حديث الشارع طويل ومقيت جدا
تفكير الشعب السوري مشتت ومشاكلهم طويلة كبيرة فقدنا الامل بكل شي جميل بهالبلد

لا نعرف بماذا نفكر بالماء لي بتجي يوم بيوم ومنواسي نفسنا انو نحن احسن من غيرنا ومنعطي مثال حلب لي هي بالاساس من حقها يكون عندها ابسط وسائل العيش وما لازم تكون مثال الا بالحضارة والامجاد
او الكهربا لي ما منعرف ايمتى ممكن تقطع ايمتى ممكن تجي وكمان لساتنا احسن من غيرنا

ولا الانترنيت الصاروخي لي كل عشر دقائق بيفصل وما منقدر نكمل مكالمة خارجية

ولا شبابنا المهاجرين بطريق الموت وكل بيت سوري في الو حدا ماشي بطريق السفر المجهول
ولا الصواريخ و الجرحى و الموتى ...استيقظنا على اكثر من 20 صاروخ الساعة 7 صباحا
 

اغلب السوريين ما بنامو الليل يمكن من البرغش ويمكن من الشوب ويمكن من التفكير بالناس لي بالطريق المسافرين ... ويمكن نحن مو جاية على بالنا ننام ويمكن هاد السبب المثالي لنقنع انفسنا فيه
 

اكثر مبيعات الصبدليات بالوقت الراهن ادوية المسكنات و المهدئات وصولا للمخدرات

شبابنا وصلو على جزيرة كيوس ( احد اقربائي) طبعا ربي كما خلقتي بالتياب لي عليهم .بعد ما دفعوا اهلهم دم قلبهم عليهم وباعو بيوتهم وممتلكاتهم ليسفرو ابنهم ليشق طريق جديد بالحياة قد تكون افضل .
قضوا ليلة بالبحر مع التيارات و الموج العالي ... لوصلت سفن الانقاذ الايطالية وسحبتهم على الجزيرة هو واكثر من 400 شخص كانو مع بعص



ولكن بعد وصول اخي الى المانيا واكتشافي بانه يعيش ضمن خيمة مع 10 اشخاص من جنسيات مختلفة ولا يتعدى عدد السوريين ضمن الكامب الواحد نسبة 20%
ومعه بنته صبية وصار اسمو رقم من خلاله بيقدر يطلع من الكامب ويدخل ..ويصف بالدور لياخد وجبة الاكل . بعد ما باع بيتو المجهز بكل وسائل الرفاهية سكن بخيمة بعد ما دفع 17 الف دولار لوصل لالمانيا

الماء و الكهربا و الامان والحياة من ابسط الحقوق الواجب توفرها لاي انسان لكي يحيا ... ونحن نفقد ابسط حقوقنا.... مما يدل على اننا شعب حرام نعيش


شعب مشتت وضايع

صرنا ارقام وين ما كنا .. بالموت نحصى العدد وبالهجرة نحصى العدد وبمن بقى ايضا نحن عدد

https://www.facebook.com/you.write.syrianews