجة قوية يوجهني فيها ابداً ابداَ ومتلو متايل من المعارضة فورا فورا بيعصبو وقت بتحصراً بخانت اليك ولك حتى ببرنامج الاتجاه المعاكس عالطول بتلاقي المعارض عم يعيط ويصرخ ومفكر حالو اذا عيط هو حيصير عالصواب والعالم رح بتصدقو اااااخ من هالحياة والله يلي بيعيش كتير بيشوف كيتر