يمكن تكون هي زعلت...

ويمكن تكون بكيت... بس وحياة نور وجهك (اذا كان موجود) ما استمر الزعل اكتر من يوم

يمكن تكون انت تركت الحب يلي كنت مسميه حب حياتك مشان شوية مصاري

بس هاد اذا دل على شي فهو بيدل على طمعك واديش الله كريم وكبير يلي انقذ هالانسانة منك

يمكن الناس يلي عم تقرأ كتاباتي ما عم تفهم شي لحد الان

بس سمحولي احكيلكون لتفهمو ويا ريت تحكمو

واذا بتدعوا عالظالم بيكون كتير منيح

كان يا ما كان بقديم الزمان..كان في بنت حلوة كتير و مهذبة وخلوقة ومتعلمة يعني بلا طول سيرة فيكون تعتبروها العروس المثالية...بس الحب اعمى..والبنت حبت شب هفتان ومع هيك  قالت معلش بكرة بيصير منيح..قلنالا الشب اناني قالت انا بعلملو التضحية..قلنالا الشب مامعو ياكل قالت معلش انا بشتغل وبساعدو...قلنالا الشب قلبو قاسي قالت معلش بكرة الحب بيخليه يحن وبالفعل تمت الخطبة وامتدت سنتين وكانت البنت حاملتو على كفوف الراحة بس المثل الحكيم القديم بيقول ( اذا اكرمت الكريم ملكته..واذا اكرمت اللئيم تمرد)

هاد الشب باع الحب وباع العشرة وباع التضحية والدلال لانو لقى وحدة معها كم ليرة اكتر قال لخطيبتو باي باي بدون ما يخبرها السبب وخطب تاني يوم و اتجوز بعد شهر..(انشالله زواج قبرصي)

مبروك يا صهر البيت..بالفعل  (الرجال قليلُ)

اما لعروستنا المثالية بقول مبروك حبيبتي انتي الربحانة خلينا نعتبر جوز جرابات كر و كبيناه يللا فرحينا فيكي

توتة توتة خلصت الحتوتة