متل السحر ............ عنجد بيئولو انو الدنيا متل السحر بيصير فيا كتير شغلات ما بتخطر عل الخيال بس كيف بتظبط مع القدر ما حدا بيعرف

بيئولو عن الافلام الهندي انو كش وخرط وتأليف بس سدئوني كل واحد فينا اذا طلع على حياتو وع اللي بيصير معو بيلائي انو الافلام الهندي اكتر من طبيعية ومنطقية بس المشكلة انو اد ما حكى الانسان عن تجاربو والئصص الغريبة شي بيضحك وشي ببكي بساعة الساعة وبس تتذكر و بتضحك

بس انا غير طبعا هي الشعار اللي بئولو الكل مشان نخلي الناس ونحنا تسدأنا وتحس فينا شوي بنئول بس انا غير انا اللي صار معي اني شفتو بتسدأو بعد اديش هلئ هنن مو كتار بالنسبة للسامعين يمكن لانو ما بتعرفو الئصة من اولها ..

هادا يا سيدي انا كنت حب  مو انا وبس كنا نحب بعض حب جنوني وصلان لاكتر من عشق مو هون المهم

الئصة ومافيا هو الحب الجنوني انتهى بيوم وليلة كيف شلون هيك القدر بدو بعدنا وبعدنا وبعدنا اكتر مما بيتخيل اي انسان بها الدنيا

وبيوم من الايام كنت معزومة على عرس اخوو رفيئتي والعرس يا جماعة مختلط  رحت وماب عرف شو اللي صار كان العرس حلو كتير  بس القدر القدر يا ناس اغرب شي بها الوجود عنجد ادما يحاول الانسان يتخيل ما بيطلع  معووو متل القدر كنت وائفة مع رفئاتي وملتهية عل الاخر .... وكاني لمحتو هيك حسيت بس ئلت اكيد انا عم اهدس لانو عنجد مستحيل انو شوفو بها المكان او انا كنت مفكرة انو مستحيل

ستاذنت منهن ورحت اشرب مي الحئيئة اخر شي كنت بتوقعو بعد تلت سنين

  شفتو وانا لسه عندي نفس الجنون فيه بلش ئلبي يدئ يدئ وماعد كننننن متل حفلة الهنود الحمر وحسيت حالي بس بدي ابكي بس بدي اضحك بدي اركد وما عم ائدر متل لما الواحد يشوف منام انو بدو يصرخ وما عم يطلع صوتو هيك كان شعوري واخير لمحني هو كمان .... وفر  عليي كتير على فكرة شافني تلبكت ما عاد عرفت شو اعمل وين روح بصراحة بهيك حالة حسيت انو بدي احكي معو وبدي اهرب منو وفتت بالحيطااااااااااااااااااااااان ....

شفتو عم يئرب مني رفعت موبايلي وبلشت اعمل حالي عم دووور بالارقام وملتهية عنجد صار فيي متل الافلام صرت اتلفت وتلبكت عنجد يا ترى هنن بيمثلو هالشي ولا كل واحد بها الدنيا بيعرف هاالموقف منيح

كان لازم لائي رئم حدا اتصل في واضمن انو رح يرد مالئيت الا رقم شخص كان ناطر اتصالي على احر من الجمر وكان ناطر مني رد وانا ما حاولت احكي معو ئبل هيك مشان ما يتأمل بس ماب عرف شو صار كان لازم احكي مع حدا بس انا وعم احكي بلش ئلبي يدئ اكتر واكتر رفعت عيوني لئيتو صار ئريب مني

حاولت انشغل بالحكي مامشي الحال لانو حسيت انو نفسو صار ع خدي رفعت عيوني تعلئو بعيونو وئلبي انتفض وتكهربت حسيت انو جسمي صار متل النار ونمل جسمي كلووو ما حكى ولا كلمة ولا كلمة    مسك ايدي ورفعها وباسها وكانو حول جسمي كلو لبستان ورد وفل وريحان حسيت ئلبي رح يوئف سألني ممكن نرئص وبصراحة انا كان حلم حياتي من زمااااااااااااااااااااااااااااان انو نرئص

انا مو متل بئية البنات انا ما بحلم انو ارئص مع خطيبي عل البيست وكل العالم بتفرجووو علينا لأ انا كان حلمي كلو على بعضو انو هيك لو كون انا وحبيبي بصحرا  اي انا بحب الصحرا كتير كتير بتحسسني بالغموض بحس كانو الصحرا والانثى واحد سحر جذابة بسماها وقمرها ونجومها وليلها وخوفها وغموضها

الغموض هادا الشي اللي بيشبهني بالصحرا حلمي انو نرئص بالصحرا النجوم ضونا وما في غيري وغيرووو

مالحئت ئول اي او لا  .... لف ايدو حولين خصري ولفني وضمني لصدرو حسيت انو اللي لف ع خصري مية سيخ زنبق طيروني لفوئ لفوئ

بعيد عن الناس عن العيب والحرام والعادات والتقاليد عن الغلط عن الصح نظرة المجتمع عقد الناس اللي ماالها حدوووود حئئت حلمي بكل بساطة وبلا ما حس بتانيب الضمير حطيت راسي ع كتفو ونسيت الدنيا

ربع ساعة حسيتها عمر....

ما حكينا شي بس عيونا كانت عم تتعانق وتشم وضم بربع ساعة بس بعدين رجعت لرفئاتي وكانو شي ما كان حاولو يحكو معي بس انا كنت طايرة من الفرحة وكاني تحت التخدير يعني مائدرت ئول ولا كلمة الا اي اي على كل شي أي رجعت عل البيت طاير عئلي من الفرحة .............

تاني يوم كان كمان من تأليف وكتابة القدر حتى الاخراج والاضاءة والموسيقى بس البطولة كانت لالي بامتياااااااز ول وائل الشب اللي اتصلت فيه مبارح الغريب واللي ما كنت متوقعة انو يصير وائل اجا لعنا عل بيت هو واهلو مفاجئة مو تاري اعتبر اتصالي موافئة وفكرني خجلانة احكي انو انا وافئت عليه

 هيك بيصير وئت اللي بيعتمد الانسان على حل مريح وبيفكر حالو وصل للامان وارتاح وصار تماما يعرف شو بدووو بيفاجئنا القدر بتصرف سريع ما بتلحئ تعترض او توافئ  ما بتلائي الا انت عم تمشي مع الاحداث بدون عئل بدون تفكير وكتير باحيان بدون احساس

وافئت وتحدد موعد الخطبة وسدأوني ما كنت بعرف شو اللي عم يصير متل اللي نممل احساسو ، كانت احاسيسي مجمدة مشيت الاحداث اكتر من طبيعي وصار العرس اي ليش الاستغراب والله صار عرسي وبصراحة كانو فك التشنج اول ماشفت وائل فايت ببدلة العرس اللي بتجننن وطالع احلى من احلى عريس بالكوووون

كانت فرحتي من هالدنيا ما بتنوصف وكانو كنت مسافرة ومالي خبر بكل شي كان عم يصير ولاكاني كنت مخطوبة ، كانو حدا غمضلي عيوني وفتحون وئت العرس

مفاجئة ما بعرف كيف بدي اوصفها ضحك ئلبي وفرحت كتير

وبعدين ..............

صارو اربع شهوووووووووووووور واكيد عمررررر

شفت الحب الاولاني بعد سنة كمان بصدفة بس كان اقل من عادي متلو متل اي حدا ماعرفتووو

بس فشيت ئلبي بالرئصة ................

تمت