syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
المساهمات في هذا الباب لاتعبر بالضرورة عن رأي المركز
شو الطريقة المناسب حتى يصير عندنا بيت ؟؟!!! .. بقلم ريهاب
مساهمات القراء

 شغل وعم نشتغل .... قرض وصعب نسحب لشروطه المجحفة  من انتهاء الخدمة العسكرية لوجود كفيل وخلافه..... دين ما في حدا يدين حق بيت ولا نص حق بيت ....

جمعيات اشتركنا و ما في أمل يحفروا حفرة البيت ..... !!!


مو صار لازم الحكومة تدخل شوي حتى تحللنا مشكلة السكن إلنا نحن الشباب ..

خصيصاً إنه وقت تم طرح الاكتتاب من كم سنة على  بيوت شباب و إسكان ما كنا بعمر الزواج أو الخطبة أو تأسيس عائلة...

أو على الأقل تدخل الحكومة حتى الشركات يلي ناصبة علينا و ع أساس تسلمنا بيت بعد سنة من توقيع عقدنا معهم ( طبعا أنا بشكل شخصي مو موقع عقد مع أي شركة بس اخواتي مساكين )  ترجع لنا مصارينا إذا ما بدها تسلمنا بيوتنا..........

إذا في عند أي شخص طريقة مناسبة صحيحة وشريفة للحصول على بيت يا ريت يدلنا عليها....

 


2010-09-26 00:50:11
شاركنا على مواقع التواصل الاجتماعي:



شارك بالتعليق
شاب من هالشباب 2010-09-28 09:27:09
أعمل أكثر من 12 ساعة
يا شباب انا بشتغل اكتر من 12 ساعة و نادر ما أخود إجازة يعني الي سنتين ما بتذكر حالي أخدة يوم إجازة و بصراحة إلي بشتغل 6 سنين بعد ما تخرجت و عمحاول وفر ووفر ووفر وصارت بخيل لدرجة انا كرهت حالي و مع هيك لسا بدي 10 سنين عمل بنفس الوتيرة لحتى يمكن يمكن ها إاقدر إشتري بيت و عالأغلب ما رح أققدر لان بعد 16 سنة شغل بكون صار حق البيت 3 أضعاف هلاء على اقل تقدير و يا بلحق اشتري بيت يا ما بلحق و زواج ما حدى بيعطيني ماعندي بيت و هي عيشة هي ؟؟ صرت أهرب للشغل حتى ما فكر ابدا ابدا يعني اريح لراسي
-سوريا
منار2010-09-28 07:58:25
الاغتراب مو هو الحل
نحنا مغرتبين واهلنا مغتربين وأصحابنا كلهم مغتربين، معدل الحصول على بيت هو قبل عشر سنين على الأقل. في ناس مشي حالهم بعد خمسة وفي ناس لسا لهلق ما حصلو شي! أحسن شي انو يتم الحصول على قرض جماعي من البنك بناءا على دراسة واقعية لتكلفة البناء مع وجود الأرض وتقوم الحكومة بضمان هذا القرض، وذلك لبناء العمارة ومن ثم يتم التسديد للبنك بشكل ميسر على مدة عشر إلى 15 سنة.
-السعودية
مجهولة2010-09-27 16:07:54
لا حول ولا قوة إلا بالله
بدها لا حولا ولا قوة إلا بالله
-سوريا
الموغارب2010-09-26 22:19:30
ليش الرواتب تمام
انا مغترب سألت واحد كان سارق من الحكومة 2 مليون ومقسطتلو ياهم وراتبو 100 ل س وعندو مازدا 3 من اين قال من راتبي رقوني بالشغل واستلمت محل مهم مسؤل عن مسلخ والراتب كتير منيح
-سوريا
ميسون 2010-09-26 21:29:47
أصدقك القول ودون أي تنظير
بدأنا من تحت الصفر وبفضل الصبر على المال الحلال فقط ومشاكسة النفس لرد لقمة الحرام التي كانت سهلة ومتوفرة للغاية لدرجة أنني وزوجي كنا نصل لنصف الشهر وليس معنا ما يسد الرمق دون أن يحس بنا أقرب الناس ودون أن نذل أنفسنا إلا للخالق بالدعاء الخالص لوجهه والأهم من هذا وذاك أننا لم نكن نحسد أي مخلوق على وجه الأرض على ما أعطاه له الخالق بل وبكل صدق يا أخي كنت أدعو دائما (اللهم ارزق العالمين وارزقني بارك لهم بما رزقتهم ولا تجعلني من الحاسدين )هذه تجربة شخصية وبكل صدق أقول إن فرج الخالق أدهشني .....
-سوريا
موطن درجة ثالثة 2010-09-26 18:08:59
طلبك بسيط
شباب انتا بتعرف الامارات كانت صحراء ب1990 وانتا بتعرف الامارت من 3 سنين احتفلت باخر امارتي مستاجر وصار الكل بيملك بيوت بس يكون متزوج وانو اليابان ما في اشارت مرور فيه بقلك شي روح سوي كهف برى الشام وعيش فيه مو صعبة كتير جدك وجدي كانو هيك على فكرة
-سوريا
حسان محمد محمود2010-09-26 16:56:03
سؤال للكاتب
يا صديقي!!! هل كانت حرارتك مرتفعة حين ارتكبت فعل التفكير بتأمين بيت بطرق شريفة؟ خود حبة سيتامول وشوف...
-سوريا
محروم2010-09-26 16:41:47
حلو الوطن
عم تقولوا ريف ما اذا بتريد يا سيد [email protected] في مجال تراسلني على ايميلي مشان اعرف مين هو المتعهد يلي نفسو شبعانة مشان اشتري منو لانو لا البنك نفسو شبعانة ولا التاجر ولا المتعهد الله وكيلكن يا جماعة من فترة عم دور على بيت تقسيط لانو جدي ما ترك لابي شي وبالتالي ابي ما معو يعطيني وانا ما معي ولا واحد فينا حرامي او مرتشي او بيقيل على حالو الحرام بدي اشتري بيت بسوريا لانو انا من سوريا واذا ما كان الي بيت بسوريا ليش اسمها وطني وليش معي هويتها والله يرحم الماغوط الفقر بالوطن غربة سلام
سوريا
beeshooooo2010-09-26 16:23:30
اذا بدك بعطيك طريقة يصير عندك فيا بيوت
اذا بدك بعطيك طريقة يصير عندك فيا بيوت و هالطريقة صحيحة و شريفة و هي انك تألف قصيدة و انت بتحدد عدد البيوت اللي فيا
سوريا
anas2010-09-26 16:07:35
جربتها والحمد لله صار عندي بيت
وجدت أحد المتعهدين من ذوي النفوس الشبعانة وكان المشروع أرضاً لم يحفر بها حفرة ولكن التراخيص جاهزة والسعر المطروح في إحدى بلدات ريف دمشق 9500 ليرة للمتر، اخترت شقة صغيرة على أن أسدد ثمنها دفعات خلال مدة التنفيذ والحمد لله استلمتها وسأباشر بإكساءها.
سوريا
الريفي2010-09-26 15:24:15
c'est impossible
c'est tout simplement comme ça: fais rien parce que c'est une situation difficile
-سوريا
نبيه2010-09-26 15:14:40
فكر بهذه
حاول الانتقال الى الريف فالمنزل هناك أرخص وفرص العيش صحيح أقل لكنها لا تخذلك.آن الأوان لأن نفكر بالبدائل....المغامرة هي أم الاختراع.لابد أيضا تشجيع المسثمرين على ذلك فالناظر بتمعن يجد أن هناك فرص كبيرة,من بينها الموارد الكثيرة التي لم تستغل بعد.كفى خوفا و خنثا.أنا أتفق مع سوفليان.عمروا الريف ولا تتوكلوا على الحكومة.
-سوريا
آرا سوفاليان2010-09-26 13:45:02
الهجرة المعاكسة
تحسين شروط الحياة في الريف تؤدي الى هجرة معاكسة من المدن الى الريف وهذا هو الحل الوحيد واستمرار الوضع على ما هو عليه سيؤدي الى ان يصبح عدد سكان دمشق 25 مليون
سوريا
السلومي 2010-09-26 13:08:48
الصبر مفتاح البيت قصدي الفرج
الله كريم توكل على الله بس ومافي شي صعب وماتسمع كلام حدا يقلك سافر.. بيت اجره ولا قصر بالغربه والله حرام الوحد يقضي ثانيه من عمره برى سوريا نحنا مو عارفيه نرجع بشكل نهائي ولا عارفين نكون بعدين على عشنا
سوريا
ماهر2010-09-26 12:34:14
حل منطقي
ليش مثلا ما نكتب عريضة عن موضوع السكن و نجمع توقيعات من أشخاص عم يعانوا مثلنا و نرسلها لمجلس الشعب يلي نحن انتخبناه ليحل مشاكلنا و نطالب بأنو يتناقش أمام كاميرات التلفزيون و أنو يتوصلوا لحل خلال مدة محددة و مقبولة؟ ما أحسن ما كل واحد فينا يتفلسف و يفش خلقو بكام كلمة و ينسى الموضوع بعد كم دقيقة. ما أحسن ما نترك كم نصاب عم ينهبو كل شي و يعيشونا عل الحصير. أما اذا لم تسمح الدولة بالعريضة فأنا بشوف أنو نصبر و نحلم بالجنة. ما رأيكم؟؟ 
-سوريا
محاسب قانوني2010-09-26 11:58:26
الهجرة
السفر خارج سوريا هو أحسن حل حتى لو كانت البداية صعبة ومو محرزة بس على الأقل في أمل بالمستقبل بس بسوريا ما في مستقبل وما في أمل , مافي غير اليأس !!!
-الولايات المتحدة
تيمو المغترب2010-09-26 11:11:39
لا تشكيلي ببكيلك
والله معك حق مليار بالمية.....وغير هيك ليش شو هالرواتب اللي كنا ناخذها حتى نقدر نسجل ع بيت وخصوصا اذا كنا ساكنين بالمدن الكبيرة...وانا من ناحيتي سافرت لبرة وع اساس اني بقدر اجمع حق بيت...وااييييه تركها لله...ما عم اقدر اجمع تكاليف بلاطة وحدة مو بيت كامل
-الإمارات
Sara2010-09-26 11:04:01
I have an idea!!
Go to any bus-stop and change it into a small room with no bathroom or even a WC!just cover it with woodboards and turn the seat into a very comfortable bed made of the finest wood or stone((which depends on the selected busstop and what kind of seat it has! by this, we will have solved our problem finding houses!but the government will have to establish new bus-stops for the traffic!
-سوريا
Access2010-09-26 10:53:32
تدخل حاد
لا اعتقد انه يوجد حل مناسب ... جميع الاطراف مشتركة في لعبة الاسعار العقارية .. هناك مستفيدون خاصة وعامة ( الخاصة شركات البناء من متعهد و بناء و اكساء و و و ... و العامة القطاع الحكومي ) وهناك دائما محسوبيات على الكل و امور اخرى اقترح انه على جميع الاخوة و الاخوات ان يعلنو الاضراب عن الجواز لحين تامين المنزل و غير هيك ما رح تزبط
سوريا
ندى وهبة2010-09-26 10:14:15
الله كريم
لكن لشو اخترعوا شي اسمو آجار مو مشان ما تحلمي بالبيت و تنسي موضوعو *شكراً رحاب على (فشة الخلق)*والله كريم انشالله بيصير عنا وعندك بيت
-سوريا
Rihab2010-09-26 10:12:56
Thank you
Many thanks for the article Rihab .... you really put your finger on the right place...
-سوريا
د هاشل دحدوح2010-09-26 09:41:37
شو ه التعجيز خيو
"طريقة مناسبة صحيحة وشريفة للحصول على بيت" اخي صاحب المقال مو شايف انو طلبك تعجيزي؟ أخي روح سافر لبرا و جمع حق بيت أو اتبع الطرق الفنية البهلوانية المتبعة من أغلب موظفين الحكومة او ملبسين الطرابيش و هيك بيصير عندك فيلا و سيارة بي ام و مرآب للولاد ويمكن خدامة لو حالفك الحظ بشي وحدة حلوة، روح استغفر ربك و توب ولا عاد تطلب هيك طلبات
-سوريا
مغترب2010-09-26 08:51:18
يا صديقي
مارح تزبط معك لأنو لوعناشوية احترام لهالمواطنين كانت على الأقل اذا ما انحلت المشكلة تيسرت بنسبة 50 بالمية.. بدي افهم شو ناقصنا بهالبلد؟؟ علم عنا وفلوس عنا وشرف عنا وسرقة عنا.. الحكومات يلي شعبها متخلف عبيعطو شعبهون بيوت اما ببلاش او بفلوس وقروض ميسرة.. لك ايمتا الشعب السوري بدو يتنفس؟؟.. عبتسألني على طريقة؟؟ اذا بتسأل الدولة بتقلك ليكنا عاملين سكن الشباب يلي الشباب عبتحلم تستلم بيوت فيه.. الناس بتسافر بتفكر اذا بتسافر وتشتغل برا بصير معها حق بيت.. ما الك غير النصب والاحتيال.. وآخرتك ممسوك ممسوك
سوريا
وسام2010-09-26 08:48:49
.......
شريفة و صحيحة؟؟؟؟ مو كانك تخنتها كتير و طلباتك صارت زيادة؟؟؟؟؟ هي سهلة بس انت صعبتها بشروطك
-أنغولا
قرفاااااااااان2010-09-26 08:41:18
سماع مني
مالك الا تهج .. لاقيلك شي سفرة شلون ماكان ، لأ نو العلة هي بوجودك بسوريا حيث يتحول الأمل الى يأس وتنسد جميع الطرق والوسائل .. !
-الإمارات
مغترب بالرياض2010-09-26 08:17:58
الحل : الاغتراب وعدم العودة
لازم تسافر برا البلد ـ وتشتغل ليل نهار شغل حمير(العفو من الحمير)وتوفر بالأكل والسكن (تشارك الغرفة شي خمس أو ستة أشخاص). وبعد شي عشر سنين يمكن . . يمكن مو أكيد . . تقدر تشتري شي شقة ع العضم بالريف طبعاً ، وبدك تشتغل شي سنتين أو ثلاثة لتقدر تكسي وبعدين تكتشف أنك ما تقدر ترجع تعيش ببلدك لأنو بتحس أنو ما الك حدا وأنك لوحدك مع أنك عايش مع أهلك وأحبابك ، والكل ضاربك بحجر كبير ، بالإضافة لأنو محل ما أنت قاعد ومتغرب كل الخدمات ومغريات الحياة متوفرة . وهيك خلصت الحكاية:البيت مقابل الحياة الطبيعية
السعودية
أبو سمرة السكرة2010-09-26 08:14:30
عذرا
يوجد طرق عديدة . . أولا يجب أن تكون وصولي و ثانياً مرتشي . . و ثالثاً أن تعمل في الممنوعات . . و رابعاو خامسا و عاشرا أن تكون شخصاً غير طبيعي . . لأن بيت يباع بـ 180 مليون ل.س في تنظيم كفرسوسة كافية لشراء مدينة كاملة . . و عدم وجود نظام عادل يضبط و يحكم سوق عرض و طلب خاص بالسكن في سورية سيجعل الناس تفعل السبعة و ذمتها و سيتزداد العنوسة و يضطرب المجتمع . . راتبي 16 ألف و أنا لوحد ما عم يكفيني و المدير تبعي مفكر أنه عم يعطي ياه من جيبةأبوه . . و الله رايح .
-سوريا
الغلط وين2010-09-26 01:59:09
معك حق
بيت شو بتحكي انت صار عمري 30 سنة وبشتغل دوامين وما عندي قدرة اشتري غرفة شو عم تكفر انت لك اخي الله يسامحك روح صلي ركعتين واستغفر ربك
-سوريا
بياع ورق2010-09-26 01:54:51
سوق أوراق الدفاتر
فوراً بتروح عسوق دمشق للاوراق المالية ... من أكبر الأسواق في العالم .... كاسح أكبر البورصات .... دور على مستقبلك هنيك بس لا تنسى تعمل تأمين صحي درجه أولى و خبرنا شو بصير معك
-تنزانيا