يا لطيف هالجملة شو زعجتني,,

ومن بداية مراهقتي لازمتني,,وكانت تضرب ع الوتر الحساس وكرهتني بمعظم الناس,, وإليكم قصتي أرويها لكم بإتقان من غير زيادة او نقصان..

كان يا ما كان...لأ..لأ... ما بدنا قصة مؤلفة وخرافية, رح احكيها كيف جرت وبالعامية...

قومي إمي قومي...الله

يرضى عليكي...جهجه الضو وهلئ بتطلع الشمس وبتحمى وبيتغير الجو.. قومي نزليلي هالبرادي لحطهن بالغسالة دورتين..لأنو ما بقي للعيد غير يومين..

يا  إمي يا  إمي:

ما حلن ينغسلوا شو نسيتي  انو غسلناهن اول رمضان؟؟ أي ريحتن  لساتا دوا غسيل..!!

 منيح منيح..ذكرتيني قلو لأبوكي : يجيب علبة برسيل..!!

يا إمي الله يخليكي تركيني بدي نام تعبانة كتير والله حراااااام....._اي قومي بقا خلصيني

(اسمك مفطرة)..إذا عطشتي بتشربي دمعة مي.. وبتاكلي كم لقمة بتقوي شوي.... قومي افتحي

الباب رن الجرس..مينوهاد يلي جايينا هلئ ..شو صابو الهوس؟؟...

  مرحبا

حبيبتي.... أهلين خالة....... دخيل عينك بدي اطلب منك طلب..ولو اني خجلانة وحاسة حاليقليلة أدب..!! .. _لأ.. حاشاكي خالة.. امريني..

 ما يؤمر عليكي ظالم تئبريني....: زكاتك اسمك مفطرة""" خديلي بنتي الصغيرة ع السوق واشتريلا اواعي للعيد أنا صايمة وسايف  قلبي..ومالي حيل مع البياعين آخد  وأعطي..وبنتي كتير لذيذة ما بتعذبك بنوب..

انتي بس اشتريلا الفستان يلي بيعجبها وطعميها  تب توب..( روبي جامبو حاليا)..

_ بس يا خالة هلئ الصبح والمحلات لسا ما فتحوا؟!..تكرم عينك باخدا بعد المغرب..

 لأ شو بعد المغرب..عجئة  كتير كنت اخدتها انا.. بس قلت لحالي: اسمك مفطرة"""

بتاخديها بالنهار.. وإذا عطشتي بتشربي كاسة كوكتيل وبتتسلي بالبوشار..

_ يا خالة شو عم تحكي..انتي..؟؟!! بدك ياني قدام الناس الصايمة اشرب وافتح تمي؟؟!!

لك شو عليه يا بنتي..هي رخصة من الله  دخيل اسمو..ومن حقك..وما خصك بحدا

 ولا حدا بيخصك... ياللا ياللا رح رووووووووووح

روحي لبسي بنتك....

_  _ لك بنتي  وينك؟؟ استني نزلي البرادي قبل ما تروحي.. وبس ترجعي  بدوقيلي الطبخة

لانو الملح ما بيواتي ابوكي..""""اسمك مفطرة""""

_ _ _ وينك امي..وينك..ردي ع التلفون... عم افرك المجلى وايديي صابون..

=== ألو  ... أهلين اختي.. خير في شي؟؟ متصلة من ع بكرة الصبح؟!

__ سلامتك حبيبتي...

بس كنت  قاصدتك بخدمة,, _ _ _

 لا تحكي كتير اختي.. وتنشفي ريقك انتي صايمة وبعرف شو بدك...بدك تقوليلي:

زكاتك اسمك  مفطرة"" روحي لعند خياطتي شانيل وجيبيلي من عندا تنورتي الجورجيت  وبلوزتي الدانتيل...وبطريقك..إنتي وراجعة بتمري لعند اللحام وبتاخدي من عندو الموزات  وبلزقو سوبر ماركت ابو زياد لا تنسي اللبنات.. وانتي فايتة ع بنايتي دقي الباب ع جارتي

وقوليلا: بتقلك اختي:

"""اسمي مفطرة"" هاتي لساعدك بالمعمول والعجوة.. واحفرلك الكوسا  واحشيلك الكبة..واغليلك الجبنة.. ودوبلك الزبدة.. واقلي السمكات.. وطش العجة..وحرك اللبن وفسخلك الفخدة......!!!!!

"وزكاتي اسمي مفطرة"  ابعت المساهمة وانشرها ونزل التعليقات واختصرها واحذف هناء وعفراء احظرها وسكر سيريانيوز وشفرها عجبتني الفكرة رح حطا براسي ودورها ""اسمي مفطرة""" بفرد  مرة           زكاتي