مواضيع مختارة
 
جامعة دمشق: قبول طلبات الالتحاق بالدكتوراة بين 15 و30 الشهر الجاري
وزارة التعليم العالي: مبادرة لفهرسة مجلات الجامعات السورية في قواعد البيانات العالمية
التعليم العالي تحدد 6 نيسان موعداً للامتحان التقويمي لخريجي الجامعات غير السورية والخاصة باختصاص صيدلة
التربية: تنفيذ بيان لمشروع عملي حول إخلاء المدارس بحالات الطوارئ
جامعة دمشق تحدد موعد للمتخلفين عن امتحانات الراغبين بالتعاقد معها
التعليم العالي تسمح للطلاب الذين لم يتقدموا لمفاضلة العام الحالي بالتسجيل المباشر في الجامعات
   
   
 
البحث
 

   
   
 
 
التلطيش يزيد ثقة البعض بأنفسهن.. ويثير عصبية البعض الآخر
تحقيقات

شبان: "التلطيش محاولة لإثبات الذات وتعزيز الإحساس بالرجولة"

خبيرة: "ظاهرة التلطيش ناتجة عن الكبت والحرمان, وتحتاج الى وقت طويل لمعالجتها"

دخيلو.. يا ارض أحفظي ما عليك.. يقبرني هالطول مثل عرق الفول.. وتطول عبارات التلطيش التي تتعرض لها الفتيات أينما ذهبن,


والتي تثير رضا بعضهن وغضب بعضهن الآخر, في حين يرى مختصون أن هذه الظاهرة تحتل المرتبة الأولى في سلم الظواهر الاجتماعية التي تصبغ المجتمع, وأنها ناتجة عن الكبت والحرمان وعدم احتكاك الشبان بالفتيات.

فتيات: "التلطيش وسيلة للتعارف.. ويزيد الثقة بالنفس"

تقولها المدرسة ريم أحمد بخجل, وهي تسرد حكايتها مع زوجها الذي كان يسكن في حارة مجاورة لها, وكان دائما يغازلها بكلمات رنانة عندما يراها, ومن ثم تطورت العلاقة عندما رمى لها ورقة مكتوب عليها رقم هاتفه, واستمرت العلاقة إلى أن انتهت بالزواج وهي سعيدة جدا, معتبرة أن "التلطيش وسيلة من وسائل التعارف وليست ظاهرة سيئة كما يقول عنها البعض"...

من جهتها, قالت جمانة إبراهيم إن "كل فتاة تخبئ في داخلها فرحا كبيرا حين تسمع كلمة غزل في الشارع لان ذلك يزيد من ثقتها بنفسها", مضيفة أنها "تعتبر التلطيش تعبيرا عن حرية الرأي ليس أكثر فأنت عندما ترى شيء جميل أو قبيح لا تستطيع إخفاء مشاعرك وكذلك الشاب لا يستطيع إلا أن يعبر عن رأيه فيما يرى".

أخريات: "التلطيش يثير عصبيتنا"

"بات من الضروري جدا أن أصطحب معي أخي أو أبي أو أي شخص للحماية وأنا امشي إلى السوق, أو إلى أي مكان لكي أتجنب التلطيشات البذيئة", هذا ما قالته دينا الأسعد وهي تستنكر هذا الوضع القبيح الذي فرض عليها البقاء في المنزل أو الذهاب بصحبة أخيها.

ووافقتها ساندي حقي بقولها "أصبحنا عرضة لكلمات الشباب الفارغة التي لا نستطيع الرد عليها, كي لا يتمادوا وأصبحنا مجبرين على اصطحاب احد معنا للسير في الشارع بأمان".

من جانبها, ترى عفراء حداد انه "لا ضرورة للاكتراث بالتلطيش في الشارع لأنه أصبح سمة من سمات مجتمعنا وهذه التصرفات نتعرض لها يوميا على مدار ساعات خروجنا من المنزل", مضيفة أنها لا تبالي كثيرا بالكلام الذي تسمعه في الشارع, ولكن بعض التلطيشات تثير عصبيتها لدرجة لا يمكنها أن تصمت حيالها فترد بقسوة, وأحيانا تتمنى أن يتمادى الشاب لكي تجرجره إلى السجن.

شباب: "التلطيش محاولة لإثبات الذات وتعزيز الإحساس بالرجولة"

تتعدد رؤية الشباب لموضوع التلطيش فمنهم من يراه إثبات للرجولة, والبعض الآخر يعتبره احتجاج على البيئة التي يعيشون فيها والتي تفرض نوعا من المحرمات على مواضيع عدة..

ويتفق محمد العلي وأحمد ديوب, وهما يعيشان في وسط اجتماعي متحرر نوعا ما بنظرهم, بأن التلطيش هو إحساس بذاتك وبأنك موجود وتستطيع فعل ما لا تستطيع أن تقوم به الفتاة.

ويضيف الشابان انه عندما تلطش فتاة تشعر برجولتك, وبأنك قمت بإرواء شي عظيم بها, وخاصة عندما تكون بصحبة رفاقك حيث يصبح التلطيش استعراض للمهارات وللرجولة, لافتين إلى أن الفتاة هي التي تفرض عليك إن تلطشها من خلال طريقة لباسها وحركات مشيتها وبالتالي تصبح مجبر أن تسمعها هذه الكلمات.

التلطيش رد فعل على ما يفرضه المجتمع

بدورهما, غسان وطارق, يعيشان في بيئة اجتماعية محافظة جدا تفرض عليهم الصمت وممنوعات كثيرة ابسطها التكلم عن الجنس الأخر, يعتبران التلطيش تعبيرا عن رفض لما فرضه عليهم المجتمع من خناق.

يضيف الشابان أن عبارات التلطيش تكسر الحواجز القائمة بين الشاب والفتاة التي شبوا على وجودها والشعور بالخجل عند التكلم معهن, لافتين إلى انه "عندما تغازل فتاة في الطريق فانك تشعر بقوة في شخصيتك وبأنك حققت انتصار على ذاتك".

التلطيش لملء فراغ العاطفة, العقل, والوقت

حيث تحولت هذه الظاهرة عند كل من عدي ومضر وأيهم وغيرهم من الشبان الذين يعيشون في أوساط مادية صاعدة وأوساط اجتماعية متحررة إلى تسلية لقتل الفراغ الذين يعيشون فيه حسب قولهم حيث يشعرون بأنهم قادرون على الحصول على ما يريدونه حتى لو كانت فتاة".

ويضيف الشبان الثلاثة أن "ظاهرة التلطيش أصبحت سمة من سمات حياتهم وهي لا تسبب الضرر لكلا الطرفين بل على العكس تترك شعور بالرضي لدى معظم الفتيات وتعيد لهن الثقة بالنفس بالتالي يصبح التلطيش أمر ايجابي وليس سلبي".

التلطيش ليس حكرا على الشباب

فمن المعروف بأن الشاب هو صاحب المبادرة في العلاقة التي تجمعه مع الفتاة ولم نعتد كشرقيين حسب عاداتنا وتقاليدنا أن تقوم الفتاة بخطوة البداية ورغم ذلك فقد ظهرت بعض الفتيات اللواتي يتحلين بشيء من الجرأة وقمنا بالاعتراف للشاب بحقيقة مشاعرهن ولكن الأمر المستهجن وغير الطبيعي أن تقوم الفتاة بتلطيش شاب وهذا ما أكده مجموعة من الشباب الذين التقيناهم.

أحمد مصطفى 23 عاما, يقول إن "ظاهرة التلطيش لم تعد حكرا على الشباب ففي الأسبوع الماضي كنت ذاهبا إلى احد المقاهي وأنا في طريقي بدأت سيارة بملاحقتي وعندما توقفت عند الإشارة الضوئية اكتشفت أن السائق فتاة وصدمتني عندما أخبرتني أنها تود مشاركتي بفنجان قهوة".

بدورها, تستنكر سالي 17 عاما اقتصار ظاهرة التلطيش على الشباب, قائلة "بما أن المرأة أصبحت نصف المجتمع فيحق لها ما يحق للرجل, لذا من البديهي أن تلطش أي شاب يعجبها في الشارع".

وتابعت سالي أنها "بصراحة عندما يعجبها أي شاب تقوم بتلطيشه ولكن في حدود الأدب".

محامي: القانون يعاقب على التلطيش

بحسب رأي المحامي رائد حقي ووفقا للمادة 506 من قانون العقوبات السوري فان ادعاء أي فتاة على شاب حاول التحرش بها بمعاكسة أو تلطيش بكلام يخدش الحياء العام يعرض الشاب بتهمة التعرض للآداب العامة وتعرض القضية على المحكمة الصلح وفيما لو ثبتت التهمة يسجن لمدة ثلاثة أيام مع دفع غرامة 75 ليرة سورية.

وتنص المادة 506 من قانون العقوبات على انه يعاقب بالحبس التكديري ثلاثة أيام أو بغرامة لا تزيد عن خمسة وسبعين ليرة أو بالعقوبتين معاً على كل من يعرض على قاصر لم يتم الخامسة عشرة من عمره أو فتاة أو امرأة لهما من العمر أكثر من خمس عشرة عاماً عملاً منافياً للحياء أو وجه إلى أحدهم كلاماً مخلاً بالحشمة عوقب.‏

خبيرة اجتماعية: التلطيش يظهر عند المحرومين بالاحتكاك مع الفتيات

قالت الخبيرة الاجتماعية وداد المصري لسيريانيوز إن "التلطيش ما هو إلا حصيلة للثقافة الاجتماعية والمدنية والظروف الاجتماعية والعائلية والاقتصادية المختلفة", لافتة إلى أن "المجتمع يتحمل المسؤولية الرئيسية عن مشكلات الشباب في المجتمع في ظل الثقافة الاجتماعية التي يعيشها".

وعن أسباب وجود هذه الظاهرة, قالت المصري إن "الشاب قابل للانحراف أو اعتماد بعض السلوكيات الخاطئة التي تغذي إحساسه بالرجولة في حال غياب الضوابط الدينية والتربوية", لافتة إلى أن "الظواهر الاجتماعية لا تولد من الفراغ".

وأضافت المصري أن "هذه الظاهرة تظهر بخاصة عند من حرم عليهم الاحتكاك بالفتيات, فيصبح كالسر الذي يجب إن يكتشفه, وهو بالطبع ناتج عن الكبت والحرمان الطويل, الأمر الذي يولد استعدادا عند الشاب لعمل أي شيء يحقق له ما يريده".

وترى الخبيرة الاجتماعية أن "أسباب هذه الظاهرة من الصعب معالجتها بالزمن القصير بل تحتاج إلى أجيال", داعية إلى "ضرورة وجود قانون لا يتجاهل هذه الظاهرة, فمثلا دولة الإمارات وبرغم التنوع السكاني الكبير وتزايد الوافدين إلا إن هذه الظاهرة معدومة عندهم لأنها لو حدثت فيكفي إخبار الشرطة التي ستتواجد بدقيقتين في مكان الحدث".

ميس بركات – سيريانيوز شباب


 
 
2009-07-27 02:36:31


شارك بالتعليق


2009-08-08 19:33:17
راما
مو شاطرين غير ناخد من الغرب زبالتهم
السيد المثقف اللي بيقول ان الغرب بغمزة صغيرة بتصير البنت عنده بالبيت لحالهم ياريت شوية تفكير في هيك بنات بس هدول معروفات مابيخبوا حالهم ورا قناع متل هون واسمهم بنات الهوى وفي بنات هونيك اشرف من البنات اللي عنا في بنات بيخجلوا اذا بدهم يحطوا مكياج قدام اهلهم بس نحن مو شاطرين غير ناخد السيء من الغرب ليش اخدنا انهم اباحيين وما ناخد ان بيحترموا الوقت
بين الشرق والغرب
-

2009-08-08 19:26:26
رامــــا
تخلف
بسوريا او خينا نقول بالوطن العربي البنت اللي بيلحقها الشب وبيلطشها احياناً بتتدلع وبتتقل عليه. بالغرب مافي هيك شي يعني الساقطة بتبين لك انها ساقطة والمحترمة بتعرفها محترمة ومو سهلة المنال اما بالنسبة للشباب فهي على اساس انها مرجلة بس اذا على حالي اتلطشت بطريقة قليلة ادب عندي استعداد بهدل الشب حتى يخجل على حاله ولكل شب بيلطش لاتزعل لما حدا بيلطش اختك
سوريا
-

2009-08-01 21:09:49
رجل خجول
التلطيش صار موضة
طبعا شاب في مثل عمري, 19 عام , إذا مرة شي بنت حلوة من قدامي, وما قلت ولا كلمة, رفقاتي بصيرو يضحكو ويتمصخرو علي, والبعض بصير يعاتبني, قال ليش ما لطشتها؟ وانا في طبعي ما بحكي مع بنات, ولا بتعاطا معهن, مع اني مو عايش مجتمع مختلط, وكنت عايش بالخليج, وبعمري مو حاكي مع بنت, بس الواحد لما يحترم حالو, الناس بتصير تحترمو, ( سمعانين يا شباب وصبايا )...
Qatar

2009-08-01 15:31:40
البازي
خبيرة كباب
في لبنان التلطيش اكثر من سورية بعشر مرات مع انه مافي كبت هنيك شوالسبب يا حزرك يا خبيرة ًٌَُ؟؟؟ بظن انو السبب هو قلة تربية وعائلات غير محترمة انا برأي التلطيش شغل نور وزعران
سورية
-

2009-08-01 15:24:57
البازي
خبيرة كباب 1
صراحة المقال متناقض مع بعضه ففي اول المقال الخبيرة! تقول ان الظاهرة بسبب الكبت وفي منتصف المقال يقول (ويتفق محمد العلي وأحمد ديوب, وهما يعيشان في وسط اجتماعي متحرر نوعا ما بنظرهم, بأن التلطيش هو إحساس بذاتك وبأنك موجود وتستطيع فعل ما لا تستطيع أن تقوم به الفتاة.) اين الكبت عندمحمد العلي وديوب
سورية
-

2009-08-01 15:19:56
أسمر
الحق على البنات
يعني دائما عنا الشب هو المحقوق ليش مو البنات كمان عليهن حق هل المناظر يلي عم نشوفها بالطرقات بتخلي الشباب يعاكسوا ويحكوا لأنو البنات مو قصرين كمان يلي عم تغمز ويلي لابسة لبس بيهبل يعني الشب بهل الأيام عم يشوف البنت عفوا على الكلمة البنت متل ما هي بلباسها أحاسيس الشباب لا شعوريا بدها تندفع ليحاول التعرف عليها أو الحكي معها وخاصة الحلوين
سوريا
-

2009-08-01 14:04:55
سوري غيور
افرضها علانفسك
مين يرضى اخته تتلطش بشارع كيف تعامل البنات في الشارع اختك تتعامل احكم علا نفسك
سوريا

2009-08-01 03:00:33
سووووري
خبيرة تنقصها الخبرة
من الواضح أن الخبيرة تنقصها الخبرة، أو على الأقل لم تسافرة أبدا إلى دول أوروبية، فحتى اوروبا التي تقول عن نفسها أنها متحررة وتقوم بالسماح للقنوات الجنسية بالبث فيها، لايمتنع مواطنيها من التحرش بالجنس الأخر، أو أكثر من ذلك في الشارع أمام المارة، فهناك عناصر أخرى غير الكبت، وقد تكون الإباحية أحد أسبابها .
-
-

2009-08-01 01:52:14
مواطن درجة سابعة
ولطش الصبايا
طيب ليش نحنا بس عما نناقش الموضوع من جهة وحدة خلينا نحكي عن تلطيش البنات للشباب الصبايا ألهن نظرات وحركات أقوى من أي كلام ويلي بيفهمها رح يعرف أنو البنت بتأكل الشب أذا عجبها بعيونهاوبتبادر بحركات ونظرات بتلطش الشب و أقوى من أي كلام ينحكى بس أكيد الصبايا كلهن بينكروا هالشي بس ضمنيا بيعرفوا كلامي صح
-
-

2009-07-31 16:41:39
احمد مرعي
ياشعبي
من الواضح جدا ان الامور اختلتطت على اعزائي قراء سيريانيوز,فبدل أبداء الرأي في الموضوع المطروح,تحولت صفحة إبداء الرأي الى موقع صراع بين القراء والرد على فلان ورد الرد على فلان,أرجومن أبناء سوريا الارتقاءالى مستوى ابداء الرأي وليس المشاجرة فيما بينهم,نحن الان نبني سورياالعصروكلنا شركاء في هذه المسؤلية,أرجوأعطاء صورة أجمل عنا نحن السوريون,ولتحياسوريا.
-

2009-07-31 16:49:08
عزوز
لا للتلطيش
بستغرب أنو شباب معتبرين التلطيش شغلة عادية يعني يطلع الواحد منهم ويقول أنو ماعندو مشكلة إذا حدا لطشلوا أختو أو أمو وبالكلام البذيء أحياناً لحتى نصدقو والتلطيش من طرق المئدية إلى الزنا لأنو ممكن الشب أو البنت بستعملوا إشرات التلطيش ليجتمعوا بمكان معين وأكبر دليل قوم لوط يلي كانوا يستعملوا التصفير لهيك أمور واللي عندو غير هالحكي يثبتوا ******
سوريا
-

2009-07-31 16:10:31
مستاءة
إلى متى؟؟؟؟؟؟
أنا سيدة متزوجة،بألأمس قلت لزوجي أنني سأسبقه مشياُإلى منزلناالقريب من السوبر ماركت التي كنا نتسوق منها بعض حاجياتناوبينما كنت أهم بالرجوع وأنا أحمل طفلتي إذ بسيارة شبان تبطئ أمامي الأمر الذي استدعاني أن أنتظر زوجي ليقلني بسيارته كي لايحدث مالايحمد عقباه خصوصا أن زوجي من النوع الغيور،هذه الحادثة على مستوى تمشية قصيرة، فمتى نستطيع السير بأمان وبلا مضايقات
Syria
-

2009-07-31 15:13:07
rawan
بس يفكر شوي
يعني الشب يلي عم يلطش بنت بالطريق إن كان كلمة حلوة ولا كلمة بذيئة يفكر شوي أنو لو كانت أمه أو أخته بهاد الموقف رح يرضى هو بها الشي ؟؟؟؟؟؟
سوريا
-

2009-07-31 11:13:13
zyad
لطش ولا تطنش
والله منمشي بالشارع كل وحدة متمر بتخلي الأخرس يحكي بقى معقول اللي ميحكي ما يقلا كلمة حلوة يجبر بخاطرا وبعدين نحنا منشجعا مشان تنزل على الشارع مرة ثانية وهي واثقة من نفسا
سوريا

2009-07-30 18:33:12
كركور
انا حصلت معي وانسجنت بدبي
كنت في احدى المراكز وكان استلطاف من احدى الفتيات هناك وطبعا مافي مجال صار لازم اعطيها الرقموندور ونلف كيف هي معها اهلها لحين شفت الامن بيراقبني بطلت ورجعت لكن هي بعيونها حسيت اتقول عطيني الرقم نزلت بسياره هي واهلها الحقتها وهون انمسكت كان الشباب ناطرين تحت ورحنا المركز وبعد مليون ترجي اطلعنا وكانت العقوبه انهم ينشرون صورتك بالجريده وخد فضايح بس الله ستر
dubai

2009-07-30 12:57:51
روميو الشام
صح الغرب ما عندهم تلطيش , بس ...
الغرب أحسن مننا ما عندهم تلطيش أبدا يعني بس يادوب إذا لقى بنت بالشارع عجبتو بغمزة صغيرة بتصير معو بالبيت لحالهم ... , أما نحنا منعرف أنو أخد البنت عالبيت حرام مشان هيك منكتفي بكلمة عالماشي تاخدلنا بخاطرنا شوي بس طبعا بحدود الأدب طيب إذا المراهق أو الشب منا حب انو يحب ويتحب شو يعمل قولولي أرجوكم
سوريا دمشق

2009-07-30 12:04:11
science, logic & belief
إلى الأخت الدكتورة الحائرة3
ليس المهم ما يحتويه التلطيش من كلام! بل ما يهم هو إدراك أن هذا الكلام قد يروق لقسم ولا يروق لقسم آخر..وهناك قسم لا يريد أن يسمع أي كلام نهائياً! فقول "صباح الخير ياقشطة" قد يرسم الإبتسامة على وجه السيدةA بينما يرسم دموع على وجه السيدةB! يعني بديهياً يحق لأي إمرأة أن تمشي في الشارع بأمان وسلام دون التعرض لها! هذا من أبسط حقوق الإنسان!
www.sn-friends.com
-

2009-07-30 12:03:37
science, logic & belief
إلى الأخت الدكتورة الحائرة2
تهمة القذارة والرداّءة مباشرةً وذلك لسبب بسيط جداً وهو إنتهاك حرية الخيار! لأنه لدينا قسمان من النساء 1- تحب أن يتم تلطيشها وهي حرّة بقرارها وخيارها طبعاً بغض النظر عن رؤيتي أنا ومن معي على أن التلطيش قذر..فنحن نُقدس ونحترم حرية خيارها وخيار الجميع! 2- نساء لا تحب التلطيش! إذاً يجب احترام حرية خيارهن تماماً مثل ما نحترم حرية خيار اللواتي مع التلطيش!
www.sn-friends.com
-

2009-07-30 12:02:45
science, logic & belief
إلى الأخت الدكتورة الحائرة1
تحية زميلة, وأنا يعجبني روح المقاتلة الثائرة التي فيك,أتفق معك تارةً ولا أتفق معك تارةً أخرى وبديهياً تبقي إختي الكريمة التي إختلافي او إتفاقي معها يقرباني ولا يفرقاني عنها. كلامك صحيح أنه ليس كل من لا يُلطش هو إنسان شريف! فقد يختفي تحت قناع لنجده يغتصب النساء سراً بينما يتظاهر أنه خير الناس! ولكن الذي يُلطش المرأة دون أخذ مبادرة منها..تثبت عليه
www.sn-friends.com
-

2009-07-30 11:40:42
science, logic & belief
someone 4 إلى السيد
هلّق كلنا كخ؟ عذراً فأنا لا أرى نفسي ولا أرى شعبي السوري والعربي هكذا! لدينا سلبيات لا تعد ولا تحصى ولكننا نسعى إلى الأفضل والمهم هو السعي بإيمان صادق وفعل! وليس إلى أي نقطة وصلنا! خيتوsally محقة وأنا قلت "ويسأل المرأة أن تخرج معه في موعد غرام بأحترام وينصرف أيضاً باحترام في قال قالت لا" ولكن ليس جميع الغربيين ملائكة..هذا فقط في الأوهام والأحلام!
www.sn-friends.com
-

2009-07-30 11:40:09
science, logic & belief
someone 3 إلى السيد
"البصبصة وكلام الرذالة للعرب بس مع الأسف والأحياء التي يقطنها عرب" ولكنك أغفلت ما هو أهم! 1-ماهي الأسباب التي أدت إلى حلول هذا؟ 2-هل جميعهم هكذا؟ لا شك أني أجد أن الكثير من المغاربة والجزائرية يقومون بالتخريب,السرقة وفيهم جهل وتخلف لا يوصف ولكن بالمقابل فيهم من هو أكثر منّي خلقاً وعلماً! 3- ألا يوجد بصبصة,تلطيش إلا عند العرب؟ هل هذه نكتة؟ يعني صرنا
www.sn-friends.com
-

2009-07-30 11:39:16
science, logic & belief
someone 2 إلى السيد
وعن تلطيش إمريكا! في حال كنت تعيش في فرنسا,إنكلترا,إيطاليا,إمريكا ولم تلحظ أنه هناك تلطيش..أعتقد أنك حينها أنك تعيش في عالم آخر! يضحكني إيمان الناس أن الغرب هو مجتمع الملائكة! لا شك أن شعب الغرب(ليس حكوماته) متقدم علينا من حيث إحترام الإنسان وحرية الخيار ولكن أيضاً لديهم سلبياتهم والتلطيش واحد منهم! للتوضيح أنا رجل علماني لاديني حيادي! كلامك صحيح
www.sn-friends.com
-

2009-07-30 11:38:27
science, logic & belief
someone 1 إلى السيد
تحية زميل,تقول"مو عايشين هنيك ولا بنعرف شي عن هديك البلاد!" يعني هيك ببساطة محيت ماضي حياتي كلهlol طيّب دعني أمشي معك على هذا الأساس..حضرتك أين تعيش؟ وألم تقرأ كلامي "لا شك من وجود إختلاف في أعداد المُلطشين من حيث الفئة التي ينتمون إليها ويبقى في كل فئة الصالح والعاطل" هل تعرف شيء عن إيطاليا التي تضع إنكلترا وفرنسا في "جيبتها الصغيرة" في التلطيش؟
www.sn-friends.com
-

2009-07-30 03:13:27
بنت الشام
سؤال صغير
ممكن سؤال صغير واللي بيعرف يجاوب يقلي ليه اول ما نقول بدنا نعلق اونحكي منقول اوروبا ومنقول الغرب يعني شرائعنا الدينيةوعاداتناوتقاليدنا ما خرج نحكم فيامنحكي عالتلطيش بيقلي الغرب منحكي عالشذوذ بيقولولي اوروبا منقلن الكهربا بيقيولولي اميركا خلصنا بئا عاملو مجتمعنا على اساس قدراتو ومقوماتوا لاعاد تقلي اوروبا والغرب عأساس مجتمعات ملائكية ووكاملة لك الفين
سوريا
-

2009-07-30 02:44:19
وحدة
كبت وغياب الوازع الأخلاقي
أنا كنت ماشية بسوق الخضرة بحلب ولباسي عادي كتير وهات على تلطيش (أنا دخيلو....) خدي خمسمية ليرة وتعي معي, أنا استويت, وواحد يتركلي الكرت تبعو إما على شباك ولما ماآخدو يرجع يحطلي كرت تاني فوق سحارة الخضرة اللي عم بشتري منها. حقيقة كل التلطيشات والتصرفات التي تعرضت لها تنم عن كبت رهيب ومستوى أخلاقي متدني
-
-

2009-07-30 01:28:04
ابن الجمله الدمشقي
sally sally sally الى
اوف اوف اوف لك شبناااااا و الله كنا عم النهز الورد لنشمو يعني معقوله شوهجوم و صاروخي و ما صاروخي دغري قلبتيها الشغله صوريخ كل الموضوع اني اعجبت بتعليقك و حبيت اني ( علك ) عليه و ليكها المسكه لسه بتمي هههههه ارجوك تسامحيني يلي بكلامك دبحتيني و اذا ما عجبك شكلي اعتبرني كلمه و امسحني و احلى اعتذار لعيونك
-

2009-07-30 00:05:03
معترضة ولكن ..لها محل من
يا مستعجل وقف لقلك
مرة كنت ماشية في الشارع ومستفزة وأكاد أبكي على أحداث أهلنا في غزة وذاهبة بطفلي للطبيب وجاء فجأة واحد حيوااااان وتكلم بما يناسب مستواه الحقيقة عيب نحن أمة لم تخلق لهذا الله يشل لسان أمثال هذا الغبي مع العلم أن لباسي محتشم بفضل الله
-
-

2009-07-29 23:44:01
منذر
يا حراااااام
عنجد انا لما بشوف هيك موضوع وبشوف حجم التعليقات عليه بتعص الدمعة بعيني على هالشعب العربي المفحم المتلاشى فكريا ونفسيا وايديولوجيا.يا عرب عندكون حلين اما انكن تفيقو من الثبات في مستنقع الجهل او انكن تموتو وتريحو العالم منكن.العالم وين يا امة الله والشعب العربي وين يا حراااااام درجة الكبت يلي عم يعانيها الشباب العربي لازم تدفعلون اليونيسكو تعويض والله
المانيا

2009-07-29 22:20:01
yousef
taltesh
لتلطيش هوردة فعل طبيعيه لاي انسان وهو موجود في كل انحاء العالم
russia

2009-07-29 21:36:48
ناصح أمين 2
لا تجعلوا الله أهون الناظرين اليكم
قال الرسول للصحابة عندما عجبوا من غيرة سعد أتجبون لغيرة سعد والله لأنا أغير من سعد والله أغير مني ومن سعد أن تنتهك حرماته.وقال تعالى:ان الذين يحبون أن تشيع الفاحشة في الذين أمنوا لهم عذاب أليم في الدنيا والأخرة.. فايكم تظنوا أنو الموضوع بسيط نحنا بشر الله عطانا عقل كرمنا فيه عن الحيوانات التي لاتتحرك الا بغرائزهاالشهوانية.تذكر ايها المتحرش ان الله يراك.
سوريا
-

2009-07-29 21:26:47
ناصح أمين
وتحسبوه هينا وه عند الله عظيم
قال تعالى: وقل للمؤمنين يغضوا من أبصارهم ويحفظوا فروجهم وقل للمؤمنات يغضضن من أبصارهن ويحفظن قروجهن..اللي عم تسموه انتو تلطيش هذا اسمه في الشرع مقدمات الزناوهو انتهاك ليس لحرمة الفتاة فحسب بل لكل أفراد عيلتها فكل فرد من عائلتها(أبوها اخوانها) رح ياخذ من حسنات هذا المتحرش يوم القيامة والاخطر من ذلك أنه انتهك حمة من حرمات الله حيث قال رسول الله للصحابة
سوريا
-

2009-07-29 20:40:03
الدكتورة الحائرة
sciencr logic& belief
تعجبني آراؤك وثقافتك واريد ان اناقشك في اننا في حديثك الآن نتطرأ لموضوع آخر حيث لاعلاقة لعدم التلطيش بوجود الاخلاق كما انه لاعلاقة لعدم التلطيش في الغرب الى وجود الاخلاق يعني ليس كل شخص يقوم بالتلطيش رديء وليس كل شخص خجول او لاتوجد عادة التلطيش في مجتمعه هو صالح ومهذب وبيقول المتل ياما تحت السواهي دواهي وليس في الضرورة يكون الشخص الذي تتحدث عنه صالح
سوريا
-

2009-07-29 17:54:07
ابن البلد
آه من التلطيش
أنا بعرف شخص تعرض بحياته للتلطيش وحتى للتحرض وبسبب خجله هذا جعله حتى هذه اللحظة بدون زواج حسبنا الله ونعم الوكيل
كندا

2009-07-29 13:33:37
someone
الحقيقة مرة لذلك يصعب تقبلها2
(يفضل أغلبهم عدم العمل والعيش من رواتب البطالة والعمل من حين لحين بالأسود). الحقيقة مرة لذلك يصعب تقبلها يعني بستغرب بالبعض القيام بمغالطة نفسه أولا والقراء ثانية. هذا لايعني إنهم لايلجأون للفت نظر الفتاة في حال أعجبتهم لكن بطريق لبقة كالسلام أو مبادرتها بالكلام والسؤال عن وجهة مثلا كما تفضلت الأخت Sally والأخت الدكتورة لكن بعيدا عن اللجوء لجرح مشاعر الفتاة والإصرار على إسماعها عبارات تخدش الحياء وهي مع الأسف غير منتشرة إلا بمجتمعاتنا.
-
-

2009-07-29 13:20:06
someone
الحقيقة مرة لذلك يصعب تقبلها1
يلي عميوئولو إنو بالغرب في تلطيش وإنون عاايشين بفرنسا وإنكلترا وإنها بلدون التاني سمحولي ئلكن إنكن موعايشين هنيك ولابتعرفو شي عن هديك البلاد (ناس شبعانة لاكبت ولاشي بتمر من ئدامهم ملكات جمال مابيشيلوهم من أرضهم ولابلتفتوا).البصبصة وكلام الرذالة للعرب بس مع الأسف والأحياء التي يقطنها عرب هي أكثر الأحياء إنعداما للأمن بسبب شلل الزعران على أرصفة الشوارع(يف
-
-

2009-07-29 11:57:08
سوريا يا حبيبتي
ياناااااااااس
والله العظيم القصة مو قصة كبت بس انو الشب لما بيشوف بنت لبسها عم يقول للشباب لطشني رح يلطشها ويللي شكلا محتشم((ولو غير محجبة))أقصد الحشمة ماحدا بيسمعها كلام مؤذي ممكن يصير التلطيش عبارة عن ابداء رأي واعجاب بس كلام مؤدب أما اذا
سوريا

2009-07-29 11:20:46
Sally
إبن الجملة الدمشقي
يعني لم أفهم لماذا هذا الهجوم الصاروخي على تعليقي كل ماقلته قاله أغلب المعلقين علما أن أغلبهم إستشهدوا بأمثلة وأغلب المغتربين موافقون أن ظاهرة التلطيش بكلمات نابية نجدها فقط بالأحياء العربية في أوروبا.لست بحاجة لشهادة حسن سلوك منك لكن الأحرى بك أن تحفظ أدبك.
-
-

2009-07-29 10:00:46
science, logic & belief
قال مافي تلطيش بالغرب قال2
أي جنسية أو عرق! مثال بسيط..واحد من أعز أصدقائي مسلم ملتزم قح بحت حتى أنه يضع يده على وجهه حين تمر إمرأة فاتنة قائلاً "أمرنا الرسول(ص) بغض البصر" طيب ألا يلغي هذا الإعتقاد الخاطئ أن المكبوت جنسياً فقط الذي يُلطش؟ لا يوجد قاعدة للمُلطشين..لا شك من وجود إختلاف في أعداد المُلطشين من حيث الفئة التي ينتمون إليها ويبقى في كل فئة الصالح والعاطل
www.sn-friends.com
-

2009-07-29 09:59:15
science, logic & belief
قال مافي تلطيش بالغرب قال1
صحيح أن في الغرب يأتي الرجل ويسأل المرأة أن تخرج معه في موعد غرام بأحترام وينصرف أيضاً باحترام في قال قالت لا. ولكن الذي ليس صحيح هو إعتقاد أن الغرب هو المجتمع الملائكي! دعوني أتحدث عن بلادي التي ترعرعت فيها إنكلترا وفرنسا اللتان فيهما تلطيش من قبل الفرنسيين والإنكليز الأصليين بالإضافة إلى المهاجرين العرب وغيرهم في تلك البلاد! التلطيش ليس حصراً على
www.sn-friends.com
-

2009-07-29 09:36:06
مغترب بالخليج
تعالو شوفو هون
حبيت بس قلكون انتو بسوريا مرتاحين شوي وعندكم الجرأة بس تعالو على الخليج وجربو وشوفو شو بيصير فيكم اي مستحيل تشوف واحد بلطش وحدة ما بيسترجي لأنو العقوبة كتيييييير قاسية
الامارات

2009-07-29 09:28:17
نواش
اشي مفخرة
يا سلام شو ها الموضوع حساس وهام ومصيري ..التلطيش ؟ لدرجة اني بالموت لما عللقت بها الكلمات ..التلطيش ؟ ودورولنا اذا في مواضيع اهم من هيك ..نعم ؟ ايه لاحبيبي بتلاقو
الاردن
-

2009-07-29 00:51:26
هاد رأيي
الخلاصة
لك يا حبيباتي ......ز يعني بالمختصر المفيد ... شغلة التلطيش مالها حلة منوووووب و خصوصي بمجتمعنا .....لك مجعمعنا مصيبة ........ يعني التلطيش شغلة حلوة و عاطلة و مقبولة و مرفوضة ....... و حلها إذا بتحلها ... أحسن شي خلو الأمور ماشية على حالها لنشوف لوين بدنا نوصل
syria
-

2009-07-29 00:32:59
فتاة شرقية
الى سيريا نيوز؟؟؟؟؟؟؟؟
ممكن اعرف يا سيريا نيوز شو سبب اهمال تعليقي وعدم ذكره مع انو عادي جدا بالعكس في غيرة على قيم امتي اللي دائما تتهم عاداتها وتقاليدها بانها بالية وخاطئة بس يا عيبيشوم قال موقع اعلامي ديموقراطي؟؟؟؟؟؟؟؟؟؟؟؟
-
-

2009-07-28 21:37:09
Night whispers
انا ضد التلطيش بشكل عام
بس ان الله جميل يحب الجمال يعني انا اذا شفت وحدة ماشية بالشارع وكانت كتير حلوة ممكن اني قلها ... الله يحميك .. واللهم صلي عالنبي ... وطبعا بطريقة ابدا مابدل على وقاحة ومابسمع العالم كلها اني عم لطشها ... يعني بقولها بكل احترام ..ومابعرف اذا هيك كلام متل الله يحميك بيندرج تحت التلطيش ......
ســـــــــوريـــا الاســـــــــد
-

2009-07-28 20:23:17
واحد من القليلين يللي فين
حديقة حيوانات
ولك استحو يا هالشباب البايخين و روحو لاقو شغلة تنفعكون لك الوحدة ما بقى تحسن تمشي بالشارع من ورا هالسخافة. لك ليش ما خرج نصير متل أوروبا, لك هون البنت ازا عم تمشي بالزلط ما حدا بيشلا من أرضا. الواحد لما بيعش بسوريا عنجد بحس حالو عايش بغابة أو بالأحرى بحديقة حيوانات.
ألمانيا
-

2009-07-28 19:22:56
Firas
تعريف التلطيش
يجب علينا أولاً تعريف التلطيش قبل أن نحكم عليه هل هو مجرد أطراء بجمال الفتاة باستخدام كلمات لطيفة مؤدبة تعبر عن إعجاب الرجل بما أودع الخالق من محسان الجمال في النساء ,"كالشعر والغزل" أم هوه دعوة للرذيلة مغلفة بكلمات ذو معنيين أو أحياناً كلمات بذيئة واضحة يقذفها الرجل وينتظر ردة فعل الفتاة كي يقرر ماستكون خطوته القادمة "دعوة للجنس" والفرق كبير
Syria

2009-07-28 15:22:05
مغترب
شي مقرف
التلطيش ظاهرة مقرفة في مجتمعنا لماذا في الغرب لا توجد هذه الظاهرة ؟ لماذا يحترمون انفسهم والطرف الاخر ؟ ينقصنا الكثير من الوعي
-
-

2009-07-28 15:18:27
محسن
ظاهرة غير حضارية
وتدل على حرمان وكبت وعقد نقص لدى الشاب لذلك يجب نعها بقانون صريح يترتب على مخالفته قوانين صارمة
-
-

2009-07-28 15:05:51
Samer
عادي
موجودة بكل مكان لا لها علاقة لا باخلاق ولا بعقد نفسية ولا بمجتمع, بالعكس التلطيش شي طبيعي واذا ماعبر الشب عن اعجابه موقتها شي مو طبيعي, طبعا نوع الكلام ممكن يكون وسخ بس هاد شي شخصي ما بيعني انه في مشاكل او وساخة بس الشب ما بيعرف طرق تانية, اخيرا التلطيش ماله علاقة بالحشمة ولا بنوع البنت ولا بنوع الصبي ولا الحرمان.
سوريا
-

2009-07-28 12:39:12
شامي من الميدان -2-
أهم شي الأخلاق
بنفس الوقت أجد أن هذا السلوك ظاهرة مسيئة لأخلاقنا وعاداتنا ومفاهيمنا كيف يرضى البعض منا نحن فئة الرجال هذا السلوك على سيدات وآنسات الغير ولا نرضاها على قريباتنا ومعارفنا؟ هذا السلوك نقيض لقيمنا وما هو إلا مشهد سيء على الطريق ومرض نفسي مستفحل لا نرضاه أناشد الجميع للقضاء على هذه الظاهرة التي تخدش حياء شبابنا وتمس شرفنا وأخلاقنا. وشكرا
Syria

2009-07-28 12:44:42
بدر الدين
خدعوها بقولهم
قال شاعر خدعوها بقولهم حسناء والغواني يعجبهن الثناء
الامارات

2009-07-28 12:38:57
كتير الغلبة
أيام شركة تلطيشكوم
الله يذكرك بالخير يا رفيقي معمر ... ايام الجامعة لما كنت توقف انت وشلتك عند الدوار بين كلية الاداب وكلية الطب وانت المدير الاقليمي لشركة/ تلطيشكوم/ ولما سألته ليش التلطيش يامعمر ؟؟ قال لي : البنت الحلوة بتزداد ثقتها بنفسها والبنت اللي مو حلوة بتنبسط وبتشقرق ويمكن تلف من اخير الشارع وترد ترجع تمر لتسمع تلطيشة جديدة .. بس معمر كان كلامه نظيف وشاعري وموبزئ
الشام

2009-07-28 11:16:31
شامي من الميدان -1-
أهم شي الأخلاق
التلطيش حب لإرضاء نرجيسية تتحول لدى الشاب إلى سلوك متلازم ومايشجعه بالإستمرار ردات فعل المتحرشات بهن والتي تكون وللأسف في بعض الأحيان إبتسامة عابرة أو طريقا للتعارف ويمسي صحن مكسرات(للشلة) في السهرة مع الأركيلة. شخصيا أجد هذا السلوك تقليلاً لهيبة الشاب الذي يتحول فجأة إلى أضحوكة والذي غالبا ماتراه يمثل دور المهرج المتظارف أو القرد المتأرجح على الرصيف
Syria

2009-07-28 12:01:43
الدكتور العائد إلى سوريا
الدكتورة الحائرة
نصيحة صادقة لك أيتهاالزميلةالدكتورة الإبتعاد قليلا عن الحيرة وإستبدالها بشي من التفاؤل والبهجة. صدقيني الغالبية العظمى لديها مشاكل وهموم لكن مع ذلك ينبغي أن نفسح مجالا وحيزا معقولا للتفاؤل والبهجة لأن الحياة بدون إبتسامة تفقد كثيرا من رونقها.تقبلي تحياتي ولك مني أطيب الأمنيات
سوريا
-

2009-07-28 12:09:46
بشير
التلطيش قلة ادب
التلطيش قلة ادب, سواء من الشب او البنت, وسواء بكلام مؤدب او كلام غير مؤدب.
بريطانيا-لندن

2009-07-28 11:55:19
الشاطئ المهجور
مو بس البنات
انا بشتغل بمحل بتتردد عليه البنات بشكل كبير في مجال الاتصالات وشوف الغمز والهمز وتسميع الكلام بالاخص انو المنطقة اللي بشتغل فيها البنات فيها محافظة وكانهن ما شايفين شب ولحق على تسميع كلام من الصبايا والشاطرة الي بتسئل متجوز او خاطب وكلو مشان الوحدات والتشريج. غير الكلام المعسول ياترى في قانون بيحبس البنت اذا لطشت
سوريا قلعة الصمود والتحدي

2009-07-28 11:41:12
الدكتور العائد إلى سوريا
الدكتورة الحائرة
كلامك صحيح وسليم ومنطقي حيث أنني أمضيت في ألمانيا حوالي 6 سنوات وبالفعل لم أرى نهائيا أية تلطيشة من قبل ألمان تجاه الألمانيات وإنمايتعرضن للتلطيش والكلام الغير محترم بشكل خاص من قبل الجاليات المهاجرة وخصوصاالعربية منها وبالتالي كل شخص يعبر عن نفسه وشخصيته وتفكيره والبيئة الإجتماعية التي نشأبها سواء كان موجود في سوريا أو في الخارج- يتبع
سوريا
-

2009-07-28 11:47:15
القطة البيضة
مو معقول
انا بشكر سيريانيوز يلي حطت ايدها على الوجع يلي منعاني منو كتير تصور اذا بتروح ون مارحت بتسمع تلطيش وحكي شي بينسمع وشي ما بينسمع وتصور انو في عالم عندها التلطيش كلام بذيئ يعني مو تلطيش عم يعرض عليك الفعل المنافي للحشمة يعني هاد بدو اعدام مو 3 ايام و75 ليرة غرامة زوالكلام الحلو المهذب الكل بيتمنى يسمعو
syria

2009-07-28 11:42:08
منيحة
حالة
كبت نحنا عنا كبت؟؟؟؟غريبة!!!!والله مافي شي بيعتب عليهم الشباب والصبايا وصرنا بوقت مافي شي صعب أو مستحيل،بس التلطيش بدم الذكر بمجتمعاتنا الشرقية مفكر إنه ظريف ورايق وقت بيلطش وماله عرفان قديش بيصغر بعين البنت وبيقل احترامه،يعني التلطيش يطلع من مراهقين مقبولة شوي بس من شباب كتير هيك
Syria
-

2009-07-28 10:37:11
محامي .... ولكن
انحطاط ولا احلى
يعني فعلا يلي استحوا ماتو والله عيب هذا اسمه انحطاط مرأة تلطش الرجل أين الحياء أين العفة لكن للأسف ذهب كل شئ ولم يبقى إلا الإنحطاط والسفالة على كل حال ملينا من هالمواضيع تلطيش ومثلية ودعارة يعني باختصار انا ما بحب أدخل بحدا ولا حدا يدخل فيني لانو كل واحد بدو يتحاسب عن حاله بس بصراحة هادا اسمه قلة حياء وقلة شرف وأخلاق التلطيش بساووا بس ولاد الشوارع
سوريا
-

2009-07-28 10:36:50
science, logic & belief
آسف جداً جداً للإطالة بهذا الشكل6
على الحكومة أن تقوم بتعديل قانون عقوبات التلطيش وإصطياد المتحرشين عن طريق وضع كاميرات مخفية(يدفع ثمنها من المخالفين) بالإضافة إلى بنات يعملن بالتخفي دون علم الملطشين أنهن من الحكومة. وعلى المجتمع أن يقوم يتوعية أولاده من مضار التلطيش وتعليم الصغار قبل بلوغهم أن الذي يقوم بتلطيش الفتاة هو إنسان تافه وقليل الأدب وحينها نكون عملنا ما علينا كشعب وحكومة
www.sn-friends.com
-

2009-07-28 10:36:03
science, logic & belief
5
ونحترمها سواء كانت سافرة أو محجبة. هذه إبنة بلدنا..والذي لا يصون كرامة إبنة بلده, لا يصون كرامته! .....لك آآآآخ بس لو تفهموا شو هي المرأة السورية بس..لكنتم قبلتم أيديها وأرجلها بدلاً من تلطيشها وإهانتها وأنتم لا تدرون أنكم تهينون ختكم,أمكم,جدتكم,زوجتكم,صديقتكم,حبيبتكم..لا للتلطيش وعلى كل إمرأة أن تصرخ بأعلى صوتها ضد المُلطشين ولا تخاف أو تضعف
www.sn-friends.com
-

2009-07-28 10:35:32
science, logic & belief
4
يلطش زوجته لإبقائه على الشوربة لسنة أو سنتان؟ بديهياً لا أقول أن هذا التصرف السليم ولكن ماباليّد حيلة أثناء الدفاع عن النفس فقد يزيد المُلطش وقاحته في حال سكوتنا لنجده يبدأ باللمس مجتازاً مرحلة التلطيش بالكلام! التلطيش هو دعوة إلى معركة تسيل فيها الدماء! إلاً في حال قامت الفتاة بالسماح للمُلطش بذلك! وإلا تُترك المرأة بسلام محترمة ونضعها في قلبنا
www.sn-friends.com
-

2009-07-28 10:35:00
science, logic & belief
3
ليحيا حب طاهر, ببساطة شديدة أن يقول لها "السلام عليكم, ممكن أعزمك على قهوة أو لو سمحتي إعطيني رقم بيت أهلك لأن نيتي صافية والأمر يعود لك" التلطيش لا يمكن أن يكون الطريق الصحيح لأنه ليس من المعقول أن يرى أحدنا زوجته ورجل آخر يقول لها "دخيل هل اللّية يا خاروف" أو "يقبرني رب السقسقة ياحلو" أنا ضد العنف ولكن من يضمن أن لا يقوم أياً منّا بكسر حنك الذي
www.sn-friends.com
-

2009-07-28 10:34:26
science, logic & belief
2
العباية..فيجب أن لا نتصرف كالحيوانات! ثم أن التلطيش موجود في البلاد التي يعاني أهلها من الكبت الجنسي والحرية الجنسية سواء! يوجد تلطيش في أوروبا وفي إمريكا وباقي بقاع الدنيا وكلّه يندرج تحت القذارة مهما كان النص المُستخدم في التلطيش! تقولون أن التلطيش يؤدي إلى الزواج..عذراً فهذا هراء في رأيي الخاص فيني لأنه بإمكان من يريد الزواج أو الإرتباط بgirlfriend
www.sn-friends.com
-

2009-07-28 10:33:40
science, logic & belief
التلطيش هو جريمة شنيعة يجب سحقها1
من الهراّء المطالبة بترك المُحجبة بأمان وتلطيش ما تُسمى بالسافرة التي ربما تلبس "كنزة نص كم!" وطبعاً هذا وهم لأنه يتم تلطيش المحجبة وبل إغتصابها من قبل الغرباء ومن وسط أهلها ومحيطها وبديهياً يحدث نفس الفواجع لدى الغير محجبة! أنا مثلاً تثيرني التي تلبس العباية السوداء الخليجية أضعاف ماتثيرني فتاة تلبس مايو على البحر! هذا لا يعني أن أذهب وألطش صاحبة
www.sn-friends.com
-

2009-07-28 10:28:43
أنا ما بلطش
بنات العالم مو لعبة
مو خوفاً من 3 أيام أو هذا المبلغ السخيف بس بحس أن لو أختي أو بنتي أو أمي محلهم وجاء واحد ولطشهم ... شو بدو يكون إحساسي ، بعدين هذا إعتداء على حرية شخصية وببلاد بتحترم حالها بيروح فيها بسين وجيم ومحاكم ... بس بدكم الصراحة يلي بتلبس هشك بشك إلها تلتين الخاطر ... والذي تزوج بطلطيشة ما أسهل أن يترك بتلطيشة أحلى .. هذا رأيي الشخصي وياما بتلطيشة انخرب بيوت
-
-

2009-07-28 09:42:24
مدينة الياسمين
ظريف وخفيف هال الحكي
انشاالله يسلمولي هال الحكيات م أحلاهن
Syria

2009-07-28 08:34:28
فتاة شرقية
تتمة الى الخبيرة وداد المصري
وكل اللي راحو اوروبا حكو انو الشباب هنيك بيلطشو متل عنا واكتر كمان واكيد لو انها خبيرة وخبرتها مبنية على اسس علمية مو افكار امية سائدة كانت عملت احصائيات عن نسبة اغتصاب القاصرات لوجدت انو اعلى النسب سجلت في اكثر الدول انفتاحا وتحضرا
-
-

2009-07-28 08:20:53
ابو فرح
كلام درر
بصراحة اكتر شي عجبني تعليق الاخ أبو عبدو عن الصناعة المحلية يعني التعليق مناسب للموضوع مية بالمية وبحب ضيف انو عملية السلام لازم تنبثق عن مرجعية مدريد وقرارات مجلس الامن ذات الصلة .....
سوريا
-

2009-07-28 07:37:50
أبو عادل المزاوي
لعيونك بتمون
لك يقبرني الكعك الفرني أن شاء الله ما يبلا وما يتخ يا أرض حرسي ما عليكي مالك يلي الهوى أبن خالك لك تمشي على رمشي و يسلملي الأكابر شو هل حلى بلاني الزمان يا ريتني بوري بوظة مابدكون صهر للبيت يغسل ويشطف ويمسح أن شاء اله بيسلمولي هل عيون ما أحلاهم دخيل الله في أحلى من الكلام الحلو انا مع التلطيش بس ضمن الاصول والوقت المناسب ليتم التعارف ويحصل السرور
-
-

2009-07-28 07:15:38
شامي للعضم
الفارس الدمشقي
أنا بحب التلطيش الاستفزازي يعني اذا بعرف البنت انو شايفة حالها بس بحاول استفزها بكلمات وشغلات بمعناها انو((على شو شايفة حالك يابعدي))يعني بس لغرض الاستفزاز او مشان اسمع كلمة يبعتلك حمة تسلئ بدنك شو سئيل .... *******
UAE

2009-07-28 03:19:59
بنت من الشام
في هيك وفي هيك
مثلا في تلطيشات ما بتأثر بس مثلا في تلطيشات والله بتخلي الواحد بلا عقل وكلوا كوم وتبع ممكن الارضي تبعكن بدي اخطب كوم تاني وغير التلطيشات الرزيلة والتعليقات البايخة وما دخلا بلبس البنت بشكل عام بس بتتعلق بترباية الشب وشرفوا انا هيك بشوف طيب عالاقل لاتجرج شعورها بكلام مالو معنى (لشي بنت قصيرة يقلا يسلملي هالطول) (لشي بنت سمينةيسلمي هالجسم)بجد عيب استحوا
سوريا
-

2009-07-28 03:16:07
mohammad mooo
قصة حقيقية
كنت ماشي بالشارع لقيت وحدة شعرها متل الغولة قلت لرفيقي شعرها متل المكنسة بصوت عالي قامت سمعت وصارت تبكي
سوريا
-

2009-07-28 02:52:49
حساميانو
مقدور عليها
لك والله مالي خبر أنه التلطيش بس ب 3 أيام حبس...والله العظيم شغلة كبيرة..أصبح خلينا نلطش لنشبع ووقت بيمسكونا الشباب الطيبة ..منعتبرها تغيير جو بهال3 أيام..لأنه التلطيش للرجال والسجن للرجال..يابااااطل ....عليهم...ادعس..
syria
-

2009-07-28 01:53:07
اخضر الوكويك
خيلة
"يسجن لمدة ثلاثة أيام مع دفع غرامة 75 ليرة سورية" شو هل الغرامة يعني 3 ايام مئدور عليهون بس 75 ليرة و الله كتير "
سورية
-

2009-07-28 01:40:36
ابو عبدو
صناعة محلية
أعتقد أن الصناعة وخاصة الصناعة التحويلية في بلدنا تحتاج إلى إعادة نظر وخاصة في مجال تطوير الآلات وتدريب الكفاءات الحالية حتى تتمكن الصناعة المحلية من مواكبة التطور العالمي كما أن لدور الاعلام الأثر الأكبر في إحداث هذا التغيير وشكرا
سوريا
-

2009-07-28 01:20:28
ابن الجمله الدمشقي
الى saly
ما شاء الله حولك خرج تعطي دروس للشباب ب التلطيش او تفتحيلك معهد لغات تلطيش ههههه اي شو مو تاركه كلمة تلطيش ب الكره الارضيه مو حافظتيها ( لك دخيلو و دخيل منشر غسيلو ) سجلي هي عندك ب معجم التحرش تبعك ههههههه
-
-

2009-07-28 00:57:45
ابن الجمله الدمشقي
هذا يسمى تحرش جنسي
للاسف انكم تعطون الموضوع الطابع الفكاهي الا ان الموضوع خطير جدا و التلطيش بنظري هي كلمة مختصره ل( التحرش الجنسي ) ف بدل ما اسئل شخص ماذا لو احد ( لطش احد من اهلك ) ساسئله ماذا لو تعرض احد من عائلتك الى تحرش جنسي ) هكذا سيستوعب اكثر و يخرج من فكاهته ( الدنجوانيه) ويجيب بجواب ثابت لا يقبل الشك بانه لا يحب ان يتحرش احد باهله جنسيااي يلطشهم
سوريا
-

2009-07-27 23:32:41
علوش
قال حرمان قال
أحلى شي الخبير الاجتماعي، قال لأنو محرومين عم يلطشو، حبيبي، أنا مو بس محروم، مكبوت وبحياتي ما شميت ريحة البنت، وإذا قعدت جنبي بنت بصير لوني أخضر وأزرق ومع ذلك ما بلطش، لأنو ببساطة ما بحب لطش!!، بتحس حالك رخيص وعطيت قيمة لبنت هيك ببلاش، مين هي حتى قلها تقبشيني، هذا يلي ناقصني، ويذكر سيادة الخبير انو أمستردام أم الانفتاح فيها تلطيش.
سوريا
-

2009-07-27 23:14:40
مفارقة حدثت مثيرة
كنا رفقة بكل يوم عطلة صباحا
نقتحم الطبيعة بنزهة منذ انبلاج الصباح وصدفة ذات يوم اخترقنا واح ونعلم أنه ينحدر من أسرة خلاقة وأكثر بالوسط الاجتماعي شهرة بلياقة ولباقة.. حيث نسير لفيف مجتمعين بدت بدر الدجى من بعيد تناولها بكلمتين يندى الجبين مطالب نسابق الخطى ليرميها بأكثر قرف من روائع التعبير .. ما أن غدونا وإياها على نفس الرصيف غدا واحد ظله خفيف كاد يطير بلا ريش ومعه ماماتو ..؟؟
-
-

2009-07-27 22:38:46
غيور
الحشمةأولا
أناباعتقادي انولوكانت الفتيات محتشمات لماكان هناك تلطيش
سوريا
-

2009-07-27 22:28:57
Sally
.........
بصراحة لاأحد يلطش بكلمات نابية غير العرب سواء إطراء (يسلملي هالئوام, شو هالحلا....)أو غير ذلك من كلام تحت الزنار.أما الأجانب فنادرا مايلجأوو للتلطيش وعندما يريدون لفت الإنتباه يبادرون الفتاة بالسلام (bonsoir, bonjour, tu veux prendre avec moi un verre) أو يحدق بها مليا مع إبتسامة لفت إنتباهها أو يعزمونها لقهوة للتعارف. أتذكر أن تلطيشات العرب الذين يعيشون بأحياء عربية مخزية وتصيب الفتاة بالغثيان. أنا لاأقدر تحملها وأتجنب السير وحدي والتلطيش لايزد ثقتي بنفسي بل على العكس أؤنب نفسي وأحس بالذنب وأتساءل ماذا فعلت كي ألطش.
-
-

2009-07-27 21:41:52
عباس الكول
الرقبة الطايرة
والله يا جماعه كل شي بأصول حلو ...يعني بالاخير متل ما بيقولو ( الحلو ما بيتخبى )..و ما ضروري يحكي الواحد كلمة هيك او هيك يعني بس فينو يعبر عن اعجابو ب100 طريقه....بس الحمد لله نحنا عناكل شي الو علاقة بالشرف و المدري شو كمان و أي كلمة هيك او هبك بتلاقي رقبة طايرة و صاحبا مبتسم
syria

2009-07-27 21:29:57
سوري مغترب
المهم الأدب
ولك الواحد شو عم يعمل لحتى يعاقبوه إذا حكا كلمة حلوة المهم تكون التلطيشة بأدب وأنا على ثقة إنو البنت مو كتير بتزعل إذا سمعة كلمة حلوة وبعدين الله جميل وبحب الجمال
الإمارات العربية المتحدة

2009-07-27 20:25:28
الدكتورة الحائرة
كلامكم وكلام الخبيرة الاجتماعية صحيح
ببلاد برى الشباب ما بيلطشوا او بيطلعوا بالبنت حتى لو كانت متعرية او ملكة جمال ومن يعيش في الخارج يعرف هذا الشيء لا أحد ينظر للآخر وحين يريد التعرف على فتاة فورا يسألها هل انت مرتبطة وهل لديك مانع ان نكون اصدقاء واذا رفضت فورا يقول شكرا ويذهب وكأن شيئا لم يكن والفتاة العاقلة لاتحترم الشاب الذي يلطش وتشعر هي بأنه قليل ثقة بنفسه غيرمحترم وكل شخص حسب بيئته
سوريا
-

2009-07-27 15:24:38
حمادة
التلطيشات
التلطيش شي ايجابي وانا بشجع هل الشي
سوريا

2009-07-27 13:55:48
حنظلة إ
ما المقصود بالأحتكاك أيها المثقفون و الخبراء
حرمان كبت عدم احتكاك عناوين عريضة لفلسفة جاهله تدعي العلم و المنطق فكل بلاء هذا البلد يأتي ممن يدعون العلم و الثقافة حتى أننا أصبحنا نشجع على الرزيلة باسم الحرية الشخصية ********
-
-

2009-07-27 13:04:20
a7la abo jad
والله قصة
قصة التلطيش قصة عنا و أنا بظن أنو يللي عم يلطش بنت هو بكون عندو ميت عقدة نقص بنفسيتو مركبتلو من أهلو أو وسطو الإجتماعي و ما في حل لهل اظاهرة إلا تعديل العقوبة إلى الأقسى و الأشد كي يعتبر الشباب و شكرأ عاشق من فلسطين
syria
-

2009-07-27 11:30:29
يوسف
التلطيش
موضوع رائع شكرا كتير .....
سوريا
-

2009-07-27 11:14:36
magroor
magroor
أنا لست مع هذه الظاهرة وإنه من السخف أن نصدق الدعاة لهذه الظاهرة
syria
-

 
خدمات
مواعيد التسجيل
مواعيد المحاضرات
مواعيد الامتحانات
نتائج الامتحانات