شباب و صبايا

صار لازم نفهم بعضنا

يعني هالوقت لازم نكون فيه متكاتفين

يعني اللي عم يصير

حرام

هاي سوريا و اللي عم يموتو أهلنا

أخي و أخوك و قرايبي و قرايبك

و صديقي و صديقك

و الكل قاعد تحت سقف واحد

اسمو سوريا

سوريا الوطن الغالي

لو كل واحد فينا يزرع نبتة حب

لانسان مخالفو بالرأي

كنا لقينا أشجار عمرت هالبلد

و كنا نسينا اللي صار

و اللي بدو يصير

نحنا ولاد وطن واحد

و شرف واحد

و قلب واحد

و هدف واحد

وشعار واحد

هو سوريا و بس

لو نقفز عن حواجز العمى

عمى القلب

اللي نسّانا حالنا

و نسّانا ديننا

و نسّانا حلمنا

و تركنا بهموم كبيرة

ما بنتخطاها الا اذا كنا ايد بايد

و صوت واحد

نقول

نحنا سوريين

بكل مكان و كل زمان

دائما و أبدا

بفتخر اني سوري

بيكفي هالفخر

ليش لنعكر جونا

بتفاهات الماضي و الحاضر

بالنهاية

كل شيء رح ينتهي

و يضل العمل الصالح

ايمت كنا هيك

بهالحقد و الكراهية

معقول نحنا نفسنا السوريين

أيام الاحتلال الفرنسي

اللي أزلناه من جذورو

فقط لانو كنا ايد وحدة

معقول ننسا مين نحنا

لا لا لا لا

أنا سوري و رافع راسي

فوق الظلم و فوق المآسي

و اسمك يا وطن مالك احساسي

دوم بالقلب ذكرك و أبدا مو ناسي

كتبتك يا وطني على الجبين

و لو بالدم لفديك و احلفلك يمين

اني عالعهد ماشي فوق العرين

انت الغالي و لترابك عندي حنين

أنا حجرك و شجرك حركني على كيفك

و الله لو تفنى الدنيا أبدا ما عوفك

كل اللي صار هفوة و انت رح تحمينا بكفوفك

انا أملك و انت أملي و رح تعظم صفوفك

سورية يا قلب و وطن انتي حرة أبية

كلمة رح احفرها بقلبي دوم وابدية

رح تبقي عظيمة بالسر و العلنية

انتي الدوا و الطبيب و انتي روحي الهنية

و نحنا سوريين

و رح نضل سوريين

يا حبة الياسمين