رن الموبايل .. رفيقتي من الامارات عم تتصل .. لازم رد لانها هي رابع مرة بتتصل و انا ما برد ..
- آلو
- منشان الله ما تزعلي و الله عم حاول اتصل فيكي كتير بس الخطوط ما تعلق .. مابعرف شو القصة

مع حالي صرت احكي .. مين عتبان عليكي ..قائمة العتب كبيرة و طويلة .. و انت بآخرها .. اصلا مين فاضي للعتب .. و مع حالي كمان صرت احكي .. مابتعرفي شو القصة لحتى ما عم تعلق معك الخطوط .. طيب .. جاوبتها:
- خير انشالله و لا يهمك الساعة كانت حوالي الـ 9 بالليل و هي عم تحكي بتفاؤل و ا ندفاع .. استغربتهم .. كتير بس كملتدج ج ج طلع صوت كتير قوي .. قامت قالتلي بسرعة و عفوية ..- - اوف شو هدا .. خير انشالله و بنفس عفويتها .. ما لاقيت جواب انسب قلها ياه:

- رعد .. عم ترعد الدنيا .. بتعرفي الشتاء عنا بسورية .. مطر .. و برد يعني هيك شي بسرعة جاوبتني و هي عم تتذكر مطرات الشام - ايييييه .. سقالله شتاء الشام .. نيالكن .. انتو اهل الشام .. في احلى من الشتاء و الصوبيا و شوي الكستنا .. و اللمة حوالين الصوبيا ؟؟ كمان صرت احكي مع حالي .. شبها هي .. جاية من المريخ .. كستنا؟؟ و لمة حوالين الصوبيا؟؟ اي صوبيا ؟؟ ماشي كملت :

- اي و الله سقا الله تلك الايام .. كيفك شو اخبارك و شو عم تعملي هلأ؟ بس حتى اكسر صفنتها الغير مبررة بالنسبة لي و المبررة حتما بالنسبة لها باندفاع جاوبتني و كأنها نفضت عن مخها غبار التفكير المتعب اللي ما لو اي مبرر او داعي .. او مو جاي عبالها تفكر فيه

- عم حضر العشا للسهرة هلأ بيجي الافندي –قصدها ع جوزها – و هو ما بيحب طبخات الزيت و انا اليوم عاملة فاصولياء بالزيت منشان هيك عملتلو شوية شرحات و بطاطا عالسريع .. يعني مع صحن سلطة صغير . و للزعرة دودي – بنتها الصغيرة اللي عمرها 4 سنوات الله يخليلها ياها – حضرتلها سويسرول ... ع فكرة عملتو بطريقة سهلة متعلمتها جديد .. اذا بدك بعلمك ياها!!!- - برابو .. و انا تعلمت من مرت أخي طريقة جديدة لتسييح الشمع و إعادة تدويره .. صار حق كيس الشمع 450 ليرة و احيانا ما بنلاقي .. - جاوبتها بصوت واطي .. و يمكن ما سمعت او ما حبت تسمع .. شو بدها بهالصرعة

- كملت بنفس الاندفاع  ع فكرة صبغت شعري بلون جديد باذنجاني .. هيك بيحبو "رامي" رح ينفلج بس يجي هلأ .. و يشوفو ..يعني السهرة اليوم ح تكون غير شكل- برابو .. برابوو بنفسه .. نفس الاندفاع .. تبعها سألتني .. و انت ما قلتليلي شو عم تعملي هلأ.. و شو تحضيراتك للسهرة؟؟بنفس البرود تبعي جاوبتها ..- ولاشي ابدا .. عم حضر البطانيات .. و الشمع .. و كيس المي السخنة .. استعدادا لانقطاع الكهرباء.. عشر دقائق و بتقطع الكهرباء .. و ما بعرف ايمتا بترجع .. اكيد بتروح معها للصبح .. مو مشكلة تعودت ..انصدمت .. مدري صفنت .. مدري استغربت .. شو هالاستعدادات و شو هالسهرة .. ببرود –هالمرة هي جاوبت – - اي برابو ..برررابو .. يللا بدك شي .. استدركت بسرعة- اكيد داق خلقها من التليفون ..جاوبتها - ابدا .. انبسطي بالعشاء .. وسلمي شو بدي قول .. و اكيد مافي شي بينقال... اكيد معهاحق ماتستوعب .. تستغرب .. تندهش .. و تصفن .. الشغلة اكيد بدها صفن .. و اكيد معها حق .. كل الحق انه تبطل حتى تتصل .. و تسأل شو بدها بالسؤال بالله؟؟