سيريانيوز شباب وتعليم :: امتحانات الشهادة الثانوية بين ألم الامتحان وأمل النجاح

امتحانات الشهادة الثانوية بين ألم الامتحان وأمل النجاح

مواضيع للحوار

أيام مرت بصعوبة .. سهر وأرق ، خوف وترقب ، توقعات أصابت وتوقعات خابت ..

شباب يحلمون بمجموع عالي يصلون من خلاله الى الجامعة التي طالما حلموا الدخول اليها ، يرسمون طريقا لتحقيق آمالهم التي باتوا يخشون تحطمها على عتبة باب ما أسموه بالأخطاء المطبعية ..!؟

يأتي اليوم الأخير للامتحان لتبدأ به مخاوف الطلاب وترقبهم من الآتي

القرارات كثيرة وربما برأي البعض قد تكون عشوائية فمن الخوف من المعدلات المرتفعة الى قرار ايقاف التسجيل في التعليم المفتوح الى والى "وما خفي كان أعظم "

التوقعات كثيرة والآمال بتحقيقها ضعيفة فهل باستطاعتنا التفاؤل بما يأتي في ظل هذه الظروف والقرارات المتلاحقة .

وهل نترقب شيئا جديدا ربما يأخذ بأيدي الطلبة ليوصلهم الى ما يحلمون ويطمحون ؟

شاركنا الرأي ؟

شارك بالتعليق

يا سيدي سطح لا تزعل ولا

عالسبحانية

كل شي الو سبب كل شي خلقو الله عز وجل الو سبب (يعني سيدناأدم خلق ليعمرالأرض) بس بلدنا ما لا سبب ! الله وكيلكون نحناعايشين على السبحانية بلى اسباب بلى علاك عالسبحانية يعني نحنا لولا الله سبحانه وتعالى ما عم يطلع فينا كنا من زمان جنينا وهسترنا (اييييي تذكرت نسيت قول أنو انا طالب بكلوريا تاني سنة ( بس السنة أخد احطياطاتي مشان ما يقدرو يرسبوني)

يعني بس بدي اعريف ليش نحنامظلومين بكل الدول ما في هيك الله ينجحنا

انا سوري اه يا نيالي

*********************

يعني معقول طالب بكلوريا برسب سنة مشان علامة ديانة؟؟؟ بتخيل انو الديانة مادة مساعدة بس شو بدنا نعمل عملنا يلي علينا

تضرب البكلوريا ووزير التربية مو عرفان كيف يشتغل بلطلاب

شيء مضحك.....تكملة

وبعدين سألو أشو عم تدرس وطلع مسجل بالجامعة لهندسة الكميوتر بالموازي بالله عليكن هاد بستاهل يدخل لجامعة هندسة الكمبيوتر وما بعرف شي بالكمبيوتر ولا بعرف يكتب كلمة غوغل ..... ؟؟؟؟؟؟؟؟؟؟؟؟؟؟؟

شيء مضحك تكملة.....

وبعد ما ساواها سألو كيف تنكتب كلمة غوغل Google >>>>>>>الأخ ما بيعرف يكتب كلمة غوغل

عندي صديق باكالورياعلمي وهو شاطر كتير وحلمو يطلع لجامعة هندسة الكمبيوتر بختصاص زكاء صــنعي وجمع 231 من 240 بس هني طلبوا لهندسة الكمبيوتر 232 وبعدين دخل هندسة مدنية وبعد فترة راح لجامعة هندسة الكمبيوتر منشان يشوف الوضع هونيك وهو كان قاعد بالمنتزه شاف شب معو كمبيتر محمول وقلو من بعد إذنك إبتقدر اتساوي إعدادات الإنترنيت ما عم يدخل , وساواها وكانت كتير بسيط

عاشق الصحارى

طالب البكالوريا عقله بيسع كتيـــــــــر

مرحبا الدراسة عنا بسورية مش سيئة كتير أغلبية الطلاب يتخطون كل المراحل ماعد البكالوريا هل تعرفو ليش؟ لانو عنا الوزرة بد من الطالب يطلع ويكون فهمان كل شي إن كان في المدرسة ولا في المعهد ولا في البيت وعلى قول {طالب البكالوريا عقله كتير كبير والله يحمينى من الأصعب

سوريــــــــــــــــــــــــــــــــــــــــــــة

عاشق الصحارى

تغير كل المناهيج أولا

السلام عليكم ورحمة الله وبركاته ياريت قبل مايحطو لغة الفرنسي يجيبون كادر دارسي يفهم الطلاب وكذللك الإنكليزي وحتى بقية المواد يجب أن يغير الكتب كله ويجددو مو يعدلوه.

سوريــــــــــــــــــــــــــــــــــــــــــــة

طالبة بكالوريا

حرام هالظلم

أنا طالبة بكالوريا تجارية نجحت بكل المواد ما عدا مادة وحدة نقصولي علامتين ورسبوني كل السنة مشان هالمادة مع اني قدمت كتير منيح بهالمادة وبستحق علامة أعلى هي تالت سنة بقدم بكالوريا وعم برسب ظلم بظلم قدمت اعتراض ما استفدت منه شي وكنت من الأوائل مو حرام هالظلم

سامر الحموي

بدي وجه رسالة للدكتور علي سعد وزير التربية بخصوص الأعتراضات على نتائج البكالوريا التي سببت بنجاح أربعة طلاب بعد ما كانوا راسبين مو حرام هالظلم كله للطلاب والسبب هو من الموظفين يلي عم يصلحوا ******

ملخص البكالوريا:((ضخامة المنهاج -كثافة المعلومات -ضياع الطالب))

اتركونا من الحكي لأنو العمر بخلص والحكي ما بيخلص نحنا لازم نواجه واقعنا مهما كانت صعوبتو

المدرسة هي عبارة عن سلم طويل وكل صف هو عبارة عن درجة من هذا السلم وآخر درجة مكسورة ألا وهي البكالوريا ويجب علينا نحن الشاطرين نطلع عليها من دون أن نقع..؟؟!!

بكفي ** يا شباب

والله أنتو عمبتعبو حالكون بهل الكلام والله وجعني راسي لما قريتو فكيف هل الكلام بدو يقرا شي مسؤول أو وزير التربيه بزاتو المهم مافي فايده خلينا نعيش وتانشوف تاليتا الله معنا بكفي

سوريا الحبيبه يحفظك الله

طالبة توجيهي

طلبي هو انكم توضعو امتحانات التانوية العامة في فلسطين للسنة السابقة2007 ومع الاحترام

مشكلة الطالب السوري هو كثافة المنهاج واعتماده على الحفظ البصم ومشكلة الموظفين والعاملين في الدولة هو دخولهم على مهنتهم بلا رغبة فنحن كطلاب مجرد الات مسيرين بالعلامات

انا جد متخوفة من البكالوريا وانا امر بوقت مليء بالحزن احتاج نصيحة من كل الجوانب

طالب بكالوريا7 سنين

انا كنت طالب مهني سنة 2000 طللعو قرار بالغاء المهني والراسب يكمل بكالوريا فني والناجح يعني انا احطولو ومن سنة 2001 لهلا انا بكالوريا علمي من شان قرار وما اعترفو بالثانوية المهنية لا بالجيش(ال هي سادس) ولا بشؤون العمل(ال هي شهادة خبرة) ولا بالجامعات(ال هي مو بكالوريا)ومازلت بكالوريا2008 وبدون شغل مع اني مبرمج

طالبة جامعية

ترك الخيار للطالب

بعتقد أنو إذا تركوا الخيار للطالب مارح يختار الشي الي بيلائمه لأنو كل شخص بتسالوا شو طموحك بيقلك طب او صيدلة او هندسة...يعني رح يختاروا الجامعة نسبة لأسمها فقط يعني طمعا بلقب الدكتور او الصيدلاني او المهندس الفلاني

بيقولوا ( سوري )

من يدفع الثمن

سؤال يطرح نفسه هل هناك ثأر بين من يضع الأسئلة وبين الطالب أو قد يكون فشل الطالب ثمن غباء بعض المشرفين على الإمتحانات

بكى لوريا وبكى أهله معه !!

البكالوريا أشبه بفلم رعب ببدايته يبدو البطل متفائل ثم مع ظهور ندوات ماقبل الامتحان يبدأ صديقنا بالاكتئاب بسبب ذاك الذي يظهر على الشاشة ليقول وبكل بساطة: أريد من طلابنا الإعزاء ألا يتوتروا وأن يتعاملوا مع الورقة على أنها صديقة أو عروس تتزين بالحبر الأسود!! أتمنى إعادة النظر في مثل هذه البرامج التي لافائدةإيجابية ترجى منها. نهاية الفلم علمه عند الله!

سورية العلم@الحضارة @الحب

حسن خيرالله

نرجو الأنصاف من المسؤلين بالوزاره وأعادةالتصحي

هل من المعقول أن لايعرف الطالب مايكتب مرة ومرة ومرةولاكن دائما المصحح لايخطىء وأيضا الملقم للكمبيوتر معصوم عن الخطأوالدليل ماحصل لأمتحان مادة الرياضيات ومنذ أكثر من عام كان مطروح دورة تكميلية لأمتحان البكلوريا والله أعلم ماذا حل به الرجاء ثم الرجاء أنصاف الطلاب وأعلمو أنه سيأتي يوم يحاسب به الجميع والله لايضيع أجر من أحسن عملا وشكرا لكم مسبقا

بنت الكويت

الله يعينكم

الله يعينكم على الدراسة بسوريا الصراحة كلامكم عن الظلم الا في سورية يدل على انكم مظلومين ان شالله الله يعدل حالكم الى الافضل

سيزاروووو

مو بس هدول وبعد في كمان

السلااااام عليكم وين المفاضلة الظاهر عالحرب كل شيء عم يرتفع حتى آآآهههه أنا أظن انو اكثر طالب عم ينتظر المفااااضلة طالب مجمع 234 لأنو احتماااااال يرفعوااا المعدلااااات بسب الحرب

قرااااااار

قرار من مدير التربية عن:لن تصدر نتائج التعليم الاساسي حتى تحرير فلسطين و لبنان و العراق و جميع الدول المحتلة نرجو من الاخوة الطلاب الهدوء و التزام الصمت ...... و اللة يكون معنا

سوريا الاسد......

نسيت اسمي

كلو اضرب من بعضو

لو كان فيهن خير و لو كان في شوية مخ براسهن كانوا ما خلوا البكالوريا تتحكم بمصيرنالهالدرجةليش شوذنب اللي بدويدرس ادب انكليزي حتىيتحمل هم التاريخ و الجغرافياواذا هرب من هالمادتين بيروح وبيدرس علمي والنتيجةموانظم يعني بتدرس مليون مادةمشان تطلع بمادة وحدةويابتطلع فيهايامابتطلع لسة بيقولواأبناءنا الطلبة والله لو صحلهن يعملوا لنا مذبحة جماعيةمابيقصروا........

يعني الجامعة أنظم

شبكن شبكن طولو بالكن لسا ما شفتوا شي حبيباتي بكرا بتفوتوا عالجامعة وبتقولوا ياريتنا عدنا البكالوريا 100 سنة وغلطوا بكل المواد وما شفنا هالمصايب... انا برأيي ما حدا يدخل جامعة سورية من اي نوع، يا سافروا لبرا يا أما ادرسوا بشي مركز ثقافي اريح وافضل على القليلة بتطلعوا فهمانين.

بلدي سوريا

والله شي غريب عجيب كل ما بتقول لح تركز بتلاقيها عوجا- الدخول للجامعة حلم صعب للطالب السوري وبتلاقي الطلاب العرب عم يفوتو بكل يسر وبدون مجموع يا عالم وين المعاملة بالمثل قولوا لي بيقدر طالب سوري يدخل جامعات السعودية أو أي دولة من دول الخليج

اه من التعليم بسوريا

اه والف اه ... بربكن يعني شو هالتعجيز بداية بيغلطو بالأسئلة وبقولو حالنا كحال الدول المجاورة مو بس صارت عنا طيب كونو متل الادول المجاورة منهاجنا الوحيد والفريد من نوعو بالعالم مو بس بالشرق الأوسط..أضف جامعاتنا ما منفوتها وبدل مننا بفوتها الطلاب العرب بمجاميع قليلة وبأسعار رمزية يعني تقول فاتحين جامعاتنا مضافة وابن دكتور الجامعة بفوت الجامعةبدون مجموع!

أنا طالب بكلوريا بس بدي أعرف شو هل المهزلة ياأحباب قال علامات الثانويةها هاها لك والله هلكنا على ما نشوف هل العلامات بس لو أعرف ليش التأخير شوي بدهم ينجحوا أبناء المسؤوليين أوكي عادي ما حكينا شي بس بدي أعرف ليش أبن المسؤول يدخل على الجامعة من دون مفاضلة عادي كمان كلو عادي

سوريا الاسد

شي مابيتصدق

كيف بدها تمرق علينا قصة انو في 5اشخاص حطوا أسئلة الرياضيات وكلهم غلطوا مع العلم انو الوزارة بتحط 5 نماذج لكل مادة،مو حرام في طلاب وصلهم خبر الحذف قبل نص ساعة ومنهم وصلهم انو يحذفوا السؤال كله ومنهم ما وصلهم أبدا لانو ماحدابصدق انوالوزارة قادرةعلى ابلاغ كل المراكزالامتحانية وللأسف كل شي صار لعبةملعوبةنحن ضحيتهاوشو ماصار لم يصلناحقناحتى لو استقالت الحكومة

اه قال تعديل مناهج قال

ياعالم ياناس هنن يعدلوا المناهج نحو الأسوء أنا طالب اكتشفت في منهاج البكالوريا أكثر من خطأبقى شو رأيكم

العالم الثالث

تبرير معروف سلفاً

السلام عليكم أولا أنا أقول لوزارة التربية والقائمين عليها ما تقولوه عن أن نتائج الإمتحان مادة الرياضيات كانت أفضل مما توقع الناس هذا تبرير توقع الناس صدوره من الوزارة ولكنه أثر على الكثير من الطلاب فمثلا أنا أخي كان يعيد البكالوريا وهو حصل في السنة الماضية على علامة232 من تربية دينية ولكن انسحب من هذا الإمتحان ودخل المشفى 3أيام من المسؤول عن ذلك

صحيح حاولوا يعدلوا هذا الخطأ الفادح بس بدن كثير ليعوضوا على الطلاب التي انسحبت من جراء ذلك الخطأوعلى المعيدين التي انهارت معنوياتهم بعد ضيق الوقت فما زال قرار التعديل خاطئ

متعبة من الباكالوريا

هلكونا وروحوا السنة علينا

شو ما عملوا ما رح تظبط لو أعطونا مباشرةً وقت إضافي كانت معقولة بس ما قدروا بغياب الوزير بالسياحة ، ولو غلطنا غلطتنا علامتها كبيرة بالناقص ولما غلطوا غلطتهمك نزلت لعلامة وحدة بالزايد بدنا العدل وين العدل لازم يتحاكموا

اولا تحياتي للجميع تانيا :وبعد التعب و السهر وبعد كل خيبة امل باسئلة الفحص نحن ننتظر النتائج و التصحيح الصارم طبعا والابواب مفتوحة لكل المفجات والقرارات الصعبة؟؟؟؟؟؟؟؟؟؟

ليش بدكن نصف بر

إن النظام الفصلي متوافر في العديد من البلدان العربيةوباعتقادي هو الحل الأمثل لنتائج مضمونة وهي أكثر رياحة من الامتحان النهائي المكثف..ويجب إيصاله للجهات المختصة.

يعني والله هلكنا هي السنة

النظام الفصلي كحل جذري لطلاب الثانوية العامة

النظام الفصلي بوفر الكثير من التعب على طلاب الثانو

النظام الفصلي منتشرفي العديد من الدول العربية والنتائج بشكل عام أحسن من النتائج المعتمدة على امتحان مكثف نهائي وكإقتراح لنساهم في إيصال هذا الأي إلى الجهات المختصة مع تمنياتي بالتوفيق للجميع.

رفيقة كلوديا

صح والله مسخرة

لك المسخرة يا كلودياأنو سكروا على الموضوع كأنوا البشر دبان وخلص لك ولا صحيفة تابعت الموضوع للنهاية ما في غير سيريا نيوز عما تابع بس الوزير ما عما يقابل أي صحافي بهالخصوص لأنوغلطان وما عندو دفاع عن حالو ما بدو يستقيل مشان هيك وإذا الطلاب راحت عليهون سنة الوقت ما مهم قدامهون العمر كلو بس هو ما فينو يستنى السياحة حبكت بالفحص

أطالب باستقالة وزير الترب

اين العدل

ليش التسكير على الموضوع ولا ما في غير شوية حكي ما في غير سيريا نيوز تاخدلنا حقنا وتثير الموضوع ولك ... هالوزارة ما معقولةاستهتروا بالطلاب وعقولون وبأهلون ومتل بعضهاما في اعتذار أو استقالة تذكر بإنسانية هالطلاب وكرامتون الضايعة

طلعنا افهم منكون انتو الي بدكون تصيرو اطباء ومهندسين نحنا اختصرنا الطريق لانو بنعرف في ناس متل هيك وزير رح تقابلنا وكملنا طريقنا بالاتجاه التاني ونجحنا الله يعينكون يا مثقفين

عنجد حرام شو هل المسخرة والتطنيش والاستهتار,شو متبعين قاعدة طنش تعش تنتعش ,يعني عنجد شغلة ما بتفوت على العقل ,ليش شو ناقصنا حتى ما نكون متل باقي الدول ,ولك حتى بالجامعة الدكاترة هلكونا ,كل من قيده قله ليش مافي رقابة على اسئلة الجامعة ليش

مطالبة باستقالة وزير التر

ما حرام راحت علينا سنة

لك ليش سكروا على الموضوع شو ما لون حق وين اعتذار الوزير ةاستقالتو ولا اشترا الصحافة العامة ما لنا غير سيريا نيوز تحرك الرأي العام لك وين تعويض العلامات مستقبلنا راح وما حرك ساكن ، ما لنا غير نهاجر بهيك حالة لأنو ما في أمل الواحد يعيش من أول عمرو مع هيك استهتار وما في مين يحاسب هيك وزارة بتقرف ومتلا باقي الوزارات

بحبك يا سوريا

أبو الحيس

يا سيريا نيوز

يستر عرضكون وين سكرتوا على الموضوع وخلصنا ارجعوا افتحوا السيرة مالنا غيركون يستر عرضكون أكلنا هوا على الفاضي ولمعلوماتكون بالاضافة للخطأ الأساسي في خطأ بمجموعة تعريف التابع الأسي وتمرين المثلثات محذوف رسمياً يعني ما لازم يجي خليلي عينكون شوفولنا هالقصة ولاتدفنوا الموضوع سلامة

إذا الأخطاء وقفت على مجال التعليم ما في مشكلةاطلاقا.ولكنهاماشاء الله بكل شئ شو بدك التلحق للتلحق...............

مطالبة باستقالة وزير التر

سيادة الرئيس بلا هيك قدوة

نحن مصرون على استقالة وزير التربية كي لا يكون قدوة سيئة لجيل بأكمله يخطىء بدون عقاب من هنا نطلب من سيادتك محاربة الفساد بينمن هم قدوة، ونلفت انتباهك رغم كثرة مشاغلك لمراقبة آلاف المواطنين الطلاب الذين سيكونون موظفين وعامليين بسوريا الحبيبة بالمستقبل إلى المثال الحسن بالقيادة وياريت كل المسؤولين بهالبلدمثلك . بانتظار محاكمة ،استقالة مع الأعتذار من الوزير

ويلي لو تدرون

عندما تقدمت لامتحان البكالوريا كان لي صديق في نفس المستوى كان يخرج من مركزه الامتحاني ضاحكا لان المراقبين كانوا ينقلونهم في حين ان المراقبين في مركزي لم ينقلوني شيئا و النتيجة التحق بالتعليم النظامي و انا التحقت بالتعليم المفتوح ياللي تسكر هلا

سوريا اذا عملوبدل للجيش

أحمد الببيلي

مسكين اينشتاين

اينشتاين الذي وصفه أحد أساتذته أنه غبي وتم طرده من المدرسة في إحدى المرات .. تأكدوا أنه لو قدم فحص البكالوريا عندنا في مثل هذه الظروف فلن يكفيه مجموعه لدخول الطب أو الهندسة أو الصيدلة بل لعله سيدخل معهد سكك حديدية في حلب

حاجز أمام العقل

كل أنواع المآسي تبدأ مع الطالب من لحظة وصوله إلى البكالوريا ثم انتاله إلى الجامعة والألعن بس يخلص جامعة ما تتأملوا من هون لشي 700 سنة ما رح يتصلح النظام التعليمي المعفن ولا رح نصير متل بقية الخلق و العالم إلا بشي معجزة كل ما في نظامنا التعليمي حاجز أمام العقولحتى لا تبدع أو لا تحاول أن تبدع

الله لا.........

السلام عليكم طلع الوزير اليوم وحكى عن الرياضيات وبدون يئيمو علامات ويحطو علامات طيب انا شو زنبي إذا كان السؤال يلي سحبو علامات منو مجاوبو صح والسؤال يلي زودولو علامات انا مجاوبو غلط بس شو بدنا نعمل الله يسامحو

تعديل المنهاج

سنظل ندور في هذه الدائرة المفرغة مادامت مناهجنا ومنذ سنوات الدراسة الاولى تعتمد على البصم وليس الفهم وذلك من معلم التعليم الاساسي وحتى دكتور الجامعةان اغلب او50% من الذين يصلون الى كليةالطب والهندسة هم من فئةالبصيمة الحفيظة ومن هنا نجد الكثيرمن اطبائنا ومهندسيناماشاءالله فلهويين وبدهن تكسير راس وايدين هم واللي خرجهم من الجامعةعدلوا المناهج

سوريا للجميع حفيظة وفهيمة

العوامل الرئيسية لشلل الطلاب

لاأجد فرقا بين البكالوريا والموت حيث أن الأثنان يجمعهما صفة الخوف والرهبة وحتى الهذيان فكم من الطلاب عاش اللحظات الأمتحانية بحالة من الهذيان لدرجة تتحول من خلالها إلى نوع ثقيل من الأغماء العميق بالأضافة للأسئلة الخطيرة التي تحضر من جميع جهات المقرر حتى من الفهرس والدور المبجل للمراقبين في زيادة التوتر والتخويف وكأن الطلاب إلى الحرب منساقين كل هذا

لتكن معدلات التسجيل اقل مما كانت عليه للفروع الاولى طب صيدلة هندسات واسمحوا للناجحين ان يكملوا تعليمهم الجامعي خاصة وقد اعلنتم انكم عاجزين عن تامين فرص عمل لهم فلماذا ترفعون المعدلات الى هذا المستوى وتمنعون من يرغب باكمال تحصيله عله يؤمن عملا بارض الله الواسعة ...

سوريا الشام

أين المستقبل ؟

في الدول المتقدمة علمياً ، من أراد أن يصبح طبيباً أومهندساً ، فإنه يحصل على مايريد ويصنف بين المهن الجيدة ، أما العلماء فهم من درسوا العلوم الأساسية أو الكليات التي هي بنظر مجتمعنا أقل احتراماً من الطب والهندسة ،على كل حال فإن الطالب لديهم تظهر مواهبه وإمكاناته من خلال مراحل دراستة حيث يدرس الجامعة بناءً على ذلك . يجب إعادة النظر في فن الدراسة

ماهو المستقبل ؟

إن الدراسة الجامعية في سورية معتمدة على (البريستيج ) وليس على الإمكانية والهواية .فالطالب يحلم بما يميزه ويحقق له الدخل العالي . لقد ذكرت سابقاً أن دخول الطب مبني على علامات عالية في الرياضيات والفيزياء والكيمياء وغيرها ، بينما يدرس الرياضيات والفيزياء من كانت علاماته قليلة بها ، ويدخل سلك التدريس ويتسلم تربية جيل المستقبل من كانت علاماته قليلة أو أن ظر

رأي أعتقد صحته

يجب ترك الخيار للطالب في اختيار الفرع الذي يرغبه وهذا ما يحقق الكفاءة والتميز ومن الممكن تحقيق ذلك عن طريق توسيع الكليات التي فيها رغبات أكثر مثلاً إذا وجدنا أن الطلاب أغلبيتهم يرغبون بالطب لما لا نوسع كلية الطب لاستيعاب العدد المتقدم أعتقد أن هذا العمل سيكون له فوائد كبيرة على المجتمع لأنني إذا اخترت الفرع المناسب لي حسب ميولي فإنني سأبدع أكثر فيه

مواعيد التسجيل

مواعيد الامتحانات

نتائج الامتحانات