مواضيع للحوار

==============
نسب النجاح بقسم اللغة الانكليزية خلفت شعور لدى الطلاب بان هناك مؤامرة وتواطؤ عن سابق اصرار وترصد ضدهم، وشو الحل ؟ مافي حل ليش ايمتا كنا نلاقي حل لشي؟؟؟
شو القصة بقسم الانكليزي؟ انهرينا نسب نجاح مضحكة ، يعني مادة نسبة النجاح فيها 14% وين صارت هي؟ اذاجبنا 100 واحد من الشارع ما بيعرفوا شي و عملنالن فحص 10 محظوظين رح ينجحوا.. اذا بالطب أقل نسبة نجاح 65% نحنا بالانكليزي تطلع نسب نجاح بهالشكل المزري، راحو الطلاب يشتكوا لرئيسة القسم بتقول لازم يطلع الطلاب لمستوى الدكاترة لان الدكاترة ما بينزلوا لمستوى الطلاب،طيب اذا بدكن تخصصوا جامعات الدولة بس للمتفوقين برأيي غيروا كل طرق التعليم البالية لانها رح تخلي اينشتاين يتحول لجحا، وهل من المعقول ان يصدر عن دكتورة بالجامعة جملة بتقول فيهااذا الطلاب مالن قادرين على هادا القسم فالبلد محتاجة لخياطين!!! بالله عليكم اذا دكاترة الجامعة مقتنعين بهالحكي شو بدو يحكي الانسان البسيط الي ما عندو ايمان بالتعليم؟؟ يا أما شكلن راجعين لشغلة القبض لان الظاهر ما عم يشبعوا من التعليم المفتوح والموازي والجامعات الخاصة والعامة والمعاهد التعليمية والمراكز الثقافية والدروس الخصوصية..والخ مما نعلم ومما لا نعلم يعني انا الي بعرفو انو كل الدول بالعالم بتحاول تخلي كل الشباب يتعلموا ويطالعوا اعداد كبيرة من طلاب الجامعة وبيشوفو حالن بنسب نجاح مرتفعة، طبعا مو القصد ينجح الشاطر والكسلان والا ما بيكون في عدل بالموضوع بس كمان الظلم الله ما بيرضى عنو، وكل ما بيتناقش الطلاب بالموضوع بيقولوا لمين بدنا نشتكي ليش في حدا سائل.. الرجاء من سيريا نيوز النظر في هذا الموضوع لان صارت نسب النجاح مهزلة بقسم اللغة الانكليزية بجامعة دمشق.

ارسل الموضوع الى صديق