شقرا وبيضا وحنونة
ومتلك بالثرى مافي
سمرا وعتيئة ومحروسة
من رب السما الكافي

زرعك من جنة الفيحاء
و مياتك عسل شافي
ولادك رجال و فطاحل
وبناتك ملايكة شفافة
صيفك رزين ومهضوم
وشتاكي تميز باللطافة

قلبك كبير وواسع
و متلك مافي مضيافة
كل شي فيكي يسعد الله
بس البلا من برا جافي
جيرانك كلاب واندال
وللجيرة والعروبة جحافة

نسيو بيوتك الحضانة
ونسيو خيرك الوافي
لما كلاب البراري عضتهن
على بابك كانو صفصافي
واليوم بغدر و خسة ونجاسة
سلطو عليكي الصحافة

ماعرفو انك عرين
وغير الخالق ما بتخافي
اسفي على ولادك الي راحو
وعالناس الي عبت المشافي
بس وعزة جلالك وارضك
وحضارة اسلافي

نحنا ولادك وعدناكي
نحمي ترابك الدافي
ومارح ننسى ولا رح نقبل
حتى يجوكي عراة و حوافي
ويبوسو رجولك الطاهرة
ويركعو طالبين المعافي

بس هيهات العفو والمغفرة
وهيهات نخون الاحلافي
من اليوم ومن هلء
ومن هاللدقيقة الواقفة
ومن غربة حمرا
عن الوطن ومن هالمسافة

رح انسى الوحدة والتضامن
وولائي لامي سوريا
ومن بعد الام احفر وطم
اغلى من الحناين مافي