مواضيع مختارة
 
جامعة دمشق: قبول طلبات الالتحاق بالدكتوراة بين 15 و30 الشهر الجاري
وزارة التعليم العالي: مبادرة لفهرسة مجلات الجامعات السورية في قواعد البيانات العالمية
التعليم العالي تحدد 6 نيسان موعداً للامتحان التقويمي لخريجي الجامعات غير السورية والخاصة باختصاص صيدلة
التربية: تنفيذ بيان لمشروع عملي حول إخلاء المدارس بحالات الطوارئ
جامعة دمشق تحدد موعد للمتخلفين عن امتحانات الراغبين بالتعاقد معها
التعليم العالي تسمح للطلاب الذين لم يتقدموا لمفاضلة العام الحالي بالتسجيل المباشر في الجامعات
   
   
 
البحث
 

   
   
 
 
إثر ضبطها تدخن بالمطعم.. شجار وتدافع بين طالبة (مدخنه) ومسؤولين بالمدينة الجامعية
تحقيقات

شهود عيان: تم تهديد الفتاة بإحضار الشرطة والأمن المتواجد في المدينة

مصدر في جامعة دمشق: تبين أن الفتاة ليست طالبة جامعية

في تداعيات تطبيق قانون منع التدخين واثر ضبطها تدخن مع ثلاثة طلاب آخرين داخل مطعم بالمدينة الجامعية بدمشق، قامت فتاة بالصراخ والتهجم على أعضاء لجنة منع التدخين (بينهم أمين جامعة دمشق ومدير المدينة الجامعية بدمشق).


وقال شهود عيان إن "اللجنة فاجأت الطلاب المتواجدين في المطعم دون سابق إنذار، وقامت بضبط حوالي 4 طلاب متلبسين وسحبت بطاقاتهم الشخصية، إلا أن إحدى الفتيات التي ضبطت معهم رفضت إعطاء بطاقتها الشخصية متحججةً أنها دخلت وهي تدخن دون علمها بالمنع داخل المقصف، إلا أن أمين جامعة دمشق أصّر على هويتها" مما أدى إلى الشجار.

حشود من أجل سيجارة

وتابع أحد شهود العيان إن "إصرار أمين الجامعة على هوية الفتاة دفعها للصراخ حتى اجتمع حولها جميع أفراد اللجنة المؤلفة من أمين الجامعة ومدير المدينة ورئيس فرع اتحاد الطلبة في جامعة دمشق وأمين فرع الحزب بالجامعة، إضافةً إلى الطلاب، ما أدى إلى فقدانها لصوابها والتهجم على أمين الجامعة الذي كان يصرخ طالباً الهوية أمام الملأ".

وأردف "تم إخراج الفتاة عنوةً من المطعم بعد تهديدها بإحضار الشرطة والأمن المتواجد في المدينة، وتبين بعدها أنها ليست طالبة جامعية، وعند إخراجها تجمّعت اللجنة حولها حتى عاودت الصراخ مرة أخرى وأقدمت على دفع مدير المدينة الجامعية من أكتافه إلى الوراء لتشق طريقها للخارج".

وفيما يتعلق بالطلاب الآخرين، أضاف "تم ضبط 3 طلاب آخرين أحدهم لم يكن يدخن، بل كان قد وضع علبة السجائر على الطاولة وهو جالس مع أصدقائه المدخنين، ومع هذا تم سحب هويته وإخراجه من المطعم المركزي، وبالنسبة للطالبين الباقيين فقد سحبت بطاقاتهم الجامعية وأخرجوا من المطعم ولا نعلم ما حلّ بهم".

الضبط بالصدفة

من جهته قال مصدر في جامعة دمشق (فضل عدم الكشف عن اسمه) إن "أمين جامعة دمشق مع اللجنة لم يكونوا قاصدين الجولة على منع التدخين" مشيراً إلى أنهم "ذهبوا إلى المدينة الجامعية للإطلاع على واقع النادي الرياضي الذي ينقصه بعض المعدات لكنهم وجدوا الباب مغلقاً، ما دفعهم للدخول إلى المطعم وتفقد الوضع".

وأردف "عند دخول أمين الجامعة وجد 4 طلاب يدخنون على الطاولات تحت شارات منع التدخين بشكل مخفي، ما دفعه إلى طلب هوياتهم وبطاقاتهم الجامعية للتأكد من أسمائهم ومخالفتهم حسب القانون، إلا أن إحدى المدخنات التي تبين فيما بعد أنها ليست طالبة جامعية، رفضت إعطاء هويتها وبدأت بالصراخ وإطلاق عبارات غير مهذبة عند  مخاطبتها أمين الجامعة الذي حافظ على هدوئه".

وتابع إن "صراخ الفتاة وفقدانها لصوابها دفعها للتهجم على أمين الجامعة ومدير المدينة الجامعية رافضةً بشكل قاطع إعطاء هويتها، مطلقةً حججاً واهية على تدخينها في المقصف".

وعن مصير الطلاب المضبوطين، قال المصدر إنه "تم أخذ الفتاة المخالفة إلى رئاسة الجامعة، في حين وقع أحد الطلاب على تعهد خطي بعد اكتشاف عدم تدخينه ووضع علبة السجائر على الطاولة أمامه فقط، وسحبت بطاقات طالبين آخرين لم يأتوا ليوقعوا التعهد بعد".

ونصت تعليمات الجامعة على معاقبة العاملين في الجامعة والمخالفين لقوانين منع التدخين بإحدى العقوبات المسلكية المنصوص عليها في القانون الأساسي للعاملين، في حين يعاقب المخالفون الآخرون بغرامة مالية وقدرها 2000 ليرة سورية على أن يتم دفعها خلال شهر من الضبط وإن لم يتم الدفع في هذه المدة تضاعف الغرامة.

وكانت جامعة دمشق منعت التدخين بكافة أشكاله في غرف المدينة الجامعية، ومنعت بيع الدخان ومشتقاته (تهريب أو غوتة أو وطني) ضمن حرم المدينة والجامعة، في حين سمحت الآليات التنفيذية التي أصدرتها جامعة دمشق بخصوص مرسوم منع التدخين  في مادتها العاشرة وفيما يخص مقاصف المدينة الجامعية بالتحديد، بيع الأراكيل داخل غرفة التدخين التي يتم تخصيصها ضمن المقاصف بتهوية جيدة بحيث لا تضر برواد المقصف.

وأفادت جامعة دمشق في آلياتها التنفيذية أنه سيتم تخصيص مكان مناسب جيد التهوية للمدخنين داخل مقاصف المدينة الجامعية، إلا أنها منذ 21 نيسان الماضي وهو موعد سريان تطبيق المرسوم وحتى اليوم، لم تقم بإرسال لجانها إلى المقاصف للكشف عليها وتحديد المساحة المخصصة للمدخنين ما أفسح المجال لحدوث بعض التجاوزات.

حازم عوض - سيريانيوز شباب


 
2010-05-13 00:06:05


شارك بالتعليق


2010-06-01 05:30:48
زيوس
دورية أمن ولا لجنة مراقبة
يعني القيام بالاجراءات القا+نونية وتطبيقها ما وقفت غير عالتدخين . الظاهر نحن اشترينا السرج قبل ما نشتري الحصان.في شغلات مصيرية لازم تنحل وتطبيق هالقانون لوحدو ما بيعني أبدا اني صرت راقي وحضاري. حلينا مشاكل البطالة والسكن والمعيشة و مناهج التعليم والفساد والرشوة وكل شي. ضلت خطوة وحدة وبنصير حضاريين (ممنوع التدخين)
سوريا

2010-05-24 16:01:56
غير مدخن
تأليف اللجان التنفيذية
عجبتني فكرة تشكيل لجنة مكافحة التدخين بالمدينة الجامعية من "اللجنة المؤلفة من أمين الجامعة ومدير المدينة ورئيس فرع اتحاد الطلبة في جامعة دمشق وأمين فرع الحزب بالجامعة"ممكن نعرف اذا هاي اللجنة التنفيذية مين عميشتغل بالادارة العليا للمدينة وكمان عجبتني كتير فكرة سحب الهويات!!!من زمان ماسمعنا هيك قصة؟؟
Syria
-

2010-05-21 16:28:52
جانسيت
شوي شوي علينا
اول شي البنت عليهاحق لانو مالتزمت بالقانون بس يمكن هي اول مرة كان فيه المسؤول ينبها وتطفي السيجارة بدون عصبية وتهديد لانو القانون صعب وبدو فترة ليتعودعليه الناس لانواذا عنت السيجارة على البال اذا بدا تخرب الدنيابدي اشربهاكنا ندخل على الكافتريا لانو مو حلوة ندخن بالشارع بالنسبة للبنت وهلق حرمتوناالسيجارة بالمطاعم اي خصصو مكان وخلصونابينطف قلبناعلى سيجارة
سوريا.حمص
-

2010-05-20 22:07:07
طالبة جامعية
في منو كتير
عنا كتير بمطاعم الجامعات المدخنين وخاصة ناس منن مو طلاب جامعيين بيجو بيقضو وقتن بالجامعة لا شغلة ولا عملة الله يعينا بس انو هي الظاهرة انو بنت تتدخن صار منا كتير ومو بس هيك بيقعدو بيأركلو متل الشباب عشنا وشفنا
سورية
-

2010-05-16 09:56:50
رباح
مع المسؤولين
لأول مرة أنا بكون مع المسؤولين.... الناس استهزأت بالمرسوم وكأنه لن ينفذ ... والقوة في تطبيق المرسوم بفهم الناس أنه الحكومة جادة ..
سوريا

2010-05-16 01:58:48
ابو جانتي ملك الافانتي
بقعة ضوء
بعرف شخص بيدخن من 50عام وهو مسن واسير السيكارة فهي ما تبقى له آخر حياته وامي القراءة والكتابة تخيلو لو دخل احد الاماكن وعنت السيكارة على بالو ومتل ما بنعرف الرجل بسن الكبر بتعز عليه الدنيا وبيتمنى يتحرك دائمااكيد لو تخالف رح يتربى من جديد وتعز عليه الدنيا اكتر ويتذكر ايام يلي كان الافندي يصادرلو القداحة البنزين عالبيدر (دخيلك يا افندي)ولا شو........
-

2010-05-15 14:20:11
غسان الجزراوي
شو هالحكي يا زكي ؟
غرامة الدعارة و تسهيلها 600 ليره والتخين 2000 ليرة ؟؟؟؟؟ عجايب الدنية صارت اكتر من سبعة
نيوزيلندا

2010-05-15 12:33:20
عبد
؟؟؟
يا ريت تمنعو باصات النقل الداخلي من التدخين والسرافيس لانو عوادم السيارات والباصات شي بيموت بيمرق الباص من جنبك ما عاد منقدر نشوف بعض من كتر الدخان اللي بيصدر من الباص والله شي بيضحك
-
-

2010-05-15 08:26:21
الحق مو عليها
محاباة الجنس اللطيف
السؤال اللي بيطرح نفسو شلون دخلت البنت عالمدينة وهي مو طالبة وعلى حد علمي بيفتشو عالبطاقات على باب المدينة و بيصادروا لحتى يطلع الطالب بيسلمو البطاقة بعدين بس على ما يبدو انو حراس الجامعة وقت يشوفو صبية حلوة بينسو الموضوع والله يستر كمان ما يعطوها بطاقاتون للبنت كمان وومكن تكون هالبنت ساكنة بالمدينة مع رفقاتا كمان؟؟؟؟؟؟؟؟؟
UAE
-

2010-05-15 03:15:34
مدخن
الحق على مين
قبل ما نحكم يا هل ترى هل يوجد مكان مخصص للمدخن ضمن الجامعة وإذا كنا خايفين على الصحة العامة يا هل ترى لو شي واحد من هاللجنة طلعتلو صورة و هو عم يدخن ضمن الحرم الجامعي بيتحاسب أو بينزل الخبر للعموم ولا بس على ناس و ناس يا ريت نكون أكثر صراحة وبس ملاحظة ( الملاهي الليليةما فيها دخان!!!!!
سوريا
-

2010-05-15 01:33:52
طالب علوم
وينك
والله كان بدها عميدنا السابق في كلية العلوم بجامعة حلب الذي استطاع ايقاف التدخين في الكلية في زمن حكمه وقبل القانون الحالي ,الذي جاء ليضع النقاط على الحروف, والمشكلة هنا ليست فقط مخالفة القانون ولكن أيضا"وقاحة وقلة أدب ناتجة عن الجهل ومعرفة الحقيقة مفهوم الحرية والتي تنتهي عندما تبدأ حرية الأخرين,حتى الدول التي نعتبرها متخلفة أوقفت التدخين فكيف سوريا؟
سوريا
-

2010-05-14 23:54:01
مواطن سوري مغترب
احترام وتطبيق القوانين
القانون اوجد لتنظيم الحياة وتعامل الناس ومنفعتهم في حياتهم الى متى سيتعلم الناس عندنا احترام القوانين والالتزام بتطبيقها ؟في معظم البلاد الاجنبية يتعلم الطفل منذ صغره كيفية الالتزام بابسط الامور التي تفرضها القوانين -استغرب ان يكون الذي حدث صادر من مجموعة مثقفة -
كندا
-

2010-05-14 22:09:02
عاشق الوطن
والله حاسس القصة عم تحكي عن جريمة قتل
طالب ودخن بالمقصف يعاقب على ما ينص عليه القانون فقط. والله حاسس انو الهجوم على الطلاب وكأنهم مرتكبي جريمة قتل؟!!!!!!!!!
سوريا
-

2010-05-14 22:07:15
السندريلا
شحادين2
فابالله هدول كيف عم يفوتو الجامعة وهن مبينين اشكرا ابكرا انهم مو طلاب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
-
-

2010-05-14 22:02:11
السندريلا
شحادين
بالنسبة يلي مستغرب على وجود طالبة مو جامعية وموجودة بالجامعة بدي قلك لاتستغرب على الاقل هاي مبلوعة كيف لما بتشوف الشحادين بالجامعة وياريت واحد ولا اتنين الا بتلاقي اقل شي 5هذا مع شي 9ولاد صغار منتشرين بالجامعة وعم يشحدو وهندامهن وسخ يعني مبين انه جايين هيك وكل هاد وماحداعم يطلع عليه مع العلم طالب الجامعة لما بدو يفوت عالجامعةعم يتوقف ويدقق على بطاقته
سوريا
-

2010-05-14 21:53:24
reallife
النظام امن وسلام
النظام يجب ان يطبق خطوة خطوة اما بنام مسموح التدخين بنصحى ممنوع التدخين نرجو قبل ان نصدر القوانين ان نهيأ الجو العام قبل فترة من صدور هذا النوع من القوانين كلنا ضد التدخين بس لا ننسنا ان التدخين عادة ومن الصعب تركه فجأة
سوريا
-

2010-05-14 20:33:02
بشار
القانون قانون
احي المسؤليين على هذه الجرأة في اتخاذ قرارهم وبالقعل طلاب ما بينعطو وجه و القانون يطبق على الجميع
سوريا
-

2010-05-14 17:38:10
حمصي متكهرب
هكذا القانون
غريب وجود اشخاص مثل هالفتاة و مثل البعض الذي عم بيدافع عنها كان المفروض نعطيها وسام الجمهورية يعني لأنها عم بتخالف القانون، اكيد الشي الذي قاموا به موظفي جامعة دمشق هو الصح و الله يعطيهم العافية، هاي الفتاة خالفت القانون بشكل صريح و فوقها وقاحة و عياط على الموظف الذي عم بيطق القانون، يعني رزالة فوق المخالفة.
-
-

2010-05-14 15:45:09
fatima
قانون ولكن
كان ممكن معرفة الفتاة وهويتها من أصدقائها الذين سلموا هوياتهم ، وستبقى هذه التجاوزات مالم يتم الإشارة بووضح بعدم التدخين في هذا المكان مع تخصيص أماكن مناسبة للمدخنين حتى لا يبقى لهم على القانون حجة ..
-
-

2010-05-14 14:20:16
تنباك عجمي
مدخن ...... غير مدخن
بدل الخناق والعلاك المصدي اللي صار يعملو دفتر مخلفات والمدخن بيتخالف بإرضو وبالنسبة للسادة امين الجامعة ومدير جامعة دمشق لما بدهون يخالفو مدخن يفكرو انو في مكان مسموح التدخين فيه وللا بس مسكنا قرار منع التدخين ونسينا انو القرار نفسو بينص على تخصيص مكان للمدخنين كمان (آل للإطلاع على واقع النادي الرياضي آل )
سوريا
-

2010-05-14 13:24:00
طالب سابقا و استاذ جامعي
لا يجوز اهانة اي طالب حتى لو خالف
اذا خالف اي طالب او مواطن فهذا غير مبرر لاهانته. سحب الهويه هو اجراء غير حضاري. المخالف يدفع غرامه و انتهى الموضوع
المانيا
-

2010-05-14 12:36:48
raed
المخالفات بالمدينة بالجملة
لازم تتراقب محال المدينة كلا بتبيع دخان ما في حدا ملتزم والقانون حضاري ولازم نحنا نلتزم فيه
syria
-

2010-05-14 09:48:38
طالب
بطالبوا بتنفيذ القانون وهني ما بنفذو
إلا أنها منذ 21 نيسان الماضي وهو موعد سريان تطبيق المرسوم وحتى اليوم، لم تقم بإرسال لجانها إلى المقاصف للكشف عليها وتحديد المساحة المخصصة للمدخنين ما أفسح المجال لحدوث بعض التجاوزات انا مع هالقرار بس المشكلة انو بنفذوا بند واحد من القانون وهو المخالفة و بنسى البنود الاخرى ليش لهلأ ما خصصوا اماكن للتدخين لحتى ما يضطر حدا للمخالفة
-
-

2010-05-14 08:22:29
Wissal
Damascus
يجب احترام قانون منع التدخين واحترام من صادق عليه كما يجب معاقبة كل من يخرق هذا القانون كما أنه يجب تكثيف لجان المراقبة لضبط المخالفين الذين لايبدون اكتراثابالغير وهم فعلا أنانيين زتحية للمدخنيين الذين يلتزمون بهذا القانون
Syria

2010-05-14 06:28:16
البحار التائه
تحيه
أذا امنعوا مؤسسة التبغ والتنباك من انتاج الدخان ...وامنعوا المزارع من زراعته صح........ الى الآن هناك موظفين في دوائر الدولة تدخن في مكاتبها والتدخين كما الفساد كما الطوفان يمتد ويمتد.. بعدين بيني وبينكن القهوة الصبح بلا تدخين ما الا طعمه تحياتي للجميع...
-
-

2010-05-14 04:41:52
كمال
ليس سحب الهويات؟!؟
لم سحب الهويات ومعاملة المخالفين كأنهم مجرمين؟ على لجان مكافحة التخدين حمل دفتر مخالفات وإيصالات رسمية وتحصيل المخالفات في مكانها. أما إذا امتنع المخالف عن تسديد الغرامة فهذا كلام آخر...
سورية
-

2010-05-14 02:04:52
أبو عبدو الفوال
القانون فوق الجميع
القانون قانون مع احترامي لكاتب المقال فكلمة تداعيات قرار منع التدخين غير لائقة نهائيا ومن الواضح أنك مدخن ولا تنسى ان القرار صدر بمرسوم جمهوري وطاعة أولي الأمر فرض علينا مادام يرضي الخالق ونحن راضون تماما والمدخنون في كل مكان يلتزمون الأماكن المخصصة لهم ولهن تماما كما يلتزم السائقون بقانون السير بالرغم من بعض أخطائه قرار المنع جريء ويحتاج منا الالتزام
سوريا
-

2010-05-14 02:03:26
أستاذ قانوني ،
تبريرات و انتقادات سخيفه
أولا مافي مشكله إنو تكون غريبه عن الجامعة ، أهلا و وسهلا . بس ترتكب كذا مخالفة و جريمة و تطلع بالعالي. إلي عملتو يترتب عليه قانونيا غرامه و حبس . و بتمنى ما حدا يبرر و يتساخف ، الأخطاء في المجتمع كتيرة و ما في خطأ كبير أو صغيير . أصلا كل ها الأمور الصغيرة إلي عم نتساهل فيها مساوية حياتنا جحيم .
UK
-

2010-05-14 00:41:27
طبيب
قوانين حبر وورق
يوجد قانون من عام 2008 يقضي بأن أجر طبيب التخدير هو 30%من اجر العمل الجراحي والمشافي والجراحين لا يدفعون سوى 10% ويلهفون الباقي ولا يوجد احد يطبق القانون مما أدى لهجرة الاطباء هذا الاختصاص الحساس ولم يبقى ربع الموجودوخلي الناس تموت لعدم وجود طبيب تخدير وماحدا لحدا يااما طبقوا كل القوانين يااما بلا
-
-

2010-05-14 00:31:23
طالب جامعي
كل هالوفد!!!!؟؟؟؟
(واجتمع حولها جميع أفراد اللجنة المؤلفة من أمين الجامعة ومدير المدينة ورئيس فرع اتحاد الطلبة في جامعة دمشق وأمين فرع الحزب بالجامعة)؟؟؟؟؟اي والله فكرت انو كل هالوفد رايح ليتفقد الواقع التعليمي بالجامعة)!!؟؟؟مو يتخانقوا مع الطلاب بحجة النظام ...
سوريا
-

2010-05-13 23:55:02
Luna
المدخنين بيضلوا بشر
أناغير مدخنةومع تطبيق القانون مية بالمية بس في فرق بين القانون و التطبيق أنا مومع تطبيقوا بالطريقة المخيفة فجأة نطوا فوق راسهم هالناس كلهايعني رعب ياريت يكون اجتماع هالناس كلها لمصلحة الطلاب قبل ملاحقتهم
سورية
-

2010-05-13 23:11:01
luna
حلو القانون بس التطبيق لازم يكون أحلى
يعني أنا مع القانون مية بالمية بس ممكن تطبيقوا يكون بغير هالطريقة المخيفة وبكل الأحوال ياريت يجتمع هالناس كلها لمصلحة الطلاب قبل لملاحقتهم
سورية
-

2010-05-13 23:20:13
محب للنظام
النظام
شكرا جزيلا والله يعطيكن العافية وياريت الكل يوقف ضد التدخين ويجب معاقبة من لايلتزم بالنظام
سوريا
-

2010-05-13 23:17:15
do
شكرا
الف شكر للمسؤولين الذين قامو بالمنع والله يكتر امثالكن من كل قلبي واتمنى محاسبة تلك الفتاة وبراييي انها هاجمت خوفا من كشفها تدخن امام اهلها ربما
syrie
-

2010-05-13 22:55:24
محمد
القانون واضح وصريح
عادي بدكم ما تدققوا كتتير بهي البنت متلها متل أي مخالف للقانون .و تستحق عقوبة ثانية للتهجم و الصراخ و اثارة الشوشرة في مكان كالمدينة الجامعية .و عتب على من قال لم يكونوا قاصدين الجولة على منع التدخين بالعكس لازم تفتخروا بتطبيق المرسوم التشريعي بكل اصرار وتصميم يعني يلي بدو يدخن يصطفل يدخن و يدمر حالوا بس مو يضايق غيروا.
-
-

2010-05-13 22:30:05
خالد
1
انا اريد ان اسئل رئيس الاجنة واغلب الموظفين في الدولة لماذا تغلقون الباب عليكم اثناء الدوام النظامي والمراجعون ارتال بانتظار فتح ابواب الموظفين اليسا لتدخنو بالخفاء حيس ان هذه المشكلة اصبحت لا تطاق تسئل عن الموظف اين هو ان بابه مغلق يقول لك انه في الداخل وفعلا يكون ماذا يفعل يدخن هاذا هو تطبيق فعلي لقانون التدخين تعطيل الناس بغية التدخين
سورية

2010-05-13 22:08:42
حسام
لا مسكينة و لا بطيخ
ممنوع التدخين يعني ممنوع. شو دخل الرشوة بمنع التدخين؟ هلق صرتوا شاطرين بدكون تضبطوا البلد و تعملوه متقدم متل دول أوروبا بيوم واحد؟؟؟؟ وحدة و حدة... كيف بدنا نتحضر أذا ما منعرف نحترم القوانين و منتصرف متل الولاد الصغار. شو يعني اللي ما بحب التدخين ما بيقدر يفوت ع مطعم الجامعة؟ هدا كمان مو عدل. اللي بدو يدخن يطلع لبرا يدخن و يرجع.
germany
-

2010-05-13 21:52:55
؟؟؟؟؟؟؟
سؤال
والله كل ما بقرا شي موضوع عالسيريا نيوز بسأل حالي ليش نحنا بلد العجايب ...الحق على مين على الحكومة ولا عالقانون ولا عالمسؤوولين ولا عالشعب ولا عالاستعمار ولا المبريالية.......الحق على مين؟
-
-

2010-05-13 21:09:44
احمد@مغترب
منع التدحين قرار
جيد وهو جديد على شعبنا وهم يظنون المدخنون بانها حبس حرية هدا الامرصعب وسوف تعتادون علية عندنا المدخنون في روسيا يخرجون على الشارع يدحنون حبى غميد الجامعة ودكاترت الجامعات والمؤسسات الحكومية والشركات الخاصة او وجود مكان حاص للتدحين ياجماعة التدخين في اوربا اصبح مو موضة ويعدونة تخلف وهو سبب لامراض كتيرة من امراض القلب والسرطان وعدم الانجاب للرجل اترك يااحي هدا التخلف وحافظ على ضحتك وعلى جيبك
روسيا

2010-05-13 20:54:00
طالب مقهور
إيه مو بس هدول الأربعة
أساسا مو بس هدول الأربعة، كل يوم تعو عل مقصف بعد الساعة 3 العصر أو حتى الساعة 2 وشوفو كيف بوزعو صحون السيجارة وكيف الدخان بصير مسموح بالكافي نت تبع العائدي وبالمطعم، بس المشكلة ما حدا بحس والمدخنين مبسوطين لأن كل همون يرضو شعورن والباقي مو مهم
سوريا - دمشق
-

2010-05-13 20:43:11
واسطات
واسطه
بوكرة بيطلع جدها او ستها او عهما شي شخص مهم و بيصير بدهن يلفلفلو القصة و بيصير فريق التفتيش عن الدخان هو المخطئ و هي تصرفت صح................ ههههههههههههه هزلت يا عم
كوريا
-

2010-05-13 20:36:10
سوري
ما هكذا يطبق القانون
هل كان بحوزة المسؤولين أمر مهمة من القوى الأمن الداخلي ليقوموا بالصراخ و"سحب الهويات"؟ ما هكذا يعامل البشر. الصحيح هو طلب الشرطة ولا يحق له لا الصراخ في وجه المخالف ولا لمسه أبدا. ما هذه العقلية الاستبدادية، المسؤول يعتبر المواطنين أغنام في قطيع يستطيع معاملتهم كما يشاء؟؟ ثم التعهد الخطي لا يؤخذ في رئاسة الجامعة وإنما في مخفر الشرطة. ماهذا الفلتان.
سورية
-

2010-05-13 20:19:46
حلبي
التكلفة
التدخين يكلف الدولة مليارات في علاج الأمراض الناتجة عنه، وبالتالي سورية أولى من غيرها بمنع التدخين كونها بلدا فقيرا. الغريب أن هناك كثير من التعليقات لا يظهر فيها أي إدراك لأضرار التدخين وتكلفته على الدولة والمجتمع، فإذا كان هذا هو مستوى الوعي حول التدخين فكيف سيقلع الناس عنه؟
سورية
-

2010-05-13 19:58:51
Midnight Express
تأويل القانون بشكل كيفي
أنا أحترم القانون و أحترم من سنه , لكن هذا لا يعني أن أنصاع له بشكل أعمى , و لا يعيبني أن أعترض عليه , ذكرني ما حدث بزيارة للسيد الرئيس رحمه الله عندما زار اللاذقية و لاحظ إعلانات الدخان , فطلب منع إعلانات الدخان , إلا أناالمسؤولين أخذوا بالقرار ليمنعوا به حتى الذي يحمل علبتي دخان فيجمركوا له الثانية , و هذا ما يحدث الآن , ينفذ القانون بشكل كيفي و ساذج
سوريا

2010-05-13 19:28:31
حلب مدينتي
لك أنت شو عم تساوي بالجامعة
ما بدي حطك بزمتي بس شو عم تساوي بالجامعة وما لقياتي لسيكارتك محل الا الجامعة . حقوا رئيس الجامعة الزلمة عندوا تعليمات وعم ينفذها وما أحلاه داخل يتفقد ومو محترمينوا بسيكارتكن
الامارات
-

2010-05-13 19:24:08
husam
عيب أن تبقى رائحة التبغ المقززة في الجامعة
أكبر عيب انو يكون في رائحة تبغ وسجائر داخل رأس الهرم التعليمي في البلد وهو الجامعة أتمنى أن يشمل منع التدخين كل شبر من أراضي الجامعة دون استثناء حتى غرف الاساتذة الدكاترة المدرسين
سوريا

2010-05-13 19:02:11
دانيا
برافو
يعني حيرتونا بلشوا بخطوة اساسية وحضارية فعلا قمتوا تهاجموهم ويلي عميقول غيروا المطعم ليش مو انت تغيره انا متعودة على مطاعم محددة بعرف نظافة اكلها مابغيرها مشان سيكارة
سوريا
-

2010-05-13 18:54:08
اختراع سوري
فاشل
يعني لازم سورياتعمل شي مختلف كل دول الارض منعت التدخين بهدوء وبعدين شو هالاختراع الكبير يعني التدخين بزاوية من المنشأة وخلص وقرار داخلي للمنشآت يلاحق على مدى سنة للتطبيق يعني وقفت على كم شهر من هالعمر انا ارى انو عيب في عيب ان نجعل من الموضوع قصة اجتماعية وعالمية
هولندا
-

2010-05-13 18:52:58
sslamah
شكرا
اشكر المسؤلين بل مدينه الجامعيه علي منع التدخين ويجب معاقبة الطلبه ليكي يكونو عبره لغيرهم
سوريه
-

2010-05-13 18:45:48
مستحيل ارجع
كمان مستحيل
عفوا منكن بس و مع احترامي للقوانين و احترام القوانين .. يا ريت اللجنة تتعلم تحترم البني أدم قبل اول شي .. شو مشان انو بدو الهويات !!!!!! و كلكن بتعرفو الطريقة يلي بيطلبو فيها الهويات عادة .. و مشان شو !! مشان سيجارة مع اني متاكد انو ما في ولا مسؤول الا و بيدخن بيكل مكان ...
سوريا
-

2010-05-13 18:28:56
souri
الجهات المختصة
هل من مهامهم مراقبت تنفيذ قرار منع التدخين . أظن إنهم خرقوا القانون بتوليهم مهمة ليست من واجبهم . أظن هذه مهمة مراقبيين , ومهمة المسؤول عن المقصف ويجب معاقبته للسماح لهم بالتدخين وعندما يطلب مسؤول المقصف من أحد أن يمتنع عن التدخين ولا يمتثل عندئذ يمكنه أن يتصل بالجهات المختصة لتقوم بواجبها
uk
-

2010-05-13 17:56:02
مغترب
شكرا للمسؤولين على تطبيق القانون
يجب معاقبتها و تحويلها الى المحاكمة لازعاج الطلاب في المدينة ، و بالنسبة للبيع داخل المدينة للدخان طالما الشخص سوف يدخن في غرفته فلا مشكلة
السعودية
-

2010-05-13 17:48:33
ح ب ي
ناقصنا
لسا الخير لقدام...... يعني شو ضل لسى ما طلع قرار بمنعه, ثقافة الممنوع اللي مسيطرة عالمسؤولين, اي مشكلةاومسألةبتعترضهن فورا ممنووووووووع بشكل كامل, طيب مثلا التدخين منعه اكيدصحيح بالاماكن العامة ولكن المقصدالاماكن اللي الانسان بيكون مضطريدخل عليهامتل الدوائرالرسميةووسائط النقل وغيرهالكن المطاعم والمقاهي حرية شخصية يعني اذاماعجبك الجو لاتدخل وروح عغيرمحل
سوريا
-

2010-05-13 17:43:43
الفاروق
شي غريب
لا ينقص الجامعات سوى منع التدخين كي نغدو من الدول المتقدمة. الحمد لله جمع المخابر و المنشاّت و مراكز الأبحاث و مل شيء على اتم وجه بالإضافة الى فرص العمل التي تنتظر الخريجين و المستقبل الباهر الذي قد يضيع بسبب التدخين و لهذا يجب على امين الجامعة ان يحارب العلكة ايضالانها قد تحتوي على مواد تضر الاسنان . و ان المدخن هو سبب ماّسي صغار الكسبة
سوريا

2010-05-13 17:31:42
مضر خيربك
ما شاء الله
حتى اجتمع حولها جميع أفراد اللجنة المؤلفة من أمين الجامعة ومدير المدينة ورئيس فرع اتحاد الطلبة في جامعة دمشق وأمين فرع الحزب بالجامعة, هلا كل هدول طحشو لأنو في وحدة عم اتدخن, يا ريت الرئيس يطلعلنا مرسوم منع بيع الضمير و الرشوة في الأماكن العامة اذا هيك
Syria

2010-05-13 17:29:17
محمد
احترام القانون أساس التقدم
أحيي أمين الجامعة و مرافقيه على هذا العمل وعلى الجميع احترام القانون حتى لا تصبح الأمور فوضى
الامارات
-

2010-05-13 17:11:52
مواطن
القانون يسري عالجميع
الحق والقانون مع امين الجامعة و يجب ان يطبق على الجميع بدون استثناء. علينا التفكير بصحة الآخرين وصحة المجتمع .. الشغلة مو بالعياط وقلة الأحترام والتعاليي غير المسؤول .
Syria

2010-05-13 16:40:58
إيهاب
متعهد المقصف
يجب معاقبة وتغريم متعهد المقصف لسماحة بالتدخين
سورية

2010-05-13 16:34:10
جامعي
قانون فاشل
القانون غير مجدي وفتح الباب أمام المراقبين كخرجيه جديده لا أحد يمكنه ان يمنعني من حريتي من وضع هذا القانون فهو على خطأ والايام القادمه سوف تثبت عدم فعاليته معظم قوانيننا غير مجديه وسبيلها تشليح المواطن ليس الا. ةسوريا قادمه لى موسم اصطياف ولا يمكن ان نمنع الاشقاء العرب من عدم شرب الأركيله في المطاعم يعني هل يكفي 40 مراقب لدمشق وحدها؟
-
-

2010-05-13 16:32:36
فارس غريب
كل هالمسؤولين ماعندهم شغل
انا بس بدي افهم هالموظفين المسؤولين تركو كل شي ضمن مهامهم واجو لعند هالمسكينه ومسكوا السيكاره تبعها فعلاً صار بدها الواحد يشربلو سيكاره؟؟بتمنى سيريا نيوز تنشره هالتعليق مع اني انا مع قرار المنع؟بس هدول ما عندهم شغلاللي مسكوا هالبنت
syria

2010-05-13 16:28:07
مازن محيسن
قرار جريء
والله قرار منع التدخين قرار جريء وجميل لأني اعرف الكثيرين كانوا يخجلون من زبائنهم بالطلب اليهم لاطفاء السيجارة ولكن بعد القرار صار لديهم حجة قوية للطلب من الزبائن أو اي كان اطفاء السيجارة
سوريا
-

2010-05-13 16:13:52
سوري هادي
لا ولو
أنا ما بحب التدخين بس مو ملاحظين إنو الموضوع تخين شوي؟اللي بيقرا المقال بحسب إنو كانوا عبدخنو حشيش ! بعدين و إذا المخلوقة مش طالبة جامعية ؟ ممنوع تقعد بالمقصف يعني ؟ بعدين شو هنن شرطة بأي حق بياخدوها على الرئاسة إذا مالها طالبة ؟ هاد أنا بقلكن هدول راحو على النادي الرياضي و طلع الآذن قافل الباب بالمفتاح ******** قام راحو يستقوو على الطلاب
سوريا
-

2010-05-13 16:11:12
مناصر القانون
بدها حزم
يا شباب لازم نتعلم نحترم القوانين, وهذا أفضل قانون بيئي اجتماعي انساني, وعلى فكرة المدخن أكبر قليل ذوق في العالم لأنه يزعج ويؤذي من حوله دون خجل
سوريا العظيمة
-

2010-05-13 15:53:46
Sam
Funny
ومنعت بيع الدخان ومشتقاته (تهريب أو غوتة أو وطني) ضمن حرم المدينة والجامعة،
syria
-

2010-05-13 00:46:19
كلام غير صحيح
كلام غير صحيح
الدخان يباع في دكاكين المدينة والي بدو يجي يتاكد
syria
-

 
خدمات
مواعيد التسجيل
مواعيد المحاضرات
مواعيد الامتحانات
نتائج الامتحانات