syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
عن موضوع النظافة في زملكا
أخبار القراء

أود المشاركة في هذا التقرير عن موضوع النظافة والشوارع المليئة بالحفر وإشغال الأرصفة من قبل الباعة في منطقة زملكا بريف دمشق.


1-  أولا: عن موضوع النظافة فإن البلدية دائمة التقصير في هذا الموضوع في أغلب شوارع زملكا فكل ثلاث أو أربعة أيام وربما أكثر حتى تزال القمامة,وفي بعض المناطق تتراكم لتصبح جبال (مع العلم أن هذه الصور من نافذة منزلي التي في الطابق الأول وتطل على هذا المنظر الجميل) مثال:خلف صالة الحافظ عند الزيتونة مع العلم أن هذه المكان لايبعد سوى 150 متر عن البلدية التي أرهقتنا اتصالاتنا بها من أجل هذا الموضوع, وفي أغلب مناطق زملكا البلد مع التذكير بأننا قادمون على صيف ولا يخفى عنكم موضوع الحشرات والأمراض والروائح التي تخلفها القمامة.

2-  أما عن الشوارع المليئة بالحفر التي تتجمع بها المياه إن كان من الأمطار أو من المحلات التي تقوم بالشطف وإراقة المياه صباحا ومساء, فلا يستطيع أحد المرور إلا وأصيب بالماء والطين من كثر النظافة.

3-  وبالنسبة لموضوع إشغال الأرصفة من قبل الباعة (في طريق زملكا البلد وعند جامع زملكا الكبير تحديدا) فحدث ولا حرج فأنت لا تستطيع السير على الرصيف نهائيا فهو ملك لأصحاب المحلات وأنت إن كنت رجل أو إمرأة أو مسن أو طفل فيمكنك السير بالشارع بين السيارات والدراجات النارية والميكروباص التي لا تسأل عن أحد, فكيف بالكم بغياب الشرطة نهائيا من هذه المنطقة , إن كان شرطة المرور أو شرطة المحافظة.

أرجوكم أيها المسؤولين في المحافظة وغيرها انظروا ولو للحظة إلى هذه المنطقة المنسية من الرقابة واعلموا أننا من البشر ولسنا من سكنة الكهوف المنسيين.

 أيمن كرم


2007-03-27 19:42:42
شاركنا على مواقع التواصل الاجتماعي:



شارك بالتعليق
اصلي زملكاني2009-01-22 17:12:52
مشاركة
واللـــه مابعرف شو بدي اكتـــب ياصحابــــــــي علا كلن شكرا لكــأ أبــــــــــــــــو خـــالـــــــد مــر مـــن هــــنـــــــــــا
سوريا
شهد2008-11-18 11:54:06
زملكا سيتي سنتر
ياريت الموضوع بوقف بس عند الزبالة والوخامة لشعبنا كان فيها ومافيها بس ياترى حدا انتبه على زملكا كبيئة وكشعب اللي بخبي حريمو وبنلصلص على الغرب وعلى المشاكل يلي كل مشكلة مابتصير بدون ضربةسكين أو تئويصة من شي منفخ من هالمنافخ ....طبعامن حرقة قلبي هالحكي انا وأهلي من المؤسيسين بزملكا صرلنا اكترمن 25سنة بزملكا يعني نعتبر من المؤسيسين للحركة الزملكاوية ....
سوريا
jawjaw2008-10-18 23:08:40
زملكا أه
ياناس حرام لي 23سنة ما شفت زملكا تربيت فيها ودرست بمدرسة زملكا الريفية( ابتدائي) أتذكر منها النهر والقبور ودمعة على الخدود فيكم تحطون صور لها أتذكر بيت العش جيرانا والبغدادي وأبو عاشور حطوا صور الله يخليكم أو ارسلو لي [email protected]
سوريا
jawjaw2008-10-18 23:05:16
زملكا أه
سوريا
deutscher mann2007-03-29 12:39:00
لك حااااااااااااااااااااااااج ارنبة احتجوا يا عرب
هي الرسالة لكل اهل زملكا او اي واحد عايش ومو عاجبو الوضع المعيشي ....سمعوا لالكم هدول جماعة البلديات اذا ما بتطلعوا بتحتجوا كللكم وما بترجعوا لبيوتكم ابل ما يصير شي ملموس هدول مو فارئة معون لطالمى هنن عايشين بزبالة ومبسوطين فما لح يصير شي ولح تشوفو شي يوم الزبالة صارة بالب بيتكم والجور لح يصيرو كيلو متر تصطفلو خليكم اعدين عم تستنوا فرج الله
مصلح2007-03-28 12:20:26
تتصحصيح
السنة الماضية كانت الرشوة ب 300 ألف يظهر في مضاربة من البلدية على عضو مجلس الشعب او نص بالنص
-ريف دمشق
زملكاني مهاجر2007-03-28 09:47:02
رسالة قصيرة
دخلكن شو أخبار جسر زملكا أكيد متل ماهو على حطة إيدي وبعدكم عم تلفو شي كيلو متر لحتى تصلوا للقوص ... والجورة الطولية بالطريق قبل مختار زملكا عثمان بعدها أكيد ، والعامود بنزلة زملكا أنا متأكد ماشالوه وماوسعوا الطريق ، وشو أخبار الريغارات أكيد متل ماهية شي طالع وشي نازل ...بالختام أشكر رؤساء البلديات للمحافظة على معالم زملكا بغيابي
-
ayman karam2007-03-28 09:36:07
شكر لأسرة سيريا نيوز
أود أن أشكر أسرة سيريانيوز لنشرها مشاركتي في هذا المقال وأرجوا من المعنيين بهذا الأمر القيام بخطوة ايجابية وعدم اهمال هذا الأمر ولكم الشكر
دمشق
من سكان زملكا2007-03-28 09:25:32
والله كل الكلام صدق وأكثر من هيك
أنا من المواطنين القاطنين بزملكا وفعلاً كل الكلام المكتوب بالمقال صحيح 100/100 وأكثر من هذا ايضاً شوف لما بيحرقوا المواطنين الحاويات لأنه البلدية مالمت القمامة منها والدخان والروائح يعني شيء لا يصدق أبداً يعني بدنا نعرف لما البلدية بتقاضى رسوم النظافة على أي أساس إذا الشواع كلهادون استثناء مافيها شارع نظيف حتى أمام البلديةذات نفسهاالحاويات مليئةبالقمامة
-دمشق
ابو عمر السوري2007-03-28 08:08:13
يظهر ما حدا عم يقرأ شكاوانا
يظهر ما حدا عم يقرأ شكاوانا من المسؤولين لأنو نشر في جريدة تشرين هذا الموضوع وأيضا شكوى عن سوق السبت لازم نستنا حتى تنملا جيوب رئيس البلدية من سوق السبت ليفضى للقمامة والحفر بدنا حدا يتبرع لرئيس البلدية شوية دم حتى يصير عندوا احساس لك صرلي سنتين بحكي معو وما عم يرد على حدا يظهر مو سائل على حدا
-بلدة زملكا المسكينة
زملكاني غيور2007-03-28 07:47:17
البلدية وما اوراك ما البلدية
اضافة فقط النظافة في زملكا حدث ولا حرج ولكن لا يخفي على الجميع المكتب الهندسي فيها بقيادة زعيم البلديةفما يهمهم ملء جيوبهم فقط فالمخالفات العمرانية ستحيل زملكا يوما قريبا الى ابنية ناطحات سحابففوق كل بناء طابق كامل مخالف يبنى تحت اشراف واعين مهنديسها ومراقبيها في ايام العطل والقبض يتم عند الانتهاء من تنفيذ طابق كامل خلال 48 ساعة والرشوة 150000 ليرة سوري
damas
زملكاني2007-03-27 23:44:05
ايمتا بدو يصير عنا
ايمت بدو يصير عنا مكاتب لتعليم القيادة مو لتدبير الشهادة مع احترامي للجميع ايمتا بدو يصير في عنا موقع ع الانترنت للبلدية والمخفر والمركز الصحي والمكتبة المحلية وجريدة محلية ونصير نمشي امورنا ببساطة مافي داعي نزل حالنا للموظف يلي هو بني ادم متلنا متلو مع احترامي للجميع وايمتا بدو يصير عنا حديقة كبيرة مو حديدوقة ان صح التعبير ...بتمنى منكم تنشروا مشاركاتي
-لندن
زملكاني2007-03-27 23:28:56
انا بحلم بانوا بلدتي زملكا تصير متل اسوأ منطقة في
الحقيقة مافي شي اسموا اسوا منطقة في بريطانيا الحكومة نظمت كل شارع وحارة ... ايمتا لح يصير عنا مكتبة محترمة وبلدية ومخفر لخدمة الشعب مو العكس ايمت بدنا نحل مشكلة مشيها ودبرها وبلاها ومرقلنا ياها بماعيتك وحلها بمعرفتك ايمتا بدنا نمنع التدخين في المحلات والدارس والجامعات ... بكل فخر صدرنا الاركيلة الى دول العالم... وايمتا ... وايمتا....؟؟؟؟؟؟؟؟؟
-لندن
زملكاني2007-03-27 23:18:41
سحارة بندورة
زملكا صارت متل سحارت البندورة لما كنت ب اجازة بالشام كان الهدم ب أول زملكا مخيف وخاصة عندما دخلتها اول مرة قادما من المطار وللحظة فكرت انو الحرب بجنوب لبنان انتقلت ل زملكا وأديش واجهت صعوبة بالمشي كل الارصفة مشغوله وياغافل الك الله مابتعرف من وين بيجيك متور مفكرين طريق زملكا رالي الله لا يسامح يلي كان السبب زملكااااا وينك وينك يازين الملك يلي تسمت بك
-لندن
زملكاني2007-03-27 23:09:58
أخ خ خ خ خ خ
كل يلي ب زملكا بيعرفوا الحاوية يلي بنص الشارع وياريت مابقيموها لانوا صارت معلم من معالم زملكا والجدير باذكر انو اليوم كنت عم اتمشى بحديقة هايد بارك ب لندن وصديقي عم يقلي لما كان يجي على زملكا كان رفيقوا يقلوا اذا طلعلك كلب بس طخي ع الارض وشغلة تانية ام جامع الحسن ارض كبيرة خصصها المواطنون للقمامة بدي افهم شيخ هل الجامع شو عم يقول للمواطنين كل يوم جمعة
-لندن