مواضيع مختارة
 
جامعة دمشق: قبول طلبات الالتحاق بالدكتوراة بين 15 و30 الشهر الجاري
وزارة التعليم العالي: مبادرة لفهرسة مجلات الجامعات السورية في قواعد البيانات العالمية
التعليم العالي تحدد 6 نيسان موعداً للامتحان التقويمي لخريجي الجامعات غير السورية والخاصة باختصاص صيدلة
التربية: تنفيذ بيان لمشروع عملي حول إخلاء المدارس بحالات الطوارئ
جامعة دمشق تحدد موعد للمتخلفين عن امتحانات الراغبين بالتعاقد معها
التعليم العالي تسمح للطلاب الذين لم يتقدموا لمفاضلة العام الحالي بالتسجيل المباشر في الجامعات
   
   
 
البحث
 

   
   
 
 
وضع الموفدين بعد الحصول ع شهادة الدكتوراه والالتحاق بالوزارات
مساهمات الطلاب

هل هم في عالم النسيان أم في عالم ضد الشهادات والخبرات وأمام المحسوبيات


تبقى ايام الدراسة ذكرى حلوة على الرغم من الغربة والتحديات على الرغم من المعانةوالنضال في سبيل العلم والحصول على الشهادة اذا ماتمت مقارنتها بايام الدوام ضمن الوزارات التي تقف فيها لاحول ولاقوة -لامن يقدر شهادتك ونضالك العلمي- وترى نفسك امام من دون منك شهادة وخبرة لتوقع صباحا ومساء وهذا المهم واخير تنتظر أخر شهر لتستلم راتبك الذي تحتار كيف تصرفه (13000) فتقف مكتوف الايدي وتبحث عن غربة ثانية لتجد مكان يقدر ماتحمله من شهادات فالاحلام التي رافقتك ايام دراستك وغربتك والافكار التي حصلت عليه لامجال لتحقيقها في مكان لايعطيك الفرصة من أجلهافعذرا وطني الغالي أعطيتني ولم أخذ فرصتي لاعطيك ولو جزء مما أعطيتني؟؟؟؟؟؟؟؟!!!!!!!!


 
2010-10-10 12:33:35


شارك بالتعليق


2010-11-08 19:51:00
أبو رياض
مدة الالتزام
أذا حدا عندو خبرة في موضوع مدة الالتزام و كيفية حسابه و هل تحسب مدة الخدمة الالزامية أم .......فيا ريت يفيدنا مع الشكر الجزيل
سوريا
-

2010-10-30 05:02:09
مهند
والله عيب
بالله مو عيب نشوف دكاترة عم يتناقشوا بكل جدية و حماس عن راتبهن و يللي هدول هن يللي لازم يكون يقودوا عملية التطوير المتوقفة من زمان، والله عيب ، طبعاً العيب مو عليهن
إختياري
-

2010-10-29 22:11:26
المعرفة
أرقام
عدد حاملي الشهادة الجامعية من المتمتعين بالجنسية السورية في العالم كله لا يتجاوز 1.5 مليون يعني أغلب السوريين بكالوريا و ما تحت يجب ان يستغل القطاع الخاص الخبرات العلمية لكي نرى نتاج و ان يزداد تمويل البحوث العلمية في الجامعة 10 أضعاف على الأقل
سوريا
-

2010-10-28 19:43:21
أيمن
مدة الالتزام
يا شباب حدى يقللي من إيمتى بيحسبو مدة الالتزام ... من وقت ما بتحط نفسك تحت تصرف الجهة التي أوفدت لصالحها أما من لحظة انتقالت لعندها؟ ...
سوريا
-

2010-10-28 09:37:06
دكتور مهندس
الموضوع خطير جدا
الزملاء الأعزاء في سيريانيوز نرجو منكم متابعة الموضوع باهتمام لأنه غاية في الأهمية وخسارة فادحة للوطن أن يؤهل هذه العقول النيرة ثم يخمدها إلى أن يرث الله الأرض ومن عليها من سنة عدت من الإيفاد حاصل على الشهادة لكن حتى الآن أحلم بمسكن لي ولأسرتي والأهم أنني مدعو للخدمة لالزامية وكما تعرفون لا يحق لنا دفع البدل لنتعاون مع بعضنا لرفعة وبناء وطننا الغالي
سورية
-

2010-10-27 01:40:37
مكيف
الى واحد معتر 2
انا شايف البروفيسورية باوروبا ما حدا بيفكر غير بالعطل الرسمية و الباقي كلو بحث و علم ما في شي تاني . هادا الشي اللي عن يحاول وزير التعليم يفهمو بس لاحياة لمن تنادي. الله وكيلك كل ما بتشوف مشروع دكتور يعني متلك الا عم يفكر كيف بدو يروح على سوريا يقبض الراتب المغري و يبلش يظبط وضعو ليستلملو شي شغلة.انا لا احسد ولكن انظر للطلاب القادمون الى بلد الايفاد
سوريا دمشق
-

2010-10-27 01:33:47
مكيف
الى واحد معتر1
يا حبيبي .... كمان تمويل للمشاريع,.. يعني عن جد ما رح نتقدم لحتى يطلع شي قرار بالدوام الاجباري للدكاترة و النشر الاجباري بالمجلات العلمية. وقتها منشوف اذا ما كل دكتور بيصير يفرخ مقالات. إذا يكلعو قرار تعين رئيس القسم بالكليات حسب النشر بالمحلات العلمية الله وكيلك لتشوف نشر بأكسفورد ما بتشوفو,  
سوريا دمشق
-

2010-10-26 23:30:41
واحد معتر
شكلين مابحكي
الى السيد الكريم مكيف، كلمتين ورد غطاهن، مافي تمويل للمشاريع العلمية لحتى الدكاترة يشتغلو بالبحث هي اولا، ثانيا بدك الدكاترة يشتغلو بالصيف؟ كانك عم تحلم؟ واخيرا بنصحك لاتضيق افقك متل عينك لانو مارح ينفعك الحسد شي، واخيرا انا دارس يا استاذ ومن المعيب انك تتهمني باطلا انا رح اكتفي بالقول اني قريبا رح احصل على الدكتورا يا عزيزي
-
-

2010-10-26 00:15:55
مكيف
الى واحد معتر 2
المخابر متوفرة في كل الكليات على الاطلاق. على ما يبدو انك عمرك مانك داخل الجامعة, واللي بدو مخبر متطور اكتر من اللي عنا فهذا بروفسور لسا ما تواجد في سوريا و ما بتوقع رح يتواجد طالما هل الدكاترة الجامعة كل ما سألتهم يقولون الحمدلله الراتب كبير و كأنو الدولة عم تكرمهم بهذا الراتب و لا يعلمون ان عليهم الدوام حتى الساعة السادسة اوالسابعة ليلا وفي الصيف ايضا
سوريا دمشق
-

2010-10-26 00:08:04
مكيف
الى واحد معتر1
أولا يا حبيبي انا من طريقتي بالرد واضح اني راضي و مكتر كمان, لذلك بلا هذه الشخصنة بالرد انا اناقش موضوع جدي و على الجميع المشاركة.أنا ذكرت مثال فقك لاغير و هو موجود.تساءلت بالنسبة لهذا المثال ما نعليقك و تقييمك انت و مجتمعك لهذا المثال. طبعا ليست غايتي المثال وانما الفكرة. اي مو غلط انو رفيقك هيك شو دخلني فيه. بعدين هي مافي مخابر بدك تخيط بغير هالمسلة
سوريا دمشق
-

2010-10-25 22:53:37
واحد معتر
طيب رح رد عليك
اي ياعزيزي يا اخي الكريم، اول شي من وين طلعتلي بسالفة انو دكاترة الوزارة خريجين اقوى الجامعات ودكاترة الجامعات خريجين مصر، اي انا عندي رفيق عمال يدرس اللهم صلي على الحبيب بافضل الجامعات الالمانية وهو موفد جامعات يعني من وين طلعتلي بمثالك؟ بعدين مشان الشغل بوقت التفرغ مو حرام لانو بالاساس مافي مخابر ليشتغل بحث علمي فبقى ليش ضيقة العين والحسد؟ ارضى بالنصي
-
-

2010-10-25 00:34:20
مكيف
الى واحد معتر 2
بعدين اخي العزيز, ما رأيك بدكتور في احدى الوزارات خريج أقوى جامعات ألمانيا في الميكانيك و بروفسور جامعة خريج دكتوراه من مصر او الصين , برأيك من يقيم هؤلاء علميا *******اما ليش ما عم تسمع فيهن على ما أعتقد لان عددهم قليل على عكس العلماء في الجامعات 
سوريا دمشق
-

2010-10-25 00:26:17
مكيف
الى واحد معتز 1
انا معك بكلمتك بلا مسخرة,لانو الحمدلله بهمة هل الدكاترة اللي عنا المستوى العلمي يسير من تقدم و نجاح باهر الى نجاح آخر, يعني الله يحرس هل دكاترة الجامعة علماء و الحمد لله يعني ان يكون شخصية مرموقة هذا شأنه و شأن المجتمع الذي ينظر اليه. ماذا تقول عن البروقسور بالجامعة و ياخذ تفرغ علمي و يعمل بالعمل الخاص , الا يسرق الدولة . حاج تبيضو حكي كلو متل بعضو
سوريا دمشق
-

2010-10-23 10:47:48
واحد معتر
هل يستوي اللذين يعلمون
بلا كلا بلا ملا ههههههههههه مسخرة، ما بيتساوى استاذ بالجامعة بغيرو مابيصير ، يعني استاذ الجامعة طول عمرو شخصية مرموقة ودكاترة الوزارات بحياتي ماسمعت فيهم، ليش عم تدرسوا وتعرفو مصيركم موظفين؟؟ اتضبضبو متلكن متل غيركن واسمعو ابو وديع بيقول ارضى بالنصيب ... ههههههههه تحياتي سيداتي سادتي
-
-

2010-10-18 14:28:04
موجوع
وين العلم؟
شكر لكاتب المقال، والله حطيت ايدك عل الجرح! شي بوجع! انشالله حدا يحس فينا! الوجع الكبير مو الراتب أد ما هيه التقدير والمعاملة..
سورية
-

2010-10-16 14:11:49
مكيف
غباء المقارنات 2
ثم أجد ان الجميع يقارن بين راتب دكتور جامعة له في الخدمة اكثر من ثلاثين عاما مع دكتور في الوزارة حديث العيين, فاستاذ الجامعة بعدسنوات طويلة من الخدمة يصبح رابته حوالي 60000 ليرة لذلك الى ان تعيشو الى ذلك الوقت فهو جدين آخر 
سوريا دمشق
-

2010-10-16 14:02:06
مكيف
غباء المقارنات
الى كل اصحاب التعليقات التي تتزمر من رواتب الكاترة في الوزارات و تقارنها بعين الحسد مع رواتب الدكاترة في الجامعات.في الواقع أنا استغرب لهذاالغباءفي المقارنات لانه اةل التعيين لكا الصنفين من الدكاترة فإن هذا الذي في الجامعة يقبض ضعف راتب من هو في الوزارة و في الواقع اذاجئتم للواقع ثلاثة اضعاف لا تكفي للعيش الكريم فالكل يعيش في القلة لماذا الحمق
سوريا دمشق
-

2010-10-16 05:48:27
مواطن مكيف
اي وبعدين2
وفي حال هاد الطرف فائض العلم بكل الأوضاع ودائمابيجادل فكرة كل مقال مانو مسؤول طيب ببساطة يريح حالو...يعني لو شايف فكرة اي مقال غير صحيحة لا يعذب حالو لأنو لو الوضع مو قائم ماحدا رح يستجيب بشكل طبيعي تيغير وضع مانو قائم اصلا...يعني بدل ما يوصل الصوت بتجي ناس بتميع المواضيع بالتكذيب وغيرو..منشان تصير ضجة وغوغائية وضبابية...وبالاخر بتضيع الفكرة..
مصر

2010-10-16 05:39:32
مواطن مكيف
اي وبعدين1
يعني شعبنا عظيم...وبيفهم بكل شي..والية الحوار مثمرة...!!! يعني بموضوعالايفاد او بعد العودة للوزاراة او اي موضوع في العالم كيف بينقلب!! فكرة المقالة صوت يوصل للمسؤولين..كل مقال بيتحول لجدال ويا ريت بين الطرفين المطلوبين!! يعني ياريت التعليق يكون بين اصحاب المشكلة واصحاب القرار او ماشابه ويلي ماعندو المشكلة وبيكذب الطرف صاحب المقال ما يخجل يقول انومسؤول
مصر

2010-10-15 13:57:20
yousif
france
ياسيد فكر ثم علق يعني اذا في مشكلة بالراتب شو دخل النظام الوظيفي لازم توقع متل البقية وانت سلفا وقعت عقد لهذه الجهة فارجووك ان تفهم ثم علق
france
-

2010-10-14 13:13:57
السيد yousif و السيد مكي
فكر وعلق
ياسيد يوسف ياريت ترفع مستوى تعليقك الى حد المسؤلية كونك مغترب فيجب ان يكون تفكيرك اكثر انفتاحامع العلم ليس المقصود كما ادركت فكر قليلا ووسع مستوى التفكير قبل التعليق،هل الدوام اهم من فرصة تقدم فيها شي لبلدك وتطبق افكارك وتجاربك وتطور نفسك ,وبالنسبة ل مكيف لو انو النق وغيرو... اختصاصنا كنا مكيفنامتلك واكتر ، حارتنا صغيرة وبنعرف
سورية
-

2010-10-13 20:06:35
دكتور مهندس سوري
الى من يطلب تحرى الدقة
هل من العدل ان يكون راتب حامل شهادة دكتوراه اعلى من راتب حامل البكالوريوس 1000 ليرة باحسن الاحوال علما ان راتب موظف ذو خبرة اربع سنوات هو اعلى من راتب حامل للدكتوراه والذي امضى مدة اربع سنوات للحصول عليها لانه يحق له ترفيعتين كل واحده ب 9/100 كل سنتين. بالاضافة لذلك في دول الخليج راتب الحاصل على شهادة عليا اعلى بكثير بغض النظر عن مكان العمل
سوريا
-

2010-10-13 19:59:05
سوري مغترب
الى طبيب مغترب
انا مهندس اعمل بفرنسا منذ اكثر من سنتين وبالرغم من اني مبتدئ راتبي وصل الى 2500 يورا وهناك مهندسين خبراء بالشركة تصل رواتبهم الى 8000 يورا شهريا اي اعلى بكثير من راتب بورفسور. اضافة لذلك حسب ما شاهدت هنا ان 95/100 من المهندسين يفضلون العمل بالشركات لمافيها من مميزات اكثر بكثير من العمل في مخبر بحثي..
فرنسا
-

2010-10-13 19:44:31
طالب موفد
الى طبيب مغترب عليك تحري الدقة اكثر
لمعلوماتك ان راتب استاذ الجامعة لا يتجاوز باحسن الحالات1800 يورا ويصل الى 2200 مع وجود بعض التعويضات اما راتب عامل لا يحمل اي شهادة جامعية فلا يجب ان يقل عن حد معين وهو 1100 يورا اي الضعف فعلا ولكن المقارنة هنا بين استاذ جامعي وعامل لا يحمل شهادة اما بالنسبة للبروفيسور فهذه مسائلة اخرى لان بسوريا كلها لا يوجد شيئ احد مؤهل لان يكون برفيسوراصلا
فرنسا
-

2010-10-13 19:32:35
مكيف
الى طبيب مغترب 2
مثلا وكماتعلم في رئاسة الاقسام يتم طبخ كل شيئ بدل ان تكون الحاجة الى معيد واحد يتم طلب ارعة او خمسة حسب الشخص الذي تريد الواسطة ايصاله اما في البعثات العلمية فالجهة التي تطلب ليس لها علاقة بوزارة التعليم ومن الصعب حصر العدد. و اؤكد لك ان في كليات الطب تحدث هذه الاشياء بشكل مركز حسب معرفتي الشخصية بعدد من الحالات المشابهة
دمشق سوريا
-

2010-10-13 19:21:17
مكيف
الى طبيب مغترب 1
الواضح انك مغترب من زمان كتير... مسابقات البعثات العلمية من عشر سنوات الى الان هي من انزه المسابقات في سوريا على الاطلاق والنتائج تنشر للعلن وتقبل الاعتراضات وكلها تم في الوزارة وكما تعل هكذا مسابقات او غيرها يكون التسيب في الافرع اي ولاسف في الجامعات اي مسابقات المعيدين كيف ذللك انا اقول لك.....
دمشق سوريا
-

2010-10-13 15:31:44
موفد
لالالالالالالا
هل تعلم ان جامعة الاسكندرية حصلت على المرتبة 148 بين جامعات االعالم اين نحن
باقا باق
-

2010-10-13 12:06:28
طالب
شو نحنا عايشين بكوكب ثاني يعني 3
و يوجد استثناء آخر و هو الدكتور بالهندسة الزراعيه لصالح وزارة الزراعة على اعتبار إنو في عندهم قسم بحث علمي منشان هيك عطوهن زيادة 200 بالمية, و بالمناسبة , من مدة قصيرة شفت مساهمة على سيريانيوز عميشكي فيها دكاترة الزراعة إنو وزارتهم ألغت زيادة ال 200 بالمية.فإذا حضرتك يا أخ مكيف دكتور بترولية أو دكتور زراعه, يا ريت ما تعمم وضعك على باقي موفدي الوزارات.
فرنسا
-

2010-10-13 12:05:11
طالب
شو نحنا عايشين بكوكب ثاني يعني 2
و الدكتور بالإقتصاد لصالح وزارة الإقتصاد بياخذ 13000 ليرة بس و قس على ذلك باقي الإختصاصات باستثناء عدد قليل لا يتجاوز 2 أو 3 بالمية من موفدي الوزارات. مثلا الدكتور بالهندسة البترولية لصالح وزارة النفط بياخذ أضعاف رواتب الدكاترة التابعين للوزارات الأخرى مع العلم إنو بالأصل مهندسي البترول لصالح وزارة النفط رواتبهم أضعاف رواتب موظفي الوزارات الأخرى.
فرنسا
-

2010-10-13 11:58:34
طالب
شو نحنا عايشين بكوكب ثاني يعني 1
يا أخ مكيف, مع احترامي إلك حكيك مو صحيح لأنو الدكتور بهندسة الجسور و الطرق لصالح وزارة المواصلات بياخذ 13000 ليرة بس و الدكتور بالهندسة المدنية لصالح وزارة الإسكان و التعمير بياخذ 13000 ليرة بس و الدكتور بالهندسة المعلوماتية لصالح وزارة الإتصالات بياخذ 13000 ليرة بس و الدكتور بالصيدلة لصالح وزارة الصحة بياخذ 13000 ليرة بس.
فرنسا
-

2010-10-13 00:14:46
طبيب مغترب
يجب تحري الدقة
الا من يطالب بمساواته بدكاترة الجامعات الم يعلمو منذ بديء الايفاد والذي سعو اليه بكل ما اوتو من قوة(مال و واسطة)والان وبعد اغداق الدولة عليهم المال الكثير يبدؤن بالتنواح.المخ تدرسو في اوربا وتعلمو ان راتب البرفسور او الدكتور في مركز بحثي اعلى من راتب الحاصل على نفس المؤهل العلمي الذي يعمل في مصنع او في مؤسسة اخرى.كونو منطقيين بالله عليكم.
المانيا
-

2010-10-12 17:26:46
مكيف
اي حبيبي 13000+26000
لانو يا حبيب انا فهمان بس باختصاصي ولكن انت حكيك عشوائي ومانو علمي انا بقلك ليش لانو المشكلة التي تعاني منها انت وامثالك انكم دكاترة لصالح وزارات غير وزارات اختصاصكم اي مثلا دكتور مهندس مدني لصالح وزارة النفط او الزراعة ... د.م معلماتية لصالح وزارة الصحة. اما عني انا د.م لوزاة منتجة بنفس اختصاصي الجامعي و الدكتوراه
دمشق سوريا
-

2010-10-12 16:58:34
موفد
المعاملة بالمثل
السادة المعلقين من كان يظن أنه سوف يعطينا من تركة أبوه فلسنا بحاجة له ,نحن نطالب الدولة أن تنصفنا , ليس من المعقول أن يكون هناك شخصان في الدولة عندهما نفس المؤهلات ولكن الواحد يأخذ ضعف الثاني ,
المانيا
-

2010-10-12 12:58:42
yousef
france
طبعا شو بدك العالم تسجدللك لازم توقع صبح ومسا متل الموظفين ولا انت شغلة كبيرة لازم تكون تعلمت الانضباط خلال دراستك وبعدين بتقول من عم اقل منه دخيلك شو مستواك مراقب الدوام موظف متلك قم بعمللك على اكممل وجه ماحدا بيطلعلوا معك واذا موعاجبك الراتب استقيل
france
-

2010-10-12 12:51:40
yousif
france
مابكم ايها الشباب المصاري وسخ الدنيا يللى خلونا نبني الوطن
france
-

2010-10-12 12:44:39
دكتور موفد
واقع الجامعات السورية
كان من المفروض على وزارة التعليم العالي ان تدعوا لاجتماع عاجل للاساتذة وذلك لمناقشة موضوع تراجع ترتيب الجامعات بسوريا او حتى حصولها على ترتيب متاخر كثير بالرغم من الدعم المادي لها. فرنسا منذ اكثر من سنة قامت بعملية تغير كبيرة لنظام الجامعات ديها وذلك لان ليس لهاالا عدد قليل من الجامعات ضمن قائمة ال 100 جامعة الاولى عالميا.
فرنسا
-

2010-10-12 12:37:11
دكتور سوري
قانون تنظيم الجامعات 2
بالرغم من البالغ التي تدفع للكوادر في الجامعات الحكومية تاتي الجامعات الخاصة وبدون عناء والتكلف بدفع نفقات ايفاد لتاخذ هذه الكوادر لتدريس طلابها.والدليل على هذا الكلام ان تصنيف الجامعات السورية تراجع خلال السنوات الاخيرة بالرغم من ان تم تحسين اوضاع الكادر العلمي.لماذا؟؟؟؟ لان الوقت المكرس للبحث العلمي والذي تدفع الدولة اموال طائلة هو بالحقيقة غير موجود
سوريا
-

2010-10-12 12:27:50
دكتور سوري
قانون تنظيم الجامعات 1
لقد تم حسين اوضاع الاساتذه في الجامعات الحكومية لدفع مسيرة العلم.الا اننا نعلم كيف يتم تطبيق القانون.فموضوع التفرغ العلمي لا احد يلتزم به والشغلة عبارة عن مصالح وشغل الشباب فيكفي ان تكون العلاقه مع عميد الكلية جيده حتى لا تنتظم بدوام الجامعة.هذا بالاضافة الى ان وقت التفرغ العلمي هو مخصص للتدريس بالجامعات الخاصة.
سوريا
-

2010-10-12 12:22:54
رجاء الى سيادة الرئيس
تشجيع العلم والعلماء
ارجو منكم ياسيادة الرئيس وقد تعودنا على تشجيعكم لمسيرة العلم والعلماء في سوريا ان تنظروا في تحسين اوضاع حاملي الشهادات العليا او على الاقل اعظاؤهم بعض الميزات لكي يعطوا اكثر لذا البلد
سوريا
-

2010-10-12 12:17:53
سوري طموح
عيب ما بيصير تحكوااا
من الغريب ان الفرنسيين منذ اكثر من سنة وهم يقيمون الاضرابات ضد قانون سوف تصدره الحكومة لتمديد سن الاتقاعد حتى 62 سنة. اما في سوريا فهاهو احد المهندسين الدكاتر والذي على الغالب رئيس لقسم او دائرة لا ادري يتهم الذين يطالبون بحقوقهم او بتحسين اوضاعم حتى يعيشوا حياة مقبولة بانهم نسوان حتى ولو عبروا عن رئيهم عن طريق زاوية مخصصة للمساهمات فهو حرام وممنوع
سوريا
-

2010-10-12 11:42:18
طالب دكتوراه
طلب عادل
هلق من المعقول ان يكون الحاصل على شهادة دكتوراه يبدا براتب 13 الف فقط لماذا هذا الظلم. لماذا لا يتم التفكير بتحسين اوضاعهم كما تم تحسين وضع الدكاتر في الجامعات وحتى الدكاتر الاطباء اصحاب العيادات قررت وزارة الصحة رفع اجورهم رسميا للضعف.. ارجوا ان يتم اخذ الموضوع بشكل جدي لتحسين اوضع الحاصلين على شهادات عليا في الوزارت
سوريا
-

2010-10-12 11:34:43
موفد وزارة
استفسار عاجل من اخونا مكيف
انا عندي استفسار ؟؟ شو بتقصد بحيلة ممكن تشرحلنا. يعني اذا انا دكتور ومهندس موظف بشي وزارة وراتبي 13 الف فما هي الحيل التي توصلت لها حضرتك -اكيد بعد خبرة طويلة- للحصول على ضعف او اضعاف الراتب يا ريت توضح وتفيد الجميع او اذا الموضوع غير قابل للنشر ممكن تضع ايميل ونراسلك لحتى تفهمنا كيف ممكن نحتال لنحصل على اضعاف راتبنا وشكرا على تعاونك
المانيا
-

2010-10-12 11:18:35
مهندس سوري
الى مكيف
يعني اذا انت عم تاخد تعويضات قدر راتبك فهاد الشي بيرجع للوزارة او المؤسسة يلي انت عم تشتغل فيها وبالتالي التعميم غلط في هيك حالات. بعدين مين قال انوا يلي معوا شهادة دكتوراه متل يلي معوا شهادة هندسة بس ياسيدي انا على راسي ريشة والدليل على ذلك انوا اذا رحت على اي دولة خليجية رح تحصل على راتب ضعف او ثلاثة اضعاف راتب مهندس عادي.
سوريا
-

2010-10-12 10:21:35
دكتور
رحم الله عبداً عرف حده فوقف عنده
هل تعرفون صفات الشعب العربي؟ لمن لا يعرف فليقرأ تعليقات المبسوطين براتب 13000 فقط ,هم مخلوقات تعيش على ماتقدمه الحياة لهم, يقدموا أسؤأ أولاد للمجتمع ,مخلوقات عالة على الكون, هل توجد عائلة بسورية تستطيع العيش بـ13000 ؟وتكون العيشة محترمة , إن كان يوجد فأنا أسف وإن كنت على حق فيرجى نشر التعليق
المانيا
-

2010-10-12 09:40:37
ضعف راتبك
شو باي وزارة هالراتب
13000+26000=39000مبين مظبط وضعك ع الاخر وبنعرف كم التعويضات بالوزارات الا في حال تكون مستلملك كم منصب مبين فهيم بعدة اختصاصات بالاضافة لاختصاصك؟؟؟؟؟؟؟؟؟؟؟؟؟
سورية
-

2010-10-12 01:26:38
قال تفرغ علمي
ارجو النشرر
هالحكي ياخي روح احكيه لدكااترة الجامعات شوف شو عمقدمووو لللطلاب زيادة عن البقية مو هدا شغل وهدا شغل كنا طلاب وكنا نشوف هالدكاترة شو قدمووو وحياتك بعد مازاد راتبون ساءة الامور اكتر صارو عميهتمو بالتجارة اكتر من العلم قال تفرغ علمي
قال تفرغ علمي
-

2010-10-12 00:11:22
مكيف
شو هل الحكي المغلوط لانسان يبدو بلا حيلة و بلا همة
حبيبي شو هل الحكي و اذا اخدت 13000 ليرة مو متلك متل هل الشعب و لا عا راسك ريشة. بعدين بتوقع من خلال نضالك العلمي فينك تحصل على اكتر من 13000 اذا كان نضالك نضال فعلي .و شو يعني اذا وقعت بتصغر. طبعا انا عم احكي و انا دكتور مهندس في احد الوزارات و لعلمك عم احصل على ضعف راتبي تعويضات ,, فهمي في اختصاصي.... لا تقعد تنق متل النسوان لو سمحت أرجو النشر وشكر
سوريا دمشق
-

2010-10-12 00:04:47
مكيف
شو هل الحكي المغلوط لانسان يبدو بلا حيلة و بلا همة
حبيبي شو هل الحكي و اذا اخدت 13000 ليرة مو متلك متل هل الشعب و لا عا راسك ريشة. بعدين بتوقع من خلال نضالك العلمي فينك تحصل على اكتر من 13000 اذا كان نضالك نضال فعلي. طبعا انا عم احكي و انا دكتور مهندس في احد الوزارات و لعلمك عم احصل على ضعف راتبي تعويضات ,, فهمي في اختصاصي.... أرجو النشر زشكرا 
سوريا دمشق
-

2010-10-11 14:23:56
كنا موفدين
كنا مبسوطين
نرجو من سيريا نيوز متابعة هذا الموضوع فهذا مايحدث في المؤسسات التي التحقنا فيها وهذا مايسبب هجرة حاملي الشهادات واصحاب الخبرات واستثمارها خارج الوطن,مما يؤدي الى عدم مواكبة ومتابعة التطوير
بلاد الحنين
-

2010-10-11 14:09:32
مقبل على الطفشان
بلد الطفشان
الغربة والطفشان أرحم من الذل في الوطن , من يستطيع أن يعيش ب 13000 ليرة مع عائلة وأولاد ,شو الفرق بيننا وبين زملائنا في الجامعات ,ليش رواتبهم أعلى ؟
طافش
-

 
خدمات
مواعيد التسجيل
مواعيد المحاضرات
مواعيد الامتحانات
نتائج الامتحانات