سيريانيوز شباب وتعليم :: تاخر وصول رواتب الموفدين

تاخر وصول رواتب الموفدين

مساهمات الطلاب

نعود لنطرق موضوع تاخر رواتب الموفدين, هذا الموضوع القديم الجديد والذي اصبح مسلسل كوميدي تتكرر حلقاته كل اربعه اشهر باخراج وزاره التعليم وسيناريو الماليه وتقديم السفاره السوريه.

منذ فتره قرانا على موقعكم الكريم مقاله لاحد كبار موظفي وزاره التعليم بان الرواتب ستكون بحسابات الطلاب اول شهر شباط, وها نحن في نهايه الشهر تقريبا ولم نرى حتى قوائم. فاما هذا الموظف يتكلم بدون تنسيق مع الجهات الرسميه او يفتري على الطلبه. مره اخرى نتمنى من وزاره التعليم الصدق والشفافيه في مخاطبه الموفدين, ونقول لهم ان مسلسلكم هزيل ربما يضحككم لكنه بالتاكيد لا يضحكنا. الشكر الجزيل لهذا الموقع اللطيف............

شارك بالتعليق

الحقونا يا سيريا نيوز

عن جد سيريا نيوز لازم تحاولو تساعدونا رواتب معيدي جامعة حلب لهلا ما بينت وما حدا عميرد علينا الوزارة اكدت انو حولت المبلغ ب10 شباط وعلى ما يبدو المشكلة بالمصرف المركزي فيكن بالله تعرفو اذا البنك المركزي حول المبلغ للسفارة ببرلين ولا لاء؟؟والله الحالة ما عادت تتحمل عن جد شي بيخجل

رواتب جامعة تشرين

كما العادة تأخير مستمر. نحن اليوم 5 اذار ورواتب جامعة تشرين لم تصل. عسى المانع خير ان شاء الله

والله مهزلة

يا جماعة رواتب موفدي جامعة حلب في المانيا لهلق على الطريق ما وصلت بس ليش ما حدا بيعرف الوزارة بتقول انو تحولت بتاريخ 10 شباط والسفارة بتقول ما وصل شي بس يا ترى مين نصدق والله محتارين عن جد يعني ليش كل سنة نفس القصة ما بعرف,ليش الكل وصلت رواتبهن الا نحن؟مع انو التحويل تم بنفس التاريخ للكل على زعم الوزارة؟؟؟حدا عندو جواب؟؟؟؟

رلا عرفات

اي رواتب موفدي دمشق

اين رواتب موفدي دمشق في فرنسا ؟ ..نداء عاجل للمحاسب جورج والله اللي عم يصير عيب ومو حلوة بحق جامعة عريقة متل دمشق *********

موفد فراتي

مهزلة اخر زمن

انتو عم تحكوا عن الرواتب لك نحن المحاسب قام بارسال التعويض العائلي لسنة 2088 بعد تاخير سنة ولكن لناس و ناس و الان يطلب واسطة لارساله للباقي يعني اكتر من هيك مهزلة مافي و الوزارة عم تقول انه مالها علاقة بالتقصير خارج الوزاة يعني مضحك مبكي

معيد بلا صغره

ليش............؟

ليش الراتب متاخر يا عمري ليش .......؟ اذا زعلان براضيك...... اذا بدك طيارة لحتا تجي بالك روح اذا بتريد حاجه تركني بحاليييييي...

مو مهم الاسم

اووووووووووووف

لك حاجي كذب وتعليك يخرب بيتكن شو بتنقوا شو يعني اذا تأخر الراتب شوي لازم نصبر إن الله مع الصابرين

مالك الحزين

موفد مفلس

يعني و الله اسود وجهي قدام صاحب البيت كل مرة هالشهر و هالشهر - عدا الدين اللي مدينو - نحن نامل انه الرواتب تصل قبل نهاية الشهر

نانا الحيرانة

فزلكة الجامعات

رواتب البعثات وصلت بس الموفدين لحساب الجامعات وين رواتبهممممممممممممم؟

رواتب موفدي دمشق

نداء إلى السيد جورج إلى السفارة السورية في فرنسا إلى وزارة التعليم مو معقول ابداً هالوضع لسى لهلق ماوصلت رواتب موفدي دمشق عالسفارة الموضوع مو نق ولا حكي بس الموضوع أكبر من هيك يومين تانيين بتدخل الشرطة بالموضوع

el rawateb weslat

ya shabab ana mofad be3that, wa el rawateb weslat halla,

والله يا جماعة انا قرفت ومليت وما عاد بدي اسال عن الرواتب..لانو عن جد موظفة السفارة حفظتني كل يوم بدي اتصل واسال..وعلى هالحال الله يستر من راس الشهر ..ضروري يكون شباط 28 يوم..كان يطول شوي بلكي بهاليومين الزيادة بيجو الرواتب..ولي على حظي....

موفد في الصين

وصلت القوائم

وصلت قوائم الرواتب شكر لمحاسبة البعثات

الأرنب المغرور و السلحفاة الحبابة

رواتب موفدي البعثات العلمية في ألمانيا وصلت منذ 5 أيام تقريبا.

موفد منتوف

وين الرواتب

صرنا بنص السنة لسا الرواتب بدها تجي ملينا من الكذب والدجل تبع التعليم

المكتب الاداري

شوف المكتب الاداري ممكن يحل لك المشكلة لانه عنا اي مشكلة عما يحلها اتحاد الطلبة ممثل بالمكتب الاداري

صرنا ١٦ شباط

الحقيقة خلص الحكي صرنا ١٦ شباط ولسى رواتب موفدي دمشق ماوصلت عالسفارة والمحاسب جورج بدمشق بعتون من شي شهرين بس المشكلة وسيلة النقل شو بدو يحكي الواحد

موفد من جامعة دمشق

نرجو إرسال الرواتب في أسرع وقت ممكن. نحن في ضيقة مالية شديدة في بريطانيا. غطت الرواتب الأخيرة التي أستلمناها في الربع الأخير من السنة الماضية شهري أيلول وتشرين الأول فقط كوننا في السنة الأخيرة من دراستنا. لماذا ومتي ومن وعسى.... رجاء سيادة الوزير! رجاء يا وطن!

On vous remercie beaucoup pour votre intérêt

الى كاتب هذه المساهمة اللطيفة ...عيب عليك اجلس وانتظر متلنا ..يعني اذا كل موفد بعت مساهمة لطيفة سوف يصاب بنك اللطافة بسوريا- نيوز بالاغراق.. يعني مبينة متل كل مرة الرواتب يا شباب بتجي على اذار ...بقترح عالمحاسبة بعت الرواتب من اول تشرين التاني وهيك مع احتساب الزمن الضائع والضربات الركنية بيجي الهدف بنص كانون التاني... بالله مو انا ذكي. بشان هيك اوفدوني.

HHHHAAAAAAAA HAHAHAHAHA VERY FUNNY NICE JOK DEAR WRITTE

موفد فرحان

افهموا بقى

يا زملاء ما في داعي كل مرة تحركوا التهاب العصب الوركي للاخوة القائمين على الموضوع ...يعني صار لازم تفهموا لمواعيد الفعلية لوصول الرواتب التلت الأول منتصف آذار التلت الثاني آواخر حزيران التلت التالت أوائل تشرين الأول بقى ليش كل مرة بتعملوا هالزيطة و هالزنبليطة انتظروا لوقتها و بعدين إذا ما وصل شي احكوا ...

ألمانيا الشرق أوسطية

موفد قرفان

ما بيتغيروا

شفتلكن قوائم على موقع الوزاره بس الي فيها اسم شو بتكون القصه شكلو كمان فصل بايخ ونقاصه من الوزاره

المضحك المبكي

يتكرر سماع الحجج الوهمية لعدم دفع الرواتب و و عدم دفع ألأقساط الجامعيةأيضا,فتارة الفاكس معطل و طورا الإيميل لا يعمل ,و يستمر المسلسل باستجداء المحاسبين و موظفي السفارة وكالعادة يقدم الجميع وعود بدون نتيجة. أما آن الأوان أن يوجد حل جذري لهذه المعضلة العظيمة؟!!!

المملكة المتحدة

مواعيد التسجيل

مواعيد الامتحانات

نتائج الامتحانات