القرد يلي قاتلو صاحبوووووو ......
بعد التقصي والبحبشة عرفتو مين هوي ؟ ......

بعد ما أهلو وسهلو فينا ...كلمة سهلو مالها علاقة بمرض السهال ....المهم أخدت مكاني بالتلبيسة ...وبلش عمك أبو حلب على فوق ألنا خل ...وتحت العريشة ...وعلى ضهر السقيفة ....مالنا فيا ..الخلاصة .....كنت على أخر طرز ...يعني لابس طقم وكرافة من تصميم إيلي صعب الحلبي ...وعامل شعري سبايكي عند طوني سهل ...وحاطط سطل جيل على شعري ...مع ريحة منيحة ( عطر ) ..يعني في قمة الأصتهاج ( البسط ) ...من عادتي مابحب أتبورظ بالمناسبات ...وبحاول أخد طاولة منزوية ( عالزيق) مو تواضع لا أبدا ...بس مشان المصور ما يحولي عيوني بضو الكاميرا ....بتحس الضو فات فيك وكأنو عميصورك رنين مغناطيسي ..

الشعب بالتلبيسة حمي ....والناس قامت ترقص وماضل حدا عالكراسي ....غير أنا مع كم واحد ...وماشفت ألا أخوات العريس هاجمين علي متل مفرزة الجنائية ...وكل واحد مسكني من أيد ...قلت خير اللهم جعلو خير ...وصارو يشحطو فيني ...وأنا قاوم وأتمسك بالكرسي وأشد ...وعلى قولة غنية حدشيتي( هي تشد وأنا أشد ) ...الجاكيت نشق وتجعلك ...والبنطلون بتحسو صار معاق وشوي تانية بدو يسحل ...يعني بصراحة مخي راح لبعيد ...لهون وصلت معن ...والله في كتير ناس أحلى مني بالعرس ....

اما شعري صار متل ساسوكي ....وحسيت بسكرات ىالموت وهني عميشجطوني لمثواي الأخير ...تذكرت شريط حياتي ....وخطرلي غوار بفلم الحدود شلون وين ماراح بيشيلو وبيزتو برا ....المهم صرت قول يا جماعة الخير طولو بالكن أش خبر والله ماني عامل شي ... ..بدون فائدة واستسلمت وشحطوني وشلوفني بنص ساحة العرس ...وجابو السيف ...خلصصصص صار لازم أتشاهد ...أكيد رح ينفذو الحكم ينص ساحة التلبيسة ...وفجأة وقف الغني وعطوني السيف ...وقال المطرب (( وهلق رقصة خاصة لحبيبنا وضيفنا ..طبعا يلي هوي أنا ...وأهلا وسهلا بالشباب )) ....

ويلش يغني أبو حلب غنية (( دي قومي ورجينا على طولك )) ..لك أي طول خيو ...انقصف طولي ....وأنا أرقص متل المكرسح ...وشعري مضروب فيو قنبلة عنقودية ...وقندرتي الكوسلة من كتر الدعس صارت جلد طبيعي ...وبنطولي ساحل يعني متل حركة أغراء ......

الخلاصة منظري متل القرد يلي قاتلو صاحبو .....

https://www.facebook.com/you.write.syrianews/?fref=ts