جديد أغاني عن المنتخب الوطني حماس تفاؤل توكل وتواكل ...

صافرة الحكم بداية المبارة كرة تتناقل بين نسور سوريا رفعة (نطحة) كوووووووووول أو جووووووووول ما في فرق الأثنان دخلوا مرمى نسور سوريا

المشكلة أنو نسور سوريا أول مرة بيلعبوا مع بعض (لهيك) ما تفاهم حامي العش السوري والمكلف بالمساندة على الحماية وأجا نسر تاني وخطف العش مع الفرحة ونحن من 25 سنة منقول لعبنا كويس بس الحظ والحكم والطابة (مطعوجة) والأرض فيها عشب لأنوا بالملاعب عنا بيلعبوا على التراب مو معودين على العشب لذلك من الفرحة (بيشوطوا) العشب بدل الطابة .

الأغاني ..البرامج التلفزيونية ..الاذاعات.. الاعلاميين ..الفنانين .. يعني باختصار ما ضل حدا وما أجا بالحلم وهو عم يقول أدعي صلي بارك بالفوز على السعودية على أساس مشكلتنا الوحيدة أنو نفوز على السعودية المشكلة عنا ما خرجت برا سوريا المشكلة بـ 25 سنة عم نخسر فيها على طول وكل مرة بيطل اعلامي وبحسسنا أنو الفوز واقف على دعواتنا

والله حرام على الأعلام أنو مفكر أنو المواطن السوري لهلق (غشيم).

ورح قول متل الاعلام السوري لعبنا كويس برافو منتخبا وإلى الأمام بخسارات مقبلة ورح وصي أبني أذا الله وفقني وتجوزت أول الشي أنو طول عمروا ما يشجع نسور سوريا

شكرا