syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
موضة الميكرويات !!!
أخبار القراء

الميكرو وسيلة للنقل ... وليس للسلب ( أقصد السلب من كلمة سلبة العامية أي الكذب المكشوف ولا أقصد السرقة لا سمح الله ) لذا بدأت الميكرويات على خط المزة جبل كراجات بموضة جديدة وهي ....؟؟؟؟؟


يتميز ميكرو مزة جبل كراجات بعدة مزايا:
*طول خطه ... من آخر خط المزة جبل ولغاااااية كراجات البولمان ( خط محرز )
*بقاءه لساعات قد تمتد لـ 24 ساعة ( فالميكرو متوفر بأي وقت تقريباً )
*رخصه ( 5 ليرات سورية )
لهنا الميزات الجيدة ، وبالنسبة للسيئة :
*القيادة بشكل أرعن.
*تواجد راكبين على طرف الكراسي ( والذي هو ممر الركاب للنزول ) بأغراضهم وأمتعتهم.
*الركاب الذين هم من كل حدب وصوب ( من كل مكان في سوريا ) لدرجة أنك تكاد تظن أنك خارج دمشق.
*نفسية الشفير الذي يكون قد قرف من العالم والركاب والعجقة.
وأخيرا الموضة التي نتحدث عنها :
ألا وهي أن السائقين يتحربقون على خط المزة كراجات ويجبرون الركاب على النزول في منطقة البرامكة قرب إشارة سانا ، كيف يحصل هذا ....
يخبرك السائق وأنت في المزة بأن الميكرو يصل للبرامكة فقط ( هذا وأنت تهم بالركوب ) تسأل بكل براءة لما ؟ ينظر لك بقرف ويكاد يوقعك من الباب والذي مازال مفتوحاً وهو يبربر بكلمات غير مفهمة فتضطر للنزول ، وحينما تقبل أن تركب معه لكون أنك تمشي الحال تجد وبمجرد وصولك للبرامكة وتقليع السائق لك بكلمة (( يالله يا شباب وصلنا للبرامكة )) تجد أنه يخبر الراكبين الجدد من البرامكة بأن الميكرو لا يصل غير لشارع الثورة ... وهنا يتساءل البعض لما يصل للثورة وليس للكراج ، ويتكرر نفس سيناريو الرمقات والكلام الغير مفهم .
وطبعاً حينما ينزل الركاب في الثورة ويأخذ ركاب جدد يوصلهم بسلام وأمان للكراجات >>>> إذا السائق يغير وبشكل إجباري ركابه ثلاث مرات وبالتالي يضطر الركاب لتدبير حالهم بصعوبة وفي ساعات الذروة ( العجقة ) فما ذنب الرجل العجوز أو المرأة مع أولادها....طبعاً أنا صادفني الموضوع مرتين ، ولا أريد أن أظلم أحد ، ولكن أظن أن السائق كان في كلا الحالتين عراقي أو أن لهجة حديثة تشبه اللهجة العراقية ؟؟؟؟
فما الحل يا شباب ... يرجى من سيريانيوز الحل لأن الموضوع لعب عالمكشوف ... وعيب يا شباب السرافيس ....
 

 حسام العابدي


2007-03-30 22:40:55
شاركنا على مواقع التواصل الاجتماعي:



شارك بالتعليق
ALBASHA2007-04-02 12:44:54
لابد من إيجاد الحل
إلى أخواني الأعزاء، طبعا هي مشكلة المكاري صارت معاناة حقيقية لكل ساكني الشام وطبعا كاتب المقال عم يعرض مشكلة صحيحة بس يمكن ما عرف الطريقة الصحيحة اللي لازم يحكي فيهاوبرأي الحل لازم يكون بنوعية وسائل النقل بالإضافة إلى إيحاد حلول للطرقات المزدحمة والمهترئة ساعتها بتلاحظ الفرق بتلاحظ انو سائق المكرو بدو يشتغل غصباً عنه وبعدين السيء موجودبالشام وبغير الشام
-سورية
من سوريا/مواطن عادي2007-04-02 12:38:39
مو معقوووووول 2
وأكبر مثال في بلدين قريبين لنا ( لبنان والأردن ) للعساكر باصات خاصة وهنا تكمن المشكلة وخصوصا حينما تصعد للميكرو مع زوجتك أو أختك أو حتى زميلة لك وتكاد عيونهم أن تأكل الفتاة أكل ... الفكرة مو بالكلام المسرود ... بل بالكلام المبطن المقصود فكروا بالكلام الذي يكتب (معناه وليس ظاهرة) اقرؤا بين السطور يا متعلمين
-syria
فيصل2007-04-02 10:04:52
وبعدين
تحياتي للجميع .... سمعناانو العراقيين رح يطلعوهم فرحنا ويا فرحة ما تمت بتمنا تعمل سوريا متل كل دول الخلخ تفرض تشيرات دخول لكل العرب هذا لا يمنع ولا ينتقص من عروبتنا لكن بيريح الوطن والمواطنين وبيزيد في حالة الامن المستهتر بهامن قبل الاخوة العرب عمن نسمع عن بلاوي ما كنا نسمع عنها من خمس سنين والسبب براي الرجل الغريبة افرضو تاشيرات دخول وغرامات تاخير
السعودية
GreavDancer2007-04-02 08:07:19
الكل هاجم كاتب المقال والله عيب
مو شاطرين غير بالنقدانا عايش برات سورية وكل ماانزل سوريابلاقيها راجعة سنين لورا بس من تفاهة هيك شعب ما عندكن شي تعملو غير تحكو علابعض لك حلو المشكلةمو تنقضو الكاتب الميكرو باص وسيلة نقل عامةالكل بيستعملا بس قليل الزوق والغبي والرزيلوالوسخ مكانو بالشارع مين ماكان يكونمن الشوفير للراكب الشعب لازم يصحاعلا حالو حاجتكن حكي فاضي قرفتونا البلدعنجدالي استحوماتو
-دبي
GreavDancer2007-04-02 07:52:07
الكلام لنور بشكل خاص و للقراء بشكل عام العاصمة ما
هلا بغض النظر عن الشام هون عنا مشكلة ازا كان سائق الميكرو عراقي؟؟؟طيب في عدد كبير من شبابنا عاطلين عن العمل ليش انشغل الغريب فاتو عالبلد و نهبوها و نشرو الفساد فيها,وكمان بياخدو الشغل من اهلا ازا الحكومة ما تحركت الشعب لازم يتحرك و ينتخي و يوظف السوري و رجع العراقي لبلدوعن طرق رفض المجتمع السوري لهيك شعب.بغض النظر عن موقف الحكومة لانها نايمة.
-دبي
شامي للعظم2007-04-01 23:05:47
أه ه ه ه ه يا كاتب المقال
والله وضعت يدك على الجرح,الشام ماعادت لأهلهاوإنما للناس يلي تركو ارضهم وسافروا الى المدينة من اجل تحقيق حلمهم أنو صار عندهم بيت بالشام ويفخروا إمام اهل ضيعتهم انهم يعملون بالشام حتى اصبحت دائرة النفوس للشوام أفرادها من .... والأحلى من ذلك أني منذ فترة سألت عن المختار تبع حارتنا من ورقة فوجدت المحل مغلقا وعند السؤال عنه قالوا انه مسافر الى ضيعته اجازة
-
نور2007-04-01 21:08:13
غيروا العاصمة !!!!!!!!!!!!!!!!!!!!!
يعني الشام كانت بالستينات والسبعينيات مدينة عادية جدا جدا مقارنة بحلب على سبيل المثال . بس بعد ما صار الانفتاح تطورت الشام اضعاف عن باقي المدن السورية طبعا السبب معروف. بس ازا الشوام كل هاد قرفانين من الناس وبددن يرفسوا النعمة منغير العاصمة وللا شو رايكن ؟؟؟؟؟؟؟؟؟
-
ليست لكلتب المقال بل للجميع2007-04-01 21:05:11
كفانا تهرب من المسؤولية
بغض النظر يعني كل واحد بتصير معو مشكلة بيكنب كقال عليها دون أن يتصرف أو يشتكي !! يعني بكرا إذا واحد خلعك كفين بتتركو وبتكتب مقال عنو وبتتهم الشرطة بالتقصير, لك ياأخي اشتكي خود حقك لاحق الموضوع وبعدين إذا ماصار شي اكتوب مقال وفضحون بالأسماء , ساعدو الدولة ساعدو الشرطة اتعبوا شوي وين كرامتكون ابعمرا مارح تمشي البلد بهيك ناس ,
-سورية
abo albiss2007-04-01 20:50:02
ميكرو الضيعة
لما كنت باجازة بالشام حاولت اني روح ع مشروع دمر وبسبب الزحمة دلوني أهل الخير على ميكرو يحمل اسم مساكن الحرس..وعينكوم ماتشوف الا النور..ياجماعة حسيت حالي رايح على الضيعة الكل بيعرفو بعض بالميكرو يعني انا الغريب بيناتهم والشوفير حاطط اغاني الدبكة وشوي تانية رح يشربو مته..والمصيبة انو فجأة وقف بنص الشارع قال شو بدو يساعدزميلوه بخناقة ونزلو الركاب معوه طبعا
-UAE
سوري منفتح لكل السوريون2007-04-01 16:35:15
لااقلية ولااكثرية كلنا سوريون
شو اقلية وشواكثرية العمى ماقنالك هي الشام العاصمة للكل اخي انا فهمان عليك شوبتقصد ومن شان هيك برد وبقلك الشام للكل والعساكر اللي عم تهاجمن هدول شركائك بالوطن ولازم تقبل وجودهم مع احذيتهم اكبيرة الله يعينهم. لااقلية ولااكثرية كفانا تخلف تعلم من درس العراق كفى تخلف
-سوريا
كاتب المقالة2007-04-01 14:37:14
يا جماعة ما تؤاخذوني 2
وصراحة أريد أن يفهم شعوري ... فأنا بت الآن وكأني غربتلي بالشام لكثرة عدم الشوام ... لا توجد مشكلة طبعا ولكن يوجد أنني بت أشعر أنني من الأقلية ... ومن لم يلمس الشعور لا يمكن أن يعرف ما أقصد ( وأكرر بأنني من سوريا وكا أبنائها أخوتي ) لكنه شعور لا أكثر ... كما أنني لم أؤكد أنه عراقي ولكن لهجته كانت أقرب للعراقية ... وأنا كنت أنقل خبر بتجرد لا أكثر ولا أقل
syria
كاتب المقالة2007-04-01 14:32:53
يا جماعة ما تؤاخذوني
صراحة أنا لم يكن قصدي أن اتعرض لأبناء البلد لأنني وبكل فخر من أب شامي ووالدة ليست شامية وجدة ليست شامية أيضاً ... لكنني قصدت من كلامي ( ولم أرد التوضيح ) ألا وهو العساكر الذين يأتون من كل حدب وصوب بهمجيتهم وللأسف وأحذيتهم العسكرية وحقائبهم الكبيرة وسجائرهم التي يتركونها داخل الميكرو ، لكنني لم أرد أن أفصل إلا أنكم أحجتموني ...
syria
فهمان2007-04-01 13:03:27
جوبر مزة اوتوستراد
نفس المشكلمة حيث يقوم اغلب الشوفيرية باخبار الركاب ان اخر محطة هي جسر الثورة و تكون المفادئة حين تجد انه يصعد ركاب من شارع الثورة الى جوبر و كل هذا من اجل طلب اخر و تقليب ركاب هذا بغض النظر حيث ان معظة السيرفيسات للخط المذكور لا تسمح للركاب بالصعود من منطقة المزة
-سوريا
من الشام2007-04-01 11:53:15
ليش التحامل على كاتب المقال
شو شايف كل العالم انقهرت لانو قال من كل حدب وصوب اي شو عم يكزب الزلمة مزبوط من كل حدب وصوب نحن ابناء الشام صار لازم نطلع نسكن بالضيعة لانو اهل الضيع احتلوا الشام وعواض ما يصير الريف مدينة اصبحت الشام ريف بئا في مثل بفرنسا بقول في بفرنسا كم فرنسي وأنا رح قول في بالشام كم شامي وعلى فكرة اول فرصة لهج من مدينتي مارح قصر لانو العيشة ماعادت تنطاق
-
غربة2007-04-01 11:24:26
انا معاك
و الله انا معو و معو كل الحق بها الخصوص المشكلة انو هي القصة بكل سوريا مو بس بالشام و الكل تهجم عليه منشان موضوع (ناس من كل حدب و صوب) بس انا شفت انو كلامو كتير صح و منطقي و هاد ما بيعني انو نحنا عم نشتكي وجودهن بس كمان شي ما بينحمل و الكل ضمنياً بيعرف انو الوضع زاد عن حدو بس بيبيعوا وطنيات كلنا منحب سوريا و روحنا فيها مو بس انتوا ولاننا هيك منطلب الافض
-سوريا
Samer2007-04-01 05:29:38
شو هالنفسية
شو هالنفسية أقسم بالله العظيم عندما أقرئ أمثالك أخجل أن أكون سوري و أقرف أن أعود للعيش في دمشق و أفضل غربتي أي دين و أي شريعة تسمح لك هذا الحقد و العنصرية و من أنت و بما فضلك الله عن بقية البشر؟ألا تخجل مما تقوله بحق العراقي الهارب من الموت إن لم تخجل مما تقوله بحق أبناء المحافظات!
-fr
ghost2007-04-01 00:40:26
الحل3
الحل: بيقول المتل : يافرعون مين فرعنك.قال:مالقيت حدا يردني. ومن هون اجى الحل أبطلع بمكرو مزة جبل ووقت بيقلي بس عالبرامكة بقله أنارايح على الكراجات , وبعد موشح طويل , بيروح على الكراجات بعد ما يشكيلي طول الطريق,مرة واحد تنح والنتيجة اني اشتكيت لشرطي المرور اللي خالفه وحجز المكرو , يعني القانون موجود, بس المشكلة بالمواطن اللي بيسكت على حقة وما بيطالب في
syria
ghost2007-04-01 00:39:45
الحل2
في دوما الأجرة من دوما إلى دمشق 5 ليرات وضمن دوما 3 ليرات . بس كمان بدوما لما تعطي الشوفير 5 ليرات بيطنش وما بيرجع , ولما تعطيه 3 ليرات بيضل يزورك حتى تنزل,ومنشان هيك صارت الاجرة بدوما ولخارج دزما 5 ليرات , والشوفيرية الحرابيق صاروا لما تجي لتطلع بيقولوا:بس دوما, لنفس الحجج السابقة,ولما يوصل لاخر دوما بيرجع بالعكس وبعبي ركاب جدد (بس دوما) وهيك بتوفي معو
سوريا
ghost2007-04-01 00:28:08
الحل
مرحبا المشكلة هي منتشرة بكافة خطوط مدينة دمشق متل الدوار الشمالي وجوبر وقدم عسالي,كلهم بيقسمو الخط بحجج متل:بدي روح عالتصليح , عندي عمال بدي روح جيبهم , أو بدو شوفير تاني يستلم,...,المهم انها تعددت الاسباب , والمصيبة واحدة,الركاب بيكتروا , الشوفيرية بيعملو اللي براسهم ومش بس ضمن خطوط مدينة دمشق ,وبالمشاركة التالية رح احكيلكم قصة مكرويات مدينة دوما
syria
-2007-03-31 21:17:23
-
يجب أن يفهم القاصي والداني أنه فعلاً لا يوجد قانون في سوريا وى قانون الغاب وهذه الحالة تتفاقم باستمرار وبشكل غريب فكل جهة وكل مؤسسة وكل إدارة وكل سرفيس وكل تكسي وكل بائع وكل..... وحتى كل شخص عامل قانون لحالو !! وهذا أن دل على شيئ فهو نعم يدل على .. على ... على ضعف القيادة!!
Europe
Teufel2007-03-31 19:16:27
Nothing like Damascus
الغريب بالموضوع أنو معظم شوفيرية المكاري والتكاسي هم من خارج دمشق و هدا بصراحة لا يعجبني بتاتا.قولوا عني عنصري و متخلف و وو, ولكن معظمهم لا يحترمون الناس ولا عندهم جنس الذوق, أنا لا أعمم ولكن جميع قاطنين دمشق المنتوفين متلي يفهمونني.
Rus
بحب الشام2007-03-31 18:43:54
مين مفكر حالك بالله
ثاني مرة لاترد عالشوفور ولاتنزل الا بالكراجات و بالنسبة لنلس من كل حدب و صوب متل ما سميتم هدول شركائك بالوطن و اشام للجميع مو ملك ابوك
-سوريا
sezar2007-03-31 17:32:00
تناحة
خيو انا الحل الوحيد و الدائم تنح و لا تنزل .. يعني شو بدو يساوي .. و لو العالم بياخدو موقف واحد بصير الشفير بدور على رزقو و بيشتغل متل ما الله خلقو .. انا برأي الحق عل عالم مو عل شفير ملاحظة : دمشق = سوريا = لكل السوريين
-سوريا
حمصي2007-03-31 15:12:56
شام وملا شام والله
قطعت الايام اللي بكون فيها مضطر روح عالعاصمه..عندي معاملة بالتأمينات الاجتماعية والى عشرة ايام بالشام من سرفيس لسرفيس ومن تكسي لتكسي ومن فندق لفندق...شوفيها الشام مابعرف غير العجقه ..حبيبي ابو شام بدال ماتحكي عالغريبين احكي على حكومتك اللي حصرت كل مؤسساتها ووزاراتها بالعاصمه وشرشحت الناس وبهدلتهم بالفنادق..الله يجيرنا من الفنادق وسمعتها بس شو اعمل وين ب
-حمص
مستغرب2007-03-31 13:51:38
الى الشامي
شو بدك يعني تقلع كل منو شامي من لشام!!!! ولك هي العاصمة كل الناس لاغنى لها عن مراجعة العاصمة .اذا هذا لم يعجبك لاتعزمهم لعندك عالبيت بس ما بيطلع بايدك تقلعهم من الشام ومن ارتياد الباصات العامة!!!!بيكفيهم معاناتهم والله يكون بعونهم;
-سوريا
سوري منفتح لكل السوريون2007-03-31 13:39:48
منطق متخلف!!!
لم يعجبني كلامك عن الركاب من غير الشوام الانو الشام هي العاصمة و كل سوري بحاجة ان ياتي للشام لتصديق اوراق و مراجعة الوزارات التي هي بالشام و هؤلاء يستخدمون النقل العام لانو اغلبهم ليس عندهم سيارات خاصة و الذين يملكون سيارات خاصة و لايعرفون الشام جيدا صعب عليهم القيادة مع زحمة المواصلات اخيرا اقول لك الشام ليست ملك لك وحدك و اتما لكل السوريون
- سوريا