سيريانيوز شباب وتعليم :: "Miss Syria " ملكة جمال سورية

"Miss Syria " ملكة جمال سورية

مواضيع للحوار

فازت نادين نجيم بلقب ملكة جمال لبنان ضمن مسابقة ضمت 18 فتاة أخرى، وذلك في حفل فني ساهر أقيم يوم الجمعة الماضي في مدينة جونيه الساحلية اللبنانية.

ولم تنظم في سورية إلى الآن حفلات على هذا المستوى لانتخاب ملكة جمال سورية ، مع العلم أنه كانت هناك بعض التجارب المحدودة في هذا المجال كانتخاب ملكة جمال الربيع في حماه، أو ملكة جمال القنيطرة.. وهي تجارب متواضعة لا تحظى بجماهيرية واسعة.

فهل أنت مع تنظيم مسابقة عامة لانتخاب ملكة جمال سورية؟

شاركنا الرأي ..

شارك بالتعليق

شامي متغرب

مو الحق عليكن

بتعرفوا شو؟ مو الحق عليكن الحق عاللي أخد رئيكن .هلئ كلن صرتوا صحاب دين وملتزمين روحوا شوفوا حالن قبل ما تحكو أنو هادا الشي غلط وبعدين مين قلتكن أنو تعري وبكيني لباس عادي استر من لبس الشوارع بس كل واحد صار فهمان وبدو علم. هدول عم يساوي شي حلو للبلد و مو شغلتن البطالة اللي أنتو سببها طبعا حكيي للمعارضين وحاج بقى علاك بس تشوف غلط احكي مو من هلئ

مع احترامي لكل الردود .. يعني لأيمتى بدنا نضل متل سنفور معارض.. (( انا اكره مسابقات ملكات الجمال )) وين المشكلة اذا كنا مشاركين بكل الفعاليات بالعالم يعني كل الناس بالكرة الارضية غلط ونحن بس يللي صح .. شبعنا حكي واعتراضات حاج

اول شي مسا الفل تاني شي نحن ليش خلقنا مشان شو يعني اذا مشان نشلح ونتسلخ ونتعرى ونغني ونرقص معلش بس نحن خلقنا لعبادة الله الواحد القهار انا بحب نعين للبنات كبشر مو متل الحيوانات وبعتبرن مشاعر مواجسام وشكرا

مافي مانع بس يكون القصد نبيل والنية صافية وهدا المستحيل

انالا لا لا لا اوافق على هذا المشروع ابدا انا عايزة اسأل سؤال التطلع وهي شبه مش لابسة على المسرح امام رجال الم تسمع بحديث رسول الله صلاى الله عليه وسلم من ضمنه (نساء كاسيات عاريات لا يذقن الجنة ولا يشممن ريحها ) و كيف يردن ان يدخلن هذه الافكار الفاسدة يعني من كمال البلاد العربية\ وهذا بدلا من رفع الراس بانهنم محجبات محتشمات باللباس الشرعي ربي يهديهن ويلغو الفكرة

سمير إدلبي

ملكة الجمال

إن تنظيم عروض ملكات الجمال ماهو إلا الإنفتاح على الرذيلة وكيف يرضى الرجل الشرقي أن تعرض أخته أو إبنته أو أية إنسانةجسدها على الرجال والنساء من أجل أن تفوز بأنها صاحبة أجمل جسم من المستفيد من إفسادنا من المستفيد من تخريب ذوقناوإلى أين يمكن أن نصل بهذا الإنتخاب هل سنحرر أراضينا المحتلة هل سنوقف الحبر الأهلية في العراق أو لبنان هل سنجني خيرا

البريئة المغتربة

البريئة المغتربة تقول ...

ان رأي شعب مهم نعم ولكن يبقى رأي جهات المعنية لطرح موضوع ملكة جمال في سوريا اهم , لماذا نقلد غيرنا بأمور ( لابتقدم ولا بتأخر) قدرتنا ان نبتكر شي مهم وضخم قد يتحثون عنه رؤساء العالم هنا نرتقي بالحضارة , هذا مجرد تعليق من البريئة المغتربة ليس اكثر وشكرا

آسف على التعبير ..لكن ضروري

في أمريكا الان أحد أبرز أهداف الجمعيات التي تعنى بشؤؤن النساء والدفاع عن حقوفهن هي الغاء مسابقات الجمال ... نعم والسبب كما قالت إحدى المتطوعات في هذا المشروع وهي ملكة جمال سابقة لمدينة نيو جيرسي (لا نريد أن تصبح المرأة سلعة رخيصة تأكلها أعين الرجال الجائعة .. أو كأي حيوان في حديقة يوضع للتسلية والاستمتاع بمشاهدته)تحت ذريعة اظهار الجمال والتحرر ..

أبو المنقذ

مو ينقصناغير ملكة جمال التعري وبدل مانقلد بملكةالجمال خلينا تقلد غيرتا بالمسابقات العلمية تبع تشغيل المخ.وليش أول مانفتح سيرةالتطوردغري منبلش بأشياء تافهةلاقيمة لها.

شامي مغترب

لك ااااااااه

لك شبكون كل شغلة بتقلبوها دين واخلاق واسرائيل واميريكا طيب سؤال صغير شوفيها اذا عملناهيك شي ويطلعو بالبكيني وين المشكلة بس رحنالك عمي موشاطرين غيربالاعتراض وقولت لاء شوف بكل العالم بينتخبو وبيصوتو وخلصت القصة يااخي حبك تشارك حبك ماحبك اصطفل والبنات والله ماحد عم يجبرون لك ليش ياعالم ماحداعم يفهم انو العقلوبراسو بيعرف خلاصوووووووووووووووووو

مع المسابقة

نحنا كاملين مكملين وبس كان ناقصنا إنو نساوي هالشغلة

الله يجعلو هم

بس بدنا نقلد بالتفاهات والتراهات اللي بلا طعمة ...خلينا نهتم بشغلات تانية ناقصنا كتيييييييييييييير لسا جنس - بنت حلوة - امرأة - وشغلات نحنا مانخلقنا مشانها هي بس لتتمة ..

لن ينجح و ان حصل

من المؤكد ان تفشي داء الواسطه سوف يؤثر على نتائج التحكيم او حتى التصفيات البدائيه...... عوجا

عوجا... طبعا سوريا

و الله معكم حق... اماذا لم يتم انتخاب ملكة جمال سوريا حتى الان ؟؟؟ في الحقيقة زصلنا الى مراحل عالية من الانجازات و الابتكارات اللتي تفيد و تبني الوطن في التعليم و الصناعة .... و الشيئ الوحيد المتبقي هو ملكة الجمال

ضد وهذه الأسباب

إن كانت الحضارة تعني في المرتبة الأولى إحترام الإنسان نفسه وتقديرها فهذه المنافسة تستبعد عن التحضر لعدة أسباب وجود ملكة جمال واحدة لملايين من النساء السوريات هو أمر مرفوض منطقياً إن التركيز على الجمال يعني إهمال النواحي الأهم وهي التفاني،الإخلاص،الإلتزام، الثقافة وإلى ما هنالك من أمور تهمل مقابل الجمال الخلقي والذي هو أساساً ليس من صنعنا (أحياناً:) )

نرجو السلامة لا للتقليد الأعمى ولا لإتباع الهوى ومهما استصغرنا الأمر فهو خطوة من خطوات الشيطان 00 والباقي عندكم 0

الثلاثي المرح

رأي مغاير

absolutlly العالم ماعبتلاقي تاكل بقا بدكن تعملو هالمشروع الاحسن تلغولنا باصات النقل الداخلي وتخفضو قيمة اشتراك الموبايل وتزفتو الشوارع وتزيدو الرواتب وتلاقو ابن الضبيط المخطوف وترخصوا اسعار البيوت مشان نتزوج وحدة من ملكات الجمال السورية المرسل تديلي

شغلو مخكون لثواني بس

هي المسابقات تم تنظيمها بالغرب لسبب و نحنا قلدناالأضواء و العري والمياعة بدون اي هدف,هي طريقة لتحديد النسل,عبر"تنميط"الجمال و تغيير النمط كل سنة تنخفض نسبة الولادات,بعدين الي عم يدعو لتنظيمها عنا يشوف لبنان بدأت المسبقة كحفلة و قلبت لتلفزيون الواقع و بكرا يمكن بتصير دعارة عالهواء,غير الشرخ الاجتماعي يلي بينشأ و بيصيرالمتعصب و المايع بيتمادو بالطرّّّّف

القلب الابيض

موافق بس تكون بحدود

ياجماعة ليش عم تصعبوا الامر ماضروري تطلع البنت بالبكيني بتطلع لابسة ملابس محتشمة يعني بدكون تقولوا انو مافي بنات عارضات ازياء انا مع انتخاب الملكة بس تكون ضمن الاصول والتقاليد والاخلاق ليش بدل ماتلبس البكيني بتلبس الزي الشعبي الخاص بمحافظتها وهيك بنكون تغلبنا على المشكلة

ليش شو الغلط انو يكون عنا ملكة جمال سورية؟؟ شي كتير حلو و حضاري و لازم من الضروري يكون لبلد متل سورية ملكة جمال!!

شو هو الشي اللي ممكن تحسنو او تخربو ملكة الجمال.... و لا شي

هل هذا هو مفهومك للتقدم؟! العري وإثارة الغرائز وتسليع جسد المرأة؟! وعلى أي احصائية اعتمدت لتقولي إن المتدينيين هم أول من يتفرج؟! وكيف يكون التقدم بالتعري؟ على هذا الأساس فالقبائل البدائية في الأمازون وأفريقيا يجب أن يكونو اكثر الناس تقدماً فهم يطبقون نظريتك منذ آلالف السنين...

مالغاية من مثل هذه المسابقات سوى افساد الشباب (الذين هم قادة المستقبل ورجاله) وجعلهم يعيشون لملذاتهم وشهواتهم وترك بناء واصلاح المجتمع و النهوض بالبلد . وانا ارفض مثل هذه المسابقات وبرامج الخلاعة الأخرى ( ستار اكاديمي و سوبر ستار و.......الخ ) لأنها حسب علمي من اختراع يهودي بحت .

بنت سورية

لا للعولمة

نحنا ما عم نعرف تقلد من الغرب غير الشي السيء..... يا ريت هل امكانات المادية الي عم تنحط لهل قصص تنحط لمكافحة البطالة ولا لمساعدة الطلاب ...

بنت النور

ملكة جمال سوريا

اكيد لا هلق ملكةجمال وبعدين ستار اكاديمي وغيرو وغيراتو وكل هاد لنتفرج على البنات الحلوين والاجساد العارية وننسى الروح والعقل اللي بتحلي الانسان وبتعطيه قيمته وانا ضد كل انسان بيقول انو نحن متخلفين نحن على العكس لما رح نركض على هيك امور سطحيةرح نضر حالنا ولكل شخص بيقول نعم هل بيقبل انو بنته او اخته تشارك بالمسابقة والسلام

شاب عزابي

ليش لا بلكي نشوف بنت حلوة نقدر نتزوجها

عيب هالحكي

أولا بحب قول ان الجمال هو جمال الروح قبل الجسد. ثانيا مين هاي لبنان لحتى نقلدا و نعمل حفل انتخاب ل Miss Syria ثالثا بعتقد أنو مفهوم الشرف في سوريا بالنسبة لهاموضوع بيرفض هيك شي (عكس لبنان) الا اذا كان مرض انعدام الشرف معدي لهل درجة

شو رح يفيدنا يعني هاللقب مو أحسن يكون عنا شي مخترع او طبيب ناجح او شي شغلة بترفع الراس شو رح يقدم او يأخر اذا كان في ملكة جمال لسوريا او لاء بعدين وينكون السوريات كلهم جميلات مانهن بحاجة لملكة وخلي المرأة كائن حي وليست سلعة للمداولة

بلد محافظ هاهاهاهااااااااااااهااااااا

يعني اللي بيختلف مع مسابقات ملكات الجمال هو حر بس انه يعلق ويحكي نحنا بسوريا شعب محافظ ومافينا نعمل هيك مسابقات فاضحة يعني سمحولي!!! شو مابتشوفو الصبايا بالشوارع والله في صبايا وصلت الوقاحة فيا لو تمشي بالبكيني بالشارع ما بيهما فماحدا يحكي انو من مبدأ انو المجتمع محافظ مابيصير نعمل مسابقة... انا مو مع هالمسابقات لانو الجمال بينحصر بس بالمتقدمات للمسابقة

نعم والف نعم للمشاركة

ليش لا هيدا اذا كان عنكم حلوين وكل شيء بدخلوا الدين فيه حاج بقا ولوه بلا رجعية وتخلف وهنن اول ناس بيتفرجوا بلا مسخرة ليش ما في ناس بتروح على البحر شو بيلبسوا كفاية صدعوا راسنا الناس تتقدم ونحنا الى الوراء سر .الرجاء النشر سيريا

بلاد الله الواسعة

بسمة الحزن

أنا ضد هذه المسابقات لأنه بصراحة مو ناقصنا فلتة ببلدنا أكتر من هيك

روح وريحان

المرأة وذئاب الحضارة المزعومة

الله خلق المرأة إنسانا مكرما، وحفظها بشرعه المنيف, والتي تظهر جسدها لإنسان لا يحل له النظر إليها، فقد حقرت نفسها وداست عفتها وأهانت كرامتها. وما أكثر الأراذل الذين ينظرون إليها بسوء. وفهمكم كفاية... أختي المرأة الإنسانة كوني على شرع ربك ولا يغرنك المفسدون...

ملكة جمال سوريا

انابقول انوكل شخص حر برأيه يا جماعة فمافي داعي انو نتمسخر على بعض وبالذات على دينا لانو الدين شي مقدس صح ولا لاء وبالنسبة للموضوع انا ضد ملكة جمال سوريا

عندي إقتراح ياريت يعملو مسابقة اجمل فضل اختراع اوافضل بحث علمي او حايللا شي يفيد هالبلد. ومتل ماعرفت انو ملكة جمال لبنان 2006 صاحبة الحسن والدلال كانت قاعدة تعمل صداقة مع ملكة جمال اسرائيل ـ خلال انتخاب ملكة جمال الكون ـ في حين انوبلدها تحت القصف الاسرائيلي في تموز 2006 ـ وهالخبر عرضته النيو تي في- والسؤال اين الجمال في ذلك ؟؟

مسيرة التطوير والتحديث

هوة على فكرة ما في غير هي القصة اللي واقفة بوج نهضة أمتنا السورية العظيمة فلازم نقوم فيها بأسرع وقت مشان نتابع بمسيرة التطويز والتحديث

أبوملكة الجمال

مابو مشكلة

يامحلاها هالشغلة خاصة بجو أعلامي متل عنا بيطلع شي بيضحك ...هاهاهاهاه واااني مع هذة الفكرة واللي بيعارضها برأي أخر فهذا بعدو عايش بالعصر الحجري ويتذكر يوم اللي تزوج كيف تعرف على زوجتة

كفانا تقليد ومسخرة

كفانا يا أمتي مسخرة وتقليد للغرب فقط في المور الجنسية وكأن ليس لنا إلا شهواتنا حتى ترضيها

مغترب حريص

العفة قبل اي شي

نحن بدون شي ما خالصين ، لسه مسابقات جمال ، ليش بناخد الشغلات السيئة وبنقلدها ، ليش ما بنشوف الايجابيات اللي برا وبنحاول نستفيد منها،تانيا تقاليدنا وعاداتنا ودينا ما بيسمح بهيك شي، المراة خلقت لتكون اسمى من هيك ما خلقت لتكون عارضة او مومس

ليش لأ ... بس بشروط

ليش لأ يا جماعة انو اوكي بس بحدود الادب و خاصة بالتياب يعني مو ضروري يلبسو بكيني يلبسو شو بتناسب مع تقاليدناو بس شو رايكون ؟؟؟؟!!!!!

أبوفاتح الحموي

عيب والله عيب

عيب نحكي هيك نحنا لسع عنا دين و أخلاق أحسن ما نروح كل المصاري في سبيل التخلف بعين ليش نحنا ما باخود غير من الغرب غيرالأمور الخلاعية وبقول أنو هي حضارة (لا تأرفو من هيك حضارة)ليش ما نكرم العلم أو بنكرم شي مخترع أو شي عالم وماأكثرهم عنا بهل البلاد وماحدا فطنان فيهم وقول لا لا لا وألف لا لهذا عهر

ما في داعي

نحن شعب محافظ لا نريد ان نصبح مصدر فساد اقترح عمل برنامج ثقافي غير مقلد

بس بدي أعرف ليش؟

يعني بدي أعرف ليش ملكات الجمال بالذات ... اعملوا مسابقة مفيدة أكتر وتتقدر فيها المرأة بمجتمعنا أكتر.. ليش مثلاً ما بتعملوا مسابقة لأحسن زوجة أو أم أو أشطر طالبة أو أذكى مهندسة.. خلينا نطلع الشباب والبنات من دوامة التركيز على المظاهر.. ولله الإنسان مو شكل وبس

كلا كلا كلا

لا نريد هذه الخلاعة في بلادنا...وسوريا الله حاميها

yeaaaah surrreeee

ليش لا شو هالأجوبة الغبية السخيفة إنو لا؟؟لازم نطلع لنكون top حتى بمتل هيك event مييين ميؤل لا؟نحن عنا شباب وصبايا حلوين حتى لازم إكون في mr syriaحبايبي plz نحنا ب 2007 عيب بدنا انطور حالنا بهيك مجال مو عيييب...نحن أحلى من اللبنانيات ب 10000مرة أصلن ما عندن جمال و مخصن فيهاسسا التاني عم بؤل "هزلت"مو عاجبك ما تتفرج سوريا مافيا بس انتو..نحن أحلى شي بالعرب

عزيزي ، أين مفاهيم النخوة و الشرف ؟ سوريا حتى اليوم محافظة على هذا الحاجز من الأخلاق ، و قوتها هي بقوة تدين من فيها صدقني أيها الغالي ، هذه الخطوة الخبيثة إن نفذت ، فسوريا سيحل بها ما حل بلبنان منذ صغري تعلمت لأن أنظر لمن هو أفضل مني ، كي أتطور و أصل إلى ما وصل فهل برأيك عرض الـ بيكيني يليق بنا كدولة فيها حلب عاصمة الثقافة الإسلامية و قريباً دمشق

ولد يحب البلد

نعم أنا مع هالمشروع

حلو كون عنا مسابقة لملكات الجمال متلنا متل أغلب بلدان العالم وحتى البلدان الأسلامية عم ينظموا هيك مسابقات بس إذا أنشالله صارت هيك مسابقة ياريت تكون بالمستوى المطلوب ويكون في تقنيات عالية بشان لا نصير مضحكة لغيرنا وكمان لازم تستلموا شركة خاصة ولازم ينعرض على قناة سورية خاصة متل (قناة دنيا) او (قناة الشام بس ما تعيد بثها) ورح كون من أول المصوتين

ســـوريـــا

ابن الشام البار

اكيد لا ما منوافق

يا جماعه وين الدين والاخلاق ليش ليش عم تخلواا الغرب يضحكواا علينا وتوصلوهم للي بدون ياه اساس نحنا بسوريا معروفين بالجمال وما في داعي للمسابقات

..... بلاد الواسطة

والله لو ما تدخل الواسطة والمحسوبية على هالمسابقات لكانت مقبولة بس للأسف نحنا مو هيك .. لكان معقولة مذيعة تلفزيونية وبتعاني من الحول ؟؟؟ والله ولا ببلاد الواق واق بتصير لذلك فكونا من هالحكي ودوروا على الأهم ببلدنا .

syrian arab republic

ملكات الجمال

أكيد أنا ضد هالظاهرة لأنو مجتمعنا ما رح يتقبل هاد الشي وعلى ما أظن انو الالتفات شوي للأمور المهمة اهم من الفرجة على بنات فارغات ما عندن شي إلا جسمن ليعرضو للناس و هاد الشي معروف بكل العالم عن ملكات الجمال

هذا الناقص

من دون مسابقات ملكات جمال ونحن نتصدر قواهم الأعمال الغير أخلاقة في كافة الأحصائات والدراسات كبروا عقلكم فكروا في أقامة نشاطات اجتماهية أكثر فائدة للمواطن السوري والوطن

قبل ملكات الجمال لازم نعمل عيد الدعس على بعضنا بالسرفيس

وامعتصمااه

حكي فاضي و تلهاية للشعب المسكين لينسى همومو و يتطلع عالصبايا الحلوين اللي ما لابسيين شي ، و لتعويد الشعب على المناظر الخليعة اللي بتخلي الواحد كووول.

عيب نحنا مجتمعنا لا يسمح بهكذا تفاهات ارجو من الحكومة ايقاف هذا اذا حدث

احترام القيم = أخلاق

الجواب "لا" ... و ذلك لمخالفته عاداتنا و قيمنا ، في الامارات قرروا انم يعملو مسابقة لأجمل فتاة فامت الدنيا و قعدت ، فألغيت ، و ذلك لأنها تخالف قيمنا الاسلامية ...! لا أعرف لماذا يحب بعض العرب التشبه بالغرب .... يجب احترام قيمنا و إلا دخلنا باللاأخلاقيات ...!!!

ب العكس المفروض تصير فعاليات اكبر بكتير من ملكة جمال لانو سوريا معروفة بجمالها الطبيعي ومثل هيك مهرجان مكن يقوي البنات على الفاشن طبعا المحترم بس مو هون المشكلة المشكلة انو مابصير بحياتو ماحدامهتم من المسؤولين

صلاح عبد الغني

لا - إن كان الجواب في كلمة. اللهم عافنا و اعف عنا, و بالله عليكم ما الفائدة من مسابقة كهذه إلا زيادة التعري و الدعوة إليه بحجج مستوردة, فمن أحضر لنا ما يدعونه اليوم حرية اللبس و حرية استهلاك الجسد وووو, أليسوا من جاؤا أيضا بما سموه زواج المثيلين و ما إليه من سخافاتهم باسم الحرية. أليست هذه دعوة لجعل المرأة سلعة أرخص مما وصل إليه حالها. رجاءاً لا لا لا

السادة المعارضيين من منطق ديني بحت كالفهمان مسلم أقول : اذهب وعيش في طالبان لأننا لا نريد أمثالك ذوي العقول المتحجرة حتى الجمال لاتتذوقوه يارجل والله كيف زوجاتكم حاملينكم ما بعرف .

سوري مغترب

الله يخليكم بلاها

يعني شو الفائدة منها الله يخليكم بلاها وخصوصاً اذا كانت على الطريقة اللبنانية

لكن بشرط ان يقوم بتنظيم الحفل شركة خاصة او لاستعانة بالخبرات البنانية

خلونا نحكي شوية منطق

ياجماعة يعني وين الفائدة من أنو يكون في عنا مسابقة ملكة جمال بالبلد؟ عم تقولوا أنو بتساعد بحالات كتير بالمجتمع متل مساعدة مرضى السرطان و الأيدز ليش هي مسؤولية المؤسسات أو الملكة !! بعدين خلونا مبسوطين بتقدم بلدنا الغالي و لا ترجعونا لورى من أول و جديد

أنا لا أوافق هذا المشروع لأنه مشروع يتفق مع الهوا ولا يتفق مع العقل وليس فيه نفع لا للإنسان ولا المجتمع

محمود حسينو

نعم نعم نعم... و لكن!!!!

بالتأكيد انا مع تنظيم هكذا فعالية، و لكن يجب أن تتم بعيدا عن المستوى الحكومي، اي يجب ان يمنح الترخيص لإقامة هكذا فعالية لشركات خاصة كبرى. و قد أصبح هناك العديد من المغتربين العائدين لأرض الوطن ممن يمكنهم القيام بتنظيم كبير و رائع اهذا الموضوع و لكن مع الابتعاد عن العادة المعمول بها لدينا من واسطات و محسوبيات كي لا يصبح هذا الموضوع مهزلة سورية جديدة.

ملكة الجمال

انا من اشد المعارضين لمثل هذه المسابقات لاننا بذلك نقوم بامتهان المراة ولذلك ومن باب الحرص على دينناوالخوف على المراة يجب على النسوة والفتيات ان يعارضوا اقامة هكذا مسابقات وكفانا نقلد الغرب المتعجرف ونعرف ما لنا وما علينا

أكيد أنا مع أنو يكون عنا ملكة جمال سورية بالعكس الشغلة مش شي فاضي فالملكة بس تتوج بتساعد في حالات كتير في المجتمع مثل مساعدة مرضى السرطان ؟أو الايدز .... الخ بالاضافة شي حلو لأنو عنا بنات كتيير حلوين ولازم يمثلوا سوريا في ملكة جمال العالم بشرط مايطلعوهم بالوساطة .

أبو العبد

ذاتي شعبنا ما شاطر غير بهيك شغلات أكل هوى .. ما بقى عنا شغلة غير ملكة الجمال .. ناقصنا لأني قلة حيا و هالبنات تنفسد أخلاقا من ورا هيك قصص .. الله يهدينا بس .. و شكراً لسيريانيوز .. و أرجو نشر تعليقي

الطائر الحر

الجمال لا يحتاج إلى مسابقة

لماذا نضع للجمال مقاييس ونختصره بأرقام فلقد خلق الجمال مع كل إنسان ولكنه وضع في أعماقه، وقلة قليلة من الناس تستطيع أن تدركه...

دولة المعلوماتية الرقمية المتحدة

طبعا ان مع تنظيم مثل هذه المسابقات لكن للأسف لن يحدث هذا ولو بعد الف عام ، وحتى ان حصل فلن يكون بالمستوى المطلوب بل سنكون مضحكة لجميع بلدان العالم

مواعيد التسجيل

مواعيد الامتحانات

نتائج الامتحانات