سيريانيوز :: اللاعب ميسي و شركات القطاع العام في سوريابقلممحسن بري

المساهمات في هذا الباب لاتعبر بالضرورة عن رأي المركز
اللاعب ميسي ..و شركات القطاع العام في سوريا ... بقلم : محسن بري	مساهمات القراء شارك
لمن لايعرف فان اللاعب ميسي هو لاعب كرة قدم ارجنتيني يلعب حاليا لفريق برشلونة الاسباني... سعره -حسب بورصة اللاعبين-300 مليون دولار... و لمن لايعرف الحساب هذا يساوي اكثر من 13 مليار ليرة سورية..اي اكثر من قيمة اكثر من شركة من شركات القطاع العام في سوريا. اولا انا برأيي هذا الرقم كبير جدا حتى للاعب اشبه بالمعجزة..و لكن لنفترض -على سبيل التسلية- اننا استبدلنا واحدة او اكثر من شركات القطاع العام في سوريا بهذا اللاعب (اي نبيع الشركة و نشتريه) فما هي المبررات و الفوائد التى تجعلنا نفعل ذلك ؟: 1- ان هذا اللاعب يرتفع سعره مع كل مباراة يلعبها على عكس شركات القطاع العام عندنا.. 2-ان هذا اللاعب يحقق اهدافه و اهداف فريقه..على عكس شركات... 3-انه يمتعنا بأدائه -سوا كنا نحبه ام لا...على عكس... 4-انه قادر على تحويل خسارة فرقه الى ربح في معظم المباريات التي يشارك فيها ..على عكس.... 5-رغم مستواه العالي جدا فانه ليس فوق الانتقاد -اذا اخطأ- من قبل اصغر صحافي في بلاده او البلاد التي يلعب بها ..على عكس... 6-ان هذا اللاعب رغم ان ثروته و دخله يتجاوز بعشرات -و ربما بمئات- المرات دخل مدربه ..الا انه يمتثل لأوامر المدرب لما فيه مصلحة الفريق ...على عكس... 7-انه متواضع ولا يدعى ما ليس فيه..على عكس... -القائمة بالمقارنات تطول و يمكنكم الاضافة اليها في التعليقات... وهنا السؤال : \"اليس من الافضل لنا ان نبيع بعض شركات القطاع العام عندنا و نشتري هذا اللاعب؟؟!!!! -كما قلت في البداية سؤالى هو على سبيل التسلية...فهل من مجيب و لو على سبيل التسلية؟ ملاحظة اخيرة: جميع لاعبى الكرة يؤمنون لدى شركات التأمين على استمراريتهم (قدرتهم على اللعب التي قد تتاثر او تنتهى بسبب الاصابة مثلا) و شركات التأمين لا ترفع قيمة الـتأمين بسبب \"كثرة الحرائق\" لديهم..!!! و فهمكم كفاية.
	2010-05-09 23:00:43
شاركنا على مواقع التواصل الاجتماعي:

المواضيع المتعلقة	طباعة المقال	ارسل الموضوع الى صديق	شارك بالتعليق

عبدالله خطيب2011-03-03 21:32:06

1222

يا شباب انتو ليش هيك بتحطمو آمال الواحد يعني خلينا نحس بيوم عنا فريق ... بس بتعرفو .... جد هاللاعب معجزة بمعنى الكلمة وأنا شخصياااا برشاوي ...

سوريا

رياضي متمكن2010-05-10 13:03:33

بصراحة

انا خايف تجيبو الفرق الحمصية وتحطو عل احتياط على طول !!!!

-سوريا

مختار جامعة البعث(مرهف)2010-05-10 12:47:32

حلوووووووة لميس

هههههههههههههه والله بظن لا تعليق بعد تعليق لميس بس حلوة هي لميس عم تعلق على موضوع ميسي ..... كانو في مشترك بينهم ... انا برايي نفرح فيكم

سوريا

walking disaster2010-05-10 12:26:12

الله يسامحك يا كاتب المقال

ميسي بيقدرو يعملو عليه مناقصات او استدراج عروض؟ميسي بيقدرو يتلفوه ويقولو ماس كهربائي؟بيقدرو يحكو معو ويقلولو بدنا نشتريك بالمبلغ الفلاني المصرح به وفعليا بدنا ناخد نصو؟بيقدرو باسمو يعملو طلبات ولجان شراء؟ بيقدرو عن طريق ميسي يحافظو عكراسيهن بالاتحاد الرياضي؟رح يرضو اذا جابو ميسي حدا من المسؤولين؟بيقدرو يحفرو ويزفتو ميسي كل يومين ؟بيقدرو يطلبو صيانة ميسي وترميمو كل فترة؟لما بكون جواب الاسئلة السابقة هوي اي ...ساعتا تاكد تمام انو ببيعو البلد كلها وبجيبو ميسي

سوريا

سوري مقهور2010-05-10 09:38:37

اه يا نيالى ونيال اولادي من بعدي

ليش لتجيبوا هيك لاعب لفرقنا عنا فرق بتاخذ بطولة الدوري ب6 مباريات بشرط انه الحكام يكونوا حصرا سورين اما اذا كان الحكام اسيوين فمالنا خبزة بنطلع فورا - سلامات لحسن سويد

-سوريا

شامي معتق2010-05-10 09:26:04

جميلة ... الفكرة جميلة

شكرا على هالفكرة الجميلة،كلامك مزبوط تماما،ميسي أحسن من تلات أرباع هالمؤسسات الخسرانة عنا،بس وين الفكرة اني بظن انو ميسي من أول لحظة رح ينزل عنا رح يصير معو إكتئاب وإحباط نفسي وتلبك معوي،وإنعدام مستوى وهشاشة أداء وإلى آخره،يعني رح نقضي عليه على التمام،فمعلش خليه مع برشلونة عم يلعب وننبسط بلعبو أحسن مايجي مع فريقنا السوري ويصير على الإحتياطي لأنو مامعو واسطة.... ههههه .... بذكر حلقة مرايا لما جابو اللعيب المحترف شاكازولو وصار مع الاحتياطي.....

-سوريا

لميس2010-05-10 01:14:49

حرام

إذا اشتريناه لصالح فرقنا ما رح يعود له أي قيمة لأنو من أول يوم رح يتحول للاعب فاشل يائس ورح تنزل قيمتو ويتدنى مستوى لعبو ويصير ممل وهوي كمان يمل فحرام تظلموه وتظلمونا لكن كان الافضل تقول شو رايك نادي برشلونة يشتري افشل لاعب عنا وشوفو كيف رح يصير

-سوريا