syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
"بدنا نعيش " تحرك شبابي للاحتجاج ومحاولة الحد من ارتفاع الاسعار
تحقيقات

مقاطعة شراء مواد وتشكيل لوائح سوداء للتجار المستغلين

في السياسة الصراع موجود والشقاق بين افراد المجتمع السوري واضح وقد يصل الى افراد البيت الواحد ، اما فيما يتعلق بالوضع المعيشي فان الغالبية تتفق على انه بات صعب وفوق طاقة الانسان السوري على الاحتمال.


أسامة وريم، شاب وفتاة سوريان، لمسوا في الفترة الأخيرة زيادة غياب الضبط والرقابة التموينية على الأسواق، "حتى أصبح كل تاجر يرفع الأسعار بالنسبة التي تلبي جشعه بلا حسيب أو رقيب"، وعلى ذلك فقد استطاعا تحشيد مجموعة كبيرة من الشباب السوري عبر صفحات الـ"ـفيسبوك" لإطلاق حملة باسم "بدنا نعيش" ، عملها الأساسي والرئيسي يتجلى في الحشد والتطبيق الفعلي لمقاطعة بعض المنتجات الغذائية كل فترة في "محاولة لارضاخ التجار وخفض الأسعار".

 

الحملة ستقاطع مادتين كل فترة

"ستبدأ الحملة اليوم الأحد في جميع المحافظات السورية" بحسب المنظمين، حيث قال أسامة لسيريانيوز إن "عدد المتطوعين كبير جدا، فالفكرة لاقت قبول كبير جدا من جميع من وصلت إليهم فكرة الحملة".

وتابع إننا "لا نطالب بالحدود العليا ولا بالرفاهية، لكننا نطالب بما يؤمن لنا العيش الكريم يعني (نشبع الاكل) فنحن نؤكد لكم أن 80% من الشعب السوري لا يشبع الطعام اليوم".

أسامة مصمم صور الحملة، وريم من تنظم العمل وصاحبة الفكرة، وبحسب حديثهما، فإنه "بعد استماعهما لاقتراحات المشتركين، وانطلاقاً من ضرورة الحصول على نتائج سريعة بعد أن بلغ الوضع حده الأقصى، تم اختيار تاريخ 7_7_2013 لبدء الحملة التي ستقاطع مادتين غذائيتين كل فترة، يتم الإعلان عنهما قبل بدء الحملة بساعات كي لا يأخذ التجار احتياطاتهم".

وأضاف الثنائي المنظم إنه" لا توجد أية جمعيات تتعاون معنا حتى الآن، لكن قيام الشعب بمقاطعة السلع سيشكل عامل دعم للحكومة لتضبط الأسواق وإجبار التجار على الالتزام بالأسعار التموينية المحددة من قبل وزارة التموين، إضافةً إلى أن خوفهم من الخسارة سيجعلهم يخضعون لرغبة المواطنين والتخلي عن القليل من جشعهم".

المقاطعة للتجار وليست للدولة

وبحسب المنظمين، فإن "المبادرة ستنطلق في جميع المحافظات السورية انطلاقاً من ان (الوجع من الغلاء واحد)، وتابعوا أن "الأسعار حرمت الكثيرين من شراء مواد عديدة، ولن تؤثر المقاطعة عليهم بشكل مباشر، في حين سيكون البديل لمن لا يستطيع الامتناع تماما، التوجه نحو المؤسسات الاستهلاكية التابعة للدولة حيث تكون المقاطعة التامة للتجار وليس للدولة".

حاليا نشاط الحملة الأساسي على صفحات "فيسبوك"، وقال المنظمون إنه "اقترح بعض المشتركين وضع ملصقات ونشرها بالشوارع على حسابهم الشخصي ليعلم التجار أن هذه الحملة جدية ومستمرة حتى تحطيم الأسعارمضيفين أنه "اذا لم ينتج شيء عن المقاطعة ولم يهتم أحد، عندها يمكن التفكير باعتصامات صامتة او حملة تواقيع، أما التظاهر فهو مرفوض كي لا يؤخذ ويستغل لأغراض أخرى".

وفي رصد سيريانيوز لبعض آراء الذين أبدوا استعدادهم للانضمام إلى هذه الحملة، بحسب تعليقاتهم على صفحة الحملة على "فيسبوك"، فقد كانت هناك دعاوي لمقاطعة سيارات الأجرة "التكسي" لمبالغة سائقيها بالأجرة وعدم التزامهم بالعدادات، ومقاطعة المواد الغذائية سريعة العطب لإرغام التجار على خفض أسعارها، فيما ذهب البعض إلى إنشاء صفحة تنشر عليها أسماء الشركات والتجار الذين يتلاعبون بالأسعار، وأسماء البقاليات والشركات التي تخفض أسعارها.

واقترح البعض، الذهاب لوزارة التجارة الداخلية وحماية المستهلك، ومديرياتها يومياً لتزويدهم بأسماء التجار المتلاعبين، وطالب البعض بتقديم هؤلاء التجار للمحاكمة.

 

"النزول للشارع والاعتصام"

أما البعض الآخر، فقد وجد بالحملة إن بقيت الكترونية أنها لن تقدم ولن تأخر، ومنهم من وجد بأسلوب المقاطعة أنه سلبي إن لم يتطور إلى شكل آخر، وطالب البعض بالاعتصامات أو النزول للشوارع للمطالبة بضبط الأسعار، فيما وجد آخرون أن الوضع ميؤوس منه فحتى لو تم التظاهر ضد الغلاء لن يجدي ذلك نفعاً، وأنه لو انخفضت الأسعار لفترة نتيجة للحملة، فسيقوم التجار بتعويض خسارتهم الفترة التي ستلي الحملة، وسترفع الأسعار بطريقة جنونية أكثر.

ومن المشاركين في صفحة الحملة على "فيسبوك"، من وجد أن العنف الذي تشهده البلاد حالياً، أولى بالاهتمام أكثر من أمور التجار وغيرهم، كون أعمال العنف حرمت شريحة واسعة من المواطنين في المناطق الساخنة، من العديد من المنتجات الغذائية وأكثرها أهمية كالخبز.

 

نصف السوريون فقراء

وكان "المركز السوري لبحوث السياسات"، أوضح في تقرير له الشهر الماضي، أنه "دخل 6.7 مليون سوري دائرة الفقر عام 2012، منهم 3.6 مليون شخصاً دخلوا دائرة الفقر الشديد، نتيجة الزيادة في أسعار البضائع والخدمات وتراجع مصادر الدخل والأضرار المادية للممتلكات".

ويرتفع بذلك عدد الفقراء في سوريا الى حوالي 12 مليون تقريباً، حيث بلغ عدد الفقراء قبل الازمة 5.5 مليون، يضاف إليهم 6.7 مليون بسبب الأحداث، وفقا للتقرير.

كما كشف تقرير المركز، الذي جاء بعنوان "الأزمة السورية الآثار الاقتصادية والاجتماعية"، أنه "بلغت الزيادة النسبية في معدلات الفقر العام نهاية الربع الأول من عام 2013 مقارنة بعام 2012 حوالي 150%".

وكان نائب رئيس الوزراء السابق للشؤون الاقتصادية، عبد الله الدردري، والذي يشغل حاليا رئيس مكتب "الاسكوا "لجنة الأمم المتحدة الاقتصادية والاجتماعية لغربي آسيا، أوضح أنّ "خمسة ملايين مواطن سوري دخلوا تحت خط الفقر".

ويعاني السوريون من أوضاع اقتصادية صعبة مع فقدان العديد منهم عملهم بسبب تأثر الاقتصاد بأعمال العنف والعمليات العسكرية، إضافة لإغلاق الكثير من المعامل والمنشآت، ترافق ذلك مع ارتفاع جنوني للأسعار ونقص في مواد المحروقات، ما زاد من أعباء المعيشة، إضافة إلى عقوبات دبلوماسية واقتصادية دولية أحادية الجانب.

سيريانيوز


2013-07-07 11:44:07
شاركنا على مواقع التواصل الاجتماعي:



شارك بالتعليق
سمعوا ، و فهموا ، و سكتوا 2014-02-11 13:34:49
فهموا
الشباب قاموا بحملة لمحاربة تجار الأزمة و غلاء الأسعار (و ليس جميع التجار)هاد هو الموضوع ،اللي رح تستفيدو منو كلكم ( إلا إكنتو أنتو من التجار المحتكرين) لا تكبروا الموضوع و تعمموا و تأخدوا بغير اتجاه ، أو تحكولي عن قصة حياتكم ،انضموا للحملة أو لأ ، و النء تبع النسوان بلا ، الشباب عم يشتغلو تعلمو منن و خفف نأ
-سوريا
احمد2013-07-30 18:12:18
تحية الى الشعب السوري
بدنا السلام حرام بكفي بدنا السلام انا من مدينة عربين ومقيم بمصر
سوريا
مجروح2013-07-30 14:48:51
النسيان المقصود
الى اكثر الاخوه المعلقين . لفد حملتم دولتكم كامل المسؤولية عن الوضع الاقتصادي الذي وصلنا اليه ناسين تدمير المسلحين المحليين والذين جاؤوا من اصقاع الدنيا لاقتصادنا تدميرا ممنهجا وقطع طرق المواصلات وسرقة المعامل وابار البنرول والغاز واحراق محاصيل القطن والقمح وكل اشكال الحياة الاقتصادية ,, فكيف بالله عليكم تريدون الاحتفاظ بالمستوى الاقتصادي الذي كان سابقا وانتم تدمرون بلدكم ؟ وعندما ناقشت ها الأمر مع احد المعارضين اجابني بأن هذا لايهم وهم مستعدون لاستلام البلد على التراب .
سوريا
زياد2013-07-30 12:24:22
بدك تعيش من دون كرامه!!!!
الحياه لاتستحق أن تعاش من دون كرامه...على السورين أن يفهمو هذا...وإلا سيبقون أذلاء تحت كنف هذا النظام لسنين طويله قادمه
-سوريا
حمودة السعيد2013-07-29 21:34:00
الى متى
الشباب الكرام اصحاب التحرك الاحتجاجي لقد قاطعت انا واصدقائي واقربائي واحبابي غالبية المواد الستهلاكية وبالذات اللحوم بكافة اشكالها لانو اساسا ما معنا مصاري نشتري فوقفنا معكم و من اول الحملة بس ما لاحظنا انو الحملة جابت نتيجة لهلق الاسعار عمترتفع ما في شي عمبينزل شو القصة ....فهمونا؟
-سوريا
سوري أصيل2013-07-26 20:30:10
الله لا يردكون
الله لا يردكون ماكان عاجبكون الوضع هلأ صار يعجبكون بعد ما أختو (الحرية) وعقبال ما تاخدو (الكرامة) بكون ما ضل في سوريا ولا ليرة ولا بطيخ
-سوريا
يوسف2013-07-22 13:59:15
5.5مليون
5.5 مليون فقير في بلد غني بكل شيئ من زراعة ونفط وصناعة (ايه مو من شي قليل قامة العلم )
-سوريا
مو مهم 2013-07-21 03:52:54
الحالة
الحقبقة إنو التجارة بسورية و من زمان هيه هبات يعني اذا صار ايه ازمة بالعالم بلد إحتلت بلد فرطت تجارنا الكرام بيركضوا ببيعوهن شي ملابس شي اكل شي قاظانات لذلك تجارنا تعودوا على الإزمات فلا تستغربوا انو يستفيدوا من الشي الي عم يصير اليوم بالبلد و برد بكرر تجارنا ما بيعرفوا الإ صندوق المصاري الذي بمحلن و مين ما أخد امي صار عمي
سوريا
زاهر2013-07-20 09:41:48
بدنا نعيش
استطاعا تحشيد مجموعة كبيرة من الشباب السوري عبر صفحات الـ"ـفيسبوك" لإطلاق حملة باسم "بدنا نعيش" طبعاً الصفحة الحاشدة فيها 500 واحد عامل لايك يعني خمسة منهم بدهم يقاطعو ومن ضمنهم اسامة وريم
-سوريا
عبد السلام2013-07-18 09:15:26
حلو المشكلة الأساسية
لما نظام معتبر حاله موجود على الأرض أضعف من أنه يحل مشكلة جشع تجار عم يرفعوا الأسعار فلا تتأملو خير من أي حملة ممكن تصير , الحل الوحيد هو وجود دولة محترمة إلها هيبة من كل أهل البلد وهالشي بصير لما بنتخلص من هالنظام الفاسد اللي جربناه 40 سنة وما شفنا منه إلا الأزمات والتخلف والجهل والفساد , بعدها رح نأسس دولة قوية بتوقف التجار وغير التجار عند حدهم وبتخدم المواطن. هادا هو الحل الوحيد أم باقي الاقتراحات فهي مجرد مسكنات لا أكتر.
-سوريا
أبو الزوز دوت .كوم 2013-07-16 16:01:18
مستحيل نتفق
هلق أول شي نعرف اصحاب الحملة مؤيدين ولا معارضين لأنو إزا معارضين ونحنا مؤيدين لازن بس يقاطعو ننزل ركض نحنا نشتري لنفشلن ...وأزا مؤيدين ونجنا معارضين لازم كمان نعمل هيك ....كل يوم رح نقاطع عشر مواد ؟فعلا حملة ذكية ....لك ياعيني ياروحي نحنا هلق بطبيعة الحال صرنا مقاطعين كل المواد الزيت ..السمنة ..المتة ..الألبسة ..الأحذية ..بس بكل الأحوال نحنا معكم ورح ندعمكم رغم أنو ماتعودنا ندعم حدا غير ؟؟؟والله يسترنا ماحدا يشيلنا بتهمة التحريض عالتجار الطيبين اللي فعلا وقفو معنا بهالأزمة ..
سوريا
سعيد2013-07-14 00:34:52
إهم شي
و اللهي برافو عليكم اهم شي تقاطعوإ بضائع هل تجار الفاسدين لانو هنن سبب كل هذا الشي الي عم يصير بسوريا صارلي محاسب و عم اتعامل مع تجار سنين شتهيت شوف حدا منيح فيهن و كلن بيعرفوا الله بس وقت العمله ما بيعرفوا لا الله و لا ابوهن حتى
سوريا
حسان السعدي2013-07-12 23:22:58
همة مبروكة للشباب
بارك الله بهمة الشباب والحقيقة الوضع مأساوي لكن أنا مستغرب لماذا تسكت كل وسائل الإعلام السورية قاطبة عن حصار الغوطتين أليسوا شعبا سوريا ....ماذنب الأطفال والنساء والشيوخ ؟؟يعني إذا الجيش عجز عن هزيمة الشباب ينتقم من الضعفاء ؟؟؟أي إنسانية هذه ..وين العقلاء الدمشقيين وين علماء الدين المسيحي والإسلامي وين عقلاء الدروز وين الأخوة ؟؟؟؟أم أنها ادعاء ماحد يستطيع يكلم الرئيس والضباط الأمنيين الذين يعيشون الرفاهية بأعلى المستويات ؟؟؟؟
سوريا
حسان السعدي2013-07-12 23:14:46
همة مبروكة للشباب
بارك الله بهمة الشباب والحقيقة الوضع مأساوي لكن أنا مستغرب لماذا تسكت كل وسائل الإعلام السورية قاطبة عن حصار الغوطتين أليسوا شعبا سوريا ....ماذنب الأطفال والنساء والشيوخ ؟؟يعني إذا الجيش عجز عن هزيمة الشباب ينتقم من الضعفاء ؟؟؟أي إنسانية هذه ..وين العقلاء الدمشقيين وين علماء الدين المسيحي والإسلامي وين عقلاء الدروز وين الأخوة ؟؟؟؟أم أنها ادعاء ماحد يستطيع يكلم الرئيس والضباط الأمنيين الذين يعيشون الرفاهية بأعلى المستويات ؟؟؟؟
سوريا
fadi2013-07-11 14:49:13
syrian for ever
سوال الي الاخ مهند العلي: لقد وصفت محافظة طرطوس بالمحافظة الباردة.لماذا يوجد مناطق باردة و مناطق ساخنة? ان لاحظت ان جميع المحافظات المطلة على البحر هي محافظات باردة !!!.فكرت في السبب كثيرا فوصلت الي ان هواء البحر يحمي الانسان من ان يصبح مندسا و عميلا.
-سوريا
أحلام2013-07-11 00:43:24
ما رج تنجح
دخيل الملايكة على هالنكتة.. يا عمي التاجر بيرفع السعر لانو لازم يحصل من المستهلك الثمن الاصلي اضافة لمصاريف المعاملات اللي ما الها اول و لا اخر اظافة للظرايب و الخوة اللي بيدفعها لـ*** الامن من ابو فلان وابو علان في شجرة تمتد اشراشها للعصابة الحاكمة و بالاخير يضيف الربح... يعني مو قادرين عالكبير اللي أكل البلد كلها و جايين تتمرجلوا على كم
سوريا
مهند علي 2013-07-10 09:57:07
الفساد
في المحافظات الباردة الاسعار فيها جنونية ويتحمل المسؤولية الكاملة مدراء التموين وحماية المستهلك نحن في ازمة ضمير اصبح التاجر وحماية المستهلك ومدير التموين متفقون على المواطن وعلى لقمة عيش المواطن طالبنا منذو فترة باقالة مدير تموين طرطوس وشركاه ولكن صوتنا ذهب في وديان الغابة هم شركاء وهم راس الفساد يتسترون على التجار في سوق الهال ويتسترون على التجار في المحلات وتيتسرون على محططات الوقود هم شركاء في الحرب على المواطن انا اتحدى محطة في طرطوس عدادها صحيح وبمعرفة التموين
سوريا
واقعي2013-07-09 19:26:13
الحيوانات الاليفه
في الصين يأكلون كلاب وفأران وقطط وحمير وما اكثر هذه المخلوقات بسوريا الشاطر يللي يبلش بجمع اكبر قدر ممكن من هذه الحيوانات لانه خلال 6 اشهر سيتجه الشعب لاكل هذه المخلوقات لانها متوفره بكثره وببلاش
-سوريا
بعثي قديم2013-07-09 15:30:13
بدنا كرامه
بدنا كرامتنا ل دعس عليهاعسكر حزب البعث لل 50 سنه الماضيه بدنا كرامتنا ل عم تنهان كل يوم على حواجز المخابرات من قبل عنصر أمن مامعو صف تاسع بدنا كرامتنا ل سلبتها مخابرات البعث من السورين بالإهانات والإعتقالات و التصفيات بدنا كرامتنا الي سلبتها قيادات حزب البعث من السورين بالكذب ع الشعب و النفاق و الفساد و الشعارات الكذابه...بدناكرامتنا...كامله و ليس شوية كرامه..
-سوريا
Elie2013-07-09 12:06:11
بالتوفيق
حملة نتمنى لها النجاح خاصة لضرب طمع بعض، ولا أقول كل، التجار. حنى قبل بدء الأزمة كانت هناك مناطق أسعارها أعلى من غيرها وكنا نطالب بأن نفعل كما يغعل البريطانيون بأن نقاطع منتجاً معيناً لفترة حتى نجبر التجار على خفض الأسعار ولكن كانت دعواتنا ترفض من قبل المواطنين. على كل حال نرجو أن تكون هذه الأزمة حافزاً للشعب كي يستجيب لهذه الحملة.
-سوريا
محب السلام2013-07-08 20:23:14
الله يحفظ سوريا
بين حانا ومانا ...ضيعنا بلدنا دعونا على اسرائيل أن يدمرها الله بأيديها وأيدي المسلمين فكانت النتيجة أن دمرت سوريا والسبب (كما أظن) نفاق الداعية والمؤمن خلفه. والخطوة القادمة (لا قدر الله ) أن يعتدي الجار على جاره بداعي المذهب وأن يهاجم من تبقى من المجتمع ماتبقى من تجار ومزارعين وأطباء ومهندسين وموظفين وبائعين أصليين ومتجولين وذلك باعي الجشع. أحبتي رمضان على الأبواب (وان ينصركم الله فلا غالب لكم) فلندعو جميعا صياما وقياما أن يرفع ربنا عنا كأس العذاب وأن ينهي هذه الفتنة المهلكة والتي ستقضي ع
-سوريا
sami2013-07-08 16:18:40
اهليس سهليس
احبائي اصحاب هذه الفوكرة الرائعة الجميلة الناضجة اني اشد على ايديكم كما انني اهيب بالخوة المواطنين السوريين جميعهم بمكافحة موجة الغلاء فاننا لم نعد نحتمل اسعار المواد الغذائية وفيما يلي اورد لكم الحل الامثل علينا مقاطعة جميع انواع اللحوم والزيوت والسمون والسكر والخبز والمازوت والبنزين وحتى الغاز والكهرباء وذلك لمدة عام واحد فقط اي 360 يوم عندها ستجدون كل شيئ كما تريدون وستصبح الاسعار مقبولة جدا وسيستسلم التجار للامر الواقع في دولة الصومال الشقيقة وشكرا للشباب الماعي اقصد الواعي اصحاب الفكرة .
-سوريا
حسان 2013-07-08 16:20:05
الخلل في أنفسنا متى كنا نتعامل بالولار ؟
على لسان بائع البان با لتل يخثر لبنه بيده , قال لي ان كيلو الحليب واصل لعندة ب90 ل والبائع يشتريه من المربي ب40 ل لنفرض مع كلفة تحولها للبن الكيلوب 100 ل, علبة اللبن على اساس كيلو هي في الواقع 800 غ تباع ب130 ل وبحسبة بسيطة يكون الكيلو 1000غ ب 162 ل أي نسبة الربح 62% وبائع الحليب نسبة ربحه 125% هل يجوز هذا وبأي منطق يكون الربح بهذه النسبة ؟ ومن المعروف ان نسبة الربح يجب أن لاتتجاوز ال10% ,وهكذا كل السلع بالبلد تدار على اساس الربح الفاحش تحت غطاء الدولار البعبع؟ الحق عليناتحن بدناعصاية ؟
-سوريا
fadi2013-07-08 15:44:54
syrian for ever
لماذا حذف احد تعليقاتي بعد ان نشر لبضع ساعات .هل لانني قلت ان سيادته وصل الى الحكم بعد ان فصل له دستور على مقاسه .الم تكن تلك هي الحقيقة التي يعلمها الجميع .على كل حال حسبي ان كلماتي وصلت لمن قرر حذفها.
-سوريا
hadi2013-07-08 15:31:29
كفانا اخفاء الشمس بايدينا
جميعنا يعرف ان ارتفاع الاسعار لا يعود الى التجار فقط فهم لا يتحكمون سوى بنسبة لا تزيد عن 10% في احسن الاحوال . انما المسوؤل الاول والاخير هي الحكومة العتيدة التي تنتهج سياسة عدم الاعتراف بالامر الواقعو اعتبار المواطن غبي تستطيع الضحك عليه فمرة بالهائه بانقطاع الكهرباء ومرة بمقاطعة الاكل حتى ينسى المصائب التي تجرها هذع الحكومة الفاسدة والتي يعلم الجميع مقدر الفساد التي تقوم به معتمدةحجة الظروف ونستطيع ان نرى محافظ دمشق وشريكته وما يسرقون دون رقيب فكفانا اغماض لاعيننا
سوريا
سوري سوري سوري2013-07-08 14:32:45
هل السوريون ...جبناء؟؟
السوريون أجبن من ان يحتجو على نظام جوعهم و زج اولادهم و شبابهم في السجون السوريون اجبن من أن يفتحو تمهم بكلمه ضد من نهب البلد و خرب الإقتصاد و الزراعه السوريون أجبن من أن ينتزعو كرامتهم من نظام أذلهم و دمر مدنهم و قراه و شردهم ..هنيئا لكم أيها السورين بنظام الممانعه و الكذب و النفاق....
-سوريا
مواطن معتر2013-07-08 13:33:16
انخفاض الليرة
السبب الرئيس لارتفاع الاسعار انخفاض الليرة بس ترتفع الليرة بتنخفض الاسعار شي كتير بسيط مابده ذكى
-سوريا
samer2013-07-08 13:18:03
طولوا بالكن لسه ما شفتو شي...
ألمانيا بعد خسارتها للحرب العالمية الأولى تعرضت لمقاطعة اقتصادية عالمية (حوش متلنا يعني نظام اشتراكي ممانع) فارتفعت فيها الأسعار 3.25 مليون بالمية (نسبة التضخم) و السبب كان انهيار قيمة المارك الألماني أمام العملات التانية (كمان حوش متلنا يعني ) و كانت النتيجة سقوط النظام الاشتراكي بألمانيا ووصول الحزب النازي عالسلطة(ما بعرف إذا حوش متلنا يعني) بس اللي بعرفو أنو الألمان صاروا ياكلوا الفيران ... فطولوا بالكن شباب المقاطعة لسه ما شفتوا شي... العبرة باللي عاشوا قبلنا
-سوريا
Gihad2013-07-08 10:00:21
حل فاشل
كيف تظنون ان المقاطعة هي الحل ؟؟؟ مقاطعة الدخان الامريكي لم تنجح فما بالك بمقاطعة الاساسيات الحياتية؟؟ بدكم الناس تفتح تمها للهوا؟؟ شو و لا شو بدكم تقاطعوا ما كلشي صار غالي .. و لا نظام الممانعة رح يامنلكم بديل غذائي روحي من حب القائد على الفطور و التغني بمزاياه و فضائله على الغدا
-سوريا
جورج2013-07-08 08:18:09
كلو كاتو
اذا قاطعتوا الاكل شو بدكن تاكلوا؟ قاطعوا الدولة عمي. عصيان مدني لمدة اسبوع
-سوريا
بلكي يمشي الحال2013-07-08 00:25:11
هي شغله سهله
لانو الشعب الصومالي والزمبابوي بيستنى النتائج مشان يقاطع كمان ويشبع بهالطريقه.ههههههههههههههههه
-سوريا
احتج لتشبع2013-07-08 00:22:30
قال يقاطع؟؟
صاير حسلكو انو الشباب السوري غي واعي بتاتا, بفكر الشغله بالزعبره.اول مره بسمع شعب بيحتج على مستوى اقتصادي واقع
-سوريا
أبو العز 2013-07-07 23:14:40
غير منطقي !!
السعر في اي مكان في العالم يتحدد بالفجوة بين العرض والطلب !! بما انو الطلب اكتر بكتير من العرض اكيد رح ترتفع الاسعار وبدل ما نطلب من الحكومة تزيد العرض منطلب من الشعب انو يخفض الطلب بدل ما ياكل كيلو بندورة باليوم حاجتو نص كيلو ؟ !! ببساطة يجب ان نطلب من الحكومة التدخل لتحقيق التوازن بين العرض والطلب وليس ان نتوجه للملاين بالطلب اليهم بتخفيض الطلب !!يعني التاجر اللي بيستورد موبايل ب 100 دولار ما رح يبيعو باقل من 100 دولار حتى لو صار الدولار بالف ! بالمنطــــــــق !
-سوريا
مواطن2013-07-07 22:51:37
الليره السبب مو الجبنه
انهيار الليره هو السبب واذا بقي الانهيار بدون تدخل من البنك المركزي سيصبح كيلو اللبن ب 1000 ليره بعد شهرين سواء قاطعنا ام لم مقاطع . الليره عم تنهار ياجماعه لح تلحق الليره لبناني " آل مقاطعه آل " عالجو سبب الانهيار بترجع متل ما كانت الاسعار
-سوريا
fadi2013-07-07 22:10:50
syrian for ever
لماذا تطالبوا التجار بصوت عال وبكل جراة ان يرحموا الناس و لا تطلبون منه ان يرحم الناس عندما يطهر المدن و القرى من الجراثيم .
-سوريا
fadi2013-07-07 21:55:48
syrian for ever
هل يا ترى التظاهر ضد التجار يحتاج الى ترخيص من وزارة الخارجية ام انه مبارك ان يكون عفويا بامتياز!!!!
-سوريا
alber2013-07-07 20:54:39
هههههه ضحكتوني
شو بدك تقاطع لتقاطع ... ذكرتوني بحملة مقاطعة الدخان الأميركي... إذا سعر ليتر المازوت صار 60 ليرة (بمباركة حكومية) فأنتو جايين تعاقبوا التجار... عشنا و شفنا وطنيات..!
-سوريا
علوش 2013-07-07 20:19:18
شعب فاسد
شعب فاسد من يوم يومو وصدقوني ما حدي بيقصر بسلخ غيرو من القائمين على الحملة لتوصل لألي حاجي بقا وطنيات الله يعين سوريا علينا سواء موالاة او معارضة
-سوريا
حذف لتعديه على سياسة النشر2013-07-07 19:15:49
حذف لتعديه على سياسة النشر
أحكوا هالحكي للحرامية الكبار .عاشت سوريا ويسقط كل خاين لبلدو وابن بلدو.ويسقط الإحتلال.
سوريا
طــلال الـــــكـــنّ2013-07-07 18:34:03
الحل : نغيّر نمط حياتنا
شكرا لأصحاب المبادرة لكن نلفت عنايتكم لتوجيهات أبو حافظ الأخيرة الواردة في صحيفة (الثورة)أو انقلاب آذار بمناسبة مرور 50 عام على إصدارها:(( من غير المعقول أن نعيش حياة استهلاكية بنفس الطريقة التي كانت قبل الأزمة. لابد أن نغير نمط حياتنا أحياناً لكي نخفف من الضغوطات ونتأقلم معها) يعني ضروري تاكلو دجاج ولبن وبيض وسمن وزيت ؟ غيّرو نمط حياتكم, عيشو علحشيش والملح شو فيها ؟ واللي ما ملاقي خبز ياكل كيك , فعلا شعب بحب النق! طبعا آل السلطان استثناء لأنهم يتعبون بحمل هموم الوطن
-سوريا
شاهر مواطن من الشارع السوري2013-07-07 17:33:21
شيئ آخر
هو شيئ آخر أضيفه لا كثير له علاقة بالموضوع لكني أرجو من عائله الموقع الكرام نشره هو أمر غير مفهوم وقد اشتكى منه الكثيرون وكدت أجمع تواقيع كل أهل قريتي وأرسلها للمسؤولين في الأعلام: لماذا عندما تستضيف فضائياتنا ضيفا تضعه في زاوية صغيره وتملأ الشاشه بمشهد أخرس غريب هذا الأمر لماذا تضعون هذا المشهد الأخرس سألت أحدهم مرة فقال أنه مشهد جاءنا الآن قلت أهو أخرس ,,, أيها الساده الكرام في فضائياتنا والله العظيم نحن نحترمكم ونحبكم ونتمنى أن نستوعب كل ما يقوله ضيوفكم الكرام فلا تدعونا نضيع
-سوريا
بشير سلام2013-07-07 17:30:57
أنصح الجميع بالتفكير المنطقي البسيط simple logic
أقول للسيد محمد عماد، برأيك إذا كان كيلو الفروج يكلف مربي الدواجن 500 ليرة (كيلو الذره أكثر من 150 ل.س) ، فهل من المنطقي أن يبعيه للمستهلك بمئتي ليرة ويخسر ثلاثمئة ليرة ، كرمى لعيونك ؟؟ طبعاً وهذا ينطلق على كل السلع... ببساطة السلع غالية من المصدر بسبب انخفاض قيمة الليرة بالنسبة للدولار
-سوريا
محمد2013-07-07 17:37:02
الحملة غير فعالة
مع احترامي لجهودكم يا شباب بس الحملة محكومة بالفشل لأنو البضاعة يلي بتقاطعوها بتيقى بالمستودع و كم يوم وبترد بتنزل و بتغلى أكثر شوفوا شو سبب غلاء المواد و بعدين تحركوا السبب بينقسم لصعوبة حركة سيارات التوزيع و صعوبة استيراد المواد الأولية الحل ببلش و بينتهي عند الدولة لازم معاملة سيارات التوزيع بطريقة محترمة عند الحواجز و السماح بالمرور بالخط العسكري و اعطاء الأولوية للمعامل باستخدام الكهرباء و مواد الاحتراق و إلا بتم التاجر عميشتكي و البائع بيقو مافي بضاعة عندو بالمحل
-سوريا
وائل2013-07-07 17:12:44
شي حلو
بس انتوا يا حبايبي نسيتوا السبب ولحقتوا النتيجة ...... بتعرفوا شو هو السبب??????
-سوريا
ابراهيم الديري2013-07-07 16:48:07
جيد
أنا مع هالحملة تماماً رغم أننا كلنا بنعرف أنو هالحملة مجرد مسكن لمرض أكبر هو بقاء النظام الأسدي لأنه هو سبب كل هالمصايب وسبب كل هالدمار والتهجير والغلاء والقتل. سيذكر التاريخ حقبة هذا النظام
-سوريا
سليم2013-07-07 16:37:12
المشكلة
المشكلة ليست من التجار يا شطار ، وان كنت لا أحترم التجار .
-سوريا
شاهر مواطن من الشارع السوري2013-07-07 16:11:59
أيها الحماة لكرا مة هذا الشعب
أنا وكل من أعرف معكم فقط لكي اقتراح قد لا يعجب بعضكم لكني أراه عمليا في وسط هذا الضياع في ضبط الأسعار هو العمل عملياعلى الأرض أقصد عندما يُظبط تاجر مخالف أو سمسار دولار أن تأخذوه أمام الجميع بالقوه الى أي مسؤول وتتابعون قصته فإن من يسرق هذا الوطن الآن هم من في مفاصل الدوله الرئيسيه ويستعينون بأذنابهم كمدراء المكاتب والسائقين والحجاب ومتكافلين متضامنين مع تجار الأزمه وإلا أخشى أن أقول (أنسفوهم أتله) ماهذا يا ساده نحن جياع لا لأن الوطن في أزمه بل لأن الأخلاق في أزمه
-سوريا
نبيل عزام2013-07-07 15:58:04
عرض وطلب
المشكله ليست في التجار فقط يضاف اليها الكثافه السكانية في منطقه صغيرة وانعدام التوازن بين توفر المادة ( العرض ) وزيادة الاستهلاك عليها (الطلب) , فكرة المقاطعه جيده وهي تؤدي الى انخفاض الاستهلاك (الطلب) ليتوازن مع العرض بسبب قلة الانتاج والتنقل
-سوريا
نسيرين منذ شهر 2013-07-07 15:53:39
ايوة هيك من الاول
هاي الحركات الصح، ومن زمان كننا ننادي برحيل الدجاج والبيض من حياة السوريين.
-سوريا
سوري2013-07-07 15:29:32
تجار؟؟؟؟؟!!!!!!
إلى متى نقوم بتحميل المسؤولية للتجار نعم هناك بعض المستغلين ولكن المصيبة الكبرى تكمن بسياسات حكومة الحرب (حرب النظام المجرم على شعبه)وسياسة التجويع للتركيع
-سوريا
لاذقاني أصيل2013-07-07 15:26:48
من هو المسؤول؟
اذا كان كل تجّار سورية من مسؤولي الدولة وأقارب الرئيس والوزراء والمحافظين, وبالتالي هم يريدون رفع الأسعار لملئ جيوبهم وسحق الشعب السوري. بس يسقط النظام وتنظف سورية من هالأشكال رح تشوفوا كيف الأسعار بتنخفض لحالها.
-سوريا
بشير من درعا2013-07-07 15:24:35
الفساد من الحكومة
يعني هالحكومة الموقرة استطاعت تمنع الناس من التظاهر بقوة السلاح والامن والمخابرات, معقول ماعم تقدر تمنع التجار من زيادة الأسعار؟ أكيد بتقدر بس مابدها, لحتى الشعب السوري ينذلّ أكثر ويصير يتحسر على أيام ماقبل الثورة, بس بإذن الله صامدين ومستمرين بالثورة لو صار شو ماصار.
-سوريا
محمد مجدي2013-07-07 14:48:12
ضيعنا البوصلة تمام
يعني بفهم من الحكي أنو مصايبنا كلها من تحت راس التجار.. أنا ما لي تاجر.. بس الله يعين التجار يللي لسا صامدين بهالبلد ... الطيران والهاون والسكود والمدفعية الثقيلة والدبابات نازلة دك بهالمدن هادا كلو حقو دولار والحكومة عمتصرف من الخزينة ثمن هالأسلحة .. بتمنى متل مانقصت المواد الغذائية والخبز بالأسواق ينقص هالسلاح يللي عميندفع حقو من جيبتي وجيبتك على حساب لقمتنا .. وأحلى شي من قول الحق على التجار.. لعلم الجميع اليوم ما في حدا بالبلد لساتو عم يشتغل إلا ما عم يشتغل بخسارة.
-سوريا
مواطن سوري بائس يائس2013-07-07 14:50:21
!!!
أنا أرى أن تستبدل عبارة " بدنا نعيش" بعبارة "بدنا نموت" فهي اصح وادق لان اي احتشاد وتمرد على الاسعار لن يجدي نفعاً وتجارنا واعضاءحكومتنا "الافذاذ!" لن يغيروا شيئاً مهما صار وبالتالي كل هذه الحملة ستذهب هباءً منثوراً..لذلك ارى ان "بدنا نموت" انسب على الاقل الموت ارحم من كل مايفعله هؤلاءالساقطون السفلة الذين يخنقون المواطن السوري خنقاً متدرجاً و..لكن الموت للاسف لايأتي الا بالساعة والوقت المحدد من الخالق العظيم الرحيم الغفور ...اللهم اختر لنا الخير ..
-سوريا
محمد عماد قشاشة 2013-07-07 14:44:29
انا ضد التجار الفجار
والله العظيم انني امس قررت اكتب ا الشيء بالامس واعمل حملة مقاطعة شراء اللحم والدجاج والالبان لان التجار لم يعد امامهم غير هم الربح ونسوا ان هذه البشر هم اهلهم منهم من تضرر ومنهم من ذهب ماله ولم يعد ومنهم من افلس ان لم ترحموا بعضكم لن يرحمكم الله لذا ارجو من كافة الناس الامتناع عن شراء اللحوم والدجاج وشوفوا شو بيصير والله ليرجع كيلو الدجاج الى 200 ل.س
سوريا