syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
ابتسم فأنت في المهاجرين
أخبار القراء

اذا حالفك الحظ فسوف تجد مكان تركن فيه سياراتك و اذا لم يحالفك الحظ فعليك بالتحلي بالصبر و الإنتظار داخل سيارتك إلى أن يأتي الفرج من الله


أشعر بالسعادة بأن معظم سكان حيي أصبح لديهم سيارات و من الطراز الفاخر و لكن المصيبة الكبرى هي عندما آتي ليلا من العمل (فارط حبي) لتبدأ رحلة المعاناة للبحث عن مكان أركن فيه سيارتي .
وفي غالب الأحيان أضطر لركنها في منطقة بعيدة وإستئجار تكسي ليوصلني للمنزل تكمن المشكلة في وجود عدد كبير من السيارات دون وجود أمكنة مخصصة لركنها بالإضافة لعمليات الحفر و الردم المستمر في المنطقة و قد أعتاد السكان على هذا المنظر الحضاري جدا حيث لا تخلو نزلة من نزلات المهاجرين المرصوفة بالحجر المرصوف وفق أدق المعايير و المقاييس الدولية حيث أن أهل المهاجرين لا يحتاجون للتسجيل في النوادي الرياضية بل يكفي بعد الغداء ركوب السيارة و النزول في نزلة الشمسية أو المسطبة و سوف يهضم الأكل تلقائيا .

كما أن جميع أهل المهاجرين متعاقدين مع المؤسسة العامة للتأمين لأن ركن السيارة قرب المنزل لا يخلو من المخاطرة فقد تستيقظ في الصباح فتجد سيارتك مأحوطة (من البوزة للبوزة) أو مكسور الستوب و قد تصل الحلات لأن تجد مرآة السيارة الجانبية مخلوعه كلها من محلها نرجو المحافظة النظر بقضيتنا ولهم جزيل الشكر و نرجو وزارة المالية تخفيض رسوم سيارات الـ 4*4 لسكان المهاجرين حصرا ولكم جزيل الشكر سيريا نيوز لإتاحة الفرصة أمام المواطنين لطرح قضاياهم و شكواهم

فادي موصللي


2007-04-09 17:03:45
شاركنا على مواقع التواصل الاجتماعي:



شارك بالتعليق
msf2010-11-25 08:52:06
حل مشكلة المرور
لا حل لمشكلة المرور الا باعادة التنظيم السكاني في المحافظات اي باعادة توزيع وزارات الدولة ونشاطاتهاعلى جميع المحافظات مما يؤدي الى احياء بقية المحافظات وكذلك الى انتقال موظقي كل وزارة مع عائلاتهم مما يخفف الضغط الهائل على العاصمةفليس من المعقول ان يكون %40من سكان سورية في العاصمة وباقي المحافظات في سبات عميق.
سوريا
Aj2007-04-11 13:58:43
ما حدا مرتاح
يعني شباب انو المطلوب من فادي يتعتر ويسكن بالطبالة وما يلاقي شغل لحتى يحقلو يشتكي , ولا الشكاوي للفقير بس ؟ كلنا سوريين فينا الفقير وفينا الوسط وفينا الغني وكل واحد همو على قدو , ولا حرام الواحد يحكي ليشوف البلد احلى .. فعلا عنا مشكلة المواقف بالبلد كارثية عالاقل لازم البلديات تمنع اي بناء بدون موقف سيارات وتبلش تبني مواقف عامة
الله حاميها
فخور بالمعرفة و العلم2007-04-11 10:03:44
إلى من لا يرون أبعد من أنفهم
لم يقل أحد في هذاالموقع بأنه يحق للمساهمين بطرح مشاكل المهاجرين دون غيره,لكن الكاتب ابن المهاجرين يطرح مشكلةمنطقته ولايحق لأحدانتقاده,فهولم يسيء لأحدفلماتسيؤون له؟؟؟أماعن مشكلة ركن السيارة,فلكل همه,ونعم هي هم كبير لمن شاءت الظروف أوغيرهاأن يسكن في منطقةمكتظةوغيرمدروسةوهي ليست بجحد للنعمة,لكن هل تعلمون على الأقل كم من الوقوديهدر لمجردالبحث عن موقف
يرجى النشر مع جزيل الشكر لجهودكم
دمشقية2007-04-11 09:21:55
دمشق
عني بدي علق على الاخ المغترب اللي عم يقترح تنحط ماكينات نقود للبارك يعني هذا اسخف اقتراح سمعته مو بس حضرتك المغترب فيه غيرك ايضا شايف الدنيا اولا هذه الماكينات لا توضع ابدا في اماكن سكنية الا اذا كانت الست البلدية مؤمنة مواقف للسكان وهذا طبعا غير وارد في دمشق لانها اصلا مبنية على اساس عدد سكان محدود و ليس لكل سكان سوريا زائداللاجئين بالمليون بالاضافة
-
ناصر المحافظ منصور2007-04-11 09:01:17
والله حيرتوا هالمحافظ
بصراحة شعب كله فهمانين وحكايين وبيلبق لهم الديمقراطية ، بيجي المحافظ ليحل أزمة الإزدحام والمواقف بيقلوا له بلدنا وقديمنا وآثارنا وضراب السخن تبعنا ...بيترك لكم الشوارع والبيوت بيقولوا إزدحام وسيارات وتلوث ... الحل لازم ينفهم بكل وضوح وشفافية وصلت الحالة لحدها يجب التأقلم مع وضع يسمح بهد بعض الأبنية لبناء مواقف للسيارات وتعويض المتضررين وبس .
-
kamal2007-04-11 08:17:10
قاتلين حالهم
المشكلة أنه رغم هذه الزحمة وصعوبة المواصلات تجد الناس قاتلين حالهم للسكن هناك والله أنا أجد منطقة المهاجرين لا تصلح للسكن فهي جغرافياً لا تصلح من ناحية الأخطار الزلزالية وصعوبة وصول سيارة اسعاف واستحالة وصول سيارة اطفاء واذا أردت سيارة أجرة عليك النزول للشارع العام الوحيد الذي يخدم كل هذه البيوت فاختر بيتك بذكاء قبل أن تطلب حلول مستحيلة.
-سوريا
مغترب يحب بلده2007-04-10 23:11:09
هادا شي منو كتير
يعني لو عنا حكومة وناس بتفكر كانوا حسنوا موضوع البارك للسيارة ولكن الناس صاروا يحطو سيارتهن على الأرصفة ومافي مين يحاسبهم ولو كان في بلدية تضع ساعات بالفلوس لركن السيارات أمام المباني لكن وجدت مكان لتركن فيه سيارتك وبهيك بتكون الحكومة أستفادت من جهة وتم تنظيم الشارع من أخرى لكن المسؤولين عندهم مكان وحدا بيغسل لهم سيارتهم أما العامة ؟؟؟؟؟؟؟؟؟؟؟؟؟؟؟؟؟؟؟؟؟
سويسرا
القملون2007-04-10 22:45:00
دخيلك انت ومشكلتك !!!!
عنجد حرام تنشر هيك مشكلة في هالموقع الي بجنن وبيرفع الراس! يعني شي سيارتك الفخمة وشي بالمهاجرين وشي الاندية ومابعرفو شو يعني فهمنا انو معك مصاري وعندك سيارة لاء قال شو بدو تخفيض ضرايب على ال 4باي4 هههههههه اييييه الله يرحم جدك على كل حالك هي حريتك بنشر مشكلتك وبقترح اذا شايفك حالك مصاريتك كتار تروح تبيع سيارتك وصير روح ورجاع وين مابدك بالتاكسي شكرا
-من الشام
aksvc2007-04-10 17:29:28
كفاكم ظلما
إخوتي الكرام, أود الإشارة إلى أن النقدالهادم المستمر لا يجدي نفعا و رغم ذلك نجد البعض لا يزال (يتمسخر) احمدوا الله على بيوتكم و تذكروا الفقراء والمساكين, وكما نظرتم إلى المساوئ, فانظروا إلى المحاسن , و السلام عليكم
-Syria
محمد / مرة أخرى2007-04-10 15:29:50
الرجاء عدم الخروج عن الموضوع
أيها الأخوة الأعزاء..كاتب المقال غايته الإشارة إلى وجود مشكلة في ركن السيارات و ليس معالجة موضوع عدم توفر سيارة مع شريحة كبيرة من مجتمعنا الكريم.. فلا ضرورة من الإقلال بشأن الموضوع و ليس كل من عنده سيارة غنياالعكس بالعكس.أتمنى أن يزداد ازهار بلدنا الغالي و يصبح مع كل مواطن سيارة و منزلا مريحا و بالتفاؤل و العمل الدؤوب نحقق ما نصبو إليه جميعا
-
Mezo2007-04-10 14:13:03
كان يا ما كان
كان يا ما كان بالاصل انسان وعايش بها الزمان ولكن متل الحـ****** سيدي الحمد لله يلي عنده سيارة او ما عنده بس مشكلتكم اكبر من انه تنحل بمقالة وا تنشرح بكتاب ... الله يفرج على البلد
-طافشستان
واحد كان فقير2007-04-10 13:53:56
ما حدا مرتاح
لاحظت إنو البعض مو قدران يشتري سيارة وساكن بمنطقة تعبانة أكتر من المهاجرين ومعتقد إنو إذ اشتر سيارة أو سكن بحي راقي رح تنحل مشكلتو، والله يا أصدقائي أنا كنت متلكن ببكي عالرغيف واشتغلت 11 سنة لحتى اشتريت سيار لادا نص عمر وفكرت إنو مشكلتي مع المواصلات انحلت وعانيت الأمرين لحتى صرت أعرف سوق بين المكاري والتكاسي بس الله وكيلكن نص مشاويري صايرة مشي أو بتكسي
-سوريا
مسكين2007-04-10 12:27:05
عائلة فقيرة
تذكرت قصة عائلة مسكينة فقيرة الأب فقير والأم فقيرة والأولاد فقراء والطباخ الذي في الفيلا فقير والخدم فقراء والحارس فقير والسائقين الخاصين بهم فقيراء وحتى عمال الحديقة الخاصة بالمنزل فقراء ، بل حتى كلاب الحراسة لديهم نحيلين... الصراحة قصتهم حزينة جدا.
-حارة كل مين إيدو إلو
دمشقية2007-04-10 12:31:06
دمشق
يعني مشكلة مدينة دمشق كلها و ليست المهاجرين فقط تعال شوف انا ساكنة في عين الكرش و لا اجد صفة للسيارة في كل المنطقة و معظم اللي بيصفوا ليسوا من سكان المنطقة لقربها من الوسط التجاري لذلك معظم من يصف من التجار و رجال الاعمال اللي مكاتبهم قريبة من المنطقة ادامهم الله و ادام عزهم و سياراتهم ما عادواتركوا لنا لا صفة ورزقة
-
فهمان2007-04-10 11:53:23
حل لكل تعبان
ببشركم وبعد صدور قانون الضواحي بأن المشكلة في طريقها للحل ... بالمدن المتحضرة يكون الشغل بالمدينة والسكن بالضواحي فلنتعاون سوية لحل مأساة دمشق بأن نفرغها رويدا رويدا وليجد كل منا مسكنا له في ضواحيها التي أرجو أن ترقى للسويات العللا ... ودمتم.
-سوريا
محمد2007-04-10 10:52:55
أحلى مهاجرين
أشارك كاتب المقال الكريم بكل ما قال عن وصف الحالة وأنا شخصياًأعاني المعاناة الكبيرة يومياً في ركن السيارة،و مازال البناء الجديد من دون مرآب.أما لماذا نقطن المهاجرين فلا أحد يمكن أن يجيب إلا إذا كان قد سكنها لأن من يسكنها لا يتركها و لكن مشكلة السيارة أصبحت كبيرة.و مشكلة رصف النزلات كلام آخر و إن شاء الله ستتكسر سياراتنا عليها و لن يتجاوب أحد معنا للحل
-المهاجرين .دمشق سورية
همام2007-04-10 10:05:24
لماذا الشدة يارسول الله
الله يعين الذي اشترى منزل بالمهاجرين الملوثة بيئيا في الغلاء العابر لان سوق العقارات بهذه المنطقة جمد حتى الموت لا هواء نقي ازدحام ضجيج لا مكان لوضع السيارة غلاء بأسعار الاغذية أكثر من الضعف عن السوق لا وجائب للابنية والقلة الموجودة فيها اصبحت محلات مخالفة والله كأن الناس يعيشون في قنينة مغلقة والمكاتب العقارية تغزو الشوارع تلعب بالشاري والبائع
-سورية
قلبي معك أبو الفدا2007-04-10 10:04:55
شوف حدو شو بدو
ياحرام ياسيد فادي ساكن بالمهاجرين وعندك سيارة والله فاتحهاعليك(اللهم لاحسد) ومو قدران تبتسم؟ لو أنك ساكن بالدحاديل أو بنهر عيشة أو بالطبالة وكنت من أصحاب الدخل المهدود أكيد كانت وصلت ضحكتك من أدنك اليسار لأدنك اليمين. بحب طمنك أن الشعب السوري بأكمله متعاطف معك وماعم ينام الليل مشان يلاقي حل لمشكلة سيارتك المظلومة مشان نعيش بتبات ونبات ونجيب صبيان وبنات.
-المناطق المنكوبة
عمران2007-04-10 09:55:53
وجدتها وجدتها وجدتها
ليش كل الناس ملزوقة بهذه المنطقة الملوثة بيئيا من الدخان المسرطن كل واحد سعر بيتة يشتري فيه فلل بالريف ومراب سيارات وسائق وخادمة وسبب انحباس الناس بهذه الزحمة هي تخلف حضاري واجتماعي والله بهذا الضجيج والدخان لا يساوي ثمن المنزل ربع ثمنه الحالي لكن الذي ساهم بهذا الوضع مصاصي دماء الشعب هم المكاتب العقارية الذي جعلوا من البحر طحينة وعملوا عراضة للنصب
-سورية
احمد العلي2007-04-10 09:44:53
كل بناء جديد مرأب
يعني مو اختراع انو كل المحافظينبكل المحافظات يصدروا تعليمات انو مافي بناء يطلع بدون مايكون في الها مرأب للسيارات ويعرضوا الشوارع شوي على حساب البناء وبدون مايتفزلكو ويطالعوا شروط لحتى يصير المرأب كأن يتعلق بالمساحة الكل يعني الكل لانوا ماشاء الله ماشطرهن بالاستسناءات
tartousy
فخور بالمعرفة و العلم2007-04-10 09:17:14
إلى سكان المهاجرين
مشكلة ركن السيارات بالمهاجرين يمكن حلهافوراُ بمنع أصحاب الباصات وخصوصاُ الهوبهوب وسيارات الشحن والميكروباصات من ركن آلياتهم أمام بيوتهم,بل في كراجات خاصة خارج المهاجرين2)القليل من الذوق من أصحاب السيارات بأن يحسبواحساب الغير عندمايركنوا سياراتهم 3)وأخيراُ العمل على إنشاء لجنة تمثل أصحاب السيارات من أهل المهاجرين تخطط لأنشاء مواقف خاصة لكل جادة
ما بحك جلدك متل ضفرك
huseen2007-04-10 08:45:43
me
احلي شي انو المواطن متفائل ولسا عم يطلب من الحكومة تحللو مشاكلو ,يعني شوي تانية رح سدء انو عنا حكومة , شو درويش هالعالم , ولك لا إيمتى بدكن تضللو هيك ؟
-somewhere
ابن البلد2007-04-10 08:14:49
سورية
لك احتارت البلد والله حيرها لك اذا مافي سيارات بتقولوا بدنا سيارات واذا في سيارات بتقولو صار بدنا مصفات الله يرحم جدي وجدك
-سورية
عبد الكريم2007-04-10 07:12:09
يا سيد فادي الحل قريب بعد التنظيم الجديد
اما تهدم الابنية طرفكم او الطرف الاخر وسيكون هناك مواقف سيارات لاجل راحتكم يا اهل المهاجرين ,يا عمي طول عمركم ساكنين بهل عجقه ليش التزمر الان!؟
-سوريا
ظافر القطب2007-04-10 06:23:02
حل جزئي واسعافي بس ياريت فيه مين يسمع
الحل لازم يبدأ من البلدية 1:رسم أمكنة وقوف السيارات بالدهان على الأرض ومنع تجاوز الخطوط المرسومة بغرامةكبيرة حتى لا يكون الوقوف عشوائي ولا تأخذسيارة محل سياتين 2:منح الأقضلية لسيارات القاطنين لكل حي بحيهم بحيث يتم تسجيل سيارة واحدة لكل بيت ويتم فتح سجل لدى البلدية بذلك ومنح الافضلية لكبار السن والعجزة 3: متابعة ودراسة ماسبق من لجنةالحي والمرور
syria
انا2007-04-10 01:39:13
الحل بسيط
بسيطة خيو ، يا بيع سيارتك ، يا اما بيع بيتك وتروك المهاجرين
-المهاجرين
المحارب2007-04-10 01:20:09
المحارب
انا ساكن بمنطقة مزة قيلات متصلة عنا بتصير حروب على صفة السيارات ماعدا الزمامير الليلية عفوا الصباحية الساعة 2-3 صباحا وخليها لربكم شوربا الحكاية الواحد اذا عندو سيارتين بيصفون فوق بعضن اذا لقى محل واااااااااااخ ارجو انو تشوفولنا حل لهل المشكلة لانها عنجد شي بيضحك في سيارة بس مافي مطرح تنصف
-حرب النأيفات
أبو عامر2007-04-09 23:19:30
الحمد لله
والله يا فادي الحمد لله أنا خلصت من هالمشكلة من شي 10 سنين تركت المهاجرين ال.... وسكنت بالمشروع دخيل ربو ما أحلاه أذا بدك في عنا أماكن زيادة لتصف السيارة
-سوريا
ابو محمود2007-04-09 23:00:17
حول عل زبداني
ياخ فادي اسرع حل منشات نشكلتك انو تروح تسكن بالزبداني وهك ما بتعود بتعاني لا من مواقف السيارة و لا من اخذ التكاسي وبنفس الوقت بتضل مصيف على طول السنة
-سوريا
مواطنة2007-04-09 22:57:04
شو هالحكي
الله يجعلها أكبر المصايب ساكن بالمهاجرين وعندو سيارة ومو عاجبو لك لازم تشكر ربك الصبح والمسا
-سوريا
ايمانويلا2007-04-09 22:09:54
مرحبا
اذا لم تبتسم لأنك في المهاجرين فأين ستبتسم ......؟؟ في قدسيا مثلا............
سوريا
عاصم2007-04-09 21:56:35
القوانين ليست قاصرة
سياسة رمي السيارات في الشوارع مدروسة وذلك حتى تستفيد الشرطة والبلدية من شكاوى الناس الباصات والشاحنات وسيارات مكاتب البيع وصهاريج المازوت كلها ملحوشة على الأرصفة. من يطبق القانون, وعلى من؟ خلف الحدائق في شارع برنية, تعال وشوف صهاريج بحالها عديدة عاملة لحالها مرائب وعلى عيونك يا تاجر
-سوريا
سارة -- بنت العزة بنت الكرامة بنت سوريا الاسد2007-04-09 20:36:04
عنجد ابتسم لانك في المهاجرين
ياعزيزي يلي بدو يسكن بلمهاجري بدو يدفع ضريبة فا لاتعذب حالك لاتنده مافي حدا هون----الله يسامحك نزلك حارتين بوعدك مارح تعاني في مين يصفلك سيارتك )لك ااااااااااخ انا سوري اه واه واه يانيالي
-وطني لم ولن تتسع له الدنيا
معتز2007-04-09 19:24:11
المحافظة سبب المشكلة
انااسكن في المهاجرين والحق على المحافظ اللى سمح للمقاولين ببناء المباني بدون مواقف لكي يكسب المقاول الضعف وتشتغل الرشوة والمواطن يبكى على موقف
السعودية
سنفور غضبان2007-04-09 18:12:11
مشكلة كبيرة
فعلاً مشكلة كبيرة فأنا اضطر أحياناً للإنتظار أكثر من ساعة كاملة حتى أجد مكان لوضع السيارة فيه و أحياناً أتركها على طريق السكة مع أن بيتي في الجادة الثانية و كثيراً ما استغني عن الذهاب بالسيارة خوفاً من استحالة العودة و البحث عن مكان جديد ،عند الساعة الثانية 12 ليلاً تظهر المهاجرين بجاداتها و حاراتها و أرصفتها و كأنها تجمع لسيارات دمشق كلها
Syria
moh0052007-04-09 18:01:06
والله مظبووووووووووووط
من اسبوع صار عنا سيارة وصار هم صفهابراودني اول مابطلع من شغلي لاء والاحلى بس اطلع بطلعة شورى مهاجريني وعم اسي مثلك
sulaiman2007-04-09 17:36:42
NORMAL
its happen my dear desnt matter becasus the map of damascus must be first floor 4 parking not 4 living u have to ask the mayor of minceuplity if u found him its great syria .
-usa