وطننا راجع يا غربتي...... لا تشكي

عصفور واقف عالغصن عم بيبكي بده يطير و مش عارف لوين السماء قدامه واسعة بس جناحانه ملبكي
شجرته احترقت بالحرب و الصيادة بغابته كتروا هاد يقوص بالفرد و التاني يطعن بحربته وهوي ناطر بالبرد شيء نسمة تستفقده وتحمله عتاني عغصن وتبلش غربته

وطننا راجع ياغربتي...... لا طولي

هي الأرض مقدسة و فيها كنا نصلي ، نصلي لطفل مريض نصلي لإنسان ضعيف نصلي لشعب فقير ووصلنا لزمن فيه الكافر بيصلي ...ووقت وقعنا بالحرب صرنا كلنا كفار نسينا نصلي للمحبة و الجار بينكر الجار
وعالم طلعت لبرا و عالم شتتها الدمار كلنا توحدنا بالغربة و ما عرفنا شو يلي صار

وطننا راجع يا غربتي..... لا تفقدي الأمل

في ضوء عم بيدخل غرفتي و يمسح منها الزعل و ياسمينة قاعدة عشرفتي تتبخر الطريق و تقلهم هي ريحة وطن كان جنة و صار غريق.. فيه عايش بشر و فيه قيمة للإنسان مانو مجرد حجر بينهدم و بيتعمر كيف ما كان
لا تحملي الوطن معك ياغربتي خليه مكانه ... مبسوط عم بينطر رجعتي ولو تغيير زمانه .


https://www.facebook.com/you.write.syrianews