مو أحلى بلد أنتي
لا كنتي ولا صرتي
ولا عمري أرتحت فيكي
بس متعود عليكي

متعود عنسماتك
عسهراتك
على بيوتك عحاراتك
على ريحة أكل أهلك
وما أطيبها أكلاتك
سوريا ياسوريا
شوفي حكايات نحكيا
وشوفي سهرات
شوفي روحات رح نروحا
وكزدورات

شوفي قعدات وغنيات
شوفي لعبة ورق حلوة وشوفي ضحكات
سوريا يا سوريا
يا أحلى دعوة ندعيا
شدي حالك وقومي
فتحيلي عيونك وشوفي
شوفي أحباب حواليكي
شوفي أولاد مرضيين بيقرولك ختم قرآن

والرحمن يدعولك يقويكي
ويحميكي
سوريا ياسوريا
موأحلى بلد أنتي
بس القلب بيحبك
ومتعود أنا عليكي



بقلم توفيق سرميني ..عن صفحة (كمشة شعر) على فايسبوك