إنتي عينيً ولعيني إنتي النظر

ومن بعدك أنا لحلف ع السمر

وسكر ع حالي وإنسى السهر

من بعدك دنيتي ما فيها قمر

وحياتي يا حلوة كلها تعتير وفقر

من بعدك أنا ما بعرف أكتب شعر

ولأنظم قوافي ولا حرك وتر

ومن بعدك يا طفلتي الصبح ما فيو سحر

وألبي على كتر حنية رح يقلب حجر

ومن بعدك يا علاتي كتابي بلا فكر

ورح قضي عمري هجران وسفر

ومن بعدك غيمتي رح ينشف منها المطر

وبدي هد كل بيت عمرته وكل قصر

ومن بعدك أنا متل سمك برا البحر

ويا ريت ويا ريت ويا ريت

بترضي تضلي حدي على طول العمر

تيتحول كل شر بألبي لخير

ويفتح بألبي الورد والزهر

ويحلو عنقودي ويخضر الشجر