الحكاية مجرد مشروع
وفكرة سفر
ترسم على دروبنا
شكل القدر
وبتمر الأيام
وبتخطفنا الأوهام
وبتنسينا ذاكرتنا
وتغرينا بعض الأفكار
غريبة عن ديرتنا
وعن إيماننا وقناعتنا
إشتغل يا إبني
وفر فلوسك
لا تخلي الزمن أبداً يدوسك
بكرة بترجع للبلد مختار
والبعض عاش وضاع
والبعض رجع في نعش
تحاصره الأسرار
والبعض أهله ماتوا بالحزن
لا تهنوا بطلته بعد فراق
ولا فرحوا بأولاده
ما أصعب الصبر على الزمن
لما الروح بتصير معلقة
بصور الحبايب
على الحيطان
وعيون الأهل مليانة
بالدمع والحرمان
وسنين بتودع بعدها سنين
حتى الذكريات بتصير
دمعة شوق قبل وبعد الطعام
وعلى مخدة الأحلام
ألم الإنسان وعذابه
وينك يا أمي
يا نور الحنان بدمي
بتذكر كيف كنت
تحضري لنا الفطور بكير
على صوت صباحنا والعصافير
ليش يا أمي غبت عنا
وبدل عطفك والدلال
الأسى صار يقتلنا
خليني أخبرك يا أمي
نحن ضيعناك
وضيعنا وجهتنا
لما الأمل إنتحر فينا
صارت الحياة صعبة
رغم الوطن بيبقى
حضن الأمان لينا
يا أمي أنت علمتينا
روعة الإيمان بالقومية
وبوحدة أمتنا العربية
وأنه كل مشاكلنا
حلولها بإنتصارنا واقعية
واليوم العروبة بتشكي
من قسوة مظالمنا
والعدل ما عاد يفرحنا
ولا صدق الأخوة تجمعنا
يا أمي أنا خايف عليك
تموتي من القهر
لأنه بإيدينا سمحنا لهم
يسرقوا حق التضامن بيننا
ومن قلوبنا وعقولنا
وكتبنا ومدارسنا !
وكنائسنا ومساجدنا
وسمو علينا المصالح
تاريخ من ذهب
بيغري الفساد بالعجب
ونفط العرب أسود
لا قدرنا نصبغه
ولا نطهره باللون الأبيض
يمكن يا أمي ما إلنا فيه خير
لا قدرنا نزرعه أشجار
بنهضة حضارية
ولابنينا فيه عش
للإنسان والطير
كأنه نفطنا مرسوم
بحبر دمنا دربه
لا حفظنا حقنا فيه
ولا سلمنا من حربه
نهوى نشتري بثمنه مدفع
لا بيشتغل ضد أعدائنا
ولا عنا إيمان نستعمله
والطيارات اللي بنجمعها
تحت الرمل
ملح الأرض بيرفضها
ويغضب علينا
ولو طارت بين النجوم
الإيمان بسقطها بإيدينا
يا أمي نحن حنينا
للعار ظهرنا
لما إخترنا رسم الوطن
بالعصا والحديد والبيكار
ورضينا نغمض العين
على المسمار
وغيبنا تراث أجدادنا
وإخترنا اليورو والدولار
وصرنا بدل ما نعيد
في القدس الحبيبة
ونحرر أراضينا السليبة
نداوي كرامتنا المهدورة
بوهم السيادة
والعبث بصالات القمار
مسكون يا وطن الأمة
بنحر الصدق والحكمة
وسجن الإبداع والثقافة
وضمير الشرف
عند الأحرار
معقول العربي بعد الأجنبي
على خط النار
معقول العربي مع الأجنبي
على درب العار
ونعيش الغربة بمأساة الندم
وتكوي صدرونا براكين الألم
يا الله ما أحلى ترابك يا وطن
وما أحلى الياسمين بالدار
وما أجمل وجه الوحدة
والإلفة والمحبة
بين الأهل والجيران
يا وطن كل شيء فيك حلو
حتى الأجل
والعشق يخلدك
بإنسانية الإنسان
أنت مجد الشهداء والكرامة
وأرضك منبع الحنان
ما أروع الربابة لما تعزفنا
والعود والناي والكمان
يا حيف يضيع عمرنا
في الإنتظار
برسالة يمكن تتأخر
أو تختفي مع المجاهيل
وتختصر شوقنا بالحنين
وتخفف عنا القلق
من ضعف الأخبار
يا وطن أنت ربيع الأمل
وأنت المستقبل والغار
نكحل عيون أولادنا
عبر الأجيال
بسحر الجمال بفصولك
وطيب الثمر
وحلاوة الورود والأزهار
سامحنا يا وطن
راجعين نمسح دمعتك
ونبقى كما كنا إلك أبرار
سامحنا يا وطن
طولنا عليك المشوار
