سيريانيوز شباب وتعليم :: هل تتزوج من امرأة صادقتَها؟

هل تتزوج من امرأة صادقتَها؟

مواضيع للحوار

سؤال برسم جميع الشباب في مجتمعنا:

هل يمكن أن تتزوج من صديقتك؟

تشكّل الصداقة بين الجنسين عموماً، موضوعاً مثيراً للجدل، إذ تختلف الآراء في تقييمه، لكن حينما يتحول الموضوع إلى اعتبار الصداقة بين الجنسين مدخلاً للزواج، وهو ما تضمره الكثير من الفتيات، في حين يضمر الشبان خلافه، فهنا سيرتفع الجدل وتتزايد المسافات بين أصحاب الرأي.

والسؤال نوجهه هنا إلى الشبان الذين عادة ما يتحدث الكثير منهم عن الانفتاح والتحرر والتحضّر باعتبارها مفردات ترادف الصداقة بين الجنسين، لكن قليل منهم من يتوّج صداقته مع فتاة ما بالزواج، حتى لو شعر برغبة دفينة في تنفيذ ذلك، فتلك الرغبة تتعارض عادة مع شعور دفين آخر بالشك في أخلاقيات الفتاة الصديقة، وعدم الاطمئنان لأن تكون شريكة العمر، بعد أن قبلت مصادقة شاب لا تربطها به علاقة شرعية.

إن إدعاء الانفتاح والتحضّر عادة ما يتوقف عند حاجز الزواج، حيث يبحث معظم الشبان عن شريكة العمر في فتاة لم تختبر تجارب سابقة مع شبان سابقين، تلك قاعدة معتمدة لدى معظم شباننا، لكن معظمهم ينفونها حينما يكونون على علاقة صداقة مع فتاة ما.

فما رأيك فيما سبق؟

هل تظن أن الصداقة بين الجنسين قد تكون مدخلاً مناسباً لزواج ناجح؟

وإن كنت شاباً، هل تحبّذ فكرة الزواج من صديقة استلطفتها وشعرت برغبة في الاقتران بها؟

كيف تقيّم الفتاة التي تقبل مصادقتك قبل الزواج؟

شارك بالتعليق

في احلى من الصداقة اللي بتتحول لحب

أنا بصراحة بحس انو الصداقة اللي بتتحول لحب شي كتير حلو طالما كانت ضمن الحدود بس المشكلة أنو الشب بيفكر انو البنت متل ما صادقتو فهي صادقت غيرو وما بيعرف انو البنت لما بتحب ما بتفكر إلا بالشخص اللي بتحبو والباقي عندا مالو أي أهمية , وطالما هو ضل صادق معها وما تخلى عنها فهي مستحيل تتخلى عنو أو تبحث عن غيرو...بس عقل الشباب غرييييييييب وبدو شوية ثقة

انتم تقصدون صديقة بمعنى الصداقة ان تكون علاقتك مع صديقك الشاب مثل علاقتك مع صديقتك البنت اي دون ما تكون نوايا جنسية خلف العلاقة وتكون مبنية على الاحترام والثقة وطهارة الروح في هذه الحالةيكون كل طرف يعرف الاخر جيدا بعيوبه ومحاسنه و يرتاح له وعامة في هذه الحالة تكون العلاقة اخوة اي لا وجود للحب واذا وجد فاللهم بارك

كل شي ممكن .... بس حسب المراحل اللي بتقطعها البنت من ناحية الصداقة..اذا كانت مراحل لاأخلاقية فعالشي مستحيل...وكمان حسب عدد أصدقائها الشباب؟؟؟؟

هذه الفكرة مقبولة لدى الشباب التي تؤمن بمبدأ الصداقةالحقيقي الصداقة الصادقةوليست الصداقة المزيفة التي تخفي نوايا جنسية من تحت هذا العنوان النقي و لذلك فتلك الأخيرة لا تسمى صداقة بل علاقة مصلحة دنيئة و لذلك لا يتقبل عقل الشاب الذي يمارس هذا النوع من العلاقات الزواج بمن يصادقها برأيه أما الموضوع فهو طبيعي بل هو ان كان جاد فهو أساس لعلاقة سليمة

انا بشوف هاي الفكره كتير حلوه الواحد يتزوج من صديقه. لانو بكون عارفها وكتير في اشياء مشتركة بتكون بين الاصدقاء انا بتمنى هاد الشي

بنت الشام

مع هالفكرة

انامع هي الفكرة كتير وبشوفا فكرة حلوة لانو الطرفين بيعرفو بعض بيكونو منيح وبتكون علاقتن محترمة بس بالمقابل بشوفا صعب تتحقق بمجتمعنا لانو بنسبة 80 %من شبابنا بس ليحكي مع البنت ببطل يرتبط فيا وبيغتبرا فلتانة ومتل ماحكت معو اكيد حكت مع غيروولاتصلح لان تكون زوجة ومعدة لاجيال المستقبل.....

متابعة التوضيح

القاتل جاب مرتو من سورية وبقيت هون مدة3أيام فقط ثم قتلها على حكي الموظفين في بلدية أم صلال وهو موجود بقطر قبل سنتين فقط وهدا الحكي موثوق والجاني **** من اللاذقية.المخلوقة ما لحقت تتعرف عالبلد فياريت ما تطلقو العنان لأفكاركن المدهشة وكل يفسر على هواه

انا برايي ان علاقة الصداقة اذا كانت مبنية على الاحترام المتبادل ومعرفة كل من الطرفين حدوده فالارتباط يتوج العلاقة مع العلم ان الخطوبة فترة اختبار كل من الطرفين للاخر ولاخلاقه وفيها يتبين صحة الاختيار او خطئه

أكيد موافق

لأن وقتها يمون نذل وبدون أخلاق إذا فكرت أن البنت التي أصادقها فقط لتمرير الوقت وأن الفتاة التي سأتزوجهاجب أن ى تكون ممن صادقتهم وكل من يفكر بطريقة أن البنت التي تصادق غير صالحة للزوجا هو مريض نفسياً

العالم ممكن تخطب و تفسخ الخطبة وأتمنى حقيقةأن أتزوج بصديقتي لأن أصدقائي البنات هم أغز الفتيات ألى قلبي وأكثر من قد أثق بهم

i agree with taranata

الى الانسة

اولا :انا اسف لانني لم اقدر ان اوصل الفكرة بشكل صحيح . ثانيا: انا لا انظر للفتاة التي معي بتدني بل بالعكس تماما . ثالثا : انا لم اطلب من احد ان يغفر ذنبي وان لايغفر ذنب غيري . رابعا : لاتحليلي الامور كما تريدين او كما يحلو لك او كما انا فهمت من هجومك. خامسا وهو الاهم : ليش كتير منزعجة مو هو بالاخير نقاش ولكل منا وجهة نظر .

انابشوف من النافذة التي ارى منها المواضيع بان موضوع الزواج بعد الصداقة ربماتكون نتائجه مؤلمة لان الشب لايمكن ان يعرف بوضوح من خلال الصداقة ونادرا ما ترى شخص يتحدث بوضوح الا وهناك بعض الغموض -فتوجد الخطوبة وهي مرحلة كافية لمبادلة وجهات النظرسامحوني ان جرحت احدا ولكن هذه وجهة نظري وشكرا

والله على حسب... يعني اذا كانت هالعلاقة نشئت بشكل طبيعي ( يعني يكون التعارف من خلال زمالة شغل او مؤسسة تعليمية) و كانت البنت عم تمشي معي بعلم أهلها اللي واثقين فيها .أكيد بتجوزها...أمـــــــــا إذا كانت نشأة العلاقة عن طريق ورقة زتيتلها ياها,او كنت امرؤ من تحت البرندا و اغمزها و بعدين طبقتها,او عن طريق النت, فليتها تضرب هيي و اللي بدو يتجوزها كوشة مكوشة

مليونيرمديون

أنا لا أأويد فكرة الصادقة بين الجنسين وأضم صوتي لصوت أوسكار وايلد الذي قال : بأن الصداقة بين الجنسين هي نكتة ظريفة تشبه الصداقة بين القط والفأر ، بالنسبة للسؤال هل من الممكن أني اتزوج صديقة ؟ طبعاً ممكن ، وممكن جداً ومهما تكن رتبتها الاجتماعية .. المهم إني أقتنع فيها

شاب مجهول

انا من جامعة حلب في الحقيقة ان هذاالموضوع من اهم الموضيع لاننا نشهدهاونلمسها كل يوم قي حياتنا(نحن طلاب الجامعات )وانا براي أن الصداقة من اروع الاشياء في العالم وعندما يتحول مفهوم الصداقة الى مفهوم الحب فانة شي رائع جداوان بنات الجامعة بنات مميزة اكتر من غيرة فلما لا اويد

طبعا وهل من الممكن ان ينتقي احد زوجه هذه الايام الا من محيط يعاشره ويعرفه بشكل جيد اما خلفيات الشكوك والظنون فهي طبعا مرهونه بنوع الصداقات او النشاطات ويجب ان يختار الاصدقاء بعضهم حسب الظروف النفسيه والاجتماعيه المتقاربه حتى يستطيع الشاب او الفتاه التفكير بالاخر دون معوقات فكريه او اثنيه او احيانا اقتصاديه - وكل اصدقائي تزوجو هكذا-

كون قد المسؤلية باخلاقك وثقتك بحالك والناس

الي بتعرفو احسن من اللي بتتعرف علي الصداقة لاجل الحب والزواج شي والصداقة لاجل الصداقة شي تاني مشان هيك لازم الشب و البنت يكونو صريحين من اول العلاقةلحتا مايصير سوء تفاهم وينجرحو بالاخير اصلا الحياة بلاصداقة ماحلوة بس وين الصديق الحقيقي هالايام كلا مصالح و تفاخر ياشباب ويابنات الي بدو يحب يحب امير مشان اذا تعيرتو تستاهل التعيير

انا تزوجت زميلي وصديقي بالجامعة وكان لي أصدقاء شباب غيرهوكنا شلة واحدة لكن دائما علاقتنا ببعض لها حدود ونحترم بعض والآن لديناأولاد ومازلنا أصدقاء وحتى أصدقائنا من الجامعة يزوروننا ونزورهم ونتعشى مع بعض أحيانا ولا مشكلة. المهم أن تكون العلاقة محترمة مو نعمل السبعة وذمتها ونقول صداقة.. الصداقة تضامن ومساعدة وهم مشترك وفرحة وحدة مو طيش وقلة أدب..

إلى السيد حوت

يعني ليش تسمح لحالك توصل علاقتك بالبنات للحميمية و غيرك لأ؟ إنت ذنبك مغفور و هي كخة بس لمعلوماتك من ينظر للفتاة التي تخرج معه بتدني فهو بنفس المستوى لسبب بسيط هو أنه شريك بالعلاقة و أرجوك أرجوك يا سيريا نيوز إنشري

لولولولولولولولولو

طيب سؤال بربكم وين الغلط إذا البنت كانت صادقة معك طول فترة العلاقة و بعدين كيف بأمن ياخد وحدة تانية ما بيعرفها و خلال يوم و ليلة بدها تصير مرتو و أم ولادو و هديك المعترة يلي عاشت معه أخلصتلواخلص صارت كخ شو هالظلم هاد... و بعدين لألكن المختصر المفيد كلو اسمة و نصيب بس إنت إعقل و توكل

سورية تؤبرقلبي

هذه ليست بصداقة .... تابع

لست واعظا دينيا فلا تقولوا عني ذلك ولكن هذا الكلام هو الكلام اللي يقبله العقل ومن لا يقبله بلا شك يكن في عقله خلل لكن .... مجتمعنا بعيد عن هذا كل البعد فالحاصل هذه الايام بالذكور والاناث انو تتولد لديهم الرغبة في مصاحبة كل منهم الاخر ولاسباب عديدة ليست احداها الزواج بعدهذاالكلام أجيب عن السؤال الاخير .. قال تعالى:( الطيبون للطيبات والخبيثون للخبيثات

سوريا كنت مسافر ومجبور ارجع سافر

هذه ليست بصداقة .... تابع

وفي شباب وبنات للأسف بيتذرعوا بالعلاقة هي ( الصداقة ) حسب تعبيرهم مشان يتعرفوا على بعض قبل الزواج أقول لهدول الاشخاص أنو في شي اسمو ( خطبة ) بمعنى خطوبة قبل الزواج هي الفترة رب العالمين ما وضعها عن عبث( حاش لله ) وطبعا وبها تصبح العلاقة رسمية خلال هذه الفترة يمكن للطرفين دراسة كل منهما الاخر وان لم يتم التوافق يجوز الانفصال ولا حرج في ذلك يتبع ....

سوريا كنت مسافر ومجبور ارجع سافر

هذه ليست بصداقة

السلام عليكم ومرحبا ومسا الخير وصباح النور بتمنى تكونوا كلكون بخير .... الحقيقة موضوع مثير للجدل ومهم بنفس الوقت اللي بدي قولو انو للأسف قرأت كل التعليقات وما لقيت حدا عرف مفهوم الصداقة وأقول آسفا ايضا انو كل هالعلاك هاد ما بيقرب للصداقة بنوب لانو الصداقة والاخوة أسما علاقة من بين العلاقات الاجتماعية وهي بفهوم ومضمون أقوى من اللي عم نحكي عنو يتبع

سوريا كنت مسافر ومجبور ارجع سافر

يا بنات انتو لا تقبلوبشب تعرفتو علي

العقلبة المتخلفة الي بيقكرو فيا الشباب و الاهالي الشب و بشكل عام المتعلم و المثقف و الجامعي بتلاقي غم يحب ويرافق بالجامعةوبالشغل وبالسوق كل مين حسب اختصاصوبس وقت بدو يتزوج بروح لعند امو والسبب مشان ماينحط تحت ابمسؤولية لان وقت بدا توقع المشاكل بحط الحق عاهلة اما وقت يختار هوبدو ينخرب بيت الي اخدا بسبب اهلوهجا اختيارك الله برحم ايام زمان

انا اسف على حديثي ولكن هذه هي الحقيقية ...خلال فترة العشر سنوات الماضية لم اصادق فتاة الا وكانت العلاقة في نهايتها او بدايتها حميمية جدا طبعا ستقولون ان الفتيات هن من الشارع اكيد لا .. بل هن بنات عائلات كبيرة ومن جميع المحافظات السورية ربما كان مظهري الخارجي يساعدني ولكن لااحد يفهم معنى الحب او الصداقة بل جميع العلاقات وللتاكيد الفتيات بنات علائلات

من يريد الحديث بعمق يرسل ايميلو

وين الموضوعية

مرحبا ,اللي بحب قولو بيتمثل بمجموعةأسئلة1 -وين الموضوعية باختيارك للصديقة أو اختيارك للصديق هل الأختيار الأولي مبني على الشكل الخارجي2-هل أنت شخص فعلا عم تعمل شي أنت مقتنع فيه ومستعد يشوفك كل العالم بدون على أقل تقدير مايحمر وجهك-3-أذا شفت أختك بنفس موقعك (مع شي شب )شو بتعمل.أذاكنت من الي بيعصبووبيصيروا زلم فجأة.سماع مني وكون زلمة مع بنات العالم.

ضوء القمر

كل حادثه واله معايير مختلفه

مو بالضروره تتزوج انسانه من حضن امها تعتبر فيها الكمال ولا فيك تجزم انو هالانسانه ما عرفت اي انسان قبلك دائما الاهميه بعد الزواج يكون فيها اخلاص والصداقه نوع من التعارف و الاختبار بس الها حدود ما نتجاوزها من الطرفين و لما نتجاوزها لازم نكون قد المسؤوليه لان حتى الحب ربنا خلقو لهيك لازم نحترمو و كل شي بدو اخلاق بالنهايه

موضوع رائع باعتقدادي الانسان الي بفكر انه صديقته ماهي شخص مناسب لتكون زوجته لمجرد انها كانت صادقة معه وقبلت صداقته هذا شخص ناقص ومريض نفسيا الصداقة ممكن تنتهي بحب وارتباط طبعا اذا كانت صداقة محترمة وقائمة على الصراحة

غيب أمركن بس موضوع حلو كتير

فعلا غريبين الشباب يعني إذا فرضا إنوا البنت أمنتك و عطتك شي هل معناه إنوا هي عاطلة؟ طب ليش ما تاخذها من ناحية إنوا هي حبتك و كانت صادقة معك؟ المرأة إنسانة متلك لها شعور و عواطف و ما يحق لها يحق لك و الشباب اللي بيتجوزوا وحدة عمرها 16 سنة حتى تتربى تحت إيدوه و يكون مأمن على عرضه هذا بدوا معالجة نفسية إصحوا بقى و حاج تخلف

و يصطفل منه لربه

أنا برأي الصداقة حلوة بس تكون صح لانو تعرف بين الشخصين وتسلعد على فهم الطباع

حسب خبرتي المتواضعة وقت الجد

باعتقد و حسب علمي بشبابنا العربي و السوري خصوصا انه الشاب يصاحب عشرين بنت و بيتجوز على ايد امو يعني بيصاحب بس وقت الجد انا ما وعدتك بشي و اهلي ما وافقو و من الحكي و بيروح عند الماما و بيقلا دوريلي على بنت الحلال بيروح بيتفرج اذا حلة اوكي ماشي اذا لا يمكن مافي نصيب و الله شي بيجنن و كانه عم يشتري لعبة مو انسان لحم و دم و اخيرا الله يعينا على عاداتنا.

عمووووووووورة

المراة مثل الرجل انسان لذلك يسأل الرجل حالو لما بيمشي مع صديقة يا ترى بيكون اهل للثقة بعدين يلي منحتك ثقتها لا تخونها ولو كنت خوان

شو المانع

وين المشكلة إذا الواحد شاف أنو صديقتو هي أحسن وحدة بيعرفها لأنها تعيش معو وتربي ولادو..... الجواب أكيد أي

المصيبة انو الي مابوثق بحالو مابيو ثق باي كان

انت شو بالنسبة لالكن البنات لعبة وبعد مابتصاحبوهن بتقول مشيت معي بتمشي مع غيري والله حرام فيقوا ياشباب الي عم تعملوا عيب انتو عم توجعوا قلوب وعم تبكوا عيون وتتطعنوا فؤاد فيقوا وتخيلوا رفيقكن فاطر قلب وحدة من اخواتكن وتلاقوها عم تقلكن انا مالي غلطانة انا حبيت بصدق بس انتو الي خنتوا رحموا الي بيحبكن لتسعدو بحياتكن اي بنت ممكن تحب وتعطي

الشمقمق - مواطن

موضوع ممتاز للنقاش

أولاً يجب أن نعرف مصطلح صداقة بدقة و بدقة أكبر حدوده و خطوطه الحمراء، و بعد ذلك لا أروع من الصداقة الشفافة التي يتمكن الشاب فيها من معرفة طباع الفتاة و طريقة حياتها بشكل عام في مختلف الأجواء و تتمكن هي من معرفة طباعه و طريقة تفكيره الحقيقية!!! و طريقة تعامله معها و مع الناس، على أن يكون كلاهما كتاب مفتوح!!! الصداقة رائعة بشرط توعية الأهل لمعانيها

إنا حلقناكم من ذكر و إنثى... لتعارفوا....إتقاكم!!!

انا بتزوج؟؟

بتمنى انو الشاب اللي ماعندو ثقى لا بحالو ولا بالانسانة اللي عطيتو كل ثقتهاو تقديرهالا يتسلى مع بنات العالم لانو اذا ماعندو خيات ممكن رب العالمين يبعتلو بنات و يحاسبو فيهن بالاخير المهم تكون النية صافية بتكون حياتن كلها حب و احترام و شرف و انا بعارض الرفقة لانو ما عندي ثقة بجنس ادم

سؤال وجيه!

هلئ انا رح طنش عالسؤال اللي عصبني كتير كونويخاطب الشريحة المتخلفة والذكورفقط ياترى هل تتزوجي واحد صادقتيه؟ انا بتزوج واحد ما بيعرف ولا مراة قبلي وبدي اسأل عن اخلاقو وابعتو للطبيب الشرعي لاتأكدمن شرفو واعمل تحاليل لكن ابو اولادي وقدوتهم بدو يكون الو ماضي!! شو شبكم ليش عصبتوا انت رجل وانا فتاة ويلي بتشوفوا انا بشوفو وبطلوها لمعاييركم المزدوجة !

شمال المريخ على ايدك اليسار طابق تالت

طبعابتجوز وحدي أنا صادقتها... لكن شو... بتجوز وحدي إنت صادقتها؟

هلأ الحب موجود بس للأسف مجتمعنا بدو يقلد الغرب يعني بدو يصاحب ويعمل السبعه وزمتها بعدين بدو الشب يتزوج بنت ما بيعرفها وللأسف نحنالهلأ عالقين بين الغرب وبين التقاليد موعارفين شو بدنا يعني الموضوع معقد وبرأي بدو فتره طويله جدا لنتعدا هي المرحله ممكن الاجيالالقادمه بس مو نحنا

أنا يلي عندي الخبر اليقين

لح قلكون إذ زواج بلا تعارف هاد شي wrong ،طبعا التعارف الذي يضمن الحدود الشرعية بين الفتاة والشاب ،و يجب أن يكون هناك هدف مشترك نبيل يريدان الوصول إليه معاً مهما جارت الظروف عليهما، وبهذايتدرجان بالمنطق التالي أولاً العقل : هل يوجد هدف يمكن أن يضحيا بحياتهما من أجله ثانياًالمشاعر هل يمكن ان يكون حب بينهما ثالثاًالغريزة وهي تأتي تلقائيا،فيأتي النجاح

مكسيم الناصر

شو منشان شوية حضارة

للذين لا يؤمنون بالصداقة قبل الزواج والذين يطلبون من امهم اختيار شريكة حياتهم ,هل تخيلت يوماأن هذه الفتاة التي ستصبح زوجتك لم تعرف الحب قبلك ولم تتعرف بشاب قبلك , وحتى وان كان ما باس تمها غير امها كيف ممكن تعرف انو عقلك رح يتناسب مع عقلها أو تفكيرك مع تفكيرها ,بس طالما الطلاق سلاح الرجل فهالحكي كلو علاك مصدي . كبرو عقلكن شوي وعيب .

طبعا مارح أرتبط فيها حتى لو حبيتها فعلا لأنو البنت يلي بتمشي معك بتمشي مع غيرك و خاصة إذا ماكان في رابطة بينك وبينها

صادقة جدا

وعندى الخبر اليقين

السلام عليكم ياجماعة لا يوجد شي اسمه صداقة بين شاب وفتاة والله حرام لشو البنت تتعب قلبها بالحب بشي محرم عليها صدقوني لازمالبنت تحفظ حبها لزوجها المستقبلي ساعتها بتعطيه كل حبها وساعتها هذا الحب الله ببارك فيه من عنده والحمد لله رب العالمين

صديق واقعي

هلق بالزمة إذا كانت البت\ غنية\ راح يشوفها أشرف البنات حتى ولوكانت عاملة معو ومع غيرو الويلات أما اذا كانت\ معترة\ رح يشوف أنها غلطت غلطة العمر وصادقتو حتى ولو ما لمس إيدها...........

مواطن معتر

موضوع حساس

فعلا الموضوع جميل وحساس.. وأنا مارق بهيك حالة، وما بخفيكن أحيانا بتصيبني حالة عدم ثقة بصديقتي الي متمنيها تكون شريكة حياتي، لأنو أخدت وش علي ،بس هذا الاحساس بيختفي فجأة وقت حس بالمسؤولية الذاتية بالمحافظة عليها من أنو حدا تاني يتعرف عليها ويخطفها مني..يعني بحس هالمسؤولية واقعة عالرجل لأنو المرأة ما بتفكر تترك رجل حبتو الا اذا هو تخلى عنها،شكرا لاستماعكم

الإمارات

ياشباب أكيد الحب شي كتير ثمين بس صدقوني مافي علاقة صداقة بين شب وبنت وأهل زمان أكيد ما كانو اغبياء بس نحنا عم نقلد الغرب هالايام بشكل كبير مع تقديري لكل اتنين بيحبو بعض بس الارتباط شي أثمن بكتير وبيخلد مع الايام أما صدافة الجامعة والخ فهي مرحلة لاتستمر الا لفترة محددة ولها نهاية حتمية

لا يمكن ان اتزوج دون صداقةعميقة بالمشرمحي ياأخاالعرب بدون مساكنةلفترة معقولةلا يمكنني أن أتزوج واحدةالله خلقهابدون تجربة يعني لازم نعيش مع بعضنا ونضاجع بعضناو وبعدين منقرر وهذا الشيء طالع من صماصيم قلبي وتلافيف مخي وأتمنى من جميع بنات العرب وبنيها أن يجربوا ذلك بصدق كامل علمااني اعتزبعروبتي وإسلامي الحنيف أقول قولي هذاوأستغفرالله لي ولكم

اذا كانت الصداقه على النت فلاأحبذ ان تتحول لزواج أما اذا التعرف تم في الحرم الجامعي فلا مانع.. يعني اذا بدي بنت بحياتا ما حكت مع شب فبحياتي مابزوج..المشكل فينا أننا ما منعرف كيف لازم تكون الصداقه لانوا ما تربينا على هالمفهوم...

I will surely marry a girl I knew before as it is better than marrying a girl I have never met except when families meet to see a girl my mum has chosen. This does in no way abolish the fact that certain conditions should be taken into account: the girl's manners, behaviours and cultural and educational background.

بلاد العم طوني

الصداقة الحقيقية

لايوجد في المجتمع العربي صداقة بالشكل الحقيقي بين الجنسين فغالبا ما تكون هذه العلاقة عبارة عن حب او اعجاب مبطن من احد الطرفين للاخر وتاخذ فيما بعد وجه اخر قد تنتهي بعداء وكراهيةوحقد لايصح الا الصحيح

الصداقة غير الحب

أولا أنا فتاة عندي الكثير من الأصدقاء والزملاء وهذا لا يعني "المصاحبة" لأن المفهوم مختلف تمامافالصداقة في الكثير تكون كما لو أننا إخوة ولم أفكر في يوم من الأيام بأن أحد أصدقائي قد يكون الشريك المستقبلي...كفانا تخلف

طبعا موافق,مالخطبة هي صداقة تحت غطاء شرعي بكون الطرفين محكومين بحدود وعميئرجو أحسن شي عندن,اللهم هاد يلي مبين,غير يلي بتأمن أنو هاد صار زوجها. أما بالصداقة عالأغلب الضوابت بتكون أقل وبتبين حدود كل شخص الموجودةعن قناعةموالمجبورفيها, وتعليق عالتعليق التاني الموجود, تذكر أنك بدك تتزوج البنت مو المجتمع قبل ما تفكر هيك وبلا ما تنصدم بليلة الدخلة

اولا اعتذر من كل من يشعر بان تعليقي قد يمسه من قؤيب او بعيد فمن يقرأ تعليقات البعض على هذا الموضوع فانه سيكتشف وللاسف لماذا نحن ما زلنا متخلفين الى الان اخواني واخواتي باي شرع يمكن ان نحلل للشاب ما نحرمه على الانثى الشاب والفتاه ثوابهما واحد وعقابهما واحد فلماذا لا يكون السؤال انه هل من الممكن ان تقبل الفتاه بالزواج من شاب اقام علاقه صداقه معها؟؟

شو رفيقة ما رفيقة

اصحوا يا عالم ما في شي اسمو مصاحبة و رفيقة و صداقة بين الجنسين ...كلو حرام بالإسلام ..في زواج و ود و محبة و عيلة و أولاد أما العلاك الفاضي تبع الحب قبل الزواج و المصاحبة ما بيجوز..و اذا كان في صداقة فالمشاعر شوي شوي بتتحول لحب لأنو هي غريزة طبيعية بالبشر ..والشب الشرقي اذا صاحب بنت أكيد ما بيتجوزها لأنو بيقلك هي مو ثقة و بلا أخلاق

أنا ليس لدي مانع فعلي ... ولكن بالنسبة للجميع هذه الفتاة غير نظيفة...

تاراتاتا

حسب عدد أصدقائها

؟؟؟؟؟؟؟؟؟؟؟؟؟؟؟؟؟؟؟؟؟

مواعيد التسجيل

مواعيد الامتحانات

نتائج الامتحانات