syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
المسحراتية في رمضان، قبل الفجر مسحراتية وبعد الظهر إزعاج وأشبه بتسول
المسائية

سكان الأحياء: تجوال المسحراتية خلال رمضان نهاراً، تسول وإزعاج

أحد مخاتير الأحياء: هذه الظاهر تعد على مهنة المسحر، ولا توجد قوانين تمنعها

اعتاد الناس على رؤية "المسحر" أو سماع صوت "طبلته" وقت السحور قبل أذان الفجر، لإيقاظهم من نومهم، وفي المقابل انتقد الناس ظاهرة جديدة وهي تجوال " المسحراتية" قبل الإفطار من دون مبرر، بشكل وصفه البعض بالتسول على حلّة جديدة، ووصفه البعض الآخر بالإزعاج المتعمد، ومن ناحية أخرى وجد فيه أحد المخاتير الذين يقومون بإعطاء الموافقات "للمسحراتية" بالتعد علي على مهنة "المسحراتي".


نطلب الإكرامية بالطرق على الأبواب أو بالجلوس على الأرصفة وسؤال المارة

والتقت سيريانيوز بعض المسحراتية الذين يتجولون في وقت الظهيرة، ومنهم كان محمود الذي قال " أتجول مع أخي وابن أختي يومياً بعد صلاة الظهر، وذلك لطلب الإكرامية من سكان المنطقة، كمقابل لإيقاظهم يومياً على السحور".

وأكمل محمود" قسمنا البيوت إلى أقسام فالبيوت التي سألناها عن إكرامية لن نعود إليها حتى العيد، فالعيدية  منفصلة عن الإكرامية،" وأضاف "عند شعورنا بالتعب نجلس على الأرصفة ونسأل المارة على إكرامية".

وعن ظروف العمل  و يومية محمود وأقربائه، قال محمود " احصل يومياً على ما يقارب 500 ليرة، وهذا يقارب ما يحصل عليه أخي وابن أختي، إضافةً للمعونات الأخرى مثل البيض والحليب والخبز وغير ذلك".

وطالب محمود بأن يكون هناك تنظيم للمسحراتية في جميع المناطق، فـ 25 مسحر في المنطقة التي يعمل بها يؤدي بحسب قوله " إلى أخذ أغلب رزقه من الناس، ونفور الناس من المسحراتية" مشدداً على انه" مسحر نظامي" حاملاً جميع الأوراق المطلوبة ، وقال " طالبت المختار أكثر من مرة بأن يكشف المسحراتية المحتالين، ليمنعهم من مزاحمتنا وأخذ رزقنا، لكن من دون فائدة".

أما نوري 17 عاماً وهو أخ محمود، فقال " توارثت المهنة عن أخي محمود وأخي الأكبر، ولا داعي للموافقات بهذا الموضوع، لأني من أصحاب الخبرة ، وهذه ليست أول مرة لأعمل بها كمسحر، بالإضافة إلى أن سنّي لا يسمح لي بالحصول على هذه الموافقة".

وأضاف" نطرق الأبواب سائلين عن رزقنا، من دون أي إزعاج، أو نجلس على الأرصفة صامتين فيتقدم الناس إلينا بالمعونة من دون سؤال في بعض الأحيان، فمنهم من يتقدم بالمال ومنهم من يتقدم بالطعام والشراب".

ومن جهة محمد 13 عاماً الغير متقن للغة العربية جيداً، وهو أحد المسحراتية في ذات منطقة محمود ومن أقربائه قال " ورثت المهنة عن جدي وأبي، وأنا أساعد خالي في الضرب على الطبلة والتجوال معه في وقت الظهيرة فقط".

 

المسحراتية في النهار إزعاج وتسول واستغلال للأخلاقي في هذا الشهر.

وعبر الكثير من الناس عن استيائهم حول هذه الظاهرة حيث قال مرعي 43" هذه المرة الأولى التي أشهد بها هذا المنظر، فلم اعتد على رؤية المسحر وقت الظهيرة"وتابع" هذا الوقت مخصص للقيلولة أو الراحة من عناء يوم متعب في العمل وخاصة تعب الصيام، فلن نلبث أن نرتاح حتى يأتي المسحر بطبلته وصوته لإزعاجنا".

ومن جهته وجد أيمن 35 عاماً بهذه الظاهرة أنها " تسول بشكل جديد تحت ستار التقاليد، بالإضافة إلى أنها استغلال لأخلاق ودين الناس  في هذا الشهر الفضيل" وأضاف حتى أن تواجد " المسحراتية نهاراً على أطراف الشوارع مزعجة للبصر، فأعدادهم في المنطقة الواحدة تجاوزت العشرات، فلم نعد نميز الصادق من المتسول منهم".

والتقت سيريانيوز مختار أحد الأحياء محمود زين ، المسؤول عن إعطاء الموافقات "للمسحراتية" في منطقته والذي شرح لنا آلية القبول، قائلاً إنه " يتقدم المسحراتي بطلب إلى البلدية للعمل ليلاً كمسحراتي في حي ما، بالإضافة إلى حصوله على ثقة أهالي الحي الذين ينتخبون منهم لجنة تقوم بالموافقة على دخول هذا المسحر إلى حارتها أو منعه، أي أن كل ما يتطلبه الأمر هو السمعة الطيبة في الحي والصحة الجسدية ولا توجد ضوابط أخرى".

 

جمع  المسحراتية للإكرامية ظهراً وعصراً في رمضان مرفوض عرفاً ومثير للشبهة.

وعن المسحراتية المتعدين على المهنة والمتجولين في النهار  قال زين" في حال وجود شخص غير مسجل بطلب رسمي فمن الطبيعي أن ينشأ خلاف بينه وبين المسحراتي الرسمي ولكن لا يوجد قانون يمنعه عن ذلك، والموضوع ينتهي من الشرطة بالتهديد وأخذ تعهد من الشخص الدخيل بعدم الرجوع إلى مثل هذا العمل إلا بموافقة رسمية، وتعد هذه العملية تعد على مهنة المسحراتي ".

وحول جمع الإكرامية ظهراً في رمضان أكمل زين، إنه "عادةً يقتصر طلب المسحراتية على العيدية  في الأيام الثلاث الأخيرة من رمضان ومن بعد صلاة المغرب حتى العودة من صلاة التراويح أو في صباح أول أيام العيد أما موضوع جباية الإكرامية ظهراً وعصراً  وفي غير هذه الأيام فهو أمر مرفوض عرفاً ومثير للشبهة والريبة".

حازم عوض- حسام قدورة-سيريانيوز


2009-09-17 22:24:22
شاركنا على مواقع التواصل الاجتماعي:



شارك بالتعليق
Firas2009-09-19 14:08:28
تسول مقنع
لم أكن أتوقع أن المسحر يأخذ موافقة من مختار أو غيره و قد استغربت ذلك و كأننا نعطي تصريح لمتسول بالتسول. فما المبرر في هذه الأيام لوجود مسحر سوى كونها تنفيعة لشحاذ وقح يعتقد أن له حق عندك.
سوريا
تميم2009-09-19 08:17:42
حاجة بقا
والله شي بطقق, يعني المسحراتي بوقف قدام البناية الساعة 3 و بتم يصرعنا شي 5 دقايق و بعدين بروح على الجهة الشرقية , بعدين على الجهة الغربية و الشمالية و الجنوبية بعدين بروح و بيرجع الساعة 4 , يعني مصر انو يفيق كل الحارة , يا اخي في اطفال , مسنين و مرضى , يعني يا اخي والله بلاها هالقصة , ما عاد الها طعمة , اللي بدو بفيق على السحور يعيير المنبه و خلصنا بقا
سوريا
سويدي فحل2009-09-19 01:32:05
الحكي كلو بالسليم
أنا مع المعلقين 100% بايقاف المسحراتي و يلي عم يقول عم تتفلسف و هالكلام كلو الظاهر يا عيوني انت مالك علقان مع شي واحد منن سبحان الله على الصدفة انا رجعت اخر 10 ايام للأهل و مالي عرفان كل هاشغلات مبارح شي الساعة 9 اندق الباب طلع المسحراتي بدو اكرامية عطيتو 100 ليرة و عطاني نظرة تبع بس هيك يا شحاد يا بخيل ! لك كلي ما سمعت ازعاجك و متضايق كمان! و يلي عم يقول أنو الأوروبين بيحبو هيك شي و الله بالسويد ما يمشي هيك واحد بالشارع ليدقو فيه الدوريات بالليل لأنو هاد الازعاج ب عينو
-السويد
مجد2009-09-18 20:23:10
عادة يجب الغائها
لا فائدة من المسحراتي سوى الازعاج
-سوريا
حمدان2009-09-18 19:03:52
يلي عم يتفلسف
روحو شوفو غير دول كيف بدورو على واحد محتاج مشان يعطوهم من خير الله ..مع انو ما معو ياكل ...بعدين وقفت عالمسحراتي ما هوة كل موظف متلو متل المسحراتي .بعدين ازا كنت فرحان بحالك قاعد عالنت في ناس ما عندها تاكل ..و عتم تقول موبايلات و مدري شو ...
-سوريا
dr.bassam al-khouri2009-09-18 17:47:23
to rami
لايوجد أحد ضد مسحراتي مزوق صوته جميل وطبله صغير ويقوم بعمله تبرعا ويقبل الهدية أوالتبرع مهما كان ضئيل ...نحن ضد المسحراتي الأزعر الشاب الذي يقرع الأبواب بوقاحة ولايرضى بعيدية بسيطة حسب قدرة رب المنزل ...وكذلك عامل القمامة ....فأصبح العيد مصدر إزعاج ...فلماذا لايتم التبرع للمسحراتي بباب الجامع مثلا صباح العيد ...وهناك فرق بين مسحراتي أيام زمان وبين شحاذ اليوم بصفة مسحراتي ...
-سوريا
Bibo2009-09-18 17:40:55
عادة سيئة
المسحر عادة سيئة ومزعجة جدا جدا جدايرجى من الجهات المسؤولة الغاء هذه العادة. يوجد الآن مئة وسيلة لكي نستيقظ على السحور
-سوريا
عمار2009-09-18 17:03:50
إن من الدين منع هذه الظاهرة
المسحراتي القديم كان يوقظ الناس بنعومة لاقتراب البيوت من بعضها و هو من نفس الحارة و هو أفقر من في الحارة اليوم الموضوع غير مطلوب و غير مقبول و الأصل الشرعي أن المؤذن يؤذن بصوت رقيق قبل الفجر بمدة معقولة و انتهى الموضوع و لم يكن زمن الرسول عليه السلام و لا عصر التابعين أي مسحر و إنما هذه الظاهرة كانت محلية في بعض القرى و المدن و هي من عمرها ظاهرة تسول أنا متدين و أعرف الحق و لا يقل أحد أني أعادي ظاهرة دينية المسحراتي ليس من الدين و منع هذه الظاهرة هو الدين نتمنى اهتمام المسؤولين
-سوريا
ram2009-09-18 16:49:19
فصحنة
يعني بس بدي اعرف من المعلقين الي عم يتفاصحو شو رأيكون كمان تلغو الآ ذان مشان تنامو وتشبعو نوم كمان الآذان عند الفجر مشان الله يعني بس ما تكونو عم تتدايئو من صوت المؤذن وبدكون يلغوه بالمرة ويصير يأذن الفجر والضهر مع بعض لك يا جماعة يمكن يكون الامر مزعج بس هو شهر بالسنة حلاوتو بالمسحراتي والحكواتي والسهر انتو عندكون بالطبلة بيفيئكون نحنا عنا بالتنكةومع هيك مبسوطين لا تلغو عادات وتقاليد البلد مشان كم واحد فرحانين بموبايلاتون فيها منبه في ناس ما عندها حئ رغيف الخبزاللهم ثبت علينا العقل
-سوريا
وداعا رمضان2009-09-18 16:14:09
لهذه الدرجة صارت الناس تضوج من بعضها
يعني شو فيها لو المسحراتي ايقظك على السحور ليش اللي قبلنا ما كانو يملو من المسحراتي بالعكس الجيل اللي قبلنا ما كن يحتاج للمسحراتي لانو جيل نشيط المسحراتي وقت بفيقك على السحو مو متل وقت الموبايل بفيقك شو ضل شي من عادات اجدانا و تقليدنا غير كم شغلة ليش بدكون تمحو كل هاي الامور الشعبية الحلوة الاجنبي بجي سوريا بس ليشوف الحكواتي و المسحراتي مفكرين تبني افكار الغرب رح يغير من شخصك بالعكي خليك متل ما انت نحن اصحاب حضارة الغرب يحسدنا عليها سوريا بعد من الدول اقليلة المحافظة على هويتها و عادات
-سوريا
dr.bassam al-khouri2009-09-18 15:47:00
وانطبق عليه مثل شحاد ومشارط .
مرة كنت عند السفارة الألمانية 2002 ومر شحاد عطيتو 10 ليرات فأكلت بهدلة منو ما بنساها وهربت هريبي من لسانو ... وانطبق عليه مثل شحاد ومشارط . ..نفس الشيء يلي بيجلغمولك سيارتك بمياه نهر ئليط ما بيعجبهم 50 ليرة ...وأنا متأكد لو أعطيتموه للمسحراتي 25 ليرة فسيبهدلكم ..كذلك بائع الخضار والغاز والمحارم والمياه والبطيخ أوملابس عتيقة للبيع ...كلهم معهم مكبر بيصرع صرع ...واسترجي وفتاح تمك يا بتاكل سكين يابتاكل بهدلة
-سوريا
نادر2009-09-18 15:26:58
عادة قديمة وبشعة
يعني كل هالغلاظة ماالها طعمة كل واحد صار عندو موبايل وبيقدر يفيقو ايمت ما بدو , وبلاها هالمسخرة وقلة الزوق , من اناس اشك انهون صايمين من اساسو.
سوريا
abuyousef2009-09-18 15:07:24
يشغل مخو شوي
هو يكتر خيرو المسحر عم يفيق العالم بالطبلة بس الدق على الابواب مو ضروري يعني مثلا انا بستغرب ليش بدق عليي كل يوم مع اني بكون فايق ومشغل الضو يعني مبين تماما اني فايق طيب ليش ليدق الجرس والباب منشان يفيق اهلي كلهن يعني انا بضل فايق منشان مايدق علينا ومابستفيد شي بكل الاحوال هانت هي خلص رمضان وصرنا منشبع نوم
-سوريا
dr.bassam al-khouri2009-09-18 14:57:52
كفانا تصرف كالنعامة بدفن رأسنا بالتراب
المشكلة أكبر من هيك والإعلام لايريد الحديث عنها فهناك 65 ألف عائلة منكوبة تركت بيوتها وتوزعت على المدن السورية بدون عمل وبدون مال أي حوالي 300 ألف الى نصف مليون سوري ...لماذا لاتقوم الفضائيات بتخصيص يوم لحملة تبرعات لأجلهم وشرح ظروفهم وإقتراح الحلول لإعادتهم لقراهم ..كفانا تصرف كالنعامة بدفن رأسنا بالتراب
-سوريا
Coucou2009-09-18 14:40:49
كل شي غصب
ليش يكون موضوع الاستيقاظ عالسحور موضوع إجباري ومفروض عالكل، إجباري لأنو ما حدا بيمر من جنب بيتو المسحر وبينكسر بابو وهو عم يندق بمفتاح رنش وبيقدر يضل نايم. ليش ما يكون الموضوع إرادي من خلال منبه موجود بكل بيت وبالعشرات، لما بلشت هالظاهرة ما كان في اختراع اسمو منبه وموبايل وتلفون ثابت ببتعير. الغريب بالموضوع، أنو كل الشعوب العربية بتطالب بالديمقراطية وهي ما عندها حس الديمقراطية حتى بأتفه الأمور، يعني الفيقة غصب وللكل والشاطر يعترض حتى نقول عنو كافر وكل الحارة تبطل تحكي معو ويعادوه، الله كريم
-فرنسا
محمود2009-09-18 14:34:45
المسحراتية ازعاج في النهار والليل
هل من المعقول أن يدور المسحراتي قبل 3 ساعات من الفجر وازعاج الناس - المسحراتي وجد في زمان سابق لعدم توافر المنبهات فهناك مبرر ضروري لوجوده أما في زماننا فكل بيت يوجد فيه العديد من أجهزة المنبه والموابايل فلا حاجة لوجوده - هناك بعض المسحراتية تستخدم الطبوط التي تستخدم في المسيرات وهذه قمة الإزعاج ويقوم بالدخول الى لأبنية لمزيد من الإزعاج- نطلب من السلطات منع المسحراتية في العام القادم لأن المسحراتية في عصرنا ليست عادات وتقاليد وتراث إنما رزالة وازعاج وشكرا
سوريا
خالد الأحمد2009-09-18 14:27:09
و الله عيب
يا جماعة هي عادة قميئة واشبه بجمع الخوة مع الازعاج كمان , يلي بدو يفيق عالسحور مو لازمو حدا يفيقو شو هالتخلف ناقصنا كمان
-سوريا
صايم الدهر2009-09-18 13:32:57
شحادة بشحادة
إذا كان الموضوع موضوع تسول، الزبال عم يشحد، والولد عم يشحد، واللي عين حاله "فاليه" ليصف السيارات عم يشحد. شي بقرف.
سوريا
fidodido2009-09-18 13:31:35
يا نايم
يعني وقفت على المسحر كل شي ببلدك عم يسلخ منك اكرامية اجبارية. عمو الشرطي وعمو الموظف وعمو المسؤول وعمو الزبال وعمو جابي الكهربا والتلفون والمياه وووووووووووووووووووووووووووووو ويا نايم وحد الدايم
-سوريا
الشركسي2009-09-18 12:33:42
واما السائل فلا تنهر
لك يا اخي اعتبروها لله الله باعتلك شخص يعطيكن حسنات بتكبوها انتو مشان كم ليرة بعدين هل عادات الحلوة بتجنن شوفو غير بلاد انقرضت عندت لك بعدين كلها شهر مو مستاهلة تعملو قصة من وراها انا بشوف انو احلى شي برمضان المسحر وطبلتو بعدين ما حدا عم بنام للصبح انتو وعالتلفزيون هلا هوه المسكين اللي زعجتكن طبلتو واخي اذا دق بابكن اللي عندك عطيه واذا ما عندك عطيه رغيف خبز واما السائل فلا تنهررررررررررررررررررررر يا جماعة لازم كلنا نرجع لدينا ونرجع لله وشكرا
-سوريا
عمر2009-09-18 12:34:26
مافي خلاص
انا برايي يلغو مهنة المسحراتي من اساسو اللي بدو يفيق يتسحر في منبه بيسيقظ عليه يعتي مش معقول نتمسك بمهنة لمجرد انو توارثناها من مئات السنين ..عيب والله خلينا نتطور شوي ونشوف العالم وين صار وبعدنا منتمسك بتقاليد بالية وتانيا كتير مزعج صوت الطبلة وصوت المسحراتي بوقت الفجر يمكن يكون في ناس مريضين واطفال نايمين ..تطوروا وتحضروا ياجماعة لانو القطار مابيستنى احد
-سوريا
مليحاوي2009-09-18 12:14:58
إذاعة
أنا معك أخ عماد, بس الشي يللي فغلا بيئهر أنو بياع المي, أو بالأحرى أفواج بياعين المي كل و احد منهن بيسابئ التاني مين إذاعته صوتها أقوى, أما بياع الغاز فبينزل خبط بالمفتاح الإنكليزي على قناني الغاز, و بياع الخضرة و الفواكه كمان بيتبارى مع بياعين المي مين إذاعته أقوى, و مين بيخترق الجدران بضجيجه. يعني لو سكرت كل البواب و الشبابيك, و خبيت حالك بأقصى بيتك, بيضللو الصوت بقوة 90 ديسيبل.. و الحكومة مطنشة.. على أولة فخار يكسر بعضو (يعني لحنا و المزعجين)
-سوريا
عماد2009-09-18 10:49:39
الظاهرة أصبحت مزعجة
أن لا أعرف لماذا أصلا تعطى الرخصة هذه المهنة أصبحت فرصة للتسول وللازعاج نحن الان في القرن الواحد وعشرين ويجب على الدولة منع هؤلا الناس من استغلال الشهر . ومن جهة أخرى هناك ظاهرة الباعة المتجولون ضمن الأحياء من الساعة السابعة صباحا يصل بائع مياه بقين بصوته الرداح ويليه بائع الغاز ثم يليه بائعي الخضار و هلم جر أقترح أن يكون في كل تجمع أحياء ساحة للباعة المتجولين وأن تكون مجانا لهم وتحت مراقبة وزارة الصحة حيث يكو المظهر حضاري
-سوريا
dr bassam khoury2009-09-18 10:26:43
عدد المسحرين إرتفع هذا العام بشكل خاص
يبدو أن عدد المسحرين إرتفع هذا العام بشكل خاص وهي بشكل عام تسول غير مباشر وربما سببه موجة الجفاف بشمال شرق سوريا وقيام 60 ألف بالهجرة الداخلية للبحث عن عمل أو للتسول الإضطراري بحال عدم عمل ...
-سوريا
مسحراتي متقاعد2009-09-18 09:41:50
انتهى زمن المسحراتي
يجب أن نعترف أنه انتهى زمن المسحراتي بسبب المنبهات والموبايلات فكها تنبه على وقت السحور ، وهؤلاء اللي كل خمس دقايق واحد بيدق الباب ويقول مسحراتي عبارة عن لصوص متسولين متاجرين بالدين ومتاجرين برمضان ، لكن شو هالمسحراتي قال عمره 17 وعنده خبرة متوارثها ، أتمنى من كل الناس عدم إعطائهم أي شي لأنهم متاجرين بالدين ومسيئين لقيم جميلة قديمة، المسحراتي زمان كان يعرف أهل الحارة فرد فرد ، هلق بيدق باب المسيحي بدو إكرامية؟
-سوريا
سوري1232009-09-18 09:42:51
تسول لكن شو
يعني إذا الواحد بقييم سلوك السوق بسورية أثناء شهر رمضان بشوف إرتفاع أسعار و زيادة أستهلاك و عدم انتاج و قلة معروض. وكل رمضان سنة ورا سنة يتزايد عدد الذين يريدون أن يعملو مسحراتية و ذلك للتسول و لانها اسهل طريقة لكسب العيش. 
-سوريا
fadi2009-09-18 09:35:31
أصلا ازعاج بالنهار و بالليل
المسحراتي خلص دوره من 20 سنة . كل الناس عندها ساعة و تفيق بالوقت اللي يناسبها. بيجي المسحراتي بيجعر تجعير و بيخبط على طبلة بيفيق الأولاد الصغار و الناس اللي أصلا ما بدها تفيق بهاوقت لازم الشرطة تمنع هالظاهرة
سوريا
عصام2009-09-18 09:02:32
مسحراتي في اليابان
يا مسحراتية، ويامخاتير وياعالم هذه المهنة صارت فعلا مهنة تسول لأن في بيت كل واحد مننا راديو وتلفزيون و٣ساعات و٤ موبايلات كلها فيها منبهات عدا عن الجيران أو الأولاد الذين يطيلون السهر... أو مكروفونات المساجد.. يعني مين عاد بدو مسحراتي خصوصا أنه إن صدق، فهو يأتي قبل السحور بساعتين! يعني إزعاج يا زوق! كفانا تراث وتلبسة وقولوا بدنا فلوس عيني عينك أحسن ولا خلاص التراث واقف على شوية بلطجية بصيروا بقدرة قادر مسحراتية في رمضان.....
إيران
مواطن2009-09-18 08:41:36
إزعاج وإحراج
إي والله هاداك اليوم دخل المسحر على بنايتنا وقت العصر وضل يضرب على التنكة ويقرقع لحتى فيق كل مين كان عم يرتاح وأزعج المرضى، يعني كنت مشتهي قوم اطردو من البناية لحتى يحرم يزعج غيرنا بس المشكلة إنو بتشفق عليه وبتقول إنو الفقر والجهل هو اللي عم يخليه يتصرف هيك.
-سوريا
الحور العتيق2009-09-18 06:36:12
شوفو الصورة
مو بس المسحر موجود بالمكان الغلط وبالوقت الغلط، شوفو بالصورة السيارة وين واقفة فوق الرصيف..يا ناموسة وينك وينك.
-سوريا
ابن سوريا2009-09-18 05:46:30
مابعرف
إنو السحور قبل الفجر ولكن وقت الظهيرة ليش المسحراتي يضرب طبلته رجاء جاوبوني
-سوريا
أبو الوفـــا2009-09-18 05:29:22
شو هالحكي ؟
يعني بس بدي افهم ليش اخترعو الساعات المنبهة ؟ والجوالات ؟ فعلا الأجانب مابيفهمو وكيف عم تقولو مهنة المسحراتي ؟ وبعدها تقولو إكرامية انا بعرف ان المهنة بتجيب راتب مو اكرامية يا اسيادنا هي شحادة والله بتقرف وكلنا بنعرف مين المسحراتي كلهن حميماتية ومناظرهم مجرمين . لاحد يدفع الهن فلوس قلعوهن لتبطل هي العادة السخيفة من وطنا
-سوريا
I-nee2009-09-18 05:26:16
شكراً سيريانيوز
شكراً لطرح هذه المشكلة التي تسبب لنا الكثير من الإزعاج.... المسحراتي في عصرنا الحديث لا فائدة منه على الإطلاق... فأنا أسكن بشقة في طابق مرتفع, فكيف له أن يوقظني؟ فالأفضل لي أن أستعمل المنبه... كما أن أغلبهم لا يترك باب الشقة الا وقد قبض ما تيسر له, بالرغم من أن أي عمل آخر أنفع و أشرف له.... و أنا أشارك من قال بأنها نوع (مؤنق) من الشحادة... و شكراً
-سوريا
طبيب جراح2009-09-18 03:34:58
لازم الناس تنسق هلمصصلحة يلي صايرة كار شحاذة
أصلا المسحراتي لا يوقظ إلا نفسه, فمع توسع العمران والبنايات العالية يكاد صوته لا يسمع - و 99.9 % من الناس يستيقظون على رنة المنبه أو على الموبايل, يعني الشغلة من أساسها سلبطة و شحادة بطريقة فلكلورية, سواء كان برخصة أو بدون رخصة , يا عيني شي حلو والله - يعني هل فصعون بيقبض باليوم 500 ليرة وأنا اختصاصي و درست فوق الطب 7 سنوات و آخذ راتب من الدولة 12000 اذا قسمتها على 26 يوم بيطلع 461 ليرة - يعني المسحراتي بياخذ أكثر مني (هذا اذا كان صادق في بياناته الضريبية (على فكرة كمان بيخصموا ضريبة راتب مني)
-سوريا
صايمة2009-09-18 03:02:44
أبشع ظاهرة
موضوع هام جدا شكرا سيريا نيوز ولو انكم تأخرتوا شوي،هذا الأمر بدأ بحارتنا من أول يوم برمضان ازعاج ما بعده ازعاج ومن يسحر هو واحد أما من يتسول نهارا ويدق بابنا مرات ومرات هم أربعةأو خمسة وحتى طريقة قرع الطبلة في السحور مزعجة للغاية وواضح أن الشخص غير محترف، حتى أنه اليوم بالذات أحدالجيران علق خناقة معتبرة مع أحد المزعجين يعني المسحرين ووصلت الشتائم لمستويات غير رمضانية..ثم أي رزق هذا الذي يتكلمون عنه؟؟ما فهمت كيف يتم استغلال الدين ورمضان الفضيل بهذا الشكل كل شيء شوهوه بذريعة رمضانشهر العبادة
-سوريا
مستغرب2009-09-18 02:23:06
لا تشجعوا التسول
ان وجود المسحر لم يعد ضروريا فكل الناس بتفيق على المنبه وهي عبارة عن تسول ولازم الناس ما تشجعن هم عبارة عن متسولي. في رمضان يسمون أنفسهم مسحراتية وبس يخلص بيلاقولن اسم تاني.
-سوريا
مازن2009-09-18 02:02:53
شو هل المسخرة
يعني يلي بدي افهمو لشو هل المسحراتية وهل الازعاج يا عمي خلصونا بئا من هل القصة لسا مسحراتية ومدري شو يعني اذا واحد بدو يفيئ صار في منبة وميت قصة لتفيئو بعيدا عن الازعاجات وطبلات المسحر واذا هل الشغلة معتبرينا تراث بلاها يا سيدي ما بدنا هل التراث كلو خليون ياخدو معون والغريب انو في موافقات بلنسبة للمسحر عند المختار يعني بدون يعملو شغلة رسمية لازم تنمنع هل الضاهرة والدولة توقفا لانو ما عاد ئلها مبرر
-سوريا
واحد عايف حالو2009-09-18 01:38:44
فيقني من النوم لاعطيك مصاري بالمقابل
يعني في حدا ما عندو ساعة منبهة حقها بالكتير شي 100 ليرة وصوتها بوصل عاليابان من كتر مو قوي وشبدنا بالمسحر من الاساس يروح يلاقي شغلة تانية تقدم مردود حقيقي للمجتمع ال شو واحد شغلتو وعملتو يفيق الناس من النوم شو هل الاختراع يعني ؟؟؟؟؟؟؟؟؟؟؟؟؟؟؟؟؟؟
-سوريا