من ساعة كنا سوا سهرانين وعم نضحك ونحكي سوا
وهلق وبعد الساعة بيجيني انها كانت اخر ساعة
خسرتك معقول بسال الناس بسال الدكتور شو خلص راح
الحكي ما بينقال وحدها هزت الراس قالتلي انك رحت
كيف و ليش تركتني يارفيقي وين رايح تروح
يا عمري انا فتحتلنا الجروح
شو بقول لامك رفيقي مات ابنك راح
ام لخيك راح اخونا يا حبيبي
انا عم امشي بالجناز قدامي نعش ابيض
لمين النعش اسال يقولولي للعريس اللي راح
وانا قول العرس مو هيك يا ناس
العريس بس يروح رح يرجع على البيت انت وين رايح تروح
قدامي الناس تبكي وانا ما اعرف شو اعمل
ابكي ام ازعل بشوف امك
بحس حالي صغير
ليش رحت وتركت امك تنوح
ليش رحت وتركت قلبها وقلبي مجروح
والله بعد بكير تروح
20 سنة شو شفت من العمر بعد
وين العدل يا ربي للشمعة تروح
وين العدل يا ربي وين
بتمنى من كل مين بيقرا هل المشاركة انو يصلي صلاة صغيرة على روح هل الشب اللي مات رفيقي اللي مات فجأة وهو بعمر الوردة 20 سنة تدعوا انو يصبر قلب امو ويرحموا بالجنة.
