يعني تعودنا أنو الواحد مننا لازم يرسب بشي مادة اذا الدكتور مو جاي على باله ينجحو و يللي بيصير انو الطالب بيرسب بالمادة مرة و بنجح بالفصل التاني....لحد هلأ ما في مشكلة المشكلة بأحد المواد و اسم هل مادة (تاريخ العمارة )المشكلة أنو دكتور المادة معقد و بحب يطالع عقده على الطلاب.. اذا واحد كان شعره طويل بيحرمة من المادة....اذا كان قاعد جنب بنات بالمحاضرات بيحرمه المادة....و ممكن اذا ما عجبوا بدون سبب يحرمه من المادة يعني الواحد شو ما عمل بدو يرسب عنده و لحد هلأ صار عدد الراسبين في هل مادة 240 طالب و من كم يوم كانت عنا هل مادة بس دورة حملة و طبعا الكل درس و الكل بدو ينجح بس للأسف الدكتور كالعادة بجيب أسئلة تعجيزية لدرجة أنو الطالاب طلعوا من القاعات بعد مضي نصف ساعة فقط (طبعا كان بدون يطلعوا قبل النص ساعة بس مو مسموح) مادة تاريخ العمارة في الها كتاب جامعي نظامي و هل دكتور صرلوا شي 4 سنين ما عم يعترف بالكتاب يعني كل أسئلة الفحص شي من عقله و شي من المحاضرات الخارجية يللي كان يعطينا ياها و طبعا أثناء المحاضرات كان يعرض شي 70 صورة بالمحاضرة و شي أكيد أنو ما كان يخلي الطلاب يكتبوا وراه أو يصوروا و ما كان ينزل شي من محاضراته الخارجية بالمكتبة(يعني لازم نحفظ الدرس يلي عم يعطينا ياه بوقته و مافي مجال نرجع ندرسه) المهم بعد عذاب كبير استطاع عدد من الطلاب كتابة المحاضرات و تصوير الصور يللي بيعرضها على السلايد(طبعا من دون علمه)و عملوا ملخص و نزله للطلاب بالمكتبة و نحن فرحنا أنو بدنا ننجح هل دورة بس للأسف شاف الملخص و حط الأسئلة من غير دنيا يعني ما حدا من الطلاب بينجح طبعا عدد الطلاب 240 و نحن قدمنا دورة حملة بس الدورة القادمة رح يكون عدد الطلاب 400 طالب مع المستجدين المشكلة الأساسية أنو نسبة كبيرة منا رسبنا بهل مادة 4 دورات و هي الدورة السادسة و في عندد منيح من الطلاب ما تخرجوا بسبب هل مادة و سافروا و عميشتغلوا بالخليج من دون شهادة رفعنا عدد من التقارير ضده لرئاسة الجامعة و ما منعرف اذا وصلت بس الشي الأكيد أنو في أيدي خفية عم تخبي هل تقارير و ما عم تخليون يمشوا و هل دكتور كل مالو على أسواء و نحن نفسيتنا تعبت من هل مادة و ما منعرف اذا رح نتخرج هل سنة ولا رح نتأجل بسببها متل ما صار بكتيرين متلنا من قبل نحن حاولنا كل الطرق بس ولا طريق ساعدنا و ما بقا عنا غير ندق باب السيريانيوز مشان ناخد حقنا..و نرجو من الادارة أخذ الموضوع بشكل جدي

 240 طالب مظلوم