الرياضة والوطنية

هناك وفي المكان الذي أعيش فيه , كنت اجلس وابني ينتظر برنامجه الرياضي المفضل وقد حان وقته وكان الهدوء يسود المنطقة فجأة ؟؟!!

 الغبار خلف زوجتي التي قامت بارتقاء رائع من خلف الكنبة فالتقطت جهاز التحكم وقلبت عن القناة فكان صراخ ابني أعلى من صراخ الجماهير في العباسين فوجدت نفسي لهذه المواجهة حكم !

وبدأ السجال الرياضي و الوطني والتربوي الذي زرعناه في نفسه ؟

فزوجتي تقول ادرس عندك فحوص, والولد يقول لا أريد ادرس ما شفتي المذيع بيقول فقط وبالدعاء لله ودعاء الوالدين والحظ نفوز وننجح , هذا بدل ما تبلشي تدعيلي عم تطفي التلفزيون

قلت له يا ولدي أولاً بتدرس وبعدها بتركز وبتحضر حالك وبعدين مندعيلك وبيوفقك الله,

 قال لا أنت غلطان و مانك وطني......!!

 وبهذه اللحظة كانت الكلمة القاضية وكأنها سيف يخترقني فتلعثمت ولم يعد يخرج الكلام من فمي فكانت زوجتي أسرع وقالت من وين هل الحكي, قلها ما شفتي المذيع شو بيقول : كل شي بيقول انو المنتخب ما رح ينجح بكون سلبي و مانو وطني وعلى كلاً ما خسر المنتخب غير من وراكي أنتي و جارتنا أم عبدالله و أم فراس لأنكم ما دعيتوا  لأنو قال بالدعاء وحده نفوز

( فاصل ومنعود ) في هذه اللحظة صعقت لأننا سبب إخراج المنتخب ما دعينا و أننا سلبيين وطنياً .

استرجعت بعضاً من أنفاسي وقلت طب يا بابا هلق الفرق الثانية ما عندها أهل بتدعيلها  وعندها إيمان بالله قال: صح, فقلنا : اتفقنا

طب ليش فازوا علينا , لأنهم حضروا كويس و ما عندهم واسطات والمدرب هو إلي بحط الخطة و يحافظوا على انسجام, واللاعبين يحبوا بعضهم ويدوروا على الفوز قبل ما يجهزوا حجة للخسارة وثاني شي يا بابا اللاعبين بكونا مختارين بطرق علمية ورياضية مو حسب اسم واسطة اللاعب أو مين بيعرف وشفت يا بابا كان في كم لاعب بالمنتخب مصابين بس جايبنهن وفي لاعب مصاب وما عم يقدر يركد ما رضي يبدلوه بلاعب من البلد ولا رضي يترك إشارة الكابتن ولا رضي يعطي باص حتى سمعت انو عم بينام فيها والأهم من هيك في اتحاد رياضي وراهن مو معاهن بالنومة وبالخطة وبالتصريحات .

بهذه اللحظة خرج من عيون ولدي كلمة يا خاين ويلك , قلت له شبك قال أنت عنجد مو وطني ما شفت احد مسؤولي الاتحاد الرياضي شو قال : فجاوبت ورأسي مطأطأ , شو قال ؟؟ فكان الجواب كل واحد بيطالب باستقالة الاتحاد الرياضي فهو خائن وليس سوري  وثاني شي الاتحاد بيحقلوا كل شي ماشفتوا شلون نزل بمباراة بالدوري و عيطت على الحكم واللاعبين و كأنو شرطي

و_الكلام لولدي_ بابا هي الملاعب واللاعبين كلها ملك الاتحاد و ياريت البطولة كانت عنا كان العمو نزل كل شوي وحكى الحكم بمباراة اليابان وخلانا نفوز .

 قلت له : لا يا بابا هذا مو قانوني , فقال : الفيفا شكرتوا وهو هيك قال بالبرنامج الرياضي , وثاني شي كان بدنا لسا غنيتين ومن فوز و شفت شو قال الفنان الكومبارس الموهب النجم وهو عم يحلل على المباراة أنا بكل أحاسيسي مع المنتخب  كان بدنا فنانين ثلاثة مع أحاسيسهم وتحليلاتهم الرياضية الرهيبة كنا فزنا شفت انو كل الظروف كانت ضدنا , فقلت له إي والله يا بابا أقنعتي واقتنعت

ويا أعزائي هذه هي أسباب خسارتنا فراجعوا أنفسكم يا جمهورنا العزيز