syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
من الأوفر حظاً الشاب أم الفتاة؟
كرت أصفر

يحلو لصديقي عامر أن يعبر دوماً عن ارتياحه الى كونه رجلاً، معللاً ذلك بسلسلة أسباب، بدا لي بعضها مريحاً فعلاً، وبعضها طريفاً، والبعض الآخر مضحكاً، إلا أنني لم أتمكن من إقناع نفسي بوجهة نظره، خصوصاً انها أحياناً تتحدث عن شخص معزول لا علاقة له بما يدور حوله.

 


لكن عامر يلخص أسبابه بالتالي: «المكالمة الهاتفية تنتهي في 30 ثانية. تستـحم وتـكون جـاهـزاً للخـروج في 10 دقائق. رحـلة لخمسة أيام تـحتـاج حقـيبـة واحدة فقط. الأصدقـاء لا يـهتمّون اذا ازداد وزنك أو نقص. الحلاّقون لا يستطيعون سرقتك «عينك عينك».

عند تقليب المحطات على التلفاز لا داعي للوقوف عند كل لقطة فيها واحد عم يبكي. تستطيع الذهاب إلى الحمّامات العامّة من دون فرقة دعم أو مرافقة. الكنية (اسم العائلة) يبقى نفسه مدى الحياة. تستطيع ترك غرفة الفندق من دون الحاجة الى ترتيبها. تستطيع أن تسهر لأي وقت خارج المنزل. إذا نسي أحد اصدقائك دعوتك الى مناسبة ما لن يتسبب ذلك في تدمير صداقتكما. ثلاثة أزواج من الأحذية هي أكثر من اللاّزم. مزاج واحد في كل الأوقات. الريموت كونترول لك ولك وحدك. اذا مضى وقت طويل ولم تتصل برفيقك لن يتهمك بأنك «تغيرت».

إذا كنت في حفلة وظهر أحدهم بملابس كملابسك، يمكن أن تصبحا من أعـزّ الأصـدقاء. لديـك الحـريّة المطلقة في أن تربّي شارباً أو لا»! هـذه أسباب صـديـقـي عـامر الذي راح يـروج لهـا بـين الشلة ويرسلها في «الإيميل» للجميع. أما أنا، فأجد أسباباً عدة، تـقلقـني أحيـاناً، وتـجعلنـي أحـسد إنـاث العالم على دلالهن، فأجدني أقول لعامر:

بما أنك شاب يا عزيزي، ومن منطلق الرجولة، فإنك ستضطر لأن تدفع عن كل فتاة تجالسك في أحد المقاهي، وطبعاً طلبها لن يقتصر على قهوة فقط، ولكونها «بنت عائلة» مرفهة لن تطلب أقل من عصير، وطبعاً ولأنها «شبعانة ومش بعينها» فهي ستكتفي برشفتين فقط، وأنت ستبقى تنظر طوال الجلسة إلى الكأس بألم وحسرة وقليل من الندم.

أما الإشكال الثاني يا صديقي، والذي نعانـي منه كثـيـراً هذه الأيام، فهو طابـور العمل. فمكاتب التوظيـف في مختلف الشركات والمؤسسات تتسع لمئات طلبات التوظيف للشباب، لكنه من النادر أن يوجد طلب لفتاة (لايدز فيـرست)، وكما ترى وتـقرأ في الكثـير من الصحف التي تعلن عن وظائف شاغرة، فالموضة في أيامنا هذه أن يعلن عن طلب آنـسات للعمل، والأنكى من هذا وذاك أن بعض تلك الإعلانات تضيف كلمة «سبور» للإعلان، (لماذا برأيك؟).

إنه ولكي تكون رجلاً طبيعياً في نظر الآخرين، يجب عليك أن تتزوج، وطبعاً فإن فترة الخطوبة تعتبر فترة إفلاس، «هدية رايحة وهدية جاية»، ونظرات حماة المستقبل لا تبشر بخير إن كانت الهدية «مش بالمقام». وعندما يقترب العرس وتعتقد أنت أن كابوس الحماة انتهى، تبدأ قائمة جديدة من الطلبات، من صالة أفراح، إلى عدد من المعازيم لـ «تفرح بابنتها». وفي النهاية تجد نفسك يا صديقي موظفاً مزدوجاً. وسيأتي الوقت الذي تترحم فيه على أيام العزوبية، وفي الحقيقة يا أخي فإنك تلعن في داخلك اليوم الذي ولدت فيه ذكراً، وستحسد زوجتك على أنوثتها. ولا أنسى يا صديقي أنك وإن مرت ساعة دون أن تقول لها كلمة غزل، أو أكلت وجبة من تحضيرها، ولم تشكر أناملها التي - تحول الرصاص ذهباً - فإن يومك سيمر أسود.

في هذه الأيام يا أخي وتحت شعار مساواة المرأة بالرجل، انقلبت الادوار وصرنا نحن من يجب أن يطالب بالمساواة معهن، فلا تذهب بعيداً بكونك رجلاً!

 

المصدر :الحياة


2006-06-28 15:24:32
شاركنا على مواقع التواصل الاجتماعي:



شارك بالتعليق
الدمشقي2010-11-20 18:41:35
تعليق
خي الكريم بلا طول سيرة لا البنت بتحسد الشاب ولا الشاب بيحسد البنت التنين مو مرتاحين بجتمعنا والاسباب بدها مسلسل مكسيكي ما بيخلوص
سوريا
angiiii2009-07-17 04:49:11
عيب ولو حاجة تخلف
يعني بجد مستغربة صرنا بالل2009 ولسه حدى بيئول شب وبنت انا برئيي مافي فرئ التنين لازم يتشاركوا حتى يئدروا يكملوا ولازم يكونوا يد واحدة يعني التنين بيتساعدوا بتربية الولاد وبالشغل خارج المنزل وداخله وبالنسبة الي اهلي بيعاملوني متلي متل اخي وماحدا احسن من حداا لان كلنا منشكل هل مجتمع اما بالنسبة للشغل بالبيت فهو كان ظائف المراة لانها ماكانت تشتغل برا اما هلئ التنين عم يشتغلوا برا وجوا هيك لازم
-سوريا
Tifa2009-01-23 23:23:20
الشب طبعا
هلئ صعي الشب علي مسؤليات العيلة بس البنت عليها مسؤليه تربايه الولاد و أحيانا لازم تشتغل لتعين زوجها اذا حالتوا عدمانه و الشب ما حدا بيسئلوا وين رحت و وين اجيت أو ليش تأخرت و ما بيحكوا شي اذا دريوا عم يحكي مع بنت وبيتزوج البت يلي بتعجبوا أما نحنا ياحسرتي علينا اذا اتأخرنا ياويلنا واذا دريو انو عم نحكي مع شب ولي مناكل هوا بلمعلئه ومو دائما منتزوج يلي نحبوا وفي كتير شغلات ما منأدر نساويها فيا نيال الشب على عيشتوا
-سوريا
ahmad2008-11-17 04:37:32
ما في مقارنة
انا رأيي انو الشب شو ما صار معو ممكن يدبر حالو وما حدا رح يحكي علي شي بعكس البنت اي حركة محسوبة عليها والاهل طبعا رح يكونو دايما اكلين هما ويدون يكونو دايما مسوؤلين وعنا ومتابيعنا بكلشي بتعملو وقصة انو الشب متلو متل البنت مو مزبوطة الشب سب والبنت بنت
سوريا
ميرو2008-07-09 00:17:22
طبعا الشب
طبعا الشب هو يلي بحقلو انو يعمل طل شي اما البنت محرومة من كتير اشياوانابكره اللحظة يلي ولدت فيها بنت ولو بصحلي كون شب ما بتردد ابدا
سوريا
hiba2008-06-08 14:19:32
مافي حدا مرتاح
لا الشب مرتاح ولا البنت مرتاحه صحيح الشب مافي عليه رقابه متل البنت بس عليه مسؤليات اكتر. الا اذا قرر يعيش كل حياته عزابي
سوريا
loulou2008-03-31 23:47:45
الشباب والبنات
انا بوافق علىهالحكي بس في نقطة انو انتو حطيتو الحق كلو على البنت وانو الشب مافي متلو مابيصير هيك لازم هم الاثنين يكون عليهم المسؤلية بهاد الموضوع
سوريا
نهاد2007-10-13 17:25:33
فتاة سورية
أنابدي قول أنو البنات و الشباب بيكملوا بعض كل واحد الو دوروبي هلحياة ْْاْْْْذا أداه بشكل مزبوط حانعيش كتير حلوين مع بعض .
-الكويت
tama2007-08-12 00:17:16
مو كل البنات هيك
أكيد البنت اللي عم تحكي عنا ما بتعطي صورة شاملة عن كل بنات العالم والأنسان ما ممكن يعمم من تجربة صارت معو عكل البنات
سوريا-حلب
أبو الجماجم2007-07-07 23:38:06
ما في غير حل
بهالأيام لا الشب ولا البنت مرتاحين وكل الحق على الدولة هيه السبب بكل علة ونا بشوف الحل والوحيد يصير الواحد شاذ هه هيك بيضمن يكون الجنسين سوا
-Syria
رهام2006-07-06 17:18:13
ماتبعدوا كتير
كلوا متل بعضو لما بتكون البنت راكزة والشب راكز بكون إلون مشاكل وإلون محاسن .. والمستهترين نفس الشي الحال من بعضو وما حدا لا أحسن ولا أضرب من حدا
-الشام
zoro2006-07-04 19:41:10
أحلى
بصراحة بكل المقاييس حياة الرجل أحلى و البنت قد ما طلعت و نزلت و كانت حلوة و دلوعة بيجي شب واحد بيلوعها و بيروح و الأحسن كل واحد الشب و البنت يدير بالو على حالو
-بلاد الواق الواق
سورية2006-07-04 00:27:20
ملاحظة
احب ان اقول للسيد عامر لو كنت فتاة لما شعرت بسوء الحظ بل كنت قد ادركت ان المراة اكثر عمقا من الصورة التي رسمتها و ان الحرية من الداخل و ليست من الخارج
-سوريا
remo2006-07-03 20:29:15
غلط بغلط
البنات وقت بدهن يشتغلوا بيشتغلوا مو لانوا رايحين على حفلة معfull makeup البنات يا شباب هنن أكتر من هيك ممكن أنوا تكون مسؤلة عن عائلة كاملة فالبنات مثل الشباب بيشتغلوا وبيتعبوا متلكن متلن ويلي عم بيفكر بالمشاوير لعند رفقاته بمنتصف الليل هاد مافي ورائه اهل يربونه
-ايطاليا
lama2006-07-03 11:39:31
تعقيب
كل شخص بالدنيا اله مكانه الرجل والمراة وماحدا بيقدر يأخذ محل الثاني ويلي بيحاول بيكون عم يخالف الفطرة يلي فطره الله تعالى عليها,مشان هيك لازم كل رجل وامرأة يعرفوا الحدود يلي رسملهم إياها رب العالمين وماحدا يأخذ دور الثاني بيعيشوا بسعادة ورضى
سورية
رجل2006-07-02 16:08:51
اضاءة
الرجال رجال ووراء كل رجل عظيم امرأة عظيمة وليس أمام كل رجل عظيم امرأة عظيمة
syria
منال2006-07-01 23:02:39
إضاءة
هالمقال يصور الرجولة و الأنوثة بزاوية لا تتعدى 1 درجة مئوية أي كرامة لمرأة بينطلب منها تكون سبور لحتى تنقبل بوظيفة يعني متل المطلوب فقط جسدها و أنوثتها بس بطريق مخباية اكتر من بنات الليل و أنا بشوف لما الرجل و المرأة بأدو أدوارهن المطلوبة منهن بالحياة ماحدا راح يكون مظلوم الاتنين عليهن واجبات و الهن حقوق
-سوريا
طالب دكتورا بفرنسا2006-07-01 14:59:21
لك مجتهد نصيب و المحظوظ هو الي بيرضي ربه و أهله
السلام عليكم:لا يمكننا أن نقول أن طرف محظوظ أكثر,المحظوظ هو الي بيرضي ربه و بيكسب بر الوالدين هاد المحظوظ لأنو هادا كافي أنو يكون سعيد بحياتو و يرزق بإمرأة صالحة أو ترزق بزوج صالح. كشباب علينا أن نفتش عن ذات الخلق و الدين و طبعا انو يعجبنا شكلهاوو..و كبنت لازم كمان تركز على ذي الخلق و الدين مو على مصريه وو...والأهل لازم يترأفوا بحالة المتقدم لبنتهم.
France
محتار2006-07-01 13:57:27
أمر إضافي
إن مايتعرض له الشباب اليوم من ظلم ومايتعرض له الرجال من اتهامات مضحكة على الفضائيات نتيجة لجهلهم ولوقوفهم موقفا سلبيا من الموضوع ,ونتيجة لذلك تقوم البنات باستغلال غباء الشباب ويفعلون مايريدون (بشوية تصرفات سخيفة)
-
رجال2006-06-30 07:56:32
رجال
لك نيالون واله ما حدا مرتاح قدون
-رجال
والله الحياة صعبة عالشباب2006-06-30 07:52:57
لك نيالون البنات شو مرتاحين
والله انا بعتبر انو الاسباب الي انزكرت بالمقال كتير كتير تافهة جنب اسباب اخرى تجعل حياة المراة اريح بكتير فالمراة انا الوالد عم يدغعلي 2 مليون ليرة سوري بالسنة مشان اخود شاتعلم كذا مبلغ مشان اتعلم واخود شهادة وبعد ما اخدا تعا لاقيلك شغل بتقدر تفتح بيت منو وتشتري سيارة هدا غير العسكرية بقى شو عم تقلي اي ما في احلى من عيشت البنات
--
عمار2006-06-29 18:08:55
ملاحظات2
وامو يعني الالتزامات العائلية اما البنات يئبروا قلبي مو مطلوب منن شي عايشين على راحتن و كل شي مقدملهن على البارد المستريح و هن معززين مكرمين والله يعين كل مين على مشاكلوا و بقول لهلا اكيد يا عزيزتي دائماً في الجيد و في السيء و الواحد لازم يدور و يكون عندو حدس و نظرة شاملة للامور حتى يقدر يميز .تحياتي الكم جميعاً شباب وصبايا متزوجين و عزابية يلاا سلااام
سوريا
عمار2006-06-29 18:07:34
ملاحظات1
اول شي شكراً لكل يلي وجهلي الحكي الي و كل يلي عم يشارك ..هلئ صح كل يلي نحكى بس اذا بدنا كون واقعيين هو صح ليلي احوالوا المادية منيجة ان شاء تكونوا كلكم هيك اما بالنسبة يلي احوالوا على ادها ح تسقط كل المميزات المنيحة للشب عند مشكلة السكن و تأمين دخل شهري مناسب و مصاريف الزواج و ما يتبعه و ما منسى العسكرية و ما منسى التزامات الشب المالية لاخواتوا و ابو
سوريا
hala2006-06-29 11:46:26
....................
مو كل أصابيعك متل بعضها......... لأنه في كتير بنات بعرفن بعيدين عن هالصوره السيئه ,على الرغم من وجود هالنوعيه من الفتيات بكثره ,لكن الشب يلي مابيعرف يختار شو ما صار فيه بيسسسسستاهلللللللللل...............
-
أبو عمار2006-06-29 09:59:57
إضافة
بحب ضيف للسيد عمار اهم شغلة بتميز الشب انو غيمتا ما حب يتخول من عازب لمتزوج فهو بيقدر يساوي هالشي بأقل من 24 ساعة أما البنت فيا حرام (وخاصة بهالأيام) صار العريس خلم من احلامها الغير موعودة فيه ويا ويلها إزا قطعت ال 25 وما حدا نقر باب بيتها .... ولييييي لحق ع أمراض وعقد نفسية غزا بتلحق.... الحمد لله ع الرجولة(الرجال قوامون على النساء يا جماعة)
-
سوري عزيزنفس ناصح2006-06-28 18:24:28
حسب نوع البنت تكون النتائج
لم أقرأ المقال لضيق وقتي ولكن سأجيب على السؤال في بلدنا حالياوقياسا على الظروف المفروضةاذاكانت البنت دلوعة وعارفة حالها دلوعة وماعندها مانع أن تستخدم هالدلع لأغراض أخرى فليس هناك فرصة لأي شاب مقابلها أما إن كانت بنت ناس ومحترمة وبهمهاالحلال والحرام فياحرام ليس لديها فرصةللنجاح وإن كانت تستحقه وآآآآآآآآآآه يابلد
-ذلستان الإشتراكية العظمى
أبو الجماجم2006-06-28 09:29:16
بدون عنوان
تعالو على كلية طب الأسنان و شوفوا مين أوفر حظاو علاماتا!!!!!!!!!!
-
واقعيين2006-06-27 21:38:20
كل شي لحال
ليك استاذ عمار: يعني يمكن يكونو البنات مدللين شوي,بس الشباب عايشين حياتهم و مكترين واللي بيعملوه ما في بنت بتعمل قد نصوا عجبوني حكياتك ..دايما اتحفنا
-سوريا
عمار2006-06-27 17:40:05
بصراحة
أسباب عامر مقنعة بالنسبة لألي أكتر و بعتبرها اهم من الأسباب عند الكاتب و لله في خلقه شؤون مو؟؟...شكراً
سوريا