بعتذر منكم  أنو عم أكتب بالعامية   هي  و الله فشة خلق  من  هالشي يلي عم يصير بالبلد و المشكلة ما عم نعرف شو عم يصير نحنا برات البلد و قلبنا عم يتقطع على البلد

من قناة لقناة و من موقع لموقع  و ايميل من هاد و تعليق من هداك  و ووو و مين بدنا نصدق  لنصدق الاحتجاجات ركبت المؤامرة و لا المؤامرة ركبت الاحتجاجات و مين  أطلق على مين  و ليش  و كيف و ما عم نعرف شو عم يصير بهالبلد

المندس ركب قطار المحتج  و لا المحتج ركب قطار المندس  و مين يلي  دفش القطار  و  مين عم يقود و لوين رايح القطار

يا مواطنين  يا عناصر الأمن  يا ضابط الجيش يا مسؤولين يا سوريين نحنا كلنا أهل و أخوة و طائفتنا سوريا و ما في داعي لهالشي يلي عم يصير وبالحوار و بالكلمة الحلوة منحل كل مشاكل البلد و ما حدى آخد معو شي و هالبلد لح تبقى لأهلنا و أولادنا و أحفادنا

الله يخليكم انتو الكل و الله كلكم  وطنيين و قلبكم  طيب  أرجوكم احرسوا سوريا و حافظوا عليها و طيبوا خاطرها فهي حزينة بسببكم أنتو الكل