يلغوا الفيسبوك والتويتر واليوتيوب والايميل والانترنت والتلفزيون مشان نبطل نشوف صواريخ السكود والميغ والدبابات والهاون والمفخخات و ........
ويلغوا الجزيرة والعربية واورينت والدنيا وسما و .........
ونبطل نسمع قصص المجازر الجماعية والقتل عالهوية و الجوامع والكنائس و ............
بنسمح لمحطة راديو وحيدة تشتغل , وتحكي بس عن صمود السوريين العظماء 
تحكي عن الأمهات السوريات اللي بيفهموا وجع الام بكل شب عميموت 

تحكي عن طلاب المدارس اللي بيناموا ستة المسا وقت اللي مافي كهربا ويفيقوا تلاته واربعه الفجر يدرسوا وينجحوا
تحكي عن الاف الشباب المتطوعين بالهلال الأحمر وغيره من منظمات بيخاطروا بحياتهن ليساعدوا الناس
تحكي عن مئات وآلاف الجمعيات الخيرية جوا سوريا وبرا وعمتساعد السوريين 
وتحكي انه أغلب المساعدات للشعب السوري حاية من السوريين اي من السوريين 
تحكي عن الناس العاديين البسطاء اللي بيرفضوا الظلم والطائفيه وين ما كانوا واقفين 

تحكي عن أبو فرات وعن شدود 
شهر واحد بس
وبعدها بنحكي

https://www.facebook.com/you.write.syrianews